تم حذف هذا السؤال
السلام عليكم، "لا يُلدغ المؤمن من جحر واحد مرتين" وأنتِ اتلدغتِ كذا مرة وأخدتِ دروس قاسية، ولسه بتسألي هل تعطيه فرصة وممكن يكون تغير؟ هو ولا راجع ندمان ولا حاجة ولا تغير وكل الكلام اللي بيقوله بس عشان يجر رجليك ويرجعك للعلاقة التوكسيك دي تاني. ولو رجعتِ هتكوني بترتكبي أكبر خطأ في حق نفسك وهتساعديه يدمرها. أنتِ لو تغاضيتِ عن المعاملة السيئة اللي كان بيعاملها لك والخناقات والبعد، مينفعش أبدا تتغاضي عن الخيانة وإنه كان بيتسلى بك وهو مرتبط بواحدة تانية ولولا إنها خانته كان زمانه مكمل معها. فمجرد بس إنه فكر في غيرك دي نقطة كفيلة تخليكِ تطرديه من حياتك تماما. عامة، أنتِ رادة على نفسك في تفاصيل المشكلة اللي كاتباها فارجعي اقرئيها وفكري كويس ليه مينفعش تعطي فرص تانية ولا تفتحي صفحة جديدة. وبالمناسبة، بلاش ارتباط غير رسمي تاني، العلاقات دي مش بيجي منها غير التعلق ووجع القلب فحافظي على قلبك ومشاعرك، أنتِ تستحقي أفضل من كده. بالتوفيق.💚
تم النشر الأربعاء، ١٦ سبتمبر ٢٠٢٦
حاضر صح لازم ابعد لان مينفعش أصلا يفكر يخون مع حد دا صراحني ودا حب حياته وانا كنت اول أصلا متخيله وكان لسه بيراقبها بعد ما خانته قدام عنيه وانا معاه متخيله بجد ويقولي غلطه وندمان طب ازاي وانا مشاعري فين عارفه حضرتك أنا اتقدملي ناس كتير كان يتمنى بس أوفق عليهم بسسبه من اذيته هو كان بيكون سبب رفضي بس خير كله بيكون نصيب وشكرا علي نصحيه بجد واحد اتكلم شويه من جناني ازاي افتح صفحه جديده بعد اللي عملته حتي لما اديتك فرصه من غير م اعرف سبب اللي سبتني عشانه مستغلتش الفرصه كانت لسه مأثر عليك
تم النشر الأربعاء، ١٦ سبتمبر ٢٠٢٦
بصي يا غالية دي مش تصرفات حد بيحبك لأن الحب أمان حاجة كدا عظيمة مش بتوجع القلب، ومش بتخليكِ خايفة من بكرة...ومن الخياننة...عايزة أقولك الحب يعني مفيش بديل ليكِ فاهمة، المُحب الوافي مش بيعمل التصرفات دي، شوفي الحب بنظرة صح وحقيقة، كمان أزيدك من الشعر بيت الـ بيجلك الشغل عشان يصالحك وبيعمل المستحيل عشانك زي ما قولتي، مستحيل يزعلك الزعل دا كله...بس هو بيتعامل معاكِ كـ شيء موجود عشانه في أي وقت بحجة إنك الوحيدة الموجودة أنتِ فاهمة بيتعامل معاكِ إزاي؟؟؟ فـ أنتِ خذي قرار وهو أصلًا مش فرصة عشان تزعلي عليها والله هتتعبي جدًا جدًا جدًا في العلاقة دي، وعايزة أقولك كمان أعرفي قيمة نفسك وإنك تستحقي الأفضل وتعيشي عيشة حلوة مع حد متزن سوي نفسيًا هين لين صالح عارف قيمتك 💕
تم النشر الأربعاء، ١٦ سبتمبر ٢٠٢٦
الحمد لله ربنا جابلي حقي زمان نفس اللي عمله فيا أتعمل فيه بالظبط والله بالظبط الحمد لله
تم النشر الأربعاء، ١٦ سبتمبر ٢٠٢٦
يعني هو بيعمل تصرفات توجعني في نفس الوقت لما ابعد خالص يعمل مستحيل عشان يصالحني يكلم اخواتي يجيلي الشغل يعني مش بيحبني لان مافيش حد بيعمل تصرفات دي وبيحب هو بس أنا عشان كويسه و واثق فيا مش هيعرف يثق في حد تاني
تم النشر الأربعاء، ١٦ سبتمبر ٢٠٢٦
بالظبط بقول كدا هيدمرني خصوصا ان مفروض كام شهر ويجي يخطب زي م وعد اهلي وحاسه انه متمسك بيا مجرد ان أنا اصليه وبحبه ومش هيلاقي زي وأنه غلط غلطه كبيره زمان بس فكره ان تفكيره كان معاها حتي لما اديته فرصه تانيه يعني حتي مستغلش الفرصه يعني أنا كنت معاه وبيراقب اكونتاتها متخيلين جاي ايام دي بيقولي حقك عليا ندمان ساعديني ان انسي ونكون مع بعض وبلاش نفتح في قديم سهله كدا عليا ؟؟
تم النشر الأربعاء، ١٦ سبتمبر ٢٠٢٦
هيدمرك تدمير ، ابعدي عنه تماما تماما
تم النشر الأربعاء، ١٦ سبتمبر ٢٠٢٦
متبدأيش صفحة جديدة العلاقة توكسيك والشخص توكسيك أصلًا متتعبيش نفسك واختصري سنين هضيع من عمرك ولا صفحة جديدة ولا كشكول بجد هتندمي
تم النشر الأربعاء، ١٦ سبتمبر ٢٠٢٦
لعرض السؤال في فدني اضغط هنا