حد من صحابى بيحكيلى بيقولى
"انا خاطب من قريب وانا وخطيبتى بنحب بعض اوى
الكلام بياخدنا وبدانا نتكلم فى الجنس كتير واحنا مبسوطين ومستمتعين بدا اوى بس لما بقعد مع نفسى بتضايق قوى وبزعل اوى وبصلى وبقول يارب توب علينا انا عارف انه غلط
بس بعدها برضوا بكرر نفس الغلطه وهو بتجارينى اوى فى الكلام وبتكون مبسوطه قوى "
نصحته يتوب كتير ويرجع وبرضوا بيكرر نفس الغلط
ايه الحل فى المواقف اللى زى دى
بيحبها ، يصارحها ، يقعد و يتكلم معاها بكل صراحه انهم لازم يوقفوا ده علشان هما بيحبوا بعض ، وارد جدا النتيجة تبقى نهاية علاقتهم و بشكل هما مش متخيلينه، فحفاظا على علاقتهم و على نفسهم و على حبهم لازم يبعدوا عن الطريق ده ، و بعدين بالعقل يعني ، هما كده كده مخطوبين و ان شاء الله هيتجوزوا ، يعني هتبقى حلاله و يقدروا يعملوا اللي هما عايزينه بالحلال ، فكل الفكرة شوية صبر ووقت ، و ساعتها هيكون اجمل و اطهر مليون مره من دلوقتي ، لأن الأخطر ان ممكن الموضوع يتطور عن كده و خصوصا انخا متجاوبة و مبسوطة ، فوارد الشيطان يغويهم و يحصل تجاوزات قد يحدث و يتشال الستر في وقتها عنهم ، و ساعتها هيكون الندم شديد ، و بما انك صاحبه و هو صارحك فيبقى هو بيثق فيك و بيرتاحلك ، فما تسيبوش لكن ما تأنبوش ، انصحه بالحسنى و خليك معاه لحد ما يفوق من الغفلة دي ، وبالتوفيق ليكم يارب 😊
تم النشر الأربعاء، ٢٥ مارس ٢٠٢٦
بص يا صاحبي الموقف ده محتاج خطوات عملية مش بس كلام يعني أول حاجة لازم تبعدوا عن المكالمات اللي في وقت متأخر من الليل لأن دي أكتر وقت الشيطان بيدخل فيه وتاني حاجة لازم تتفق مع خطيبتها إن لو الكلام بدأ يروح في سكة مش مظبوطة حد فيكم يلحق يغير الموضوع وتالت حاجة قللوا القعدات لوحدكم في البيت وخلي أغلب وقتكم في أماكن عامة ووسط الناس ودايما افتكر إن الحب الحقيقي هو اللي بيخاف على الطرف التاني وبيحافظ عليه لحد ما تتجوزوا على خير ونضفوا نيتكم وجددوا التوبة كل ما تقعوا وم تيأسوش من رحمة ربنا
تم النشر الأربعاء، ٢٥ مارس ٢٠٢٦
هما الاثنين محترمين اوى والله بس هى ضعفت وهو ضعف
تم النشر الخميس، ٢٦ مارس ٢٠٢٦
صديقك يدعي ب الأواب و انا عندي مشكله مشابه ان مش بعرف اتوب من ذنب معين ولكن تعلمت طريقه جديده للمساعده على التوبه وهو ان الحق عمل فاسد بالصلاح وهو كل م يغلط يتوب و يصلي ركعتين و يفعل حسنات ماحيات مثل صدقه و الوضوء وده هيغير شيطان عنو واذا اذنب الف مره يجدد توبه و يحاول اجتناب معاصي و تبوبها و ممكن يبعد عن البنت لان في ديز خاطب ليس بمتزوج يعني لسه اساسة مينفعش يكلم معها بدون وسيط بنهم لانه غلط بس دي مشكله مجتمع كلو صديقي الله يهديه ويهدي كل شبال المسلمين
تم النشر الخميس، ٢٦ مارس ٢٠٢٦
قال النبي ﷺ: “من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان.
تم النشر الأربعاء، ٢٥ مارس ٢٠٢٦
لا طبعا ما تبعدش عنه
تم النشر الأربعاء، ٢٥ مارس ٢٠٢٦
سوري انا فهمت السؤال غلط بس طالما الأتنين بيحبوا بعض لازم يصارحها انو دا غلط ومينفعش وميتقابلوش كتير وهو طالما عارف انو دا غلط افضل انصحه لحد ما يتوب ربنا يتوب عليه يارب
تم النشر الخميس، ٢٦ مارس ٢٠٢٦
أنصحه أنه ميقعدش مع خطيبته الا بعد الزواج .. ده الحل النهائي الحازم / الزواج كثير من الشباب مش متوفر لهم بسبب الحالة المادية أو السمعة أو المرض وغيره .. فقول له انت ربنا اداك الفرصة تقوم تعصيه ! / وأخيرا لو انا مكانه فبصراحه هعيد تقييم البنت هل هي طيبة ولكن هو اللي فتح معاها المواضيع دي ولا هي أخلاقها مش تمام وهي اللي فتحت المواضيع .. فلو أخلاقها مش تمام فلو أنا مكانه هدور على بنت حازمة وعندها كرامة تربي أبنائي وأستمتع معها فيما أحل الله ... لكن مش يتسرع في قرار الترك لأن كل الناس بتخطئ
تم النشر الخميس، ٢٦ مارس ٢٠٢٦
علي قد ما تقدر تنصحه انصحه انت كدا بتنقذ شخصين مش صديقك بس لا والبنت اللي هوا خاطبها من الوقوع في ذنب عظيم والعياذ بالله انصحه مره وعشره كمان وانصحه وخلي النصح فيه أسلوب من التخويف وذكره بوجود الله زكره ايضاً بان ممكن يرتكب شي سيء حاول يا اما تخليه يسيب خطيبته
تم النشر الأربعاء، ٢٥ مارس ٢٠٢٦
أنا عايز انصحه
تم النشر الأربعاء، ٢٥ مارس ٢٠٢٦
اصلا مين سمحلهم يتكلمو خاص في فتره الخطوبه؟ المفروض هم الاثنين يوقفو لان ده ذنب كمان. ولكل بنت خاطبه او هتخطب اياكم تكلمو خطيبكم خاص فقط الكلام بيكون في النظرات الشرعية حفاظا عليكم واحنا كرجال ممكن الشيطان يوزنا ويقول انكم رخصتو نفسكو فانا هفسخ الخطوبه
تم النشر السبت، ٢٨ مارس ٢٠٢٦
الله المستعان .. يبقا يمتنع من أنه يجلس معها ويستغفر الله .. وحتى تمنعه انه يكلمك في الحاجة دي لأنها تعتبر مجاهرة بالمعصية وغيبة لخطيبته وثانيا مواضيع حساسة لا توافق الحياء .. قال تعالى :"قد أفلح من تزكى" .. والله يجازيه بصبره ويجازيك بنصيحتك
تم النشر الخميس، ٢٦ مارس ٢٠٢٦
ابعد عن صاحبك دا خالص حاول اجتنبه اللي هو علي قد السؤال بس وحاول انك متقابلهوش أبداً وادعي ربنا كتير وبإذن الله يستجيب
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا