Samar Alaa

بسبب فقدان شخص عزيز عليكي ولا اي المشكله بظبط الي خلتك توصلي للمرحله دي؟

بلعكس الاذي هيبقا اقل لو بعدت الحق نفسك قبل ما تتعلقو ببعض متنويش نية انك تتقدملها غير وانت مقرر انك خالص بكرا هتكلم بابها وتدخل البيت من بابو لكن لسه انت قدامك كليه وشاب ولسه مبنتش مستقبلك ابعد عنها احسن ليك وليها لان ربنا مش هيكرمكو طول ما انتو مع بعض في الحلال

بيشتم وبيزعق؟ ده لا هيعرف يبني بيت ولا اسرة يا حبيبتي اهم من الحب التفاهم والموده وتكونوا متفقين باباكي عندو حق مهما كنتي بتحبيه طلاما هو كده يبقا لازم تسبيه وايوه اشتغلي اي المانع وعيشي حياتك

لا طبعا اوعا تقولي روحت تتخانق معاها عشان كده الاحلام ساعات بتبقا من كتر التفكير او العقل الباطن بيقعد يحط احتمالات كتير فا اعتقد يعني ان هما كانو بيقولو ان هي كده بتحبك بس معرفش هل هي خانتك فعلا؟

مَن عُلق بشئ عُذب بقدر تعلقه به بحب المقوله دي جدا من الاول خالص هي مقدرتش عتابك ليها ولا كلامك ليها وكانت بتزود فلغلط ومتنسيش ان هي عارفه ان البعد ده بيجرحك وبتبعدي عنها ومع ذلك عملت حاجه بتدايقك رغم انها عارفه انها بتدايقك وانك واثقه فيها يبقا متستاهلش وانتي جميلة وصفاتك جميلة ونادرا جدا لما تلاقي شخص بيحبك كده لا يا حبيبتي اتعرفي علي ناس جديده وعيشي حياتك طبيعي بس انتي اتعلمتي الدرس واتكلمي بحكمه وحذر مع الناس ومع صحابك الجداد مفيش حد بيبعد عن حد مهما كانت المشاغل كل دي حجج واعذار عشان يبعدو هي ضمنت وجودك مش اكتر عتابك مش هو الي بعدها بلعكس هي بس متستاهلكيش ربنا بعدها عنك عشان هي متستهلش الي انتي بتعمليه عشانها ولما كنتي شوفتي اول مره عاتبتيها فيها عملت ايه واكيد اتوجعتي لكن هي لقت حد بديل فحياتها معوضوها عنك بصي من الاخر متتعلقيش بحد ولا تدي قلبك بحد في ناس لسه كويسه متوقفيش حياتك عليها وعلي ان كل هيمشي بس عاملي بلمثل الي يبعد ابعدي متعاتبيش حد واكيد شوفتي فلاخر قد ايه هي اذتك ودمرت نفسيتك رغم انك حكتيلها عن الي خذلوكي متزعليش نفسك هتحس بقيمتك وهترجعلك بس مترجعيش الي بياذي مره يقدر ياذي مليون مره صدقيني ومتديهاش فرصه

ابشرك يا اختي العزيزة هتتجوزيه وهيجيلك تحت البيت يقولك بحبااااااك بصوت عالي قدام الناس 😂😂😂

انت شايف ايه؟ مش محتاجه سؤال او حاجه دي غيرة ورجوله بمعني اصح انك بتغير عليها تنزل صورها ايا كان شكلها عامل ازاي بس انت تفتكر انت هتكمل معاها بلشكل ده؟ مش عايزه احبطك بس العلاقه دي مش هتكمل وهيحصل مشاكل كتير بسبب الموضوع ده بس نصيحه خد حد كويس من الاول متخدش حد عشان تغيروا لانو اصلا بعد ما تسيبو هيرجع لنفس الحاجه تاني وهي لو موافقتش تمسح حاجه سيبها

اولا انت ملكش ذنب في انك كده بس يمكن اهلك او حد قريب منك كان دايما بيقارنك بناس تانيه ويقولك شوف فلان بيعمل اي خليك زيو وكلام من ده كتير فا بالتالي اتزرع جواك عدم الرضي وانك مش بتحب تشوف حد احسن منك بسبب انك كنت بتتقارن بناس تانيه وده سببلك المشكله دي يعني العيب مش منك العيب من الي قارنك بحد تاني بيتزرع كرهه فقلبك بسبب انك دايما شايف انك فيك حاجات قليله عن الناس التانيه وانت مش كده المحيط الي حواليك هو الي حسسك بكده انا عارفه انك مش قصدك وان ده لا ارادي وانك نشات في بيئه بتقارن وانت باين عليك كوييس طب اي الحل؟ تبص دايما علي المميزات الي عندك اكيد كل شخص فينا عندو مميزات حلوه غير عن تاني وكلنا مش شبه بعض لو فضلت تبص علي حياة حد او تحقد عليه عشان شايفو احسن منك مش يمكن انت احسن منو؟؟؟ مش يمكن انت عندك حاجه هي مش عندو كلنا عندنا نقص في حاجات كتير ومحدش كامل فا كده كده انت الي عندك مش عند غيرك فا بكده تقدر تقول انك متبصش لحد انو احسن منك لان ممكن تكون احسن منو فحاجات تانيه هو مش كويس فيها واه ربنا قسم لكل واحد رزقوا فلدنيا رزق الفلوس بس من غير سعاده رزق الفقر بس في سعاده وهتلاقي الي معاه فلوس بيبص للي معمهوش باستحقار ليه؟؟؟ عشان معندوش الي هو عندو وانا مش قصدي هنا عليك قصدي علي الشخص الي قدامك وكل واحد بيشوف التاني بنظرة مختلفه وزي ما قلتلك اكيد اتعرضت لمقارنات كتير فزرع جواك للشعور الوحش ده حاول تبص دايما علي نفسك واي حاجه حلوه بتعملها او اي حاجه تعبت فيها حتي لو بسيطه علي انها حاجه كبيره وشجع نفسك دايما انك متبصش لحد لكن لو فضلت تحقد علي ده وعلي ده صدقني هتضيع فرصه انك تعيش حياة حلوه بنصيبك انت فلدنيا جرب تعيش وتعمل الحاجات الي تقدر تعملها وخليك سعيد وربنا دايما بيختار المناسب ليك مش الوحش وهو مش احسن منك ولا حاجه انت الي بتشوف كده عشان اتربيت علي كده وبس شكرا 🤍

محتاجة اعرف الاول عندك مشكله حصلتلك في الفترة دي فا بقيتي مشتته وفاقده الطاقه وعدم التركيز؟ ولا ده جه فجأة بدون سبب بس الاغلب ان انتي ممكن اتعرضتي لصدمه او حاجه معينه او مشكله خلتك تبقي كده

هل تتوقعي انك لما تفتكري المواقف دي هترجع الي راح؟ او هتصلح علي اتكسر؟ او هتغير حاجه؟ اتعودي تقعي وتقومي حتي لو كانو في مكانه اهلك انتي سند نفسك يا حبيبتي لما تقعدي تفكري كتير كده فلمواقف دي ده مش هيفيدك غير انك بتضري نفسك بنفسك والاشخاص دول هيعيشو عادي بحسك بتلومي نفسك دايما ليه؟ اكيد من شدة الموقف معرفتيش ان انتي تجاوبي الاجابه الي كنتي عايزاه وعقلك مكنش عارف يفكر لانك كنتي فلموقف واكيد بعد ما خلص فضلتي تفكري كان لازم تقولي ايه بصراحه انا مش هقدر افيدك في موضوع جوزك لان ممرتش عليا حاجه زي دي قبل كده بعتذر بس اتمني اكون قدرت افيدك فلباقي 🤍

الشعور ب الوحدة ده نتيجته انك مش لاقيه حد يفهمك مهما كانت الناس قريبه منك واجتماعيه هيفضل شعور ملازمك بتاع ان انا دايما لوحدي ان انا مش لاقيه حد يفهمني وبتهربي من ده بضحك مع صحباتك او مع مامتك او كل الكلام ده صح؟ بس الشعور ده فضل ملازمني طب اي الحل؟ معتمدش يستي علي بشر خالص ولا اعتمد ان حد يسندني ولا حد يبقا معايا اي المشكله لما علاقتك تبقا سطحيات ومحدش قريب منك؟ انتي صديقة نفسك انتي تفهمي نفسك متحطيس ثقتك ف اي انسان لان هتتخذلي وهتتعرضي لصدمه مش هتعرفي تتعافي منها مع الوقت متربطتيش سعادتك ووحدتك بلناس الوحده ساعات مش لازم ان مفيش حد حواليا لا هو انا وحيده في حزني في همي في كل حاجه فحياتي والناس دول فقط بيشوفو الجزء الخارجي الحل انك تكتفي بنفسك دايما بقول كده انسب حل انك متفكريش فحد وتفكري فنفسك انتي بس واعملي الحاجات الي تحبي ناس تعملهالك هتلاقي انك اصلا لا محتاجه حد جمبك ولا حاجه ولا الشعور ده هيجي تاني وبلعكس انتي هتبقي فاهمه انتي عايزه ايه

