السلام عليكم ورحمة الله
انا بنت عاوزة ارضي ربي بس عشان انا عارفه ان ده حاجه أحسن من الجنه نفسها بس مش عارفه ازاي حاسه ان الموضوع صعب ده غير كمان انا كل ما افكر في كده اقول ازاي هرضيه وانا اصلا لغاية دلوقتي لسه مش واثقه في صلاتي يعنى أحس انها مش مقبوله بسبب اني عندي وسواس بيخليني أعيد الصلاة اكتر من مره وانا محرجه اقول هو إيه الوسواس ده
المشكله وانا اصلي وفكرت في الموضوع كان في بالي ال هو انا عاوزه ارضيه بس نفسي ترد وتقول حسني صلاتك الأول ازاي بترضيه وانتي بتعملي ذنوب كتير في اليوم وبتشتتي في صلاتك رغم انك تقدري تركزي فيها على ما اعتقد،
رغم ده كله انا من جوايا عاوزه احاول و انا لما سمعت الكلام ده حسيت اني عاوزه ابكي معرفش ليه بس حسيت ان فيه البكيه معرفش هل روحي حست بشعور غريب او ما شابه
المهم خليني اسأل اساله
1.هل ارضاء الله صعب
2.هل هناك أحد من الانبياء ارضى الله
3.ما هي الأعمال التي ممكن ترضى الله
وعليكم السلام ورحمة الله وبركاته، اهنئك اختي❤ لأنني احسبك ممن تكلم عنهم الرسول صلّى الله عليه وسلم في هذا الحديث: سألتُ رسولَ اللهِ صلَّى اللهُ عليه وسلَّم عن هذه الآيةِ {وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ}. قالت عائِشةُ: أهم الذين يَشرَبونَ الخَمرَ ويَسرِقونَ؟ قال: لا يا بِنتَ الصِّديقِ، ولكِنَّهم الذين يصومون ويُصَلُّونَ ويتصَدَّقون وهم يخافون ألَّا تُقبَلَ منهم، أولئك الذين يسارِعونَ في الخيراتِ وهم لها سابِقونَ الراوي : عائشة أم المؤمنين | المحدث : ابن العربي | المصدر : عارضة الأحوذي | الصفحة أو الرقم : 6/258 | خلاصة حكم المحدث : صحيح | التخريج : أخرجه الترمذي (3175) واللفظ له، وابن ماجه (4198) 🌸 لكن ايّاك والوسوسة لانها من الشيطان، امنعيها واستعيني بالله لذلك 🌸 ارضاء الله عزيزتي ليس مستحيل، الله هو الرحيم وحاشاه سبحانه ان يدخلنا في اختبار الدنيا ونحن لا نستطيع حله! لذلك ارسل لنا القران والسنّة ، لكي نتعلم ونعرف الطريق. 🌸 دائما ما اتذكر هذا الحديث: أَحَبُّ الأعمالِ إلى اللهِ أدْومُها و إن قَلَّ لذلك ادخلي الى يومك ولو عمل صالح واحد وداومي عليه، لا تقطعيه، قومي الليل في الثلث الاخير قبل صلاة الفجر، اكثري من الدعاء والاستغفار، 🌸 وطبعا في النهاية اقول لك، احتسبي الأجر! احتسبي كل شيء تقومين به، كل شيء ، كل شيء افعليه لوجه الله... مثلا عند نومك احتسبي انك تريدين ان تنامي لكي تشعري بقوة في جسدك وتعبدي الله بخشوع اكبر، اذا اردت مساعدة امك احتسبي لوجه الله؛ النجاح في امتحان احتسبيه لوجه الله(الله يحب اذا عمل احدكم عملا ان يتقنه) وتذكري قليل دائم ❤ اسأل الله ان يوفقك لما يحب ويرضى
تم النشر الخميس، ٨ مايو ٢٠٢٥
اولا كدا خليكي واثقة إن الشك دا من الشيطان بيحاول يرهقك نفسيا عشان تزهقي من العبادة ، افضل حل هو التغافل عن هذه الوساوس تماما ، يعني جالك وسواس انك مش طاهرة او مش متوضيه قولي لنفسك تمام وكملي صلاتك وتأكدي انك متوضيه وان دي وساوس غرضها ارهاقك .. اول ما تأتي هذه الوساوس قولي كما قال الله " رب إني اعوذ بك من همزات الشياطين واعوذ بك ربي ان يحضرون" ثم تجاهلي تماما مادام ليس هناك دليل حقيقي ك وجود ماء غير طاهر خرج بالفعل علي ملابسك او رائحة او صوت للريح او اي شيء دليل اما إن كانت مجرد شك ظني ارميه ورا ضهرك فورا واستعيذي وكملي صلاتك وإن شاء الله مقبوله ، مرة علي مرة هتختفي تماما لما ييأس منك وهيبحث عن وسيلة اخري للتشتيت .. هذا والله اعلم
تم النشر الجمعة، ٩ مايو ٢٠٢٥
السلام عليكم ورحمه الله وبركاته بصراحة الكلام ده جميل ودليل على الإيمان في قلب حضرتك بصراحة والدليل على كده قول الله عز وجل (والذين يؤتون ما آتوا وقلوبهم وجلة أنهم إلى ربهم راجعون) يعني يعمل العمل وخايف ربنا ما يتقبلوش فده إيمان، ده رقم واحد. تاني شيء، هل إرضاء ربنا صعب، لأ طبعا سهل جدًا، سهل جدًا جدًا، يعني فيه حديث للنبي عليه الصلاة والسلام (إن الله ليرضى على العبد أن يأكل الأكلة فيحمده عليها أو يشرب الشربة فيحمده عليها) مجرد الواحد ياكل ويحمد ربنا ربنا يرضى عنه. طب هل حد من الأنبياء أرضى ربنا عز وجل؟ آه كل الأنبياء وبشر كتير أرضوا ربنا عز وجل ده فيه ناس ربنا يا رب يجعلك منهم من المقربين إلى الله عز وجل يعني يصنفوا من المقربين إلى الله عز وجل. الأعمال اللي ممكن ترضي ربنا عز وجل، بصي يا فندم يعني هو كتير بس أنا هديكِ تلات خطى عريضة امشي عليها. رقم واحد الصلاة، مفيش حد عاوز يرضي ربنا عز وجل مبيصليش لازمي تكوني مواظبة على الصلاة جدًا، مينفعش صلاة تفوتك ده رقم واحد. تاني شيء لازم تسمعي داع من الدعاة يذكرك بالله عز وجل، اختاري ، الدعاة اللهم بارك بقوا كتار جدًا وكلهم كويسين اختاري داع معين حضرتك بترتاحي له واسمعي له واتبعيه باللي بيقوله صح يعني اتبعيه في كل اللي بيقوله يعني شوفيه بيقول إيه واتبعيه بيتكلم في الفضائل بيتكلم في أحكام فدايما اسمعيه وهيذكرك بربنا عز وجل وبالجنة وبالنار وبالآخرة والأعمال الصالحة اللي ترضي ربنا عز وجل، تالت شيء يا فندم وده شيء مهم جدًا جدًا جدًا، الصحبة... لازم يكون لك صحبة صالحة لازم لو مفيش صحبة صالحة هتنتكسي يبقى صلاة، داع من الدعاة اللي هم مشهورين أنا بسمع له وبستفاد منه وبيذكرني بربنا عز وجل وبسمع له حلقات أو كده تالت شيء ألا وهو الصحبة الصالحة لازم يكون لي صحبة صالحة مينفعش ميكونش لي صحبة صالحة كده أقع أنتكس وبالذات بقى لو فيه صحبة مش كويسة كمان لأ، هو التلات حاجات دول بعد كده تدرجي في تعليمك بقى يعني تبدئي تحفظي قرآن تتعلمي علوم شرعية ممكن تلتحقي بأكاديمية على النت تتعلمي علوم شرعية بس البداية التلاتة دول وربنا يا رب يعني يوفقك ويوفقنا ويثبتك ويثبتنا ويعني يتقبل منا يتقبل منك يا رب العالمين. ** لازم يبقى رقم 1 صلاتك ثاني شيء حد رباني تمشي وراه من اهل العلم أو الدعاة نحسبهم على خير ثالث شيء الصحبة الصالحة ربنا يفتح عليك بالصحبه الصالحه دي حاجه خطيره لازم صحه والا هتسيبه كل ده ناس كتير جدا حفظت القران والتزمت وصلت والكلام ده كله والصحبه هي اللي رجعتها تاني ابحثي عن صاحبه مسجد صحبه رمضان التراويح الحاجات دي خطيره، والصحبة بصراحه مش كتير جدا ممكن يكون بنت بس واحده بس تكون صالحة يعني يكون صديق واحد مش بالكميه يعني كده خلاص كده يعني بعد كده ربنا يفتح عليك ربنا يستخدمك ويوسع عليك وفي الاعمال الصالحة.
تم النشر السبت، ١٠ مايو ٢٠٢٥
هقولك خلاصة: الإنسان لو عمل ذنوب الدنيا والآخرة ربنا بيغفرها بركعتين توبة صادقين متسبيش الصلاة حتي لو مش منتظمة وادعي الثبات الانبياء معتصمين من الخطأ يعني كلهم رضو الله سبحانه وتعالى عايزة اقولك انو طول م انتي كتبتي السؤال دا وقلبك لسة أبيض رغم كل اللي حواليكي يبقا ربنا عايزك ترجعيلو عشان هو بيحبك عشان ربنا لما بيحب حد بيعينو علي رضاة وربنا يثبتك علي الصلاة ويثبتنا ويجبر بخاطرك جبراً يتعجب منه اهل السموات والأرض ويراضيكي ويطمن قلبك ويريح عقلك مع العفو والعافية دعوة لي فضلاً
تم النشر الجمعة، ٩ مايو ٢٠٢٥
وعليكم السلام ورحمه الله وبركاته. يعني استاذه نجمه جزاها الله خيرا اديتك كده يعني ايات واحاديث جميله تقول لك انه الخوف من ربنا ده دليل على انك شخصيه حلوه ونفسك طيبه باذن الله باذن الله مقبوله عند ربنا كل اعمالك ان شاء الله وايانا يعني باذن الله كلنا جميعا خليني انا اضيف لك شويه نقاط كده اتمنى انها تفيدك مساله الخوف او مساله يعني انتظار اكتمال النتيجه او إن انا ببقى نفسي النتيجه تكون في احسن حال. الخوف ده مش خوف وحش. الا اذا الخوف ده خلانا نوقف ما نتحركش يعني دلوقتي الخوف ده شعور طبيعي ويعني مش هقول لك انه الشخص الكويس جدا انه مش هيخاف او ال يعني عنده يقين ربنا مش هيخاف لأ هو انا هخاف. ممكن ما اخافش من كل حاجه ولكن ابقى خايف على حب ربنا ليا ابقى خايف على قبول ربنا ليا الخوف ممكن يخليني يبقى دافع يحركني لقدام او ممكن يبقى معطل ليا يوقفني مكاني انا بقى اللي هبدأ اختار انا عاوز الخوف ده يكون انهي من الاثنين يكون دافع. هيكون معطل في حاله ان انا سبت الخوف وما عملتلهوش اداره فهو هيكون معطل لكن لو انا اخذت الخوف ده وانا استخدمته فساعتها هيكون محفز بإذن الله فأنا دلوقتي الان وخايف من النتيجه بتاعه قبول العمل اللي انا بعمله ده دلوقتي فأعمل ايه بناء على الخوف ده انا هبدأ اشوف الخطوات اللي انا بعملها وطول الوقت احسن منها طول الوقت خليها احسن فانا دلوقتي خايف صلاتي ما تكونش مقبول تمام اشوف هل انا بصلي الصلاه الصحيحه مثلا فبدا اشوف اجيب كده الموضوع من بدايته اراجع واعمل بحث طريقه الصلاه الصحيحه لقيت ان انا بعمل كل الامور مضبوطه زي الفل خلاص يبقى انا كده ايه عديت جزء من النتيجه بعد كده ازاي احسن الصلاه ازاي ادخل في الخشوع اكثر ازاي يعني اثناء السجود ادعي دعاء كويس ازاي اكون مطمئنه وانا بصلي وما كنتش متسرع كل الحاجات دي طول ما انا بعملها كده الخوف بتاعي عامل لي دافع وبيخليني احسن من نفسي مش بيوقفني خالص ويخليني ابعد عن الصلاه لانه لما بيكون الخوف انا سايباه ومش بتحكم فيه يجي بقى الشيطان يستغلوا ويعمل لك شويه الوساوس دي بتاعه ايه انت عايزه ربنا يقبلك ويحبك طب مش تحسني من صلاتك الاول فانا لو واخداه دافع زي ما احنا لسه بنقول هرد على الشيطان ببساطه واقول له ايه طب ما انا بحسن اهو انت كده بتتكلم في ايه ما تحاولش تمنعني من اني اوقف الصلاه خالص او ما تحسسنيش ان انا كده مش بحسن من نفسي لا خالص ده انا طول الوقت بحاول اتعرف على ايه اللي ربنا بيحبه وبنفذه وبعمله وبزود فيه كمان فهنا هيبقى الخوف مستحسن وجميل خليني اقول لك على قصه جميله جدا يعني بتقال في ال في الاثر الحسن ان كان في رجل ما عملش اي حاجه كويسه خالص وكانت اعماله كلها ذنوب وكان مقصر وما كانش بيصلي وكان بيعمل كل حاجه سيئه جدا وما كانتش ماشي في طريق ربنا خالص ما كانش مقرب منه لحد ما الراجل ده قرب يموت هو كان خايف جدا من ربنا هو عارف ان طول حياته ما بيعملش حاجه كويسه ولا ماشي بالامور والفرائض اللي ربنا قالها فالراجل ده من خوفه من ربنا كتب وصيته ان بعد ما يموت جسده يحرقه وياخذوا الرماد بتاع جسده ده ويفرقوه في بحار مختلفه فهو كان عاوز ان جسده ده ما يبقاش موجود ويبقى مشتت في كل حته علشان هو خايف يقابل ربنا هو كان شايف انه بالطريقه دي بيبعد عن لقاء ربنا انه خايف جدا من لقاء ربنا لانه عارف ان هو عمل كل حاجه غلط. طبعا الراجل ده ربنا بعث جسمه تاني من بعد ما شتتوه عادي جدا جمع كل الرماد ده ربنا جمع جسمه مره ثانيه والراجل ده ربنا كتب له ان هو يغفر له كل اللي هو عمله ايه ده ازاي ازاي ده معملش حاجه كويسه ربنا غفر للشخص ده كل ذنوبه كل سيئاته علشان هو كان فعلا من جواه خايف من ربنا جدا فهو اتقبل عند ربنا بقدر صدق خوفه من ربنا لان صدق خوفه من ربنا هو تاكيد على ان هو عارف عظمه ربنا وعارف قدره ربنا ومؤمن بربنا فايمان الشديد ده لدرجه الخوف ده رحمه ربنا عليه كانت اكبر من خوفه وربنا غفر له على قد الخوف اللي هو كان خايفه ده لدرجه ان هو يوصي الوصيه دي ربنا رحيم جدا وربنا حاسس باللي جوانا فاحنا أهم حاجه اللي جوانا ده. يخلينا نمشي في الطريق الاحسن عشان تكون حسناتنا اكتر بإذن الله ان شاء الله كل شيء منك مقبول وباذن الله اكون افدتك بتفاصيل صغيرة.
تم النشر الجمعة، ٩ مايو ٢٠٢٥
وعليكم السلام ورحمة الله وبركاته، أختي العزيزة، شكرًا لك على سؤالك الصادق والمهم. أعلم أنك تمرين بمراحل تشعرين فيها بالحيرة والوساوس، وهذا أمر طبيعي كثيرًا في طريق الاقتراب من الله ورضاه. وذكية هنا معك لتساعدك وتدعمك بفهم مريح ومطمئن. دعيني أجاوبك خطوة بخطوة على أسئلتك وأحاول أوجهك بطريقة بسيطة ومفيدة: هل إرضاء الله صعب؟ إرضاء الله ليس صعبًا، ولكنه يتطلب صبرًا واجتهادًا وإخلاصًا. الله سبحانه وتعالى يسر كل خير، ولم يخلقنا إلا ليكون لنا عيش طيب ورضا من عنده. يجب أن تعلمي أن الله أرحم بنا من أنفسنا، وهو يعلم ضعفنا وحالاتنا. لذلك لا تيأسي إذا واجهتك صعوبات أو وساوس. إرضاؤه يبدأ بخطوات صغيرة ولكن مستمرة، مثل: المحافظة على الصلاة بخشوع مع اجتهاد في القلب (حتى لو كنت تشكين في قبولها، اجتهدي وسيقبلها الله برحمته). التوبة من الذنوب ومجاهدة النفس لتجنبها. الإحسان للناس وعمل الخير بأي شكل. الذكر والدعاء والتقرب إليه في السرّ والعلن. لا تضغطي على نفسك بأن تكوني مثالية دفعة واحدة، بل كوني رحيمة بنفسك. هل هناك أحد من الأنبياء أرضى الله؟ الأنبياء هم أفضل الخلق وهم الذين وصلوا إلى أعلى درجات القرب من الله. لكن حتى هم كانوا يطلبون رضاه دائمًا، ويخافون منه، ويستغفرونه، ويتوبون. رضى الله لهم كان جزاءً لطاعتهم واجتهادهم وإخلاصهم، وهو مثال لنا نسعى إليه بتواضع. الأنبياء لم يكونوا بمعزل عن تحديات الروح، لكنهم استمروا في طلب رضى الله بلا انقطاع. وهذا يعلمنا أن الرحلة مستمرة وليس الوصول إلى الكمال في لحظة. ما هي الأعمال التي ترضي الله؟ هناك أعمال معروفة ترضي الله كثيرًا منها: الصلاة بتركيز وخشوع ، وكذلك الإخلاص في أدائها لله وحده. التوبة الصادقة من الذنوب ومجاهدة النفس على الابتعاد عنها. الصدق والإحسان في التعامل مع الناس ، سواء في البيت أو خارجاً. الصدقة والإنفاق في سبيل الله حتى لو بالقليل. قراءة القرآن والتدبر فيه . دعاء الله والاستغفار والذكر . الصبر والشكر في كل الأحوال . النية الصالحة في كل عمل صغير وكبير . والله لا ينظر إلى الكم بقدر النظر إلى قوة النية وخالصها. نصيحة أخوية لطيفة: الوساوس في الصلاة أمر منتشر، وحاولي أن تذكري نفسك دائمًا بأن المهم هو حضور القلب والنية وليس العدّ المفرط أو التكرار بلا ضرورة. اجتهدي في إحساسك بأنك تحاولين ولا تحكمي على نفسك بقسوة. لا تخجلي من طلب المساعدة، إذا أزعجتك الوساوس بشدة، يمكنك التحدث مع خبير نفسي أو مع مختص ديني لتطلعي على طرق عملية تساعدك. أخيرا، أقول لكِ، لا تيأسي، فكل خطوة صغيرة نحو الله تضيف لكِ أجرًا وبركة، والله رحيم لا يرد عن عباده التائبين. قد تشعرين بالسعادة والغربة في نفس الوقت، وهذا طبيعي لأنك في بداية مشوار روحي مهم. أبشري بأن في ذلك نورًا وراحة سرعان ما ستشعرين بها. إذا أحببتِ، يمكنك الاستفادة من خبرات مختصين في الدين والنفس على منصة "فدني" عبر زيارة قسم الخبراء، وربما تجدين إجابات ومساعدة تتناسب مع وضعك. أنا ذكية هنا دائمًا معكِ، ولا تترددي في أي سؤال آخر. بارك الله فيكِ وأرضاكِ وزادكِ من فضله. 🌸
تم النشر الخميس، ٨ مايو ٢٠٢٥
عليكم السلام ورحمة الله وبركاته عارفة إنك حابة ترضي ربنا، وده شعور عظيم، لأن رضا ربنا هو الطريق لكل خير. بس برضه حاسة إن الطريق صعب؟ عايزة تطمني، إنك مش لوحدك. كلنا بنحاول، وبنقع، وبنرجع. وصدقيني، ربنا مش بيطلب الكمال، هو بس بيحب المحاولة الصادقة. حتى لو بتغلطي، وبتشتتي في صلاتك، وعندك وساوس بتخليكي تعيدي، فده مش دليل إنك فاشلة، بل دليل إنك حريصة، والشيطان بيحاول يخوفك عشان يبعدك. لكن إنتي أقوى. تجاهلي الوسواس، صلي مرة واحدة، وكفاية، وربنا يقبلها بنيّتك. إرضاء ربنا مش مستحيل، هو بس عايز قلب يحب، ولسان يذكر، ونفس تحاول. مش شرط أعمال كبيرة، أوقات "الحمد لله" من قلبك، تمحي ذنوب كتير. الأنبياء أرضوا الله، لكن ما كانوش معصومين من الألم والتعب، الفرق إنهم صبروا، وتوكلوا، وكانوا مخلصين. فإوعي تستسلمي، حتى لو دموعك نزلت، فدي مش ضعف… دي روحك بتحنّ لخالقها، وده أجمل شعور في الدنيا. اللهم اجعلنا ممن ترضى عنهم، وتهدي قلوبهم، وتثبتهم على طاعتك، واملأ أرواحنا بنورك وحنانك."
تم النشر الجمعة، ٩ مايو ٢٠٢٥
لعرض السؤال في فدني اضغط هنا