باختصار ، انا طبيعتي بحب البيت و مش بحب الخروج ،و عندي عماتي مرت سنين مدخلتش ليهم بيت ، بس كل فترة بشوفهم صدفة او بيزورونا ، انا طبيعتي بتأثر بكلام الي حواليا و اخواتي و ماما حكولي و شوفت من عماتي مواقف تضايق ، فطبيعي شيلت منهم شويه ، فلما حد منهم بيمرض مش بزوره و بعاملهم بالمثل ، مع العلم ان رقم واحد في سبب عدم زيارتي مش تصرفاتهم و مواقفهم على قد ما هو طبيعتي في عدم الاختلاط بالناس عموما ، فهو كدا انا ابقى قاطعة صلة رحم
بصي يا بنت الحلال الموضوع بسيط ومحتاج موازنة بين طبيعتك الهادية وبين حق قرايبك عليكي صلة الرحم درجات مش لازم تكوني اجتماعية وبتروحي وتيجي طول الوقت عشان متكونيش قاطعة رحم الصلة ممكن تكون بمكالمة تليفون أو رسالة واتساب في المناسبات أو سؤال وقت المرض يعني لو الزيارة صعبة عليكي خليكي في الحد الأدنى اللي يرضي ربنا ويطمنهم عليكي وطبيعي نتضايق من كلام الناس بس في الدين الواصل هو اللي بيصل اللي قطعه يعني حاولي متخليش تصرفاتهم هي اللي تحركك خلي نيتك مع ربنا هي الدافع ولو حد تعب ابعتي رسالة أو كلميهم ده بيشيل الحواجز وبيخليكي انتي الأفضل عند ربنا وكونك بتحبي البيت دي طبيعة شخصية ومفيش فيها ذنب بس حاولي تكسريها في المواقف اللي فيها واجب إنساني أو ديني زي مرض أو عزا والخطوات البسيطة دي هي اللي بتفرق بين واحدة انطوائية وواحدة قاطعة وانتي مش قاطعة رحم طول ما في خيط وصل بس حاولي تقوي الخيط ده شوية ولو بالموبايل عشان تخرجي من دايرة الشك وتريحي ضميرك . وجميله جدا حتت حب البيت دي ربنا يثبتك 😊
تم النشر الثلاثاء، ٢٤ مارس ٢٠٢٦
أعتقد الفكره هنا مش حكايه بتحبي الخروج ولا القعده في البيت لأن زياره المريض دي سنه مؤكده عن النبي ما بالك بقرابيك اللي هما أولى بالزيارة دي مفيش حاجة اسمها التعامل بالمثل مع القرايب وصلة الرحم لا. فيه حديث بيقول. أنَّ رجلًا قال: يا رسولَ اللهِ إنَّ لي قرابةً أصِلُهم ويقطَعوني وأُحسِنُ إليهم ويُسيئون إليَّ وأحلُمُ عنهم ويجهَلون عليَّ فقال النَّبيُّ صلَّى اللهُ عليه وسلَّم: ( لئنْ كان كما تقولُ لكأنَّما تُسِفُّهم المَلُّ ولا يزالُ معك مِن اللهِ ظهيرٌ ما دُمْتَ على ذلك دي صيغة الحديث بالضبط بيوضح فضل الصبر على الاذى من القرايب واعتقد قرابيك مش هيكون للدرجة يعني لو روحتي ليهم ساعتين كل فتره قعدتي معاهم واتكلمتوا شويه هيعاملوكي كويس ان شاء الله وهتاخدي ثواب.
تم النشر الخميس، ٢٦ مارس ٢٠٢٦
أنا بردو أحيانًا بحس إن إظهار المحبه بيكون مزيف بس ممكن صلة الرحم تكون في صورة مختلفه زي إنك لما تحبي تتصدقي تشوفي الأول حد من العائله فقير أو إمرأه أرمله وتصدقي عليها أولى وحاجات من النوع ده يعني بحيث إنك تكوني بتركزي عالأقارب بردو إنما الود المزيف بصراحة شئ مش لطيف خالص
تم النشر الأربعاء، ٢٥ مارس ٢٠٢٦
شوفي انا حالتي مشابهه ليكي لاني من وقت قريب بردو كنت كده بس حاليا لمَّا كبرت و إديت نفسي فرصة إني أقرب من أهلي وبقيت بروح اقعد معاهم ولما يكونو موجودين بطلع اقعد معاهم بقيت أحسن واكتشفت اني كنت فهماهم غلط او كان بيحصل سوء تفاهم فاهمة فـحاولي تدي نفسك فرصة تقربي من أهلك يعني فاهمة هتحسي بالعزوة و ان اهلك بيدوكي عاطفة وكده فاهمة هترتاحي و ربِّ يصلحلك الحال.