ليه تشتكتي لحد اصلا!!! طلاما شايفه ان مفيش سوا الانتقاد والتجاهل تفعلي علطول اوبشن الاكتفاء بلنفس معلش بس محدش هيشيل همك ولا هيحس بوجعك اكتر منك يا حبيبتي فكك من الطبطبه بتاعت هتعدي ومعلش كل ده فلفاضي هما لا هيحسو احساسك ولا هيراعو شعورك واكبر غلط عملتيه الاشتكاء لناس انا دايما بلجأ لربنا بحس ان مفيش حدود بيني وبين ربنا وبكلم براحتي من غير ما يتجاهلني وبيسمعني وبيشوفني وبيشوف حالتي وبحس براحه نفسيه جدا لما بشتكيلو ولله ده بجد انا بعتمد علي ربنا فكل امور حياتي فا ليه الشكوي لناس ربنا موجود اعلم بحالك والي فقلبك انتي كده بتدمري نفسك لازم تواجهي الواقع لان ده واقع وهيتعاش كده كده لازم تعدي الفترات الصعبه متستنيش من حد مساعده الحل انك تجربي تقعدي من غيرها وتبعدي عنها وتواجهي مشاكلك وضغوطاتك لوحدك وتتوكلي علي الله وطبطبي علي نفسك اي المانع؟ لو سمحتي معتيش تاخديها تاني انتي قد اي حاجه صدقيني يا حبيبتي انا عارفه ان كلامي جايز ميفيدش بس انا بحاول بقدر الامكان ولله الجأي لربنا سبحانه وتعالي واقرأي قران قبل ما تنامي او احضني المصحف صدقيني هتنامي علطول 🤍🤍🤍

عشان احنا طول اليوم بنوهم نفسنا ان مفيش مشاعر ومفيش احساسيس بتتحرك ناحية الشخص ده وبنشغل وقتنا ب اي حاجه تلهينا عنو وده كلو فلوقت بتاع الصبح ايا كان بقا شغل مثلا مسلسل وبتشوفيه اي حاجه المهم ان وقتك مش فاضي بعدين في الوقت الي ذهنك فيه بيصفي وبتحسي انك مش بتفكري فحاجه بتفتكري المشاعر دي وبيغلبك الاشتياق في بعض الاحيان بتفكري ان ممكن حاجه تتغير بس مفيش حاجه هتتغير غير لما فعلا تنسي الشخص ده انا دايما مبعرفش انسي حد غير لما اكوهو او اشوفو بنظرة غير الي شوفتها ليه دايما لما تحسي بلمشاعر دي افتكري الحاجات الي اذتك من الشخصيه دي وقد ايه تعبتك واتنازلتي عن حاجات كتير عشانها هتلاقيكي زهقتي ومعتيش بتفكري اصلا ومع الوقت هتقولي هو انا ازاي كنت هبله كده بحس بلمشاعر اتجاه الشخص ده لان ربنا زي ما زرع حب انسان جوانا يقدر يخلي الشخص ده ولا حاجه بلنسبالنا دايما افتكري الوحش مش حلو فكك بقا من البدايات والحاجات اللطيفه دي النهاياات دايما بتبين حقيقتهم والمشاعر دي طبيعي تتحرك لانك كنتي بتحبي الشخص ده وعادي ولله الحياة مبتقفش بكره تلاقي العوض ولو مش في شخص هتبقا في شغل او اي حاجه تانيه ربنا يصبر قلوبنا كلنا وينسينا وجع القلب 🤍

اكيد في اول حياتك اتعرفتي علي ناس هما الي علموكي ووروكي الحاجات الوحشه دي اعتقد مكتشفتيهاش لوحدك باين عليكي صغيرة شويه علي ما اظن طيب انتي بتستفادي ايه لما بتكلمي الولاد دي؟ فكري فيها شويه هتلاقي نفسك مبتسفتديش حاجه ولله لان الولاد تفكيرهم فيكي هيبقا وحش مع انك ممكن تبقي كويسه بس لمجرد انك بتكلمي ولاد الناس هتكلم عليكي وهما ميعرفوكيش صح؟ يبقا مستفتديش منهم غير الضرر والتعب وربنا حرم الموضوع ده عشان كده موضوع السرقه اكيد في حاجه وانتي صغيره حصلتلك اتعودتي تعملي كدا او انتي متعودة من وانتي صغيره تمدي ايدك علي حاجات الغير هو يا حبيبتي ربنا موجود دايما بيغفر وبيسامح انتي تقربي منو وربنا جميل يحب الجمال وبيسامح علي اي حاجه انتي لما تكبري كدا كدا تفكيرك بيتغير عن كل حاجه بس حاولي توقفي نفسك من دلوقتي طبيعي متبقيش واثقه فنفسك بسبب الحاجات الي بتعمليها صدقيني لو بطلتي الحاجات الوحشه دي وشك هينور وقربتي من ربنا هتحسي بارتياح وثقه رهيبه فنفسك وهدوء نفسي جواكي بلاش الشيطان يتغلب عليكي وانتي لسه صغيره متدمريش نفسك من دلوقتي

اكيد انت نفسك تطلع حاجه حلوه فلمستقبل او ليك هدف ولازم تحققو حاول تقعد مع نفسك وتقول كده بلظبط "هو انا لو مذاكرتش دلوقتي ومجتهدتش وعملت الي عليا كلو كده ربنا مش هيخليني اوصل للي انا عايزو طب معني كلامي ده ايه؟ ان ربنا هيديك علي قد ما انت بتتعب وعلي قد ما انت بتعمل عشان توصل للحلم ده لما تتعب دلوقتي وترتاح بعدين احسنلك صح ولا ايه؟ وجيب حاجات تساعدك علي المذاكره بس انا عارفه ان اغلب الولاد مش بيحبو التلوين والاهتمام بمظهر الدفتر بس خلي عندك جدول ونظام او روتين تمشي عليه كل يوم ومتحطش راسك علي المخده غير لما تخلص الي وراك كلو والي خططتلو عشان تتعلم النظام اصحي بدري شويه بس متذاكرش من اول اليوم قوم اتنشط افطر اشرب نسكافيه واقعد شويه علي الموبايل وبعدين رتب مكتبك وظبط امورك وسمي بالله وابدأ مذاكرتك حتي لو كتير حلمك يستاهل انك تعافر عشانو مش صح ولا ايه؟ نتعب دلوقتي احسن ما نندم بعدين اتمني اكون قدرت افيدك

كل الي اقدر اقولهولك شوفي الموقف من وجهة نظرك انتي لو يزعل يبقا بيزعل بجد متقعديش تسالي حد وتقوليلو حاجه عشان هيقولك "لا ده موقف عادي وهيعدي ومش بيزعل لانو مش مكانك دي اول حاجه" لا حقك تزعلي طبعا لو الموقف اثر فيكي يا حبيبتي احنا بني ادمين وربنا مخلقناش كلنا زي بعض وبنفس وجهة النظر وبنفس الشكل الي بنشوف بيه المواقف حاولي تكلمي نفسك متكلميش حد افهمي نفسك وشوفي الموقف دايقك من اي ناحيه ممكن السبب انك مش عارفه انك حكيتي لحد قبل كده علي موقف واستهزأ بزعلك وبلموقف عشان كده مبقتيش واثقه ده بيزعل ولا لا اتبعي حدسك دايما بس متطوليش في الزعل خليها فلحظتها وده شئ طبيعي متقلقيش وربنا يسعدك ويحطلك المواقف الحلوه دايما مش الوحشه اتمني اكون قدرت افيدك 💕

ابسط حل متعملهمش قيمة ولا تعتبر ليهم وجود وتجاهلهم ومتحسسهمش دايما بانهم حاجة لان ده وهم خليهم عايشين فاحلامهم الوردية لحد ما ياخدو القلم من شخص بيقدروه وبيحبوه اوي هيرجعهم لمكانهم الاصلي وانت اقف اتفرج بسيطه اهي مش محتاجه حاجه هي

ابعدي عنو فورا يا حبيبتي ده بيستغلك وهو لو بيحبك بجد مش هيكلمك علي الحاجات دي ولا هيفتح معاكي الموضوع ده خالص لانو اكيد خايف تبوظ اخلاقك الجميله عشان انتي بنت واكيد ليكي حياء وبتكسفي تكلمي في الحاجات دي غير كمان انو مفيش حاجه رسمي تقريبا مشوفتش فكلامك انكو كاتبين كتب كتاب دي علاقه ربنا مش راضي عنها وغير انها كمان محرمه الولد اخلاقو مش كويسه اختاري الي يحبك ويخاف عليكي من الحاجات الوحشه وبخاف ان اخلاقك تبوظ بسبب المواضيع دي وياريت تاني تبعدي عنو عشان ده مؤذي وهيستغلك وزي ما هيستغلك هيستغل غيرك وخليه يبعد يستي ومالو خلي الي هيروحلها تشوف القرف بتاعو بعتذر بس خرجني عن شعوري انتي تستاهلي احسن من كده يا بنت الحلال واحد خلوق ومحترم ويعرف دين ربنا وعارف يكلم في ايه كويس اوي ياريت تفهمي كلامي ومتغلطيش وتكملي وربنا يهديه

طب ما انت كده لما تدخل في علاقه مع الشخص التاني هتكون متخيله الشخص الاولاني ومش هتعرف تنسي حد بحد مفيش حاجه اسمها كده والشخص التاني ده هيتظلم معاك وهيكون اكتر واحد بيحبك فا بلاش انت ممكن تتعافي بطريقة تانيه غير الموضوع ده تشوف حياتك ومستقبلك ولو بتدرس تركز علي دراستك يعني ليه تظلم الشخص التاني وتنسي بيه الاول انت كده لو ملقتش فيه الي انت عايزو والي شفتو فلشخص الاول هتسيبو اصلا وهتتخلا عنو لان اثر الشخص الاول لسه موجود ومش هيروح اصلا لو شوفت ميت الف واحده المهم انك تتعافي لوحدك وبلاش علاقات وتربط نفسك دلوقتي بحاجه عشان انت الي هتتأذي وهتأذي طرف تاني ملوش ذنب غير انو بيحبك وانت لسا متعافتش من الاول مش مخجل السؤال عادي بس هي محتاجة عقل مش اي حد نشوفو بعد ما خرجنا من علاقه ننجذبلو لان ده غلط تحت مسمي انو العوض وهو لل العوض ولا حاجه انت بتملي فراغك وخلاص

انا حاسه بيكي عشان مريت بحاجة مشابه ليكي قبل كده واكتشفت انو فقدان شغف او انطفاء وملوش اسباب ساعات الانسان بيحس فجأة انو عايز يبعد عن كل الناس حتي اقرب الناس ليه او الي بيحبهم ومين قالك ان الوحده وحشه بلعكس انتي محتاجه تصفي ذهنك وترتبي افكارك كويس اوي وتاخدي وقت مع نفسك وتسترجعي نفسك وتحي نفسك بنفسك متستنيش من حد مساعده محدش هيفيدك فلموقف ده لان لا انتي عندك طاقه تتكلمي مع حد اصلا كنت بردو كده مع اغلب صحابي دايما بنكلم وكنت اكتر حد مرح فيهم طب ايه الحل..؟؟ اول حاجه تعتذري من الناس دي وتقوليلهم انك ملكيش طاقه تتكلمي دلوقتي وفي الي هيقدر وفي الي هيقولك بتهربي بس لا تبالي المهم نفسك وترجعي زي الاول تقعدي لوحدك وتفكري لوحدك تمارسي حياتك الطبيعيه لو بتنزلي ف اي حته انزلي عادي ومارسي الروتين الطبيعي واقعدي مع نفسك شويه واتكلمي معاها وخليكي اجابيه متتعامليش مع الموقف علي انو وحش البعد عن الناس ارحم بكتير ولله بس انا عارفه انك مش عايزه تبعدي بس ده لسبب وجود فراغ جواكي متعرفيش اي سببو بظبط الانسان ساعات بيبقا محتاج يفصل شويه عن العالم والكلام مع الناس مش لازم تكوني طول الوقت بتتكلمي وبتضحكي ده طبيعي جدا احنا بشر وبنزهق حاولي تتجنبي النقاشات الطويله بتاعت'مبتساليش ليه انتي مبقتيش زي الاول عشان هتاثر عليكي ابعدي فتره عن الناس شويه وافصلي واول ما تحسي انك كويسه ارجعي واكيد الي عايزينك هيقدرو انتي عملتي كده ليه اتمني اكون قدرت افيدك من تجربتي بس هو محتاج وقت وصبر لان ده اكتفاء بلنفس مش اكتر 💚

متدخليش حاجه مش عايزاها الي ربنا هيكتبهولك هيحصل اسعي للحلمك وممكن ربنا ييسرها من هنا لوقتها

مفيش حد بيتولد بحاجه معينه فيه كل واحد اكيد واجهه صدمه فحياتو خلقت في شخصيه معينه مثلا شخصيه عنيفه في التعامل شخصيه حساسه شخصيه مش بيفرق معاها حاجه شخصيات كتير جدا بتتخلق من البيئه الي احنا عايشين فيها سواء كان من اهل او ناس قريبين مننا عملولنا صدمات فا بالتالي عقلنا بقا بيحمينا ان احنا نتعرض لنفس المواقف دي تاني ممكن يكون حد قريب منك اذاكي وانتي كنتي لسه بتكبري واتعرضتي لصدمه ومن وقتها بقيتي حساسه جدا بسبب ان الشخص ده سببلك فراغ عقلك لحد الان مش عاؤف يملاه ف بالتالي بقيتي حساسه بالنسبه لان الشخصيه دي بتزيد فينا انتي الي بتحددي ده بتحددي بنفسك انتي عايزه تبقي ايه زي ان احنا منديش الحاجه اكبر من حجمها نسبح كتير لما نتعرض لمواقف زي دي وعلفكره ده بجد التسبيح بيخفف من سوء الموقف الي احنا فيه وايوه بادينا نغيرها احنا بايدينا كل حاجه دلوقتي انتي في مجتمع مبيقدرش حاله حد سواء كان اجتماعي او انطوائي او حساس كلنا بناكل في بعض لازم تتاقلمي علي ده وتحاولي ان انتي تتعايشي مع مجتمعنا اكيد الموضوع صعب شويه علي انك شخصيه حساسه بتاخدي كلها حاجه علي صدرك اوي مع انها ممكن لغيرك مش مستاهله بس كل واحد بيشوف الموضوع من وجهه نظرو حاولي متفكريش كتير اشغلي وقتك استشيري حد في المواقف الي تحسي نفسك فيها مديقاكي اوي بس فلغالب هيقولك اي التفاهه دي لانو مش نفس شخصيتك اتمني اكون قدرت افيدك بقدر الامكان انصحك بعدم الانصات لكلام حد لان كلنا بننتقد وكلنا فينا عيوب والقبول حاجه من عندنا ربنا مش لازم كل الناس تحبك وتتقبلك وتقولك كلام حلو ومتزعلكيش الناس مش كلها طيبه وحنينه في ناس نفوسها وحشه اوي طلاما الحاجه من وجهه نظرك مش تافهه يبقا مش تافهه متخليش حد يقولك كده غيري من طريقه تفكيرك براحتك بس براحه كل حاجه واحده واحده وهتتعودي يبقا مش فارق معاكي هما بيقولو ايه

مفيش حد بيدعي انو تعبان ده شعور بيبقا جوانا وساعات في ناس مبتعرفش انها تفسر الشعور ده او الاحساس ده عامل ازاي واي حاجه بنحسها هي دي الصح واي حاجه بتمر بيها فيها تاثير كبير جدا علي نفسيتك وبتخليك تتعب وده شئ طبيعي جدا مفيش حد بيعيش دور المظلوم غير الانسان المتصنع واعتقد انك مش كده ومفيش حد يقدر بردو يجذب الانتباه لنفسو ده شئ طبيعي جدا

عشان هما مش في نفس موقفك ومحسوش نفسك احساسك فا لما اتحطو فلموقف حسو بيه فهمتي ربنا اهو جاب حقك وردلهم الموقف وخلاكي تشوفيهم زعلانين الحمد لله اهو متستغربيش يا حبيبتي محدش هيحس ب الي انتي بتحسي بيه

ايوا انا قولت كده بردو بصي يستي انا عارفه ان مهما قولتلك تنسيه وتعملي وتسوي مش هتعرفي غير بعد فترة كبيرة جدا والموضوع هيبقا صعب اوي عليكي بلذات لو كنتي بتحبيه اوي ومتعلقه بيه خليكي فاكرة ان مفيش حد فاول كلامكو هيجي يقولك انا هبعد والكلام ده هيقعدوا يقولو مش هيمشوا ومش هيبعدوا وهيبنو معاكي ذكريات كتير حلوه جدا انتي مش هتعرفي تنسيها بس دايما الناس بتبان علي حقيقتها فلاخر كل ده كان كدب البدايات غير النهايات والحب بيبتدي بعد الحماس افتكري سابك ازاي وعمل ايه وحش وحسسك ب ايه وقتها انا عارفه انك دايما هتفتكري الحاجات الحلوه ومش هتعرفي تفتكري الوحش لانك حبتيه وصدقتيه واتعلقتي بيه وبعد ما هو مشي اخد منك حاجه مش هترجع تاني طيب بلنسبه انك ملكيش لازمه اكيد الشخص ده حسسك انك كده مع انك مش كده خالص هو الي مريض وتايهه عشان انتي حطيتي املك علي الشخص ده وخذلك فا بالتالي بقيتي تايهه من غيرو لانك رتبتي كل حاجه علي وجودو ومتوقعتيش غيابو والحزن حاجه طبيعيه جدا انتي محتاجه وقت عشان تستوعبي ان الشخص ده بعد عنك انا كنت كده كنت مكتئبة وزعلانه وحاسه بلحزن وبالنقص بسبب الشخص ده وطبعا اتكسرت كتير اوي بسببو ولما بعد عني حسيت بنفس احساسك بظبط التوهان فقدان الشغف مش عايز تتكلمي مع حد ممكت تفرفشي شويه وترجعي تعيطي وتزعلي تاني طب انا عملت اي عشان اتعافي من الشخص ده؟ كان صعب عليا فلاول اصدق انو خلاص بعد عن حياتي بدوت مبرر وسبب واضح ومعتش هيرجع تاني كنت موجوعه فاول فتره وكان معايا صديقة ليا فلفتره دي سابتني هي كمان فا كان الموضوع صعب اكتر عليا حبيت نفسي وقدرتها وقولت ان استاهل احسن من كده بكتير شغلت وقتي وتفكيري عشان مفكرش فيه روحت مع صحابي وركزت فحياتي وعلي طموحاتي ومقعدتش فاوضتي ثانيه عشان مفتكروش بس اكتشفت فلاخر انو بيوحشني عشان انا فاضيه فا قررت اشغل وقتي فكل ثانيه مسحت كل حاجه متعلقه بيه ودي حاجه مهمه اوي كان صعب عليا بس مكنش اصعب من انو اتخلي عني بسهوله وسابني لوحدي وهو عارف اني وقتها كنت محتجاه واه انا كنت شخصيه حساسه ودلوقتي بقيت حد تاني خالص المواقف علمتني ازاي اقف واقول لا وابعد عن اي حد يعمل تصرفات بتدايقني وتزعلني ومحطش فدماغي حد غير نفسي بعد فتره لما مشيت علي الموضوع ده محستش ب اي حاجه انا بكلم بجد اقسم بالله لما شغلت كل وقتي وجددت نفسي وبنيت نفسب بنفسي وسندت نفسي بنفسي معتش محتجاه فحياتي ولا عايزاه وبقيت اصلا معتش عايزه اتعمق في السيرة بتاعتو حتي انا عارفه انك دلوقتي مش هتصدقي بس هي فترة بسيطه وهترجعي لحياتك الطبيعيه تاني وهتبقي كويسة ان شاء الله كلو بيعدي وكلو بيتنسي والي قولنا مش هنعيش من غيرهم ثانيه عيشنا والحياة فيها لسه ناس كويسه واكيد ربنا شايلك الاحسن معلش لو طولت عليكي 🤍🤍

مش مع بعض *

العفو يا سكره 💕

جورجينا قفشتو بيحاول يوصلك فا بعدتكو عن بعض عشان يتجوزها

مفيش حد بيعترف انو غلطان يا حبيبتي هي عشان عارفه انها غلطانه فحقك راحت بعدت بحجه الانشغال معلش هي ممسكتش الموبايل خمس دقايق تكلمك تطيب بخاطرك؟ وزي ما قلتي عندها صحاب جداد يبقا ليه تزعلي عليها متستاهلش بجد وكما تدين تدان هيحصلها نفس الي حصلك بظبط وهترجعلك وعن تجربة طب ما خلاص انتي عرفتي الي فيها انا عارفه انك زعلانه علي نفسك وعلي الوقت الي ضاع منك بسببها بس دي تلقائيه منك مش بايدك انتي اتعاملتي معاها بكل اخلاص وحب ودي حاجه صعب تلاقيها عند حد تاني وهي مش هتحس بقيمتك دلوقتي انتي تستاهلي صاحبة احسن من دي تقدرك وتحترم مشاعرك ومتسبكيش لدماغك متحطيش املك علي الناس لان كلو بيتغير وكلو بيبطل يحب وكلو بينسي انا عارفه انك اتعلقتي بيها وفكرتيها غيرهم بس هي وصلتلك رساله انتي تشكريها يا شيخه مش تزعلي عليها 😂😂 متزعليش نفسك يا ست البنات وروقي بالك

كان مستني الوقت المناسب عشان يعترفلك يبنتي

اكيد كان بيفكر فيكي طول الليل وسايب جورجينا مع العيال 😂😂😂

هو ممكن بس انا اعرف الحلم بشخص تعرفيه ويعرفك تحبيه ويحبك لكن بتاعت كريستاينو دي ممرتش عليا ولله 😂🤍

ما هو انا مكنش قصدي فكلامي انك بتبصلو بحسد او كده ولله انا اسفه اني حسستك اني بقول كده 😭ايوه ما هو ده الي انا بتكلم عليه نظرتك بتختلف عنه عشان شايف انو اتقدم خطوه عنك فا انت بتحب تشوف نفسك دايما الاول في كل حاجه هو اولا كده مش لازم تبقا الاول دايما يعني عادي تبقا التاني او العاشر المهم انك عملت حاجه حلوه جبت درجة حلوه وانت مش مرتاحله عشان شفتو جاب حاجه اعلي منك فا انت بتحب دايما تكون حلو ورقم واحد وكلنا بنحب كده بس الي هوا انت ممكن تبص للموضوع بنظرة تانيه الي هو بصلو علي ان مثلا ده خير يمكن لو انت عملت حاجه احسن منو كان هيحصل حاجه يعني الي ربنا كتبهولك ارضي بيه انت مش فايدك حاجه اجتهد وذاكر وابذل مجهودك وهتلاقي نتيجة اكيد مش لازم تبقا توحفههه اوييي لا ممكن تبقا نتيجه علي قد التعب

