ممكن حضرتك تعرفيني ازاي اتخلص من التعلق والتفكير الزياده في شخص معين
اتعرفنا علي بعض من سنه ونص وعلاقتنا مش واضحه وهو بيعبر عن حبه بالكلام بس مفيش اي فعل وكل تصرفاته تدل انه مش بيحبني طبعا بعدت عنه بس مع الاسف لسه متعلقه بيه رغم ان البعد كان قراري ورغم اني عارفه انه مش بيحيني
اعترفي باحتياجك العاطفي ولكن كوني حذرة في إشباع هذا الاحتياج! اقطعي روابط التواصل بينكم! لو التواصل لا بد منه حطي حدود واضحة والعلاقة لا تخرج عن حدودها! تأكدي انك تستحقي الحب ومش تعطيه من طرف واحد فقط! اشغلي نفسك بهوايات وأعمال جديدة! طوري من ذاتك ومتبقيش فاضية! دي خطوات بسيطة تساعدك! ولكن الأمر بيختلف حسب التفاصيل لحياة كل فرد!
تم النشر الثلاثاء، ١٠ يونيو ٢٠٢٥
موقفك صح جدا انا بشوف الحالات دي كتير بتبقي صعبه عارفه بتحسي انك متعلقه ومش عارفة ايه الي هيحصل حاولي تبعدي متبينيش اي اهتمام ليه خالص ولا تبينيله انو فارقلك حتي لو الي جواكي عكس كدا موقفك طبيعي ممكن تكوني تعلقني غصب عنك حتي مش بمزاجك بس الوقت بينسي حقيقي الوقت هو علاج كل شئ هييجي عليكي يوم هتبقي دي مجرد ذكريات وعشان تساعدي نفسك بقي ابعدي عن الحجات الي بتفكرك فيه أماكن اغاني شاتات اشياء ماتتكلميش عنه كتير مع صحابك عشان سيرته متترددش قدامك حتي اشغلي نفسك بحاجه تاخد وقتك رياضه دراسه شغل مسلسل كدا ومع كل ده طبعا متنساش ربنا والدعاء وانو ربنا يرزقك بحد احلي ويستاهلك♥️
تم النشر الخميس، ١٢ يونيو ٢٠٢٥
طبيعي .. ادي فرصة لمخك يتعود على عدم وجوده .. وحاولي تنظمي ليومك انشطة وهوايات عشان تعوضي احتياجك العاطفي وبالتوفيق
تم النشر الثلاثاء، ١٠ يونيو ٢٠٢٥
اشغلي وقتك بأي حاجه ممكن تتعمل في حياتي متخليكيش عندك وقت فراغ خالص
تم النشر الجمعة، ١٣ يونيو ٢٠٢٥
لعرض السؤال في فدني اضغط هنا