انا من ساعة وفاة اكتر حد قريب ليا بقالي 6 سنين مش بعرف اتكلم مع حد يمكن بتكلم علي قد السؤال و دي مشكله مكنتش بعرف حد كرهت الناس ولما حاولت اصلح من نفسي عرفت ناس مش كويسه واتأذيت وبقيت اخاف اتكلم بجد مع اي حد ببقا ساكته خالص او بتكلم علي قد السؤال
اتكلمي مع أخصائية نفسية هتساعدك كتير وربنا معاكي ويصبرك يارب
تم النشر الخميس، ١٩ يونيو ٢٠٢٥
اولا ربنا يصبرك يا حبيبتي على فراقه وربنا يرحمه ، تعرفي حكايتك عدت عليا قبل كدا بس تعرفي برضو نفس الناس الي مروا بنفس مشكلتك دي بقوا دلوقت حاجه تانيه ، ابدأي بالي بيفهمك من غير ما تقولي احكيله وابكي وطلعي الي جواكي وادعيه دايما مش لازم تصاحبي ناس كتير ابدأي بعيلتك بنات عمك بنات خالتك وأهلك ولو بتدرسي اتعرفي على بنت تفهمك وشبهك في الاخلاق شوفي فتح الحوار مع الناس مش شرط يكون كلام ممكن تجربي تسألي بنوته عن حاجه مثلا معاكي مواعيد كذا الحوار هيتفتح وهتلاقي نفسك بتاخدي وتدي معاها مش شرط تروحي تقولي ممكن نبقى صحاب ومش شرط تبدأي بناس من برا عادي خليكي في عيلتك دلوقت وحاولي خرجي مشاعرك دي في كتابه او اشكي لربنا وادعيه دايما وشويه شويه هتلاقي نفسك اتغيرتي واقلك على حاجه حلوة خلينا صحاب انا يا ستي هنا في اي وقت ولو حبيتي تكلميني في اي وقت هتلاقيني هنا بإذن الله وعلفكرة انت طالما عبرتي دلوقت وخرجتي معنى كدا انك بدأتي فعلا تخرجي من الي انت فيه
تم النشر الأربعاء، ١٨ يونيو ٢٠٢٥
الخير موجود في الدنيا من بدايتها لنهايتها ولكن بيحتاج تفتيش زي البحر كدا السمك الميت والحاجات دي علي السطح والسمك الطيب وكل ما لذ وطاب تحت محتاج اللي يفتش عنه فا دوري وان شاء الله تلاقي كل اللي تحتاجيه وكل ماهو طيب وجميل وخذي حذرك انك تعرفي طباع اللي قدامك علشان مش تصابي بالاحباط والخذلان لما تلاقي حاجه متحبيهاش لان مفيش حد كامل
تم النشر الأربعاء، ١٨ يونيو ٢٠٢٥
مرحباً عزيزتي، فهمة شعورك مهم جداً، والكلام مع الناس مش دايماً سهل، خصوصاً لما تكوني كتومة بطبعك أو مش متعودة تعبر عن نفسك بحرية. وثقتك بنفسك مش ثابتة، وده أمر طبيعي ممكن يتحسن مع الوقت والصبر. خليني أساعدك بخطوات عملية لتطوير مهاراتك في التواصل وزيادة ثقتك بنفسك: ابدئي بخطوات صغيرة: لازم ما تضغطيش على نفسك تقولِ كلام كتير أو تكوني صاحبة حديث طويل. ممكن تبدأي بالردود البسيطة زي اللي بتعمليها، ومع الوقت تحاولي تضيفي كلمة أو جملة بسيطة أكتر. حضري مواضيع بسيطة: جربي تحضري شوية مواضيع بسيطة ومرغوبة زي هواياتك، أفلام بتحبيها، أو أي شيء بتحسي إنه خفيف. ده هيساعدك تحسي براحة أكتر لما تتكلمي. التدريب أمام المرآة: قولي لنفسك جمل أو جربي تتكلمي قدام المرايا أو حتى تسجلي صوتك، دا بيساعد على التعود ويزيد من ثقتك. اسألي أسئلة بسيطة: لو مش عارفة تبتدي كلام، جربي تسألي أسئلة سهلة تفتح بيها باب الحوار، مثل "إيه رأيك في…؟" أو "حبيتي الفيلم ده؟" تقبلي الصمت: مش لازم الكلام يكون دايماً مستمر، صمت بسيط طبيعي وأحياناً بيخلق جو مريح أكتر. فكري في سبب الكتمان: هل فيه خوف أو تحفظ معين بيخليك تكملي كده؟ لو فهمتي السبب ده هيكون أسهل تتجاوزيه. تطوير الثقة بالنفس: اشتغلي على حاجات بتحبيها وبتنجزيها حتى تحسي بقيمة نفسك، لأن الثقة جاية من نجاحاتك الصغيرة. وأخيراً، ما تقلقيش ولا تحكمي على نفسك بشدة، كل واحد وليه طريقته وطريقته في الحديث. لو حبيتي، في تطبيق فدني عندنا خبراء في تطوير الذات والتواصل ممكن يساعدوك بشكل أكثر تخصص. ممكن تزوري صفحتهم وتشوفي استشارات تناسبك. لو حابة تضيفي أو تسأليني أي حاجة تانية أنا هنا معاك دايماً يا غالية. ذكية🌸
تم النشر الأربعاء، ١٨ يونيو ٢٠٢٥
الرجوع الى الله بصدق.. عليكم الرجوع لله والتوبه النصوح والثقه في الله وحده
تم النشر الأربعاء، ١٨ يونيو ٢٠٢٥
احنا هنا مش بنعامل بني ادمين احنا ممكن نعامل رب العالمين وصدقني الحال هيتغير لا عايز تفاصيل انا موجود ربنا يوفقك في حياتك يا رب
تم النشر الأربعاء، ١٨ يونيو ٢٠٢٥
فاستمدادك الثقة من شخص آخر ده شئ غير طبيعي .. في ناس بيستمدوا ثقتهم من السجاير أو فرط الأكل أو الشهوات ودي هتدمر صحتهم ، في ناس بيستمدوا ثقتهم من العشق وده مصير المعشوق يبتعد أو حتى يتغير ، وفي ناس بيستمدوا ثقتهم من شخص معين فبفور موته اختفت الثقة ..... فمابالك باللي بيستمد ثقته من الله ؟
تم النشر الأربعاء، ١٨ يونيو ٢٠٢٥
انك فقدتي ثقتك بعد وفاته ده معناه انك كنتي بتستمدي القبول والثقة منه .. فتوفى مصدر الثقة .. والناس اللي مش كويسين بيصطادوا ضعاف الثقة ويوهموهم بالاحترام وبعدين يظهروا على حقيقتهم .....
تم النشر الأربعاء، ١٨ يونيو ٢٠٢٥
لعرض السؤال في فدني اضغط هنا