ليه لما الرجالة بيكون معاهم فلوس بيكونوا عايزين يتجوزوا تاني على مراتهم الأولى بل اي معظمهم بينفذ الرغبة دي ومعظمهم بيسميها جوازة لله
وهو بيكون سبب دمار بيته الأول وزوجته وأولاده وبيندم بعدها
أنا لا أعترض على حكم الله
ولكن هذا من واقع شفته واريد تفسير او وجهة نظر لان انهاردة دا تاني مرة اشوف الموقف دا قدامي وانا والدي من برضو اتجوز على والدتي من زمان ودخلنا في معاناة كبيرة ومشاكل
احم السلام عليكم ورحمة الله وبركاته انا بنت وفاهمه وحاسه انتي بتقولي اي تقدم لي شاب متزوج ومعه بنت رفضته ونحسبه علي خير بل كما يقال هو حلمي كل ما تمنيته في الزواج تمثل في هذا الشخص تقدم مره ورفضت تقدم ما يقرب من الخمسين مره في جلساته العديده معي علي ان الله احل الشرع اقتنعت حقا ان كل هذى بسبب تعلق الزوجه بزوجها تعلق مرضي فلا تقبل ان يشاركها فيها غيره انا لا أقبل ان يمس احدهم أشيائي فما بالك بزوجي لكن الامر يا جميلتي ابسط من ذالك فان أراد الزواج علي ان يعدل بيننا فليتزوج اعرف امر محرق للقلب ويضيقه لكن الانسان يتقبل هذا ويسجد لله ويقترب هذه فطره الله في الرجال وان كان زوجي سيفعل معصيه علي ان يتزوج فليتزوج ولا يعصي الله استطيع ان اتحمل الم غيرتي لكني لت اتحمل عليه نار جهنم لا تقتربي كل الاقتراب من إنسان فتدمري حياتك بل خذي الامر ببساطه المرأه تعلق حياتها كامله علي الزوج واري من وجهه نظري انه خطأ بل له حبي واحترامي وثقه علي ان لا انظر لغيره ابدا واعلمي يا جميلتي ان الرجل يكتفي بواحده في الاغلب الا من رحم ربي فان كنتي له خير السكن كان لك خير الامان وهذا شرع الله لا تنسي وما عليناالا ان نقول سمعنا واطعنا فقك نقطه
تم النشر السبت، ٧ مارس ٢٠٢٦
أنا رأي الصراحة انها بتختلف من راجل لآخر يعني مش كل راجل معاه ثروة او فلوس كتير شرط انه يتجوز اكتر من ست في رجالة كتير مكتفيين بزوجة واحدة فقط ، لكن بالنسبة للأنواع اللي بتتجوز تاني بيبقوا على حسب:فيه نوع كويس و ملتزم دينيآ اوي ويقول طالما الراجل محلل ليه اربع زوجات وأنا راجل مقتدر بزيادة يبقى اتزوج تاني عشان اقدر اعف اكبر قدر من النساء الغير مقتدرات حتى ولو فيه من النساء واحدة عقيمة مثلاً بيعتبروها بأختصار كده خير هما بيعملوه. وفيه تاني بيحب كثرة الاطفال مش مجرد اتنين او اربعة أنا في راجل من دول اعرفه مخلف عشرة ما شاء الله يعني بالنسبالهم الخلفة الكتير هي السبب عند دول وهو راجل كده كده مقتدر فبالتالي قادر يصرف على كل دول. وفي بقى نوع تالت كده استغفر الله منه بيبقى طفس مش مالي عينه واحدة بس وبيتلكك على اي مشكلة مع مراته الاولانية عشان يتجوز التانية في التالتة في الرابعة نظام جعفر العمده يعني و دايما اما تقعدي مع حد منهم هيقولك أنا معايا فلوس و مش بعمل حاجة غلط وأنا حر و من بعدها بقى نسمع بزيادة عن الطلاق والخلع و كيد الزوجات وكل الحبشتكنات دي.
