السلام عليكم
أنا 20 سنه طالب في كلية طب ديما بشوف نفسي وحش شكلي مش جميل مع إن والدتي والناس القريبين مني ديما بيقولوا عكس دا ووالدتي كل ما نتكلم عن شكلي تحلف ليا ب ان شكلي جميل دا غير إن صديقات والدتي بيقولوا عليا شكلي جميل وجسمي رياضي وجميل وانا شايف عكس دا والي ديما بيأكدلي كلامي اني مش الشخص الي البنات ديما عاوزه تكلمه وتبعتله أو الي البنات بتتكلم عنه مفيش في حياتي بنات كتير غير بنت كنت مرتبط بيها وسبتها واكتشفت أنها كانت معايا لمجرد المصلحه
وعن جسمي مش شايف أني وصلت الوزن المثالي ولا الجسم المثالي
انا بحاول موصلش دا لحد بحاول أبان واثق من نفسي بس انا تعبت من الصراع النفسي الي جوايا
مش عارف هو فيه مقياس جمال للراجل ولا لا ولا دي مشكله نفسيه بمر بيها إني ديما بشوف نفسي وحش وازاي اتخاطها لأن الموضوع مسببلي عدم ثقه في نفسي ولما ارتبطت بالبنت مع أن والدتي كانت بتقولي أنها أقل مني جمالا بس انا شايف نفسي وحش وكنت بقول أن كويس أنها رضيت بشكلي
عليكم السلام غالباً الأفكار دي بتكون متعلقة بالطفولة أو بمعنى أصح اتقالتلك حتى لو بطريقة غير مباشرة، الأمر هيبدأ بمقارنة نفسك بغيرك و تبدأ تشوف جمال فلان و تقارن و تطلع نفسك خسران في المقارنة، هتخاف من التجمعات او من نظرة أي حد ليك عقلك هيدور على أي كلمة في وسط الكلام تأكد شكوكك و أنك فعلاً مش جميل زي ما بتقول، الحقيقة أنها مجرد أفكار من عقلك صعب تتخطاها لأنك كنت بتغذيها طول السنين اللي فاتت، الفكرة أنك محاولتش تحب شكلك عشان تحس أنو غيرك شايفك جميل، بتكدب كلام مامتك عشان مش عايز تصدق أنو الحقيقة، ليه متقولش أنو رب العالمين بعد عنك إعجاب البنات أو أنو بنت تبعتلك أو الجو ده حماية ليك من الفتنة، كلها مجرد أفكار من عقلك بتحاول طول الوقت تشوف الكلمة إللي هتثبت صحة أفكارك، رغم أنو ممكن اللي حواليك ميكنش قصدهم كدا خالص، فرأيي تبدأ من نفسك تحاول تشوف جمالك بعينك الأول، و كل واحد بيشوف الجمال بعينه عامةً ولو كل واحد فينا قعد يفكر إزاي الناس شايفاه جميل أو قعدنا نقارن بين جمالنا و جمال إللي حوالينا مش هنعيش أصلا، ابدأ بنفسك و حِبها و هتلاحظ الفرق و إن شاء الله الأفكار دي تختفي
تم النشر الثلاثاء، ٢٢ سبتمبر ٢٠٢٦
وعليكم السلام ورحمة الله. أولاً، أقدر شعورك بالصراع الداخلي ده، وهو شائع جداً عند الشباب في عمرك، خاصة مع الضغوط الاجتماعية والصور المثالية اللي بنشوفها. نعم، فيه مقاييس جمال عامة للرجال تتأثر بالثقافة والمجتمع، مثل التناسق في الجسم، الوجه المتناسق، والمظهر الصحي، لكنها ليست مطلقة أو ثابتة. الدراسات في علم النفس الاجتماعي تظهر أن الجاذبية عند الرجال تعتمد أكثر على الثقة بالنفس، الشخصية، والقدرة على التواصل، وليس الشكل فقط. والدتك وصديقاتها بيمدحوك بصدق لأنهن يرونك من منظور قريب ومحب، وجسمك الرياضي اللي ذكرته يُعتبر ميزة إيجابية في نظر الكثيرين. اللي بتمر بيه يبدو أنه صراع نفسي شائع يتعلق بتقدير الذات، حيث يرى الشخص نفسه أقل جاذبية رغم الأدلة المعاكسة، وهذا يؤثر على ثقتك خاصة بعد تجربة العلاقة السابقة. ليس بالضرورة مشكلة مرضية، لكنه يحتاج إلى إعادة توجيه التركيز نحو نقاط قوتك كطالب طب ناجح وشاب في بداية حياته. من منظور إسلامي، الجمال الحقيقي يشمل الروح والأخلاق، فالنبي ﷺ كان يشجع على الاهتمام بالمظهر دون الإفراط، ويذكرنا أن التقوى والعمل الصالح هما الأساس. للتعامل مع هذا، ركز على خطوات عملية: حدد أهدافاً صغيرة في اللياقة البدنية والدراسة لتشعر بالإنجاز، ومارس مهارات التواصل الاجتماعي من خلال أنشطة جماعية في الكلية. تجنب مقارنة نفسك بالآخرين، وبدلاً من ذلك، اكتب يومياً ثلاث نقاط إيجابية عن نفسك. هذا يساعد في بناء ثقة حقيقية تأتي من الداخل. ابحث عن أسئلة مشابهة على فدني للحصول على آراء إضافية، وتذكر أنك قادر على تجاوز هذا الصراع بخطوات مستمرة.
تم النشر الثلاثاء، ٢٢ سبتمبر ٢٠٢٦
لعرض السؤال في فدني اضغط هنا