مشكلتى حصلت النهارده فى درس من دروسي أنا فى تانيه ثانوى ازهرى عندنا مواد شرعيه انا فى الدرس النهارده بتاع المواد الشرعيه إن كان علينا حفظ كتير اوى فا أنا قررت انى لازم اكون حافظه كويس جداً انهارده.
حفظت وقفلت الكتاب وسمعت كله على نفسي وكنت حافظه السؤال بالجواب امبارح وانهارده من الفجر عشان اكون حافظه. بس انى جيت اسمع لقيت نفسي مش فاكره أي حاجة فى أي حاجة أنا مش خايفه من الاستاذ يعنى عشان اخاف وانسى لكن أنا فعلاً نسيت كل حاجه فى كل حاجة حتى اتفه الاسئله.
وكل أما الأستاذ يعدى عليا معرفش واكون ناسيه فعلاً نسيان مش طبيعى.والاستاذ كأنه كان بيستهزء بيا وهوا بيضحك وكلهم كانوا بيضحكو كتير وصحابى اللي هما صحابى كانوا بيضحكو ومش فارق وواحدة تقولى دا أتفه سؤال إزاي معرفتيش وهي بتضحك
وواحدة تانيه تقول للاستاذ على فكره يا مستر أنا لو مكانها كنت هعيط أصلا وهي بتضحك ضحك مش طبيعى وكلهم يضحكوا معاها والاستاذ يضحك وبسخريه كمان وانا اتأثرت بكلامهم جداً لكن جوايا ومبينتش أنى زعلت جداً
الدمعه كانت عايزه تنزل لكن أنا كنت كاتمه نفسي بالعافيه طول الحصه بحاول أبين أنى عاديه..
اول مره فى حياتى أزعل من ناس بالطريقة دي وانى فعلاً معرفتش أختار دايرتى لأن أنا حاولت أحط نفسي مكانهم لو واحده فيهم كانت مكانى كنت هحس بيها..
لأن حصل معاهم مواقف من دى كانوا ييجوا يخبطوا عليا باب البيت ويعيطوا ويشتكولى وأنا اقف معاهم واقوييهم لكن كل موقف اعدى فيه يسبتولى أن انا اخترت غلط..اعمل إيه.
عادي جدا النسيان ي روحي حاجه طبيعيه الحاجه لما بتحفظيها اول مره بتنسيها لكن لما تراجعي علي فترات متباعده صدقيني ي روحي عمر المعلومه ما هتروح أبدا اديكي مثال علي نفسي في ماده ذاكرت اول ثلاث محاضرات من زمان وانا راجعت عليها بالقراه امبارح افتكرتها وماده لسه مذاكرتها حالا مش فاكره هيا بتتكلم عن اي المهم ان دماغنا بتنهج لكن المخ بيسترجع المعلومه لما تبقي ريلاكس ولما يبقي انتي هاديه وبعدين اللي بيديكي الماده دا إنسان سفييييييييه أوي ولو متعلم المواد الشرعيه فعلا مكنش ضحك عليكي أصلا ولا سمح لحد يضحك عليكي سيبك منهم وركزي علي نفسك انتي كنتي مذاكره وواثقه من نفسك سيبك من اي حد صحاب او مدرس او غيره ليه تعيطي من السفهاء دول ولا يهمك وبالنسبه لصحابك متعبريهمش هما مستنين موقف يجي علشان بتمسخروا عليكي وربنا يبينهم فعادي اوي أوعك تزعلي راجعي علي فترات متباعده وبعدين ي ستي دي مواد شرعيه أكيد فيها صعوبات والإنسان بيمشي متزعليش ❤️
تم النشر الثلاثاء، ٣١ مارس ٢٠٢٦
