كيف أخرج من تجربة ماضية ما زالت تؤثر على قرارات حياتي وهل العلاج النفسي يمكنه مساعدتي؟

Question

السلام عليكم. انا في مشكله وحابه اني تساعدوني الاقي حل لان فعلا مضغوطه قوي ومش لاقي حد يساعدني خالص. مش عارفه اصلا اعمل ايه؟ او امشي خطواته ازاي؟ ا أنا كنت مخطوبه لشخص وكنت حابه جدا العلاقه دي ومجذوبه يعني للمظهر وللشغل الحاجات دي يعني وهو كمان كان شخص كاريزما جدا وكريم ورومانسي وكده رغم ان انا ما شفتش حاجه يعني ما قاليش كلام حلو مثلا لا بس كنت متأكده ان هو يطلع منه كده يعني المهم الشخص ده معزنيش فسابني وكده فانا فضلت برضه متضايقه وازاي يسيبني طب انا فيا إيه وحش وزعلت كثير والحقيقه ان لسه الحوار ده مأثر عليا لحد دلوقتي غصب عني والله انا مش عارفه اطلع انا عارفه الصح من الغلط وعارفه ان ربنا مش بيختار لنا غير الخير عارفه كل الكلام ده. عقلي عارفه بس احساسي مش عارفه، مش عارفة اغير احساسي مش عارفه ابطل زعل. المهم إن أنا متقدم لي شخص حاليا شايفة فيه كل المواصفات الكويسة بس مش حاسة إني لو دخلت العلاقة دي هبقى مستكفية به وفي نفس الوقت انا الشخص القديم ده خلاص ما بقاش ليا ومش هيكون ليا شاف حياته اصلا فانا دلوقتي ببوظ حياتي الجديده بسبب حاجات ماضي وبقت وهم يعني مش عارفه بصراحه ايه المفروض اعمله؟ بس انا بقيت كل ما يتقدم لي لشخص يطلع فيه عيب رغم ان انا في عيوب كتير جدا يعني كل شخص يتقدم لا ده رفيع قوي ده كذا رغم ان انا مش عارفه اعيش لوحدي برده يعني محتاجه حد جنبي وكده مش عارفه خالص. المهم ان انا محتاجه يعني استشيركم هل ان انا لو اتعالجت نفسيا ممكن افكاري تتغير ممكن انجذب للشخص ما انا مش عارفه العلاج النفسي بياثر ازاي برده انا الحقيقه ان انا حتى في البيت يعني مش بكون حابه اتكلم مع اي حد خالص في بيتنا يعني ولا اخواتي ولا اهلي ولا كده ببقى مخنوقه. مش عارفه يعني اكذب عليكوا لو قلت لكم حاسه ان انا مش بحبهم. مش نادرا ولا كده اوقات كتير جدا وبتعامل بعصبيه وشده على طول معاهم. مش عارفه بصراحه هل العلاج النفسي هيغير حاجه ولا ايه؟ انا شايفه ان الشخص المناسب بس حاسه ان انا مش مستكفيه بعد كده وفي نفس الوقت يعني انا السن بيعدي عليا مش عارفه ارفض ولا اعمل ايه؟ او أخوض تجربه مش عارفه.

Accepted Answer

✦ اللي حصل في الماضي مأثر عليك طبيعي، لكن ده مش معناه إن حياتك الجديدة هتبقى زيها. ✦ مشاعرك طبيعية، ومهم تعترفي بيها قبل ما تحاولي تتحكمي فيها. ✦ مش لازم أي شخص جديد يكون كامل، اختاري اللي يناسبك فعليًا، مش بالمقارنة مع الماضي. ولا تخلي تقييمك للعريس سطحي.. ( لونه، شكله، طوله، وزنه،) المهم يبقي هيتقي ربنا فيكي و عنده دين و بيعمل بيه و أخلاق حقيقية مش ستار او قناع زي فترة اول تعارف و الخطبة، علشان كده بتدي نفسك فرصة تعرفيه علي حقيقته. ✦ محتاجه تعرفي توازني بين الاستقلال والاعتماد على حد مش شرط تعتمدي على حد طول الوقت. عصبيتك مع أهلك طبيعية مع اسلوب تربيتك.. اسلوب تربيتك ده رقيق او حنين شوية.. متدلعة شوية ده اتسبب ان اي مشكلة قدامك تشوفيها ضغوط.. ✦جربي التواصل بشكل هادئ ومحدود في البداية.. من الكبائر اصلا انك تزعقي او تضايقي والديك. يا تقبلي كلامهم و تدي نفسك فرصة تفهميه يا إما تسكتي او تعترضي بهدوء.. بدون عصبية او اسلوب وحش. ✦ العلاج النفسي ممكن يساعدك تفهمي مشاعرك وتغيّري طريقة تفكيرك واختياراتك العاطفية. لو انتي عايزاه يجيب نتيجة العلاج النفسي الدور الأكبر فيه عليكي انتي.

