انا متجوزه بقالى سنه ..اكتشفت ان جوزى بيخوني خيانات بشعه م مجرد شات او مكالمه مع واحده لا دا كان عامل اكونت فيك و بيصوروا عوراتهم لبعض و غيره و ساعتها كان مقصر معايا مكنش الشخص اللى متجوزاه مكنش بيقعد معايا كتير ..على طول خناق ..مبيقولش كلمه حلوه غير نادرًا ؛ انا مكنتش استاهل منه كدا لانه كان ببخوني مع واحده سودانيه متجوزه ومعاها اطفال وكانت بتبعتله صورها عريانه و بيتكلمو فيديو كول بيعملو حاجات اباحيه و للاسف مكنت دى بس لا دا فى كذا واحده تاني
و المفروض اننا ازهريين و أهلنا احنا الاتنين ملتزمين و انا وهو خاتمين القرآن ...
قعدت افكر ليه خاني ؟ مش عارفه اوصل لسبب غير انه ننص لكن مش قادره استوعب ان دا الشخص اللى كنت بحبه عمل فيا كدا ولما واجتهه قعد يضربني و جاب امه و امى و قعد يقول انى بكذب و انا مقدرتش اتكلم من العياط مقدرتش اعمل حاجه غير انى اوريهم ضربه ليا ؛ امه سابت كل دا و بتتكلم فى غدا واني المفروض اعمل غدا و عملت غدا و مكنش عاجبها وعترضت على الغدا و سابت اللى ابنها عمله فيا ..
حرفيا بيضربني ضرب مميت و نبرح و الطلاق مش حل لان امى بتضغطني جامد وكمان امى و بابا منفصلين ف بتفضل تقولى انا مش عوزاكى لو اتطلقتى و انتي ابوكي راميكي و هكذا...
على حين اخر انا اتخانت اول سنه جواز بعد تانب ٦ شهور على طول و انا لسه صغير ٢١ سنه متعلمه مش جاهله و هو واخدني عن حب و مش نكديه
انا مكتشفه خيانته ليا من ٤ شهور فى وقت خيانته كان مفهمني اننا مأجلين الحمل عشان نبقى مستعدين بس اكتشفت عشان يعرف يخون براحته و كان بينام ف اوضه لوحده
...دلوقتى خيانته كانت من ٤ شهور والى حد ما قلل ضرب فيا لما مره كنت هموت ف ايده
و مبقاش ينام لوحده حتى لو متخانقين بيجي جنبي
و اتعدل ..بس انا اللى مبقتش متقبلاه الى حد ما يعني ببص فى وشه بفتكر كل حاجه وحشه هو عملها فيا ..بس هو بيحاول يظبط نفسه وميرجعش للى طان بيعمله تانى
لكن فى كل مشكله بينا انا بفتكر اللى عمله فيا وبفتكر اللى كان ببخوني معاها و بفتح الموضوع و بفضل اهزق فيه
بقالى فتره اسبوع متوتره عشان ممكن اكون حامل وخايفه اتأكد ..بحاول أقوله انا متوتره وخايفه بس مش بيدعم صح...وبدون سبب النهارده عمل خناقه عشان انا مش بحب أقعد عن مامته كتير لانه بيسبني هناك مثلا من الساعه ٣ العصر لحد الفجر وهو ف الشغل و انا بكون قاعده لوحدى عندها او فى اوضه ف بمل. فبحاول اتكلم معاه انزل متاخر شويه قعد يوعق جامد ويقولى انا لو خيرونى بين اهلى وانتى هختار اهلى وقعد يقول كلام ملهوش لازمه ....
وسابني منهاره ونزل
المفروض اعمل ايه لاني حرفيا داخله فى دوامه اكتئاب و بموت من الزعل كل شويه بوهم نفسي اني مش زعلانه بس ببقى هموت م الزعل
بصي انا مصدومه مش عارفه اقولك ايه بس الحاجه الي شفتها فيك انك انسانه صبوره وقويه شوفي انا ممكن اتكلم عن الماضي بس الحين بتكلم عن الحاضر لو انتي متأكدة انه ما يكلم احد وشايفه انه فعلا جالس يتغير ويحاول يعدل نفسه ف حاولي تتقبليه وتكملي لو قلتي انك لما تشوفيه تتذكري الماضي ف بصي هو الماضي عباره عن كتاب انتي بتختاري انك كل شويه تفتحي الكتاب وتبصي على الماضي ولو اني صراحه بنصحك تبعدي وتنفصلي لان شخصيه زي دي صعب تكملي معاه بس على حالتك و وضع امك ف ما اقولك الا انك تصبري ،،في بودكاست اسمه (ذات) انصحك في وتابعي بودكاست عن مشكلتك تو اقرأي كتب وتذكري ان مو انتي الوحيده الله يصبرك ويوفقك وييسر امرك 💗
تم النشر الأربعاء، ١٢ فبراير ٢٠٢٥
عزيزتي، أشعر بمدى الألم الذي تمرين به، ومن الواضح أن تجربة الخيانة والخلافات مع زوجك قد تراكمت عليكِ وكان لها تأثير كبير على حالتك النفسية والعاطفية. من المهم أن تعرفي أنك لست وحدك في هذه المعاناة، والكثيرون يواجهون صعوبات في حياتهم الزوجية. أولاً، لا بد من تأكيد أن الخيانة، سواء كانت عاطفية أو جسدية، تعتبر خيانة للثقة التي بُنيت في العلاقة الزوجية. لا يوجد مبرر لتصرفاته، ولا يجب أن تشعري بأنك تتحملين مسؤولية أفعاله. ثانياً، العلاقة التي تفتقر إلى الاحترام المتبادل والاهتمام تحتاج إلى إعادة تقييم. وبما أن هناك مؤشرات على العنف (مثل الضرب) وتهميش لمشاعرك، يجب عليك اتخاذ خطوات لحماية نفسك. قد يكون من الحكمة التفكير في استشارة متخصص نفسي لمساعدتك في التعامل مع مشاعر الاكتئاب والقسوة التي تشعرين بها. أما بالنسبة للضغط الذي تتعرضين له من عائلتك، فقد يكون من المفيد التواصل معهم بصراحة حول ما يحدث. حاولي أن تشرحي لهم حجم المعاناة التي تعانين منها وأنك تحتاجين إلى دعمهم في هذه المرحلة. إذا كنتِ تخافين من الحمل، تأكدي من إجراء اختبار حمل وفهم خياراتك في هذه الحالة قبل اتخاذ أي قرار حول المستقبل. كما يجب أن تحمي نفسك من أذى هذه العلاقة، سواء كان ذلك بالابتعاد عنها لبعض الوقت أو بالتفكير في خيارات قانونية إذا استمرت الإساءة. أخيراً، من المهم أن تتذكري أنك تستحقين الحب والاحترام في أي علاقة، ولا يجب أن تكوني في حالة من الألم المستمر. أحيطي نفسك بأشخاص يدعمونك ويشجعونك على اتخاذ القرارات التي تسهم في تحقيق سلامتك النفسية والجسدية.
تم النشر الأربعاء، ١٢ فبراير ٢٠٢٥
لعرض السؤال في فدني اضغط هنا