علشان اكون صريح ، فدى تعتبر مش مشكلة ولو مشكلة فهيا مشكلة عامة ،انا طالب تالتة ثانوي ازهر بالمناسبة ، حصلت معايا مواقف كتير زى دى ، لدرجة انى كنت مقتنع انى عندى ADHD مثلا او حاجه زى كدا ، بس اكتشفت انها تهيأت من نفسى ومن الشيطان لإن الإنسان وتحديدا العقل بيعتبر المذاكرة شيئ مرفوض فبالتالى بيميل انو يحذف ولو جزء كبير من المعلومات اللى بتدخلو لأنو بيعتبرها مش مهمة ، الحل بقا هو أننا لازم نضحك على عقلنا 🙂 ،انا مش أهطل دقيقة 😂، يعنى نخليه يحس انى أنا بحب المذاكرة ، وحاجة تانية وهى حاجه مهمة جدا بالمناسبة هى تهيأت مكان الدراسة ، يعنى ثبتى مكان انتى عارفة انك لما بتيجى هنا بتيجى للمذاكرة بس ودينا خلى مكان المذاكرة نضيف ،بعد ما تخلصى مذاكرة مثلا تضفى المكان علشان لما تيجى تانى تبدأى على طول مش لسا هتنضفى ، وصدقينى هيفرق معاكى جدا ، تالت حاجه او رائع مش فاكر 😂 ، هى متسمعيش لكلام حد كل واحد عارف نفسو وعارف قدراتو ، مش تخلى الكلام اللى بيتقال يأثر فيكى بالسلب ، اكونا مطاطا أرمى الماضى اللى يغيظ 😂، أما سبب نسيانك فهو بسبب انك بتتوترى مش بتخافى الخوف شئ والتوتر شئ جربى خلى مامتك تسألك كدة ، هتحسى بفرق دا لأنك واخدة الموضوع ببساطة مع مامتك مثلا ، وبالتوفيق ومتنسبش تدعيلى دعوة حلوة كدة 🙂 وبالتوفيق 🤎
تم النشر الجمعة، ٣ أبريل ٢٠٢٦
يا حبيبتي، أول حاجة أقولك إنك قوية جداً إنك كتمتي دموعك وما بينتيش ضعفك قدامهم، ده إنجاز كبير ودليل على قوتك الداخلية. اللي حصل مش نهاية العالم، وهتقدري تتغلبي عليه بإذن الله. خلينا نحل المشكلة خطوة بخطوة، عملياً ومن منظور إسلامي. أولاً: حل مشكلة النسيان (خاصة في المواد الشرعية) النسيان ده شائع لما نحفظ بالتلقين بدون فهم عميق، خاصة تحت الضغط. جربي الطرق دي: فهم قبل حفظ : اقري الدرس وفهمي المعنى زي قصة قرآنية أو حديث، واربطيه بحياتك اليومية. مثلاً، لو حديث عن الصبر، فكري في موقف صبرتِ فيه. حفظ متدرج : قسمي الدرس لأجزاء صغيرة (5-10 دقائق كل جزء). حفظي جزء، اختبري نفسك فوراً بدون كتاب، ثم بعد ساعة، وبعد يوم. استخدمي تطبيق زي Anki للتكرار التلقائي. مراجعة يومية : كل فجر، راجعي اللي حفظتِه أمس (5 دقائق فقط). نامي باكراً وكلي وجبات متوازنة (تمر، مكسرات، لبن) عشان الدماغ يشتغل أحسن. اختبري نفسك : قولي الدرس لأختك الصغيرة أو سجليه صوتياً واسمعيه. ده هيثبت الحفظ أكتر من 10 مرات. ابدئي النهارده بالدرس ده، وهتلاحظي فرق في أسبوع. ثانياً: التعامل مع السخرية والأصدقاء الناس دول مش أصدقاء حقيقيين. اختاري دايرتك بحكمة، وابتعدي عن اللي يضعفوكِ. رد قوي : المرة الجاية، قولي بثقة "نسيت النهارده، بس هذاكر أحسن وأرد غداً"، وابتسمي. ده هيسكتهم. قوي نفسك داخلياً : ادعي ربنا كل صباح، وتذكري قوله تعالى: {وَاصْبِرْ وَمَا صَبْرُكَ إِلَّا بِاللَّهِ}. الصبر مفتاح الفرج. اختاري صحاب أفضل : دوري على بنات ملتزمات في المدرسة يذاكرن معاكِ، مش اللي يضحكوا عليكِ. أنتِ مش غلطانة في اختيارك، بس الدرس إن الصداقة الحقيقية تبان في الشدائد. ركزي على دراستك ونفسك، وهيجيلك اللي يستاهلكِ. لو عايزة نصائح أكتر في الحفظ أو الثقة، ابحثي في فدني عن "تقوية الحفظ" "النسيان"، هتلاقي إجابات كتير. ولو احتجتِ خبيرة نفسية أو دراسية، شوفي الخبراء هنا: https://www.fedni.net/experts. أنتِ هتتفوقي إن شاء الله، استمري يا بطلة! 💪❤️ إذا عندك تفاصيل أكتر، قوليلي.