تم النشر السبت، ٧ مارس ٢٠٢٦
أهلاً بكِ يا عزيزتي، أشعر بألمكِ تمامًا، خاصة مع تجربة والديكِ اللي خلقتِ معاناة كبيرة لكِ ولأسرتكِ. ده موقف مؤلم جدًا، ومش غريب إنكِ تشوفيه مرة تانية دلوقتي – كتير من النساء بيمرّوا بنفس الشعور. خليني أشارككِ وجهة نظري كمدربة حياة وخبيرة نفسية، مع الالتزام بحكم الله اللي مش بتعترضي عليه. ليه بيحصل كده؟ من الناحية النفسية والاجتماعية : الرجل لما ينجح ماديًا، غالبًا بيزيد عنده الثقة الزائدة (الـ"نرجسية" شوية)، ويحس إنه "يقدر" على تغيير حياته. الروتين الزوجي بيصير ممل، والرغبة في "الجديد" (الإثارة أو الشباب) بتسيطر، خاصة لو في ضغوط خارجية زي الضحك من الأصحاب أو تأثير الإعلام. كتير بيسموه "جوازة لله" عشان يهدّي ضميرهم، بس ده تبرير للشهوة أو الغرور. والندم بعدين بيجي لما يشوفوا الدمار: مشاكل نفسية للزوجة الأولى (اكتئاب، غيرة)، صراعات مع الأولاد، وانهيار مالي أو عائلي. من منظور إسلامي : التعدد حلال بشرط العدل التام في النفقة، الوقت، والمبيت. معظم الرجال مش قادرين، فبتحصل المعاناة دي. مش كل راجل ملزم يتجوز تاني؛ ده اختيار شخصي، وغالباً بيكون خطأ لو مفيش حاجة للعدل. نصيحة عملية لكِ وللي في موقفكِ: ركّزي على نفسكِ وقوتكِ : ابني استقلاليتكِ المالية والعاطفية (تعلمي مهارة جديدة، طوري هوايات). ده هيحميكِ من الانهيار. التواصل الهادئ : لو الزوجة الأولى عايزة تناقش، خليها تتكلم معاه بصدق عن مخاوفها، بس بدون عتاب – ركّزي على "إحنا بنحتاجكَ" مش "أنتَ بتدمّرنا". الدعاء والصبر : . أنتِ قوية إنكِ بتشوفي الواقع بعيون مفتوحة، وده خطوة لتجنب التكرار في حياتكِ. لو عايزة نقاش أعمق أو دعم شخصي، ابحثي في فدني عن أسئلة مشابهة هتلاقي إجابات كتيرة، أو زوري صفحة الخبراء https://www.fedni.net/experts – فيه متخصصين في الاستشارات الأسرية والنفسية هيفهموكِ أكتر. ربنا يعوّضكِ خير ويثبّت قلبكِ ❤️. إيه رأيكِ في ده كله؟
تم النشر الجمعة، ٦ مارس ٢٠٢٦
@Dr.Mustafa Amin يعني معلش هو الزوج ده كامل ؟ مش مخلي مراته محتاجة اي حاجة في الدنيا ومكفيها عاطفيا ونفسيا. ولا الاسهل انه يروح يدور على حياة جديده وبعيش حياته ويركن الأولى دي على جمب وممكن اصلا هو اللي يكون ناقص في كل حاجة ومراته مستحمله. انا مش ضد التعدد ده شرع ربنا مقدرش اقول عنه حاجة بس ضد ان الراجل اللي بيهرب من مشاكله من مراته الأولى ويروح يتجوز بعدها يركن الأولى اللي استحملته طول السنين اللي فاتت على جمب ده ظلم الصراحة وربنا مش بيقبل بالظلم.
تم النشر الاثنين، ٩ مارس ٢٠٢٦
الرجل بفطرته يحب التعدد حتي لو مقالش كدة بس دى الحقيقة. ف اول ما يكون معه مال هيفكر في نفسه ويتبسط ف بيتجوز. ممكن بقي تقصير من زوجته الاولى او لو مفيش تقصير هو حابب شئ جديد في حياته
تم النشر الأحد، ٨ مارس ٢٠٢٦
ما هو للاسف بيفكر كدا وعايزة يبقي معاه كل مميزات الستات الجميلة والانيقة والحنينة والمسئولة والهادية والعاقلة والرزينة والفرفوشة واللي بتعرف تطبخ واللي عقلها كبير اوقات وطفلة اوقات واللي تجبله اولاد وتجبله بنات واللي مش بتتعب ولو تعبت متشتكيش ولو الست مفيهاش كل دا يروح يجيب واحدة تانية تكمل الصفات الناقصة -بس عمر الراجل سأل نفسه هل انا زوج كويس محتوي بيتي ومراتي هل انا حنين معاها ؟ هل انا الزوج اللي كانت بتتمناه ؟للاسف مش بيعمل كدا وفي الاغلب الرجالة بتفكر في نفسها وبس مش بتفكر لا في الانسانة اللي معاه ولا اولاده ونفسياتهم كل اللي بيفكر فيه انا عايز ابقي مبسوط والباقي يولع المهم انا مظنش التانية هتيجي تكمل نقص الاولي هتجي تكمل نقصه هو دا لو اكتمل @Dr.Mustafa Amin
تم النشر الاثنين، ٩ مارس ٢٠٢٦
@Dr.Mustafa Amin لان الاولى لو كانت قصرت كان جاب واحدة أحسن منها صح؟ منطقي جدا ولكن مش دا الي حصل! انا بكلم حضرتك من واقع بيتي والي شوفته قدام عيني معرفش الناس التانية ظروفهم اي ولكن لما والدي اتجوز على والدتي جاب واحدة محتاجة حد يخدمها اصلا! وهي جاية تحت مسمى " جوازة لله"
تم النشر الاثنين، ٩ مارس ٢٠٢٦
ليه مقولتيش مش ممكن شايف التانية هتيجي هتكمل ال ناقص من الاولي
تم النشر الأحد، ٨ مارس ٢٠٢٦
بصراحة مش عارفة الرجالة بتفكر ازاي في الموضوع دا بالذات انهم مش ماسكين في الدين كله غير في حته مثني وثلاث ورباع وللذكر مثل حظ الانثيين (ويكفي ان ربنا قال كدا واحنا راضيين ب امر ربنا )بس برضو يمكن الزوجة الاولي متكونش مريحاه او بتعصيه او بينهم مشاكل او متسلطة وهو مستحرم يطلقها علشان اولاده ف بيروح يتجوز تاني ودا بصراحة يبقي معاه حق وفي زوجات مؤمنات وعارفة ان ربنا محلل دا ف عادي بالنسبالها انه يتزوج تاني -لكن لما بفكر في الموضوع دا بحس ان دا من اسباب ان ربنا حلل الطلاق في نساء مش هتقدر تتحمل ف بتفضل الطلاق والله اعلم بس انا كبنت بالنسبالي الموضوع صعب عليا ك ابنه ولو كنت زوجة كمان بالذات لو انا كزوجة عاملة كل اللي عليا وك ابنه اني اشوف امي بيحصل فيها كدا
تم النشر السبت، ٧ مارس ٢٠٢٦
@Sabah Mostafa وفي حالة عدم العدل "فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا" هنا يبقى على الرجل إثم إنه معدلش بين زوجاته، بس الزوجة برضو من مصلحتها إن البيت يظل قائم لأولادها إلا بقى لو مفيش حل إلا الإنفصال
تم النشر السبت، ٧ مارس ٢٠٢٦
ولو حاول ان يعدل قد تكون فترة وجيزة بين 3 ال 5 ايام اما ان يكون في حالة خصام مع الزوجة الاولى او في حالة خصام مع الزوجة التانية انا اكتر حاجة ضايقتني اني مش عايزة حد يمر بنفس الي مريت بيه وانا صغيرة لان الموقف دا تكرر قدامي انهاردة والأطفال صغار يا عيني ولكن لله الأمر وربنا يصلحهم ويصلحنا جميعا
تم النشر السبت، ٧ مارس ٢٠٢٦
كلام حضرتك صحيح ولا اعتراض عليه ولكن المشكلة انه لا يعدل!
تم النشر السبت، ٧ مارس ٢٠٢٦
هو مادام الله حلله فهو أمر لن يأتي بضرر، المشكلة مش في تشريع التعدد المشكلة في تطبيقه، وهنا العلة بتكون إما الزوج بإنه مبيدلش بين زوجاته، او في الزوجة انها مش عارفة تتقبل شرع الله و حكمه وأن الله خلق الرجل ميقدرش يكتفي بواحدة وفيه رجالة فعلا ممكن تقع في الزنا لو متجوزوش تاني، فإن كان الراجل عادل بين زوجاته فمفيش أي مبرر يخلي الزوجة الأولى تدمر بيتها وأولادها عشان خاطر هو تزوج زوجة تانية، هي مش خيانة ولكن الراجل ربنا خلقه يقدر قلبه يسع واحدة و٢و٣و٤ فإن كان الراجل عادل والزوجة متقبلة الموضوع فالبيت هيقوم ومش هيتخرب إن شاء الله بس
تم النشر السبت، ٧ مارس ٢٠٢٦
لعرض السؤال في فدني اضغط هنا