انا دلوقتي تايهه مش عاوزه تكمله في الكليه على العموم انا داخله سنه ثالثه دلوقتي مكمله عشان بابا الحمد لله ربنا يمن عليا بالنجاح والتوفيق كل سنه بس بابا عاوز تقديرات امتياز وانا بجيب مثلا جيد أو جيد جدا ده مقدرتي
وعاوزني معيده مش عاوزه اضغط نفسي عشان بتعب وده مجال مش بحبه خالص بس عشان بابا دخلته هو كليه تمريض ولا عاوزه اشتغل ولا ابقى معيده بس مش قادر يفهم حاجه زي كده اعمل اي والتصرف ازاي
يا سلمى، افتكري دايمًا إنك مش موجودة في الدنيا دي عشان ترضي الناس حتى لو كان أقربهم ليكي، إحنا موجودين عشان نرضي ربنا أولًا. ربنا سبحانه وتعالى قال: "لا يُكلِّف الله نفسًا إلا وُسعها"، وإنتِ مش مطالَبة تعملي حاجة فوق طاقتك أو تضغطي نفسك لدرجة تتعبك وتكسرك. اعلمي إن رضا الوالدين مهم جدًا، لكن الرضا الحقيقي يكون في طاعة الله، ومش في إنك تعيشي حياتك كلها في مجال أنتِ مش حاباه وتكوني طول الوقت مهمومة وحزينة. لما تبيني لباباك إنك بتحاولي وتبذلي جهدك، لكن في نفس الوقت بتشرحي له إن ده مش ميولك، فأنتِ كده بتؤدي الأمانة وبتسعي للحق. خلي نيتك دلوقتي إنك تكمّلي بما تقدري عليه، وتدعي ربنا كل يوم في سجودك: "اللهم هيئ لي من أمري رشدًا، واختر لي ولا تخيرني". واعملي الأسباب، وإن شاء الله ربنا هيفتح لك باب يرضيك ويرضيه، ويمكن يكون أحسن مما كنتِ بتتمني.
تم النشر السبت، ٩ أغسطس ٢٠٢٥
السلام عليكم ورحمه الله وبركاته بما انك نويتي نيه جميله وطيبه انك عايزه تراضي والدك ودخلتك الكليه دي استكملي ان هي بتاعتك وكل اللي انت هتقدري تعمليه انك يعني هتتكلمي بلطفه مع والدك لما مثلا تكون النتيجه مش المنتظره بالنسبه له انك تقولي له يعني اه لا يكلف الله نفسا الا وسعها انا بابا بعمل فعلا كل جوف دي علشان اخليك مبسوط بالطريقه اللي انت عايزها ولكن دي النتيجه اللي ربنا اكرمني بيها في الاخر بقدر اقصى جهدي انا قدرت اقدمه فالحمد لله. على ان ربنا قدره لي وخلينا نقول انه زي ما بيحصل مع ناس كثير يا بابا ممكن اجيب امتياز وممكن ابقى اقول على الدفعه ولكن ما يقدرش لان انا اكون معيده ولا اي حاجه زي ما ناس كتير بيحصل معاها في كليات كثيره جدا وما بيتعينوش معودين فيعني انا ماشيه معاه اللي فاستكملي الطريق بتاعك لحد اخره وبعد كده انت ايا كان شكل حياتك انت هتحبي انك تمشي فيها ازاي اا في نفس المجال او مش في نفس المجال دي هتكون حاجه ترجع لك بعد كده بس بعد ما تكوني خلصت اللي انت نويتي عليه باذن الله وباذن الله ربنا هيراضيكي قد ما انت بتحاولي تفضلي والدك. ربنا يقدره ليا وانا عارفه ان هو هيكون الخير واتمنى ان انت كمان تفكر كده ااا يعني استكفي بس بان كل مره بابا يعلق على الموضوع لانه طبيعي هيتكرر الموضوع يعني حتى لو رديت عليه مره مش معنى كده مش هيكرروا ليه لان هو ده الحلم او الصوره اللي هو بيبص عليها ايا كانت اسبابه ايا كانت ضوافقه ولكن انت جميله وحطيتي نيه جميله انك عايزه تراضي والد
تم النشر الجمعة، ٨ أغسطس ٢٠٢٥
معظم الاباء كده ...انتي إجتهدي في الكليه بتاعتك بما يرضي الله وهو لازم يشوف إجتهادك ده عشان يرضي عليكي... إقعدي كلميه زي صحبك وفهميه وخلي ممتك تكلمه ميضغطش عليكي....الفكره ان ده مش ذنبه انه عايزك اعلي حاجه في الكليه ..حتي انتي صدقيني هتعملي كده مع عيالك... إقعدي ذاكري عشانه هم كام سنه يعني وادعي ربنا انه يخفف حملك والضغط النفسي بتاعك...وربنا يوفقك لما فيه الخير
تم النشر الجمعة، ٨ أغسطس ٢٠٢٥
سلام يا سلمى، أشعر تماماً بالحيرة والضغط اللي أنتي عايشاها دلوقتي، وفعلاً الموضوع مش سهل خصوصاً لما يكون فيه توقعات كبيرة من الأهل، خصوصاً الأب اللي بيحبك وعايز الأفضل ليكي. خليني أساعدك خطوة خطوة: تفهم مشاعرك ومكانك أول حاجة لازم تصدقي مشاعرك واحتياجاتك. تعبك وضغطك حقيقي، وإحساسك إنك تايهة مش معناه إنك فاشلة أو إنك مش ناجحة، بالعكس! دي إشارة إن في حاجة غلط أو إنك محتاجة تعرفي إنتي عايزة إيه بالظبط. التحدث مع والدك بصراحة وبهدوء الاب هو حابب يشوفك ناجحة، بس يمكن مش عارف يتفهم إحساسك أو حدود طاقتك. حاولي تتكملي معاه كلام هادي، تقولي له إنك بتحبي المجال وبتجتهدي، بس في ذات الوقت بتحسي إن الضغط على التقديرات العاليه بيخليكي مش مرتاحة، وإن النجاح مش بس في الدرجات، لكن في الصحة النفسية والرضا الداخلي. تحديد هدف واقعي طالما انتي بتحبي المجال، ممكن تظلي تكملي دراستك على قد ما تقدري، لكن لا تلومي نفسك لو درجاتك "جيد" أو "جيد جداً"، لأن ده إنجاز بحد ذاته. وما فيش حد يقدر يحدد قيمتك غير انتي. تذكري أن الحياة مش بس شهادات النجاح مش بس في كليات أو تقديرات، في فرص كتير بعد التخرج ممكن تكسبك خبرة وتدريبات وتطوير. يعني ممكن تشتغلي في المجال اللي بتحبيه وتكبر فيه بطريقة تدريجية. لا تستسلمي أو تضغطي نفسك زيادة عن اللزوم الضغط النفسي ممكن يأثر على صحتك وحتى مستقبلك. حاولي تقسمي وقتك بين الدراسة والراحة والهوايات اللي بتحبيها. ابحثي عن دعم مختص إذا احتجتي ممكن كمان تتواصلي مع خبراء في التنمية الذاتية أو مستشارين نفسيين يساعدوك تكتشفي طرق لإدارة الضغط وتحقيق التوازن. وأخيراً، أنتِ مش لوحدك، وأكيد ربنا معاكِ، وربنا يوفقك في اللي هو خير لكِ. ولو حبيتي، ممكن تتابعي الأسئلة المشابهة في فدني أو حتى تتواصلي مع خبراء فدني ليقدمو لك دعم ومشورة أكثر تخصصاً. لو حبيتي أساعدك أكتر في تنظيم أهدافك أو تحسي بحاجة معينة، قولي لي وأنا معاكِ خطوة خطوة. دمتي بخير يا سلمى ❤️
تم النشر الأربعاء، ٦ أغسطس ٢٠٢٥
تم النشر الجمعة، ٨ أغسطس ٢٠٢٥
تم النشر السبت، ٩ أغسطس ٢٠٢٥
تم النشر السبت، ٩ أغسطس ٢٠٢٥
خليكي عارفة ان التعامل مع الأب الي بيتحكم تعامل صعب جدا لأنه مش هيستوعب ازاي ابني يقول لي لا فأفضل شئ انك تمشي معاه ومن فترة لفترة تحاولي تحسني مشاعرك / لأنك من الطفولة في ضغط شديد وشخصيتك ملغية وممسوحة فحاولي تعبري عن كل الصدمات والألم اللي شفتيه في الماضي باستخدام الكتابة اليومية / انا عارف انك في عشوائية وضياع ولكن خلي الكتابة هي طوق النجاة
تم النشر الجمعة، ٨ أغسطس ٢٠٢٥
هو اللي اختار لك التخصص وبيضغطك عشان تكوني معيدة / انا في رأيي ان اكيد ده اسلوب حياتكم الدائم ان هو المتحكم في حياتك ففي بعض الأباء مش بيعتبر الأبن شخص مستقل بأفكاره وحياته ولكن بيعتبر الأبن نسخة منه ودي من سمات النرجسية ، مش شرط اضطراب كامل ولكن في سمات / فهل في نقد مستمر وتدخل في الخصوصيات وتحكم وسيطرة مفرطة وعدم معاملتك كشخص آخر ولكن كجزء منه ؟ / حاليا انتي في تمريض وبتقولي مش عايزاها طب اسألي نفسك تاني هل انتي فعلا مش عايزاها ؟ ولا ده مجرد ضغط مذاكرة + ضغط من والدك فانفجرتي وقلتي مش عايزة ؟ / لأن التمريض برضو فيها لطف وخير ورعاية للناس والأطفال وكبار السن / فراجعي نفسك هل انتي عايزة تمريض ولا لا
تم النشر الجمعة، ٨ أغسطس ٢٠٢٥
فهميه ان انتى مش هتقدرى تكملى فى حاجه انتى مابتحبيهاش وان انتى لو كملتى فى حاجه مابتحبيهاش عمرك ما هتنجحى فيها حاولى معاه وقوليله ده مستقبلى انا انا الى هعيش ودن قرارى وحطيه فى الامر الواقع
تم النشر الخميس، ٧ أغسطس ٢٠٢٥
لعرض السؤال في فدني اضغط هنا