انا اسفة و محرجة جدا من الي هقولك بس مضطرة ، انا عندي مشكلة داخلة في سنة و مش قادرة اقول لاهلي لاني مكسوفة جدا ، لما كنت صغيرة كان عندي املاح علي الكلى ، و خفيت منها بس كل فترة كنت بشتكي منه شويه بس مكنتش بتعمل لي مشكلة ،
المهم ان من فترة بقي بيجلي احتباس بول متكرر ، لدرجة ان مبقاش يعد اسبوعين على بعض غير لم يجي يوم يومين تلاته ، و بقيت علشان احل الموضوع و ميطولش لاني بيتعبني من جهة و بيعجزني في صلاة و وضوء من جهة بقيت اشرب "بيرل"شعير ،
و بعدين الموضوع قلب بقي فترة يجلي احتباس و فترة مقدرش امسك نفسي فتنزل مني قطرات و قريت ان دا إحتمال يكون سلس بول ، و موضوع وحش جدا لدرجة ان في مرة كنت ف الكلية و حصل كدا و مقدرتش امنع نفسي ،
كمان، الايام الي مش بيحصل فيه سلس بول او احتباس بدخل الحمام بشكل متكرر ، و خاصة بليل ، ممكن اقوم من النوم 4 مرات ادخل حمام . و اخيرا انا مبقتش استحمل ملابس داخلية لاني بحس بحرقة في جلدي .
آسفة للاطالة و لو كلامي ازعج حد ، بس قولولي اعمل ايه ، و ايه الي بيحصل دا و انا ممكن اخف ؟
حبيبتي مشكلتك هينة بإذن الله . أولا ثلاث مشاكل أولهم و رأسهم المشكلة الصحية تذهبين لطبيب مسالك جيد و تستمري علي العلاج لازلت صغيرة و أمرك هين و معالج بإذن الله شفاك و عافاك . ثانيا لك في الصلاة حكم مريض السلس . تؤخرين الصلاة لآخر وقتها إن كان السلس مستمر و تتوضئين لكل فرض و تطهري ملابسك و تصلين . ثالثا يوجد فوط يومية للنساء تقيك حرج ما قد يقع في ملابسك و تحفظ طهارتها رابعا الأمر إن كان له أثر نفسي فالجأي لطبيب و هوني عليك الأمر ف كل منا عنده بلاياه و تقبلي ابتلاء ربك بالصبر و الحمد و الشكر شفاك و عافاك
تم النشر الاثنين، ٣٠ مارس ٢٠٢٦
لا تتأسفي ولا تتحرجي ، دي مشكلة صحية عادية جداً و ليها علاجات كتيرة ، بس لازم تروحي تكشفي و اتكلمي مع والدتك بينك و بينها و خليها توديكي لدكتورة و الموضوع هيتحل ، لكن المشكلة مش في ده خالص ، المشكلة في احراجك منه لدرجة انك جاية على نفسك و مستحملة التعب ده كله لمجرد انك مكسوفة تقولي انك تعبانه ، اكسري الحاجز ده ضروري علشان ما تأذيش نفسك اكتر من كده ، النهارده لاااازم تتكلمي مع والدتك في الموضوع ده ، و بالتوفيق 😊
تم النشر الأحد، ٢٩ مارس ٢٠٢٦
بصي يا بنت الحلال الكلام ده ملوش علاقة بالكسوف دي مشكلة في السيستم عندك ومحتاجة صيانة عشان ميأثرش على يومك الدراسي الأعراض اللي بتقولي عليها دي محتاجه دكتورة مسالك لانو احتمال يكون التهاب في المسالك البولية أو أملاح زيادة لازم تروحي لدكتور مسالك بولية وبلاش تقلقي من موضوع السلس البولي ده لأن في سننا غالبا بيكون مجرد بكتيريا قوية وعلاجها كورس مضاد حيوي وفوار ومية كتير وهترجعي طبيعية في يومين بالظبط فبلاش تأجلي عشان تقدري تركزي في محاضراتك وإنتي مرتاحة باذن الله بس لازم تكتشفي بسرعه وباذن الله مفيش حاجه وجد والله ربنا يحفظك
تم النشر الأحد، ٢٩ مارس ٢٠٢٦
يا حبيبتي، متقلقيش خالص ولا تحسي بالإحراج أبدًا، أنتِ شجاعة جدًا إنكِ بتتكلمي عن الموضوع ده، وده مشكلة شائعة عند كتير من البنات ومش عيب خالص. أنا هنا عشان أساعدكِ بكل حنان، وهقولكِ اللي أقدر عليه خطوة بخطوة. إيه اللي ممكن يكون بيحصل؟ من اللي وصفتيه (أملاح كلى قديمة + احتباس بول متكرر + سلس قطرات + دخول حمام كتير خاصة بالليل + حرقة جلد)، ده يشبه عدوى في المسالك البولية (UTI) أو حصى كلى صغيرة بترجع، أو ضعف عضلات الحوض (اللي بيسبب سلس بول غير إرادي). الـ"بيرل" الشعير ممكن يساعد شوية في التبول، بس مش حل دائم، وقد يزود الرطوبة اللي بتسبب الحرقة. الحرقة في الجلد غالبًا من الرطوبة والعدوى، مش من الملابس نفسها. إيه تعمليه دلوقتي عشان تخفي وتتحسني؟ اشربي ماء كتير جدًا : 3-4 لتر يوميًا (مش عصائر أو بيرل بس، ماء نقي). ده هيقلل الاحتباس ويطرد أي عدوى أو أملاح. ابدئي فورًا. نظافة يومية : اغسلي المنطقة بالماء الدافئ بعد كل تبول (من الأمام للخلف)، وجففي كويس. استخدمي ملابس داخلية قطنية فضفاضة، غيريها كل يومين، ونامي بدونها لو تقدري عشان التهوية. للحرقة : حطي كريم مرطب طبيعي زي الفازلين النقي (مش كريمات دواء بدون استشارة)، وتجنبي الصابون القوي. لو الحرقة شديدة، جربي زيت جوز الهند الطبيعي. للصلاة والوضوء : لو التبول متكرر، اعملي وضوء سريع كل مرة. ربنا يعينكِ ويتقبل منكِ. تجنبي : الإمساك (كلي ألياف زي الخضار والفواكه)، القهوة/الشاي/المشروبات الغازية (بتزود التبول)، والجلوس طويل بدون حركة. الخطوة الأهم: روحي لدكتور فورًا! متستنيش، ده مش هيروح لوحده وقد يتفاقم. روحي لدكتورة نساء وتوليد أو مسالك بولية (أخصائي كلى). هيعملولكِ تحليل بول بسيط (رخيص وسريع) + إيكو كلى، ويعطوكِ مضاد حيوي لو عدوى. لو مكسوفة من أهلكِ، قولي إنكِ عايزة فحص روتيني للنساء، أو روحي لوحدكِ لعيادة قريبة (في مصر، عيادات حكومية رخيصة). لو عايزة خصوصية أكتر، شوفي الـ خبراء في فدني على https://www.fedni.net/experts – فيه دكاترة هيقدروا يساعدوكِ أونلاين. ابحثي في فدني عن "سلس بول" أو "احتباس بول" هتلاقي إجابات تانية مفيدة. أنتِ قوية وهتتخطي ده بإذن الله، وأنا فخورة بيكِ. ربنا يشفيكِ ويعافيكِ يا رب. 💕 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٢٩ مارس ٢٠٢٦
لازم تحليل أملاح علشان تعرفى نوعها لأن غالبا عندك أملاح زيادة + ممكن تروحى الصيدلية تجيبى يوريفين فوار و شريط رواتينكس كبسولات وتاخديهم وتشوفى هيريحوكى ولا لا
تم النشر الأحد، ٢٩ مارس ٢٠٢٦
الاعراض دي منتشرة جدا ما بين البنات مع اختلاف الاسباب. بتيجي من اول الينات الي لسه بيتعلمو المشي. لا يجوز الجزم بدون اجراء تحاليل(غالبا تحليل بول كفايه) ولكن السبب الاغلب بيكون التهابات في مجري البول ودا بيعمل حرقان، عدم تحكم، ويخليكي عايزه تروح الحمام حالا. الي حابب اقولهولك ان دا غالبا موضوع شائع جدا وبسيط بإذن الله ومش يستاهل انك تعذبي نفسك وتعرضي نفسك لمضاعفات(خطيرة). لو تقدري تزوري دكتور، لو مفيش امكانيه ماديه ممكن تزوري عيادة في مستشفي جامعي تكلفه التذكرة كام جنيه.
تم النشر الجمعة، ٣ أبريل ٢٠٢٦
لعرض السؤال في فدني اضغط هنا