طب ما تكلمي بنات هترتاحي اكتر بردو وبلعكس هيفهموكي اكتر وده ارتياح مؤقت مش بترتاحي طول الوقت طب ما انتي ممكن تتساتذني من مامتك تاخدي حاحه مسمهاش سرقه لو استاذنتي اكيد عندك مشاكل من وانتي صغيره او شوفتي حاجات مينفعش تشوفها واحده في سنك اتقربي من ربنا وهترتاحي طول الوقت مش مؤقت بس وربنا يهديكي ويريح بالك

العفو يقلبي ف اي وقت 💕💕

ايوه هو ده السبب بظبط انتي حاسه بلضغط والتوتر فا بيجيلك حاله من فقدان الطاقه وعدم التركيز ومتشتته بين والدتك وابن عمك وبتفكري كتير فا لما الموضوع زاد معاكي حسيتي ان انتي معندكيش طاقه ومش عايزه تضغطي اكتر من كده اعذري مامتك بردو هي يعيني مضغوطه عشان باباكي مسافر فا مش عايزه غلط يحصل او اي حاجه تربكها عشان كده بتاخدي كلامها علي مصدر الضغط بلنسبه لموضوع ابن عمك متحاوليش تتعاملي معاه تاني خلي معاملتكم سطحيه انتي فسنه مهمه جدا بلنسبالك ومش جاهزه تحبي او تعملي اي حاجه دلوقتي قوليلو انك مش جاهزة ومش فاضيه للكلام ده وهو لو محترمش ده يبقا خلاص سبيه يهري مع نفسه مستقبلك اهم طبعا وزي ما قلتلك دي فتره مؤقته وهترجعي زي الاول تاني انتي محتاجه بس ترتاحي وتبطلي تفكير في الحاجات الي مديقاكي وتعدي اعصابك وتاخدي بريك شويه من الحاجات الي بتدايقك حاولي بقدر الامكان تركزي علي دراستك اكتر حاجه اتمني اكون فيدتك يا حبيبتي ربنا يعينك يا عسوله 💕💕💕

وجهة نظر حلوه بردو مفكرتش فيها شكرا ولله استفدت ☺️💕💕💕

اكيد بس انا بحكي عن تجربتي انا مش بفرض عليها تعمل كده يعني انا بقول لما انا جربت واتخذلت اكتر من مره بقا الموضوع زي ان انا مش عايزه اثق في حد تاني غير نفسي واكيد ربنا مش بيكتب لحد حاجه وحشه فلاول وفلاخر

بس بعد ما تتعرض لصدمات من اقرب الناس ليك هتبقا مش محتاج حد لانك مش هتثق في حد تاني

طبيعي هيبقا ضميرو مرتاح وهو شايفك بتتعذبي قدامو اوعي تبيني لحد ضعفك ايا كان غير نفسك وربنا تاني حاجه انتي ليه بتثقي في حد تاني؟ البشر او الناس محدش عمرو كان محل ثقه وكل الناس بتقدر تاذي كل الناس الكويسه بتقدر تاذي مش مقياس ان الشخص ده كويس اثق فيه واجري عليه ما هو فلاخر هيدوس عليا لاني وثقت فيه واديتو اهتمامي كلو واديتو طاقتي هيبقا محتاج مني اي تاني اكيد هيرميني وزي ما قولتي "فترة" يعني مدامش يعني تاخدي ان محدش هيستحملك طول العمر غير نفسك وبس ومحدش هيشيل همك هتكتفي بنفسك وتسيبي الباقي علي ربنا وتتعلمي من اخطائك مش عيب انك تغلطي كل مره بتتعلمي حاجه وانتي باين انك جميله وطيبة

طلاما انتي بتقولي انك مش عايزه تفتكري فا هتفتكري دماغنا دايما بتعمل عكس الحاجه الي احنا عايزينها متقعديش تقولي مش عايزه افتكر اقنعي عقلك انو انسان ميستاهلش ومتحاوليش تقولي مش عايزه افتكر لان طبيعي هتفتكري الذكريات عقلك متبرمج علي عمل العكس طب انتي ليه مسالتنيش نفسك الناس الي بتنسي ناس بيعشقوهم دول بينسوهم ازاي؟ اتعودو علي عدم وجودهم بس منسوش اتعودو علي الالم والوجع بس معتش بياثر كل ده نتيجه ان هما معدوش بيقعنو نفسهم انهم مش عايزين يفكرو انتي خودي وقتك في الوجع والتفكير وكل ده صدقيني هيتنسي

لا بلعكس انا شايفه ان العتاب وسيله حلوه جدا لانك تكلمي في كل حاجه مديقاكي وده مش هيخليكي مع الايام تحسي بحواجز بينك وبين الشخص ده يعني لو اتخاصمتو مش هتبقي شايله منو او كده بس لو الشخص يستاهل اكيد العتاب ده وشايفه انو الشخص الصح عاتبيه