تم النشر الاثنين، ٣٠ مارس ٢٠٢٦
النسيان طبيعى جدا خصوصا عندنا فى الأزهر احنا بندرس ٢١ مادة ف حاجه خيال يعنى لو مننساش بس الفكره فى المذاكره أصلا هى المدوامة عليها بس ك نسيان لو موقف عابر دا طبيعى لكن لو حصل كذا مرا واتكرر ممكن تجربى تاخدى omega 3 كويسه جدا وهتساعد معاكى + صحابك دول كلميهم عادى لكن كله ينزل ل درجة مجرد معارف و مدرسك دا حاولى تسيبيه ب أى طريقه موقف زى دا كان كفيل يدمرك تماما ركزى فى دراستك واهتمى بنفسك واديها الثقة هتفرق جدا والله ربنا يوفقك
تم النشر الثلاثاء، ٣١ مارس ٢٠٢٦
أنا فعلاً من كام يوم دعيت من ربنا انى اعرف مين الى بيحبنى فعلاً ومين إلى أخاف منه وأعرف حقيقتهم لعل إلى حصل دا كان استجابة دعوتى.
تم النشر الثلاثاء، ٣١ مارس ٢٠٢٦
مش ممكن يكون ده ابتلاء عشان تكشفي حقيقه الي حوليكي؟ عموما حصلتلي مواقف زي كده كتير وخصوصا من ٣ اعدادي لنص ٢ ثانوي تقريبا .. هو الموضوع كان مختلف عنك لانو كان فعليا توتر وكنت اول ما اجاوب سؤال واحد بس الاقي نفسي جاوبت عل الباقي بل بالعكس بعد ما الاستاذ قالي انت مش مذاكر قالي لا شاطر النهرده ومذاكر كويس... واحينا لسه بتحصل الموقف دي بس مبقتش مأثره زي الاول الي هو عادي مكنتش موفق النهرده اي المشكله بل بالعكس السؤال هيثبت في دماغي اكتر بعد كده... والناس بتنسى كل واحد مركز في حاله فا متخليش الموضوع في بالك اوي بس ركزي في حته اصحابك الي ضحكو كمان لان ده نسيان الفضل
تم النشر الاثنين، ٣٠ مارس ٢٠٢٦
انا فهماكِ بس فعلا يا ريت تتعلمى من الموقف دا ومش تزعلى خالص ان من موقف بسيط هما تنمروا على صديقتهم و ياريت مش كدا وبس و كمان دخلوا المستر فى الموضوع انت متزعليش المفروض تكونى مبسوطه انك عرفتِ هما مش بيحبوكِ علشان انت احسن منهم و ذاكرتِ كتير بس للاسف نسيتِ و دا امر وارد و طبيعي جدا و كمان ان ربنا بيحبك و صحابك مش طلعوا صحاب حقيقين طلعوا صحاب بالاسم بس فا نصيحه مني ابعدى عنهم و قربي من ربنا اكتر و التلعق بالله يغنينا عن الناس و اهتم بمذاكرتك ومش مهم هما اصلا علشان دا هينفع اوى دلوقتى وفى تالته كمان اما تكونى فى تالته هتقولى الحمدلله انى بعدت عنهم علشان مش يأذوني و يعطلونى عن مذاكرتى وانت فى اهم سنه طولت عليكِ ولكن اهتم بنفسك ومذاكرتك وتجنبيهم وابعدي عنهم احسن بكتيييير ليكِ و لنفسيتك
تم النشر الاثنين، ٣٠ مارس ٢٠٢٦
لعرض السؤال في فدني اضغط هنا