هل أمنح فرصة جديدة لشخص تركني وارتبط بأخرى ثم عاد نادماً يطلب الخطوبة والزواج؟

Question

أنا كان معايا حد زميلي في دراسه من واحنا صغيرين المهم كان فيه مشاعر طفوليه كدا من ناحيتي وانا كنت واحده بريئة جدا شخص دا من بعد ابتدائي دخل كلمني في الجامعه واعترفلي انه بيحبني وهيخطب واحنا في ٣ جامعه وكدا المهم قعد اول شهر مفروض عرفنا بعض بيه كارتباط كويس بعدين فجأه بدأ يتغير جدا معايا ويعمل تصرفات والله ما فيه حد يقبلها أنا مقبلتش فعلا بس ساعتها أنا قلت يمكن احنا لسه صغيرين ودي تصرفات عيال وكدا بس كان بيختفي بالأسبوع وكدا وكنت مفكره دي خناقات مرتبطين وكدا وكنت فاهمه عادي فضل سنه حرفيا علي كدا متغير ومش بيرد عليا لدرجه بجد كان كل تفكيري هو وكنت بحاول أساعده كتير المهم مافي فايده فيه يعمل تصرفات تخليني أبعد من زمان بعدت فعلا عنه 5 سنتين كان بيدخل يكلمني في سنه مرتين كدا بس أنا كنت خلاص يعني اعتبرت صحاب رغم كان فيه مشاعر لسه جوايا بس خلاص معتش واثقه وكدا المهم اتخرجنا وانا اشتغلت وبقيت تيم ليدر بس مكنش بيشوف حاجه ليا يعني رجع بعتلي بعد ما تخرجنا بس مش زي كل مره بيطمن وخلاص لا عاوز يرجع بخطوبه المهم أنا برضو كنت مفكره دا كبر وعقل وبقي قد المسؤليه بقا رجعتله فعلا بعد كل اللي عمله دا بس خدت بحجه كبرنا وكدا وتخرجنا خلاص قعدت فتره كويس جدا معايا ويحاول يصلح اللي عمله زمان وكان اتقدم أصلا بس هو طلب من اهلي فرصه يرتب اموره كام شهر يعني المهم إنذار 🚨 اتغير معايا جدا بس متمسك بيا لما ابعد يعمل تصرفات غريبه بس في نفس وقت لما ابعد يعمل مستحيل لدرجه كان بيجيلي الشغل يعملي مشكله عشان ارد عليه وحصل حوارات حرفيا المهم بعد كام شهر وخلاص مفروض هنتخطب كنت أنا بعدت عنه خالص اسبوع عشان ارد عليه اعترفلي بقا قالي في فتره اولي اللي بعدنا فيها وكنت متغير لما كنا في الجامعه كان أتعرف على واحده من لعبه وعرفت تشده ليها أنا عشان مش أظلمك معايا بعدت عنك رغم يا جماعه مكنش بيعد كان بيعد برضو بس كل فين وفين وهو معاها كنت أنا أصلا مقابلاه وجبتله هديه وكان عادي مقلش حاجه وقالي مش هنبعد المهم البنت دي خانته وكانت من محافظه تانيه وكان بيسافر لها مخصوص مره هو اتقدم ليها بس في مره هو مسافر ليها في عز شتا شاف خيانتها قدام عينه وكان فيه حد تاني قايله وهي راحه تقابله أنا راحه لدكتور الشخص دا بعتلها بقا عملتي اي وهو معاها خلاصه حب واحده جت وخذت كل الحو بقا وخانته وبعد عنها بس منسهاش لما رجعلي ظلمني أنا بقا عشان تفكيره لسه معاها المهم جايلي دلوقتي بيقولي تعالي نفتح صفحه جديده ونبدأ اول وانا بحبك وكدا رغم البنت دي خلته معتش بيثق في مخلوق ودمرته نفسيا لدرجه كل ريبوساته عنها أصلا بس دلوقتي بيقولي خلاص قفلت الباب وكان بيقولي كانت بعتت ليا وانا بتأذي منها قولتلها أنا سبت واحده زمان ضفرها برقبتك وبيقولي دلوقتي اقفي جمبي وانا هعوضك وهساعدك تنسي هل ينفع اديله فرصه مليون بعد كل دا وممكن يكون اتغير وهيبدأ؟؟ خلاصه انه ارتبط بيا ولما لقي البديل اللي شده بعد عني وبعدين لما عرف قيمتي وشاف خاينتها وربنا جابلي حقي الحمد لله من غير ما اعمل اي حاجه اللي وجعني انه بعد عشان واحده من لعبه وراجع ليا ندمان ولما رجع محاولش ينساها علطول برضو حسسني انه لسه بيفكر فيها برضو بس حاليا ندم خالص بقا وعاوزين نبدا من جديد ومن اول أنا بقي اعدي عادي المفروض ؟؟؟ حابه اسمع الاراء ناس كتيره لوسمحت رغم عارفه ان موضوع واضح زي الشمس بس عاوزه اسمع آراء الناس دا ممكن يساعدني علي تخطي

Accepted Answer

السلام عليكم، "لا يُلدغ المؤمن من جحر واحد مرتين" وأنتِ اتلدغتِ كذا مرة وأخدتِ دروس قاسية، ولسه بتسألي هل تعطيه فرصة وممكن يكون تغير؟ هو ولا راجع ندمان ولا حاجة ولا تغير وكل الكلام اللي بيقوله بس عشان يجر رجليك ويرجعك للعلاقة التوكسيك دي تاني. ولو رجعتِ هتكوني بترتكبي أكبر خطأ في حق نفسك وهتساعديه يدمرها. أنتِ لو تغاضيتِ عن المعاملة السيئة اللي كان بيعاملها لك والخناقات والبعد، مينفعش أبدا تتغاضي عن الخيانة وإنه كان بيتسلى بك وهو مرتبط بواحدة تانية ولولا إنها خانته كان زمانه مكمل معها. فمجرد بس إنه فكر في غيرك دي نقطة كفيلة تخليكِ تطرديه من حياتك تماما. عامة، أنتِ رادة على نفسك في تفاصيل المشكلة اللي كاتباها فارجعي اقرئيها وفكري كويس ليه مينفعش تعطي فرص تانية ولا تفتحي صفحة جديدة. وبالمناسبة، بلاش ارتباط غير رسمي تاني، العلاقات دي مش بيجي منها غير التعلق ووجع القلب فحافظي على قلبك ومشاعرك، أنتِ تستحقي أفضل من كده. بالتوفيق.💚

هل أمنح فرصة جديدة لشخص تركني وارتبط بأخرى ثم عاد نادماً يطلب الخطوبة والزواج؟

اجتماعية

حب

علاقات

سؤال من احد أعضاء فدني

تم النشر الأربعاء، ١٦ سبتمبر ٢٠٢٦

1 إجابة

5 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك