السلام عليكم ورحمه الله وبركاته
انا اتخرجت من الكليه و معلمه قرآن بقالى ٥ سنين عندى حاليا ٢٢ سنه جالى فوق ٣٠ عريس رفضتهم جميعا منهم اللى ذو دين و خلق لكنى بتخنق جدا حتى قبل ما اقعد معاه و لما اتخرجت اتخطبت لواحد و طلع مش كويس خالص و كمان مش بيصلى مع انه قال انه بيصلى بس ربنا كشف لى كل حاجه فى خطوبه ٥ شهور الحمد لله
و عشت عادى مفيش حاجه بعدها لانى ديما مخنوقه من كل حاجه بقت حياتى بين الشغل و النوم زهقانه من الناس و بقيت بحب الوحده ديما الحمد لله ملتزمه بالصلاة و السنن و ورد القرآن و الأذكار و بسمع دروس دين و ديما بدعى ربنا بالعفه فرزقني لبس النقاب و حاليا عايزه ابقى مع نفسي فى مكان بعيد و معملش حاجه غير العبادة و بس و غير انى احساسى انى ممكن ميكونش مكتوب لي الزواج
لا مكتوبلك ونصيبك هيجيلك حلو قوي قوي كمان لانك تعتبري مش مقصرة ومن كلامك ان الله هوا اول اهتماماتك فلذلك اكملي ما انتي عليه واحمدي الله فأنتي في نعمه وهوا سيسوق لك الخير سوقا، لكن ليمحص الله ما في قلبك يبتليك ف يرا ان صبرتي وشكرتي ام جزعتي واستنكرتي وتذكري {إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ} وما دمتي معا الله فلا تخافي ولا تحزني، وصبر جميل
تم النشر الخميس، ١٨ ديسمبر ٢٠٢٥
وعليكم السلام ورحمة الله وبركاته 22 سنة لسة صغيرة ما شاء اللّه، اللّهم بارك، وفرصتك في الحياة، والزواج لسة كويسة، مش معنى إن حد طلع وحش يبقى الكل كدا، ولا معناها إنك مش مكتوب لك الزواج، الحياة لسة مخلصتش، ولا هتقف لحد كدا، استمري في عبادتك، وتطويرك لنفسك، وشغلك، واعملي اللي أنت عيزاه، شوفي لو حابة تكملي دراسة إضافية، تعملي دبلومة، تنزلي تحفيظ في دار، شوفي الأنشطة اللي تحبيها واعمليها بحيث متبقيش حاسة بالملل، ودماغك توصلك للتفكير فِي الموضوع دا، كل شيء بيد الله عز وجل، إن شاء اللّه ربنا ييسر لك الأمور، ويكرمك، ويزوجك بأحب الرجال إليه ياربّ 💙 بخصوص الخنقة، ارقي نفسك، واعطي فرصة تقعدي مع اللي بيتقدمولك، وشوفي، واتشرطي، دا حقك جدًا أنت لسة كتكوتة صغيرة والله، حتى لو اللي في سنك متجوزين ومعاهم أطفال!
تم النشر الخميس، ١٨ ديسمبر ٢٠٢٥
كن في حديث و انتي اكيد عرفاه اللي فيما معناه 3 رجال جم للرسول صلى الله عليه وسلم ، و واحده قاله اني اصوم و لا افطر و التاني قال اني لا اتجوز النساء و مش فاكر الباقي بس الرسول قال للتاني اني اتجوز النساء ، حاول تجربي الخطوبات لان لو فكرتي فيها هتلاقي اني هجيي يوم و يكون نفسك في اطفال او زوج وهكذا ، جربي الخطوبات حتي لو الخطبه فشلت عادي انما لو نجحت كان بها ، مشكلتك انك مبتحاوليش ، و ربنا ييسرلك الامور
تم النشر الخميس، ١٨ ديسمبر ٢٠٢٥
@FATMA Mo Arafa ارجعي اعملي رقية شرعية وداومي على سورة البقرة كل يوم فإن أخذها بركه وتركها حسره ولا يستطيعها البطله
تم النشر الخميس، ١٨ ديسمبر ٢٠٢٥
ممكن تزوري دكتور نفسي لان تقريبًا دي صدمة نفسية
تم النشر السبت، ٢٠ ديسمبر ٢٠٢٥
ممكن تلاقي شخص شبهك بالضبط بكل التفاصيل ويظهر لك تقبل تام وعدم وجود ذرة نقد أو اختلاف بينكم .. ولكن الحقيقة ان غالبا ده منافق لأن صعب تلاقي شخص شبهك في كل شئ ... فالمنافقين بيختارو الناس الحساسين للنقد عشان يوهموهم أنهم مش هينتقدو ابدا وسرعان ما تظهر حقيقتهم
تم النشر السبت، ٢٠ ديسمبر ٢٠٢٥
السلام عليكم.. دي من طباع الإنسان ولكن فيها من التشدد لأن قصة الرجل لما قال انه لا يتزوج النساء فأنكر عليه النبي صلى الله عليه وسلم عليه الصلاة والسلام ... فنحن متأكدين ان ده شئ غلط وتغيير طبع الإنسان قد يكون أصعب شئ ممكن يواجهه / المشكلة هي في جلد الذات وطلب الكمال من شدة تأنيب الضمير اللي عند الإنسان بيبدأ يكون حساس لأي نقد ويخاف من أي حاجة تهز كيانه فبيخاف من البشر أنهم ينتقدون فبيحط حواجز كثيرة بينه وبين الناس فبيرفض الزواج ..بيبقا عايز يكون بعيد عن اي نقد وفي منطقة آمنة دائما ينعزل عن العالم .. الحل هو انك تتسامحي مع نفسك وتتقبل النقص وإن مفيش بشر كامل وإن يسمح لكي إن تشتكي أو تكوني ضعيفة وساعتها مش هتتألمي من النقد لأنك متسامحة مع عيوبك ... ممكن فعلا اللي حواليكي يرفضو انك تكوني في حال ضعف ولكن بينك وبين نفسك تقبلي الضعف وده مؤلم في البداية لكن هو الصح
تم النشر السبت، ٢٠ ديسمبر ٢٠٢٥
بعمل كدا بس بقالى كتير معملتش
تم النشر الخميس، ١٨ ديسمبر ٢٠٢٥
لأ اقصد انك ترقي نفسك
تم النشر الخميس، ١٨ ديسمبر ٢٠٢٥
رقيه انى اشوف العريس قصدك ولا انى ارقي نفسي
تم النشر الخميس، ١٨ ديسمبر ٢٠٢٥
مش فاهمه قصدك
تم النشر الخميس، ١٨ ديسمبر ٢٠٢٥
لا بس معظمهم بشوف صورة ليهم
تم النشر الخميس، ١٨ ديسمبر ٢٠٢٥
جربتي تعملي رقيه شرعيه؟
تم النشر الخميس، ١٨ ديسمبر ٢٠٢٥
لعرض السؤال في فدني اضغط هنا