Answer

وعليكم السلام ورحمة الله يا عزيزتي، أولًا أحب أشكرك على ثقتك إنك شاركتني هالحالة، وأتفهم تمامًا الضغوط اللي بتمرِّي بيها. فعلاً مش سهل الشعور بالحيرة والألم بعد تجربة زعل مثل اللي صار مع خطيبك السابق، خصوصًا لما يكون الانفصال مفاجئ ومليان مشاعر متضاربة. خليني أحاول أساعدك نرتب أفكارك ونشوف خطوات ممكن تساعدك تخرجي من هالحالة بشكل تدريجي: اطمئني، مش وحدك والدعم موجود كثير ناس يمروا بمشاعر مشابهة، والفايدة أنك جمعت بين حكم عقلك وإحساسك. العقل عندك واعي، وهذا كويس جدًا لأنه أساس أي تغيير. مواجهة مشاعر الحزن والغضب مش ضعف مش لازم تخافي من مشاعرك أو تحاولي تكبتها، بالعكس، عبري عنها بطريقة آمنة (مثل كتابة كل اللي بتحسيه، أو حتى التحدّث مع طبيب نفسي متخصص). المشاعر دي طبيعية ومرورها خطوة ضرورية للشفاء. العلاج النفسي له تأثير حقيقي وفعّال جداً ممكن يساعدك تفهمي أبعاد مشاعرك وتتعلمي كيف تتحكمي فيها وتهتمي بنفسك أكثر. العلاج النفسي مش بس عن الكلام، بل عن استراتيجيات عملية تغيّر طريقة تفكيرك وتعاملاتك. لو تخافي من العلاج النفسي، تذكري إنه رحلة خطوة بخطوة والهدف دائماً أن يكون عندك راحة ونقاء نفس. التعامل مع فكرة الارتباط المستقبلي والضغوط الاجتماعية حاولي تحطي أمامك أولوياتك، مش بس لشكل الشخص أو وصفه، بل هل هو يستحق ويحترمك ويعطيك الدعم اللي تحتاجيه؟ خدي وقتك في التفكير قبل ما تقبلي أو ترفضي، ولا تستعجلي. تذكري: من الحكمة أن تكوني مع شخص يزيد من سعادتك لا يزيد من ضغوطاتك. قرب الناس منك بعض الأوقات المشاعر العصيبة تأثر على علاقاتنا مع أهالينا وأقاربنا. جربي بشكل بسيط تعاوني مع نفسك، وتأملي: هل ممكن تحاول تستبدلي سلوك العصبية بلطف؟ حتى مع نفسك أولاً. طبعًا هذا محتاج وقت وممارسة. خطوات عملية للتغيير جربي تبدئي بوضع روتين يومي بسيط تخلّيكي تشتغلي على نفسك: قراءة، هوايات، مهارات جديدة. حددي أهداف صغيرة تكون بين إيديك يمكنك تحقيقها. اكتبي مشاعرك وأفكارك حتى تصفي ذهنك. ذكري نفسك دائماً بأن رزقك مكتوب وربنا لا يضيع لك عمل خير في الآيات والأحاديث تحوي طمأنينة كبيرة، فحاولي تلجئي إلى الدعاء والذكر، واطلبي من الله يرزقك الخير والسكينة. ختامًا، أنا موجودة دائمًا هنا للاستماع والدعم، وإذا حبيتي، ممكن توصلي لخبراء نفسيين أو مدربين حياة في موقع فدني عبر هذا الرابط: https://www.fedni.net/experts ستجدين هناك من يمكنه تقديم دعم أعمق شخصيًا. إياك تستسلمي لليأس، فالله مع الصابرين والمجتهدين، وتأكدي أن أيامك القادمة أجمل بحوله تعالى. لو تحبي، اسألي بأي تفاصيل أكثر، أنا معك خطوة بخطوة 💖. دمتِ بخير يا غالية. ذكية

Answer

وعليكم السلام انتى متعلقة بشوية افكار وتوقعات فى دماغك انتى بس ..عن الشخص الاولانى ...لانك ملحقتيش تتعلقى بحاجات حقيقية اتاكدتى انها فيه وقصادها بترفضى حاجات برضوا انتى لسه مش متاكده منها فى الشخص اللى متقدم الموضوع هنا مش تجربة هتدخليها ....دى سمة الخطوبة اصلا ...فى قبول مبدأى يبقى تمام وجوه الخطوبة نشوف هل موجود فينا الى يخلينا نكمل او لا

كيف أخرج من تجربة ماضية ما زالت تؤثر على قرارات حياتي وهل العلاج النفسي يمكنه مساعدتي؟

اجتماعية

نفسية

زواج

سؤال من احد أعضاء فدني

تم النشر الاثنين، ٦ أكتوبر ٢٠٢٥

3 إجابة

11 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك