أناا كشخص مبحبش المقارناات نهائي...بس في نفس الوقت مبحبش أشوف حد أحسن مني في حاجة..! بتوصل لحد أن هو بيتزرع كره في قلبي للشخص ده مش عارف ليه وإزاي وببقي حاسس إني بستحقره..! إحساس متناقض عارف بس والله غصب عني..وعارف إني أرزاق مكتوبة وكل حاجة بس مش عارف بقي..!
هل كان حد من اهلك بيقارنك بالناس وانت صغير؟ واحساس الاستحقار ده بيكون بناءا على الغيرة فقط بانك مش حابب مثلا يوصل للمركز المعين ده او ينجح في حاجه معينه وانت لا؟ ولا بيكون معه حاجه تانيه؟
تم النشر الثلاثاء، ٢٩ أغسطس ٢٠٢٣
اولا انت ملكش ذنب في انك كده بس يمكن اهلك او حد قريب منك كان دايما بيقارنك بناس تانيه ويقولك شوف فلان بيعمل اي خليك زيو وكلام من ده كتير فا بالتالي اتزرع جواك عدم الرضي وانك مش بتحب تشوف حد احسن منك بسبب انك كنت بتتقارن بناس تانيه وده سببلك المشكله دي يعني العيب مش منك العيب من الي قارنك بحد تاني بيتزرع كرهه فقلبك بسبب انك دايما شايف انك فيك حاجات قليله عن الناس التانيه وانت مش كده المحيط الي حواليك هو الي حسسك بكده انا عارفه انك مش قصدك وان ده لا ارادي وانك نشات في بيئه بتقارن وانت باين عليك كوييس طب اي الحل؟ تبص دايما علي المميزات الي عندك اكيد كل شخص فينا عندو مميزات حلوه غير عن تاني وكلنا مش شبه بعض لو فضلت تبص علي حياة حد او تحقد عليه عشان شايفو احسن منك مش يمكن انت احسن منو؟؟؟ مش يمكن انت عندك حاجه هي مش عندو كلنا عندنا نقص في حاجات كتير ومحدش كامل فا كده كده انت الي عندك مش عند غيرك فا بكده تقدر تقول انك متبصش لحد انو احسن منك لان ممكن تكون احسن منو فحاجات تانيه هو مش كويس فيها واه ربنا قسم لكل واحد رزقوا فلدنيا رزق الفلوس بس من غير سعاده رزق الفقر بس في سعاده وهتلاقي الي معاه فلوس بيبص للي معمهوش باستحقار ليه؟؟؟ عشان معندوش الي هو عندو وانا مش قصدي هنا عليك قصدي علي الشخص الي قدامك وكل واحد بيشوف التاني بنظرة مختلفه وزي ما قلتلك اكيد اتعرضت لمقارنات كتير فزرع جواك للشعور الوحش ده حاول تبص دايما علي نفسك واي حاجه حلوه بتعملها او اي حاجه تعبت فيها حتي لو بسيطه علي انها حاجه كبيره وشجع نفسك دايما انك متبصش لحد لكن لو فضلت تحقد علي ده وعلي ده صدقني هتضيع فرصه انك تعيش حياة حلوه بنصيبك انت فلدنيا جرب تعيش وتعمل الحاجات الي تقدر تعملها وخليك سعيد وربنا دايما بيختار المناسب ليك مش الوحش وهو مش احسن منك ولا حاجه انت الي بتشوف كده عشان اتربيت علي كده وبس شكرا 🤍
تم النشر الاثنين، ٢٨ أغسطس ٢٠٢٣
لا مش وحش ن الاانسان يحب نو يكون احسن واحد وناجح ملووش علاقه والله ب حاجه بس حاول الي قد متقدر نك مش تكرهه لحد نجاحو لا ومتبصش لكد خالص وبص لنفسك هتحس نك احسن بكتير
تم النشر الاثنين، ٢٨ أغسطس ٢٠٢٣
حاول تتجنبهم وتحسن من نفسك لو فضلت تبصلهم مش هاتنجز حاجه ويمكن انت موهوب اكتر منهم وطبيعي جدا انك تغير اوتحقد ع غيرك لما توصل للمرحله دي حاول تتجنبهم واقرأ قراأن او احفظ دعاء اوذكر وقوله و ربنا هايغيرك للافضل
تم النشر الاثنين، ٢٨ أغسطس ٢٠٢٣
لعرض السؤال في فدني اضغط هنا