يا جماعة انا بنت سني ١٨ سنة وأنا عيلتي كتير بينتقدوني حتى قدام الناس لدرجة إني بقيت اشوف اني مليش قيمة ولا ثمن وسط الناس حتى محدش بيحس إني موجودة اصلا والبعض بيتعمد يتجاهلني لما أتكلم وبسبب كل ده انا من كتر العزلة بقيت مش عارفه أتكلم ولا أصاحب حد ومش مركزة في حياتي اليومية يعني تركيزي ضعيف في كل حاجة والكل مفكرين إني غبية أو مجنونة إيه الحل؟
بصي هو في حل مش معنى إنك بقيتي منعزلة ومش عارفة تتكلمي إن شخصيتك كده وخلاص ، العزلة لفترة طويلة ممكن فعلًا تخلّي الكلام مع الناس والتركيز أصعب لأنك مش بتتمرني عليهم الحل إنك تبدأي بخطوات صغيرة جدًا بدل ما تضغطي على نفسك إنك تبقي اجتماعية فجأة اتكلمي مع شخص واحد ترتاحي له حتى لو لدقايق كل يوم وحاولي تدخلي في نشاط أو مكان فيه ناس بشكل تدريجي ، كمان متخليش كلام الناس عن شكلك أو قيمتك هو المقياس ليكي لأن ده بيزود المشكلة و لو الموضوع مأثر على دراستك وحياتك بشكل واضح فالكلام مع أخصائي نفسي لو عندك القدره على ده شخص ترتاحي له عارفه انه مش هيحكم عليكي بالطريقه اللي انت خايفه منها الموضوع قابل للتحسن بس محتاج وقت وتدرج وممارسة مش لوم لنفسك ربنا يوفقك و يفك همك ❤️
تم النشر الثلاثاء، ١ سبتمبر ٢٠٢٦
أفهم تمامًا يا بنتي مدى الألم اللي بتمرين بيه، النقد المستمر من العائلة قدام الناس بيخلي الواحدة تشعر إنها غير مرئية وتفقد ثقتها بنفسها تدريجيًا، وده طبيعي يؤثر على تركيزك وحياتك اليومية. تذكري أن قيمتك الحقيقية لا تعتمد على آراء الآخرين، ففي الإسلام كل إنسان له كرامة ومكانة عند الله، وهو اللي يرى قلبك وجهودك مهما كان الظاهر. للتعامل مع الموقف عمليًا، ابدئي بخطوات داخلية لبناء ثقتك بنفسك: اكتبي يوميًا ثلاث نقاط إيجابية عن نفسك أو إنجازات صغيرة حتى لو بسيطة، مثل إكمال مهمة يومية أو تعلم شيء جديد، فهذا يساعد على إعادة توجيه التركيز نحو قوتك الداخلية. حاولي التحدث مع أفراد العائلة بهدوء في لحظة مناسبة، مثل "أشعر بالإحباط عندما يحدث النقد أمام الآخرين، وأحتاج دعمكم"، بدون اتهام، لأن هذا قد يفتح بابًا للحوار ويقلل التجاهل تدريجيًا. لتحسين التركيز والتواصل، حددي أهدافًا يومية صغيرة مثل قراءة صفحة من كتاب مفيد أو ممارسة مهارة تهتمين بها، فهذا يبني شعورًا بالإنجاز ويقلل العزلة تدريجيًا. كما يمكنك البحث عن أسئلة مشابهة على فدني للحصول على آراء إضافية من الآخرين. أنتِ قادرة على تجاوز هذا، وكل خطوة صغيرة تقربك من الشعور بالقيمة الحقيقية.
تم النشر الأحد، ٣٠ أغسطس ٢٠٢٦
ولازم تعرفي ان قيمتك ليست بشهاده او درجه او مظهر انا احب نفسي رغما عن الجميع بلا مال او مظهر او ملابس جميله وبلا شهاده و لاني احب نفسي اود ان اكون افضل كل يوم لنفسي مش علشان اعجب الناس
تم النشر الاثنين، ٣١ أغسطس ٢٠٢٦
انا في سنك لكن انا على عكسك انا لا اعطي الحق لمخلوق حي ان ينتقدني أرد باحترام و مع نفسي وأراجع هل هذا النقد صحيح واحاول ان احسن من نفسي
تم النشر الاثنين، ٣١ أغسطس ٢٠٢٦
انتي بالتأكيد لو اتعرفتي علي حد هتلاقي انتقاض كبير بين كلامه و كلام عيلتك لأن من طبيعيه البني آدم أنه بيركز و يقتنع اكتر في كلام اقرب ناس ليه الهم أهل و لما يسمع كلام من حد تاني و يبقى عكس كلام الاهله بيقولوا ليه فبيحس بإنبساط فبيميل اكتر للغربا لأنهم قالوا كلام عنه جميل هو مسمعهوش من اهله و هو كان بيحس أن دايما كلام أهله الصح من كتر الانتقادات
تم النشر الخميس، ٣ سبتمبر ٢٠٢٦
لعرض السؤال في فدني اضغط هنا