تم النشر الأربعاء، ٢٥ مارس ٢٠٢٦
لا يا حبيبتي، مش بالضبط قطع صلة رحم، بس ده قريب منه شوية وممكن يأثر عليكِ روحياً ودنيوياً. في الإسلام، صلة الرحم مش شرط تكون زيارات يومية أو خروج كتير، خاصة لو طبيعتكِ انطوائية وبتحبي البيت زيكِ كده (ده عادي وجميل فيكِ!). اللي يعتبر صلة رحم هو التواصل البسيط والاهتمام: مكالمة هاتفية كل فترة، رسالة "كيف حالكِ؟"، أو هدية صغيرة في عيد ميلاد أو رمضان. نصيحة عملية عشان تحافظي على الصلة بدون تعب: ابدئي صغير : كل شهر اتصلي بعمة واحدة بس، قولي "وحشتيني، ربنا يخليكِ". لو مرضوا : أرسلي واتساب أو فلوس للدوا، أو اطلبي من أختكِ تزور نيابة عنكِ (ده يحسب لكِ إن شاء الله). تعاملي بالمثل بحكمة : لو عاملوكِ كويس، ردي بالكويس، ولو لا، صبري وادعيلهم – الصلة مش معناها تتحملي إيذاء. ده هيجيبلك بركة في الرزق والعمر زي ما قال الرسول ﷺ: "مَنْ أَرَادَ أَنْ يُبْسَطَ لَهُ فِي رِزْقِهِ وَيُنْسَأَ لَهُ فِي أَثَرِهِ فَلْيَصِلْ رَحِمَهُ". طبيعتكِ مش عذر كامل، بس نقدر نعدلها بطرق تناسبكِ. لو عايزة نصائح أكتر أو استشارة مدرب حياة شوفي الخبراء في https://www.fedni.net/experts، أو ابحثي في فدني عن "صلة رحم" هتلاقي إجابات كتير مفيدة. ربنا ييسر أمركِ ويبارك فيكِ 💕
تم النشر الثلاثاء، ٢٤ مارس ٢٠٢٦
أنا مثلك تماماً وأفهم شعورك جيداً! العزلة أحياناً تكون راحة بال، لكن صلة الرحم لا تعني بالضرورة التواجد الدائم. يكفي اتصال بسيط أو سؤال في المناسبات لكي يطمئن قلبك أنكِ لستِ قاطعة رحم. كوني على طبيعتك ولكن لا تقطعي الخيط تماما
تم النشر الخميس، ٢٦ مارس ٢٠٢٦
هو المفروض اصلا دي طبيعية البنات أنها تبقى عاملة حدود لنفسها ومبتخرجش كتير لكن قصة زيارة قرايبك دي انتي مش مجبورة الا لو البيت كلها رايح وانتي بترفضي تروحي مع ابوكي وامك تزوري قرايبكم دا هو اللي غلط لكن انتي مش عليكي لوم خالص ومتتعبيش نفسيتك خالص
تم النشر الأربعاء، ٢٥ مارس ٢٠٢٦
لو بتسألى على فكرة قطع الرحم ف يكفيكى إنك تسألى على أحوالهم من فترة ل أخرى وحتة التعب والزيارة ف لازم تزوريهم ولو على الأقل مرا واحدة حفظا لنفسك ولأخرتك علشان متأثميش برضة بس الفكرة هنا فكرى فى نفسك انتى هل انعزالك دا وعدم خروجك دا بتبقى حاباة وشايفة ان كدا راحة ليكى لو كدا تمام مش لازم تخرجى وبتاع كل واحد فينا بيدور على راحتة والحاجة الأقرب لشخصيتة لكن لو غير كدا ممكن الانعزال دا يأثر عليكى نفسيا ف لازم تجبرى نفسك انك تخرجى وتتعرفى على أماكن وناس جديدة
تم النشر الأربعاء، ٢٥ مارس ٢٠٢٦
بصراحه انا زيك كده بس انا بحب الخروج كتير واتعرف علي الناس بس مش مهتمه اني اسأل علي حد بس انتي كده بصراحه يعتبر شبه معزوله عن العالم الخارجي فلازم تختلطي وتكلمي
تم النشر الأربعاء، ٢٥ مارس ٢٠٢٦
لعرض السؤال في فدني اضغط هنا