انا فى تالته ثانوي و مراكمه الانجلش كلو و المس اللي بروح عندها وصلت ليونت 5 ومش عارفه اعمل اي؟
أنا متفهم قلقك و خوفك من أنك تفضلي متأخرة على طول أو كمان فكرة أنك متاخرة جامد عن المدرسة مخلياكي خايفة اكتر، بس أحب اعرفك مفيش داعي للقلق نهائي أحنا لسا فيها زي ما بيقولوا. # خلينا نقسم كل وحده سوا يلا؟ يلا بينا، كل وحده فيها الاتي كلمات، جرامر، جزء قراءة، و ممكن جزء قصة و اسئلة على كل حاجة. كده قسمنا الوحدة و عرفنا معانا إى في كل وحده، نيجي بقى في هنعمل إى علشان نبدأ نجمع اللي فات. # طبعاً مش هقولك ركزي على القديم و سيبك من الجديد ده مش صح، طيب هقولك إى؟ ركزي معايا، ممكن تعملي الأتي: ممكن تقسمي الوحده على الحصة الأسبوعية على الاسبوع، مثلاً المُدرسة ادتك واحده في الحصة ذاكري نص الوحده بحيث أنك مثلاً تحفظي الكلمات القديمة و تحلي عليها و تاخدي الجرامر القديم معاها و تحلي عليه، و تاغدي القصة و الكلمات الجديدة و تحلي عليهم، طبعاً ده كله في اسبوع واحدة قسمية بالشكل اللي يعجبك. يفضل حفظ الكلمات بالورقة و القلم (انزلي بيها عواميد و افضلي رددي الكلمة بصوت عالي علشان تعرفي تحفظيها كويس بمعناها و نطقها) بعد الاستمرار على ده لمدة زي شهرين او شهر هتلاقي الكلام بيتكرر أصلاً و هتلحقي المُدرسة ولا كأن حاجة حصلت، بس أهم حاجة تحاولي تنزلي إى تعليقات جانبية ممكن تأثر عليكي في خلال الفترة دي. ملحوظة أنا قولت تقسميها علشان متاثرش في مذاكرتك لبقية المواد، ده غير التقسيمة بتاعتي بشكل عام تقدري تعملي تقسمي تاني عادي. حاجة اخيره، الانجليزي من أسهل اللغات الاجنبية و وكمان من اللغات اللي من المفروض تكوني كويسة فيها لأنه لغه عالمية و لو روحتي تشتغلي في إى مكان أو حتى سافرتي إى دولة هتقدري تتواصلي معاهم بالانجليزي عادي، و كمان أنتي أصلاً عربية و احنا العرب احسن ناس بتتكلم لغات أصلاً و في مننا اللي بيتكلم احسن من اهل اللغة ذات نفسهم. هسيبلك صور تحت ممكن تفيدك أو تشرح كلامي بشكل أفضل. بالتوفيق إن شاء الله. أتمنى يكون في إفادة...
تم النشر الأحد، ١١ أكتوبر ٢٠٢٦
بصي هاتي كل اسبوع يونتين خلصي كلماتهم وافهمي الجرامر كويس وحلي عليهم من كتاب التدريبات ولو في قاعدة صعبة استعاني بفيديو قصير على اليوتيوب هتحل الدنيا وما تضيقيش نفسك بالارتباك وخلي لكي وقت محدد كل يوم تخلصي فيه جزء من القديم مع الجديد عشان تلحقي المس وتخلصي المنهج في ميعاده من غير صعوبه .. وبالتوفيق لك
تم النشر الأحد، ١١ أكتوبر ٢٠٢٦
أولاً، أنا فاهمة تمامًا شعورك يا عزيزتي. الضغط في الثانوية العامة كبير، وتراكم المواد بيخلي الواحدة تحس إنها غارقة، خاصة مع الإنجليزي اللي بيحتاج تركيز مستمر. ده طبيعي في مرحلتك، ومش لوحدك اللي بتمري بكده. خلينا نركز على خطوات عملية تساعدك تتعاملي مع التراكم بدون ما تزيدي الضغط على نفسك. ابدئي بتقييم الوضع بهدوء: اكتبي الوحدات اللي فاتتك (من 1 لـ4) وقسميها إلى أجزاء صغيرة، مثل درس أو تمرينين يوميًا. ركزي على الوحدات الأساسية اللي بتظهر في الامتحانات، واستخدمي ملخصات أو فيديوهات تعليمية قصيرة لتسريع الفهم. حاولي تخصيص ساعتين يوميًا للإنجليزي، واجمعي بين مراجعة التراكم واللحاق بالمدرسة (اليونت 5). لو المدرسة بتشرح بسرعة، اسأليها عن أهم النقاط أو اطلبي منها نصائح للطلاب المتأخرين. كمان، رتبي أولوياتك مع باقي المواد عشان ما تتراكمي أكتر. ضعي جدول أسبوعي واقعي يشمل راحة قصيرة بين الجلسات، وتذكري إن الجهد المستمر أفضل من الكمال. توكلي على الله وادعي بالتيسير، فالإسلام يشجعنا على الأخذ بالأسباب مع الاعتماد عليه. لو حسيتي بالإحباط، تذكري إن كتير من الطالبات نجحن بعد تراكم مشابه بفضل التنظيم. ابحثي عن أسئلة مشابهة على فدني للحصول على آراء إضافية من طالبات أخريات. أنتِ قادرة، وهتتجاوزي ده خطوة بخطوة. لو عايزة تفاصيل أكتر عن خطة دراسية، قوليلي.
تم النشر السبت، ١٠ أكتوبر ٢٠٢٦
انا بحب يبقى في منافسين قصادي عشان اتشجع
تم النشر الأحد، ١١ أكتوبر ٢٠٢٦
انا تانية ومراكمه زيك بالظبط والله ولسه بادئه امبارح ليا تاني يوم انهارده بس المهم انك حاولي تهدي اعصابك وبلاش توتر ومتفكريش في النتيجة والله حاسة بيكي لاني في نفس الوضع ده وصلي واستعيني بربنا وإن شاء الله تحققي حلمك
تم النشر الأحد، ١١ أكتوبر ٢٠٢٦
لعرض السؤال في فدني اضغط هنا