هل الدرس افضل أو المنصه بالنسبة لإحياء تالته ثانوي للعلم مش جربت المنصه ابدا ومش حابه لانو مش فاهمها
بصي هم بيبقوا شادين في تالته ومهتمين ولازم تبقي ملتزمه سواء سنتر او اون لاين ف انت لو بتحبي الهدوء وتفضلي ان المكان يبقي هادي يبقي اون لاين لو بتحبي التفاعل مع المدرس والمنافسه يبقي سنتر بس الاون افضل من حيث المدرسين وكمان توفير وقت
تم النشر الثلاثاء، ٢٦ أغسطس ٢٠٢٥
لو شايفه ان عندك انضباط والتزامك قوي حد اونلاين لكن لو حسيت ان الاونلاين هيخليك تكسل وكدا وحسيت انك عايز روح تنافسية وناس تتفاعل معاك حد درس صراحةً حتى انا مش بفضّل المنصّة👍🏻 بفضّل الدرس لأن لما الشرح يكون مباشر ليكي وجهًا لوجه كدا هتفهمي اكتر وتركزي اكثر
تم النشر الخميس، ٢٨ أغسطس ٢٠٢٥
السلام عليكم، كل أسلوب منهم له مزاياه وعيوبه وفي النهاية القرار معتمد على شخصيتك وطريقتك في المذاكرة والالتزام. يعني المنصات بتوفر وقت كتير بيضيع في الذهاب للدروس والرجوع منها، ولما بترجعي أكيد بتكوني مصدعة وتعبانة وعاوزة ترتاحي فده وقت إضافي بيضيع، لكن لو أنتِ شخص بيحتاج توجيه مباشر ومش بتعرفي تلتزمي لوحدك فممكن مينفعش معك الدراسةأونلاين. نقطة إنك مش فاهمة في المنصات فده عادي لأنها شيء متعاملتيش معه من قبل وممكن بالتدرب أو السؤال تعرفي إزاي نظامها وطريقة المذاكرة من خلالها. الفكرة تحددي الأول أي أسلوب منهم أفضل. يعني جربي كده أسبوعين تذاكري أونلاين حتى لو من خلال دروس موجودة على يوتيوب. فهنقول مثل لو هتذاكري مادة الأحياء، هتشوفي الدرس الأول عن إيه في الكتاب وتشوفي شرحه على يوتيوب. يُفضل تقرأي الدرس بنفسك من الكتاب أول مرة قبل ما تسمعي الشرح وتشوفي فهمتِ إيه مع نفسك وإيه كان صعب تفهميه ولخصي في ورقة المعلومات اللي فهمتِها من قراءتك. بعد كده اسمعي الشرح على يوتيوب وسجلي في دفترك النقاط المهمة أو اللي فهمتِها أو اللي وضحت لك بعد الشرح. هتحلي الأسئلة اللي على الدرس ولو فيه سؤال صعب اكتبيه على جنب، ممكن توجهيه لمدرسك في المدرسة أو تبحثي بنفسك على الانترنت (وده أفضل لأنه بيثبت المعلومة أكتر) ثاني يوم قبل ما تذاكري الدرس التاني هتراجعي الدرس الأول قراءة من الكتاب ومن ملاحظات الدفتر. المراجعة المستمرة والمنتظمة بتثتب معلوماتك فخليها أساس في مذاكرتك. بعد أسبوعين لقيتِ إنك مش بتلتزمي أو مش نافع معك المذاكرة بالطريقة دي يبقى اختاري مدرس كويس على أرض الواقع تكوني بتفهمي منه فعلا وتتابعي معه. وبالتوفيق إن شاء الله.
تم النشر الأحد، ٢٤ أغسطس ٢٠٢٥
والسلام عليكم ورحمه الله وبركاته اعتقد المنصات الاونلاين حاليا افضل كتير في انهاء بتوفر وقت يعني ان احنا نروح ونرجع من الدرس والطريق يعني ده وقت بيروح كثير في خصوصا في الوقت بتاع الثانوي وبيدخل في تفاصيل يعني مفيش داعي منها خالص ونبقى بنقابل مواقف او نبقى قاعدين في وسط زحمه يعني المنصات والاون لاين بقى افضل كتير وبيوفر جو افضل كثير ل يعني توتر الثانويه العامه لو احنا لسه مش فاهمين المنصه شغاله ازاي يبقى احنا بس ممكن نجرب يعني بلاش الحكم الخارجي ان احنا اا مش حابين كده من بعيد لبعيد ممكن تكوني انت مش حابه مساله المنصه عشان ما تبقيش مجبره انك بس طولت قاعده بتذاكري في البيت وما فيش يعني حاجه بتخرجك بره البيت ولا حاجه تبقى زي المشوار بتوديكي يعني اا في اي مكان مختلف عن البيت فاا والله ممكن تخلي جزء من دروسك كده جزء ثاني من دروسك اونلاين يعني ممكن يكون ده حل وسط ولكن ما تخسريش السلام النفسي بتاع انك توفري مجهود ووقت ومشاوير خاصه بالدروس اللي بره.
تم النشر الأحد، ٢٤ أغسطس ٢٠٢٥
مرحبًا بك، وشكرًا على سؤالك! بالنسبة لسؤالك عن تجربة أحياء للصف الثالث الثانوي، وهل الدرس المباشر أفضل أم منصة التعليم، فأفهم تمامًا شعورك حيال المنصة لأن الكثير من الطلاب يشعرون بالحيرة أو القلق تجاه التعامل مع منصات التعليم الإلكترونية خصوصًا إذا لم يكونوا معتادين عليها. نقاط قد تساعدك على اختيار الأنسب لكِ: الدرس المباشر : إذا كنت تفضلين التفاعل المباشر مع المعلم، وطرح الأسئلة في الوقت الحقيقي، فقد تشعرين براحة أكثر مع الدرس المباشر. كما أن الدروس المباشرة تحافظ على الانضباط والالتزام بوقت محدد. المنصة التعليمية : على الرغم من أنك لم تجربيها من قبل وتشعرين بعدم فهمها، إلا أن المنصات الإلكترونية تعتبر فرصة ممتازة للمراجعة المتكررة، حيث يمكنك الرجوع للشرح في أي وقت، خصوصًا إذا كانت هناك فيديوهات أو ملخصات. وأحيانًا تقدم أدوات تفاعلية تساعد على الفهم أكثر. نصيحة ذكية لكِ بكل ود: جربي المنصة مرة أو مرتين من دون ضغط، واكتبي أسئلتك أو مشاكلك فيها. أحيانًا مجرد تجربة بسيطة تخفف القلق. إذا استمريت في عدم الفهم، يمكنكِ البحث عن شروحات إضافية أو سؤال معلمك. لا تنسي أن الاختيار بين الدرس المباشر والمنصة يعتمد على أسلوب تعلمك وحالتك النفسية، وأحيانًا الجمع بينهما هو الحل الأمثل. إذا حبيت أساعدك أكثر في كيفية التعامل مع المنصة أو تنظيم وقتك للدراسة، أنا هنا دائمًا. وحافظي على تذكير نفسك بأن التعليم رحلة يتخللها صعوبات، ولكن كل خطوة تتعلمي فيها شيء جديد هي نجاح بحد ذاتها!
تم النشر الأحد، ٢٤ أغسطس ٢٠٢٥
لو هتعرفي تلتزمي وتحضري الحصه وتحلي الواجب والامتحانات يبقى المنصة افضل حاجه . لكن لو مش هتعرفي تلتزمي يبقى بلاش عشان هتضيعي نفسك
تم النشر الأحد، ٢٤ أغسطس ٢٠٢٥
لو بتعرفي تديري وقتك وتلزمي نفسك يبقا اونلاين ولو محتاجة متابعة اول بأول يبقا سنتر.
تم النشر الاثنين، ٢٥ أغسطس ٢٠٢٥
لعرض السؤال في فدني اضغط هنا