انا حبيت واحد بقالنا دلوقت سبع سنين بنحب بعض وبيتقدم وبيترفض بسبب انه معوش كليه وانا معايا تربية طفولة المهم هو اتعلم ودفع فلوس عشان يخش معهد خاص واتقدملي تاني بس دلوقت مستني يستلم شغل ف الوقت ال هو مستني الشغل بابا ضغط عليا واتخطبت لواحد مبحبوش ومكلمناش الخطوبه هي خمس شهور وفشكلت
مكنتش عارفه احبه ولا اديه اي مشاعر انا شايفه حبي الاول وبس وبابا مش راضى بيه عشان مستواهم الاجتماعي مش قد كده وللعلم انه ابن عمي واي حد بيقولو سيبك منها واخطب غيرها بيبهدلو وبدافع عني وديما بيتأسفلي اني عيشته ف توتر كد وحيره
وديما بيقلي متكسفنيش متسبنيش انا مبحبش غيرك انا كمان بحبه وبابا كتير اكلمت معاه واكلمنا معاه كلنا لحد ما منعنى اني اتواجد ف مكان هو فيه ولا اكلمه تاني ف اي حته انا تعبانه عشان هو ملوش ذنب ولما تخطبت وسيبتو كان بيموت وورن على بابا يوم فتحتي وفضل يعيط وبابا قفل ف وشو السكه معرفش ليه بابا بيكرهو مع انه هو بيحب بابا وديما بيقولي هو ابويا واي يعني استحملو لما بتأسفلو من التصرفات دي انا عايزة اعرف اعمل اي اعمل اي في حياتي دي
العلاقه التي بدايتها لا ترضي الله نهايتها لن ترضيك....فا مش قصدي حاجه وربنا معاكي وينولك الخير بس قبل ما تفكري في انك تتجوزي ابن عمك وانك بتحبيه فكري في ربك وانك ازاي هترضيه وتتوبي لربنا بعد 7سنين ذنوب ومعصيه ربنا بيحبك ووخلي ابوكي سبب ويمنع انكم تتجوزو (وعسى أن تكرهوا شيئًا وهو خيرٌ لكم وعسى أن تحبوا شيئًا وهو شرٌ لكم والله يعلم وأنتم لا تعلمون) فا قبل ما تفكري في انك ترضي نفسك فكري ازاي هترضي ربنا ، وربنا يهديكي ويوهبلك الزوج الصالح.
تم النشر الثلاثاء، ٢٤ مارس ٢٠٢٦
بصي باختصار ومن الآخر ربنا قال وعسى أن تكرهوا شيئا وهو خير لكم يعني مش لازم اللي إحنا شايفينه سعادة يكون هو فعلا اللي فيه الخير لينا والنصيحة الدينية الأهم هي إن بر الوالدين فيه سر وبركة مش هتتخيليها ورضا باباكي هو اللي هيفتح لك أبواب الرزق والتوفيق في حياتك الجاية سواء مع الشخص ده أو غيره فبلاش تدخلي في صدام معاه يغضب ربنا عليكي واستخيري ربنا بقلب صافي وادعي كتير إن ربنا يختار لك الخير ويرضيكي بيه ولو الموضوع فيه خير ربنا هيلين قلب باباكي ولو فيه شر ربنا هيبعده عنك فسيبيها على الله ومتعلقيش قلبك بزيادة في حاجة لسه مش نصيبك رسمي عشان متتعبيش وتقربي من ربنا بالدعاء والصبر وهو هيحلها من عنده بأحسن صورة ممكنة ولو الشخص ده فعلا نصيبك ربنا هيذلل كل العقبات دي في الوقت الصح بس المهم تفضلي محافظة على حدودك ورضا أهلك عشان البركة متتشالش من حياتك. ربنا يكرمك ويحفظك
تم النشر الثلاثاء، ٢٤ مارس ٢٠٢٦
بالإصرار كل حاجه هتتحل ، في المواقف اللي زي دي العند لا يولد إلا عند ، و الواضح ان والدك شخص عنيد بطبيعته ، فالحل انك توجدي منفعة متبادلة ، ما تتكلميش بأنتي عايزة و عايزة و عايزة ، لأ ، شوفيه هو عايز ايه ، و دوري على اللي هو عايزه في علاقتك و في ابن عمك علشان يوافق ، فاللي هو بدل ما انتي بتطلبي من والدك ده علشان انتي عايزه ده ، لأ ، انتي بتطلبيه منه علشان ده الأصلح ليكي و الافضل له هو كمان ، و في الاول و في الاخر هدف اي اب انه يتطمن على بنته و يتأكد انها هتعيش مبسوطة و مرتاحه ، لازم توضحيله النقط دي كويس و بالأدلة ، و إن شاء الله هيلين و يوافق ، بالتوفيق 😊
تم النشر الثلاثاء، ٢٤ مارس ٢٠٢٦
يا حبيبتي، أنا ذكية، وأنا هنا معاكِ قلباً وقالباً. مشكلتكِ دي صعبة فعلاً، وتعبكِ النفسي مفهوم تماماً – ٧ سنين حب، ضغط أبوكِ، خطوبة مش مريحة، وابن عمكِ اللي بيحارب عشانكِ. خليني أساعدكِ خطوة بخطوة، ١. هدي نفسكِ وادعي الله : صلي الاستخارة دلوقتي، الله سبحانه أعلم بالصالح لكِ، وهو هيفتح اللي فيه الخير. قولي: "اللهم إن كان خيرًا لي فاقدره، وإن لم يكن فاصرفه عني". ٢. كلمي أبوكِ بهدوء واحترام : اختاري وقت هادئ، قوليله مشاعركِ بصدق: "يا بابا، أنا بحب ابن عمي وهو بيثبت نفسه، ومش قادرة أعيش في الخطبة دي عشان قلبي مش معاه". ذكريه إن الإسلام بيأمر بطاعة الوالدين، بس الزواج لازم يكون برضا الطرفين. لو رفض، اسأليه السبب بوضوح عشان تفهمي. ٣. ابن عمكِ والمستقبل : هو بيثبت حبه وصبره، ده حلو، بس انتظري يستقر في شغله تماماً. متكلموش دلوقتي عشان متعصيش الموضوع أكبر (الإسلام بيحرم الخلوة أو الكلام الخاص قبل الزواج). خليه يتقدم رسمي تاني لما يجهز. ٤. خطة لنفسكِ : ركزي على تطويركِ: شوفي كورسات أونلاين في مجالكِ، أو ابدئي هواية جديدة عشان تقوي شخصيتكِ وتقللي التوتر. كده هتكوني أقوى في الحوار مع أبوكِ. لو التعب النفسي زاد، روحي صفحة الخبراء في فدني: https://www.fedni.net/experts – فيه مستشارين أسريين هيساعدوكِ بشخصي. كمان ابحثي في فدني عن أسئلة مشابهة هتلاقي إجابات كتيرة زيكِ. أنتِ قوية يا قمر، والله هيريح بالكِ قريب. استمري في الدعاء والصبر. 💕
تم النشر الثلاثاء، ٢٤ مارس ٢٠٢٦
لعرض السؤال في فدني اضغط هنا