السلام عليكم ورحمة الله وبركاته
انا بنت عندي 15 سنه مرتبطه ب واحد و بنحب بعض و محدش يقولي ابعدي وووو
انا بس عاوزه اعرف دلوقتي رمضان داخل علينا و بكلمو لو قولتلو و انا صايمه كلام حلو و رومانسي ووووو
هبقا فاطره ولا كل حاجه تمشي لوحدها؟؟
ارجو الرد لو سمحتو جزاكم الله خيرا
السلام عليكم، معلش عارفة كلامي هيضايقك بما إنك قلتِ محدش يقولك ابعدي عنه بس النصيحة لله، خديها أو اتركيها براحتك. بالنسبة للصوم، حتى لو الكلام مش هيفطرك بس الصوم أصلا مش عشان نجوع ونعطش... لازم تمتنعي عن الذنوب والمعاصي وكل الكلام الحرام. فأنتِ هتكوني صايمة وبتعملي حرام وبتجوعي نفسك على الفاضي. ده عشان أولا، علاقتك به حرام أصلا وتغضب ربنا... ثانيا، حرام برضه عند ربنا تقولي له أو تسمعي منه كلام حب. ثالثا، 15 سنة صغيرة قوي على كلام الارتباط ووجع القلب... خدي لفة في التطبيق وشوفي كم المشاكل اللي جت بسبب العلاقات دي وكم البنات اللي انضحك عليها وكان الشباب بيتسلوا بهم مش أكتر. ** نصيحة عشان ربنا يبارك لك، حافظي على نفسك وقلبك ومتغضبيش ربنا.. ربنا وضع حدود بين الشباب والبنات فعززي نفسك وحافظي على حدود ربنا. دي نصيحتي، وفي الآخر زي ما قلت، اقبليها أو اتركيها.
تم النشر الخميس، ٢٥ ديسمبر ٢٠٢٥
ايوة حرام لانه مش جوزك دا اولا ثانيا العلاقة دي هاتنتهي بكسرة قلب لا محالة اما ليكي او ليه ما عند الله لا يُنال إلا بطاعته لكن تكوني فاطرة او لا لا مش هايفطرك لكن هاينقص من ثواب الصيام تأكدي انو كلامك هايثير شهوته ممكن هو يفطر اخر حاجة دا مش حب دا إعجاب فترة مراهقة وهاتخلص اووووعي تتعلقي علشان الندم بعد كدا صعب اغلبنا جرب اتكسر جامد اوي بعد تجارب العلاقات المحرمة دي
تم النشر الخميس، ٢٥ ديسمبر ٢٠٢٥
شكرا ليكم بجد ♥
تم النشر الخميس، ٢٥ ديسمبر ٢٠٢٥
تم النشر الخميس، ٢٥ ديسمبر ٢٠٢٥
تم النشر الخميس، ٢٥ ديسمبر ٢٠٢٥
ده حرمين تلاته بصوت مبروك عطية 😀😀
تم النشر الأحد، ٢٨ ديسمبر ٢٠٢٥
المشكلة انك عارفة ان دا حرام 😂 ، بصى كلام بجد لو ليكوا نصيب لبعض كدة كدة هتتلاقوا لكن بالحلال ، افتكرى أن البداية التى لا ترضى الله نهايتها مش هترضيكى .
تم النشر السبت، ٢٧ ديسمبر ٢٠٢٥
ودول كلمتين خليهم في بالك .. انتي فيكي الخير ومش شخص خبيث بدليل انك بتهتمي بحق ربنا وهو الصوم . والشخص اللي فيه الخير ربنا بيوفقه للتوبة . انا فاهم انك في لذة ودفء الحب وهي ممتعة جدا خاصة لو كان بعد اهمال او قسوة من الأهل في الطفولة وعارف انك متأكده ان ده طريق غلط ويضرك دنيا وآخرة وإن الشريك ده ميهموش أمرك ولا حياتك هو بس عايز يحرك مشاعره ويمتع غرائزه باستخدامك ... مش هقول لك سيبيه ولكن هقول لك انتي عندك علاقة جيدة مع ربنا فمتفقديهاش في رحلة المعصية ... عشان لا محالة في يوم من الأيام هتخلص قصة الحب وتفضى الدنيا حواليكي وميكونش لكي الا ربنا وساعتها هيحرجك برحمته وأنه رغم كل حاجة بيغفر للي بيعصيه بل وبيبدل ذنوبه إلى حسنات .... وربنا يستر ومتخلصش قصة الحب بمشكلة زي ما بنشوف المشاكل اللي هنا عالبرنامج . وفي قصص حب مشفناش من اصحابها شكوى أو مشاكل لأنهم ماتو في مرحلة اللذة وموصلوش لمرحلة العواقب ! ....
تم النشر الجمعة، ٢٦ ديسمبر ٢٠٢٥
اهم حاجة تصومي ... مفيش اختلاف ان العلاقات حرام ولكن مش معناه انك تسيبي الصوم علشانه ...
تم النشر الجمعة، ٢٦ ديسمبر ٢٠٢٥
العفو يحبيبتي ده واجبنا تجاهِك
تم النشر الخميس، ٢٥ ديسمبر ٢٠٢٥
لو بيحبك بجد يدخل البيت من بابه لو هو راجل بجد يتقدم لحضرتك قولي ليه أتقدم ليا اخطبني من اهلي اتعرف عليا بمعرفة اهلي غير كدا تسلية تضييع وقت ومشاعر علشان تتأكد جربي تتقلي عليه متى تردي لمدة هتلاقيه خلع او كلم غيرك لو هو من نفس سنك دا صعب جدا لسة عنده دراسة وكلية وبعدين جيش امتى هايجهز نفسه علشان يفتح بيت نصيحة بلاش انا زي اخوكي الكبير عشت نفس التجربة مع بنت طلعت عيني تعبت منها جداااا أيقنت انه اللي يتعلق بحاجة غير ربنا هايتعب السعادة اللي هاتخديها من العلاقة دي دلوقتي هاتتخصم من رصيد السعادة بتاعك لما تكبري تتجوزي سوء هو او غيره احسن حل اقفلي الباب امسكي كتابك وذاكري حطي هدف انك تبقى بنت ذات قيمة كبيرة من العلم احفظي قران واتعلمي هواية جديدة تتطوري بيها نفسك وشكرا
تم النشر الخميس، ٢٥ ديسمبر ٢٠٢٥
لعرض السؤال في فدني اضغط هنا