أنا أول دفعة تاب كنت علمي رياضه دخلت كلية علوم قعدت فتره في الكلية عادي ولظروف خاصه مكملتش السنة و كمان قعدت السنة اللي بعدها و مكنتش عملت تأجيل ولا قدمت عزر وطبعاً اتفصلت ، السنة دي كان قدامي تجارة وآداب منفعش أدخل تجارة في محافظتي ومعرفتش أخرج بره المحافظة فدخلت آداب كان نفسي أدخل انجليزي (( رغم إني شاطر فيه بشهادة مدرسين المادة وزمايلي مش شهادتي أنا و كمان حالل حلو في الامتحان مش عارف إزاي نقصت اكتر من 10درجات ..)) .
حد أعرفه في الكلية نصحني أدخل قسم جغرافيا بعد ما حضرت فتره محبتش الدنيا طول عمري بدرس مواد علمية وبحبها ومليش في الحفظ ولا ليا ميول للمواد الأدبية رغم إن الدنيا سهله ويعني ممشي أموري في القسم عادي ، كنت مستني إسمي ينزل عشان أقدم وأشوف هكمل ولا هدخل قسم تاني ولسه الإسم نازل ومش عارف الأفضل أكمل في القسم ولا أدخل فرنساوي ولا قسم تاني.
عارف مش هقدر أوصل الصورة كاملة ، وكون إنها واضحه قدامي لازم أنا اللي أقرر و أختار بس مش عارف أخد قرار ، أنا واثق في اختيار ربنا ليا وإنه مش هيرزقني غير اللي فيه خير ليا ، بس مش واثق في اختياراتي أنا لأني عانيت كتير بس اختيارات غلط في حياتي ومحدش جنبي بيدعم أو يصحح .
أرجو لو حد عنده نصيحة أو وجهه نظر يساعدني وله جزيل الشكر مسبقاً.
تحديد الكلية ده اعتبره خطوة اولى كده فى الحياه بس مش نهائية يعنى مش هى اللى هتحدد مصيرك ...بس ده ميمنعش انك تختار على اسس سليمة اللى يناسبك وينفعك ان شاء الله انت قولت بتحب المواد العلمية ...ليه متدخلش اداب علم نفس او اداب احياء ...حتى لو مشتغلتش بالتخصص ده بس ع الاقل هيكون خفيف عليك وتقدر بالتوازى تمشى فى اى مجال تانى بكورسات ودراسه ذاتيه تعزز حياتك المهنية المستقبليه ان شاء الله. مهما كانت القرارت اللى عدت خطأ ...فده مش معناه اننا نفقد الثقه فى قدرتنا ع الاختيار ..بس مهم نشوف ايه اللى كان بيأثر علينا ويخلينا اختيارنا ميكونش احسن حاجة ونعدل من تأثرنا ده
تم النشر الأحد، ١٩ نوفمبر ٢٠٢٣
بصى يابنى استخير وربنا ييسرلك أمورك انشاء الله وتيقن أن ربنا معانا دائما عمره ما هيسبنا وبعدين لو انت شايف نفسك هتقدر على انجليزى استخير وان شوفت خير أو حسيت بالراحه يبقى اختار انجليزي ولو مش كده استخير فى الباقى ومدام انت مثلا حاسس انك هتختار غلط او كده يبقى استخير وخدها قاعده فى حياتك (لا خاب من استخار) صدق رسول الله صل الله عليه وسلم
تم النشر السبت، ١٨ نوفمبر ٢٠٢٣
اختار الحاجة اللي انت واثق انك شاطر جدا جدا فيها وهتنبغ فيها إن شاء الله ومرتاح فيها عشان تساعد في بناء المجتمع وثق في نفسك اوعي تفكر إن الكليات مقامات لا كل الكليات واحدة وكل المهن واحدة بدام كل واحدة بتكمل التانية
تم النشر الأحد، ١٩ نوفمبر ٢٠٢٣
انا دخلت جامعتين و٣ كليات ورسبت سنتين، فكك من الي بتسمعه عن الكليات، لازم تبحث كويس جدا عن الكليه ومجالاتها وتسمع من ناس شاطره فيها، وتشوف ايه المتاح قدامك وايه اكتر مجال بتحبه او الي ع الاقل تقدر تحبه. دا الي انا عملته وجبت اول سنة امتياز وخارج بتقدير جيد جدا مع مرتبة الشرف. وحاليا بشتغل ف مجال بحبه وبيقدم رسالة.
تم النشر الأحد، ١٩ نوفمبر ٢٠٢٣
صلى صلاة الاستخاره افضل وف دعاء جميل " اللهم اختارلى ولا تخيرني " داوم عليه
تم النشر الأحد، ١٩ نوفمبر ٢٠٢٣
الحمدلله أنا راضي بكل شيء يمكن سنتين عدوا من عمري بس مش علي الفاضي لولاهم مكنتش اتعلمت حاجات كتير ومكنتش قربت لربنا زي الوقتي ، مش شاغل بالي باللي فات بس مش عايز أغلط واختار تاني من خير ما أسأل أو استشير حد ، أنا مش لاحق اللي بحبه بس باقي الأقسام مش وحشه هفاضل ما بينهم وربنا يوفقني للي فيه الخير ليا..، شكراً
تم النشر الأحد، ١٩ نوفمبر ٢٠٢٣
حصل بالفعل أكيد لجأت لربنا وبسأله دايماً إنه يدبرلي أمري ويزقني اللي فيه خير ليا وأنا الحمد لله راضي بكل شيء ربنا قَدره ليا و عندي رضا وثقه في كل اللي هيجعله من نصيبي وكله خير ..، بس كنت عايز حد يفيدني بالأفضل بس ،، شكراً علي النصيحة وجزاكِ الله كل خير
تم النشر الأحد، ١٩ نوفمبر ٢٠٢٣
لعرض السؤال في فدني اضغط هنا