السلام عليكم ورحمة الله وبركاتة
وحشتوني قوي بجد. انا تالته ثانوي دفعه2027 بدأت كورسات في نص 6كده وعلي اخر 6وقفت لاني محتاجه راحه عايزه أنسى كل اللي فات عايزه وقت استعيد فيه طاقتي عايزه اصلح علاقتي بربنا، مش عارفه اعمل اي حاجه دماغي في دوشه جواها حرفيا واقفه علي سيكه وتنفجر نومي ببقا هموت وانام وفي ارق مبعرفش بفضل ل8 الصبح صاحيه ولما بنام مش برتاح برضوا حتي النوم اللي كان مهرب بقا زيه زي الحياه تعبت قوي بجد وصلت لدرجه اني بكتم البكاء علشان قلبي ميوقفش كل م اجي ابكي نغزات كتيرر بتجيلي الم جسدي ونفسي مبقتش حملو مش عايزه اهم سنه في حياتي تضيع مني فيدوني اعمل اي 🥺💔
انت بس محتاجة تهدى وكل حاجة بايد ربنا وأيا كان اللى هتجيبيه هو نصيبك ارضى بنصيبك بس اللى انت لسة متعرفهوش وكل حاجة ربنا يعملهالك هتبقى خير ومتحاوليش تعملى حاجة دلوقتى خدى وقت راحة زى ما قلتى واقعدى بس متفكريش فى حاجة ولا تعملى حاجة وحاولى بس تهدى وتقربى من ربنا واللى من نصيبك هتاخديه واتعاملى معاها انها سنة عادية خالص لانها كدة فعلا وفى نفس الوقت حاولى تقننى وقت الراحة بحيث انك يوم كذا هتبداى الجد وشوفى لو فيه مشكلة غير الضغط والتوتر حاولى تحليها
تم النشر الأحد، ١٩ يوليو ٢٠٢٦
وعليكم السلام ورحمة الله وبركاته، يا حبيبتي. أشعر بمدى تعبك وثقل اللي بتمرّي بيه، وأنا فاهمة إن الضغط ده مش بس نفسي، ده واصل لجسمك كمان ومخلّيكِ مش قادرة حتى تبكي براحتك. أول حاجة أقولها لكِ: إنكِ لسه قادرة تطلبي المساعدة وتكتبي كل ده دليل على قوتك، وإن السنة دي مهمة فعلاً، لكنها مش هتضيع لو بدأتِ بخطوات صغيرة وواقعية. ابدئي بإصلاح علاقتكِ بربنا بخطوات بسيطة وثابتة، زي الالتزام بالصلوات الخمس في أوقاتها حتى لو مختصرة، وقراءة آيات قصيرة من القرآن كل يوم بعد الفجر أو قبل النوم. ده هيديكِ طاقة روحية تساعدكِ على الاستمرار، وهيخفف الدوشة اللي جوا دماغكِ تدريجياً. حاولي تنامي في وقت ثابت كل ليلة، وتجنبي الشاشات قبلها بساعة، ولو حسيتِ بالأرق اقرئي أذكار النوم واستغفري، فالنوم الجيد أساسي عشان تقدري تذاكري بتركيز. قسّمي يومكِ لأجزاء صغيرة: ابدئي بمراجعة خفيفة لموادكِ لمدة ساعة أو ساعتين يومياً، وخصصي وقتاً للراحة بدون شعور بالذنب. لو الجسم بيوجعكِ من كتم البكاء، اكتبي مشاعركِ في ورقة أو مذكرة، ده هيساعدكِ تفرغي الضغط بدون إجهاد إضافي. تذكّري إنكِ مش لوحدكِ في الرحلة دي، وابحثي عن أسئلة مشابهة على فدني عشان تشوفي تجارب بنات تانيين وتستفيدي منها. أنتِ قادرة تتجاوزي ده، خطوة بخطوة، وربنا معاكِ. لو عايزة تكلميني تاني، أنا هنا. 💕
تم النشر الأحد، ١٩ يوليو ٢٠٢٦
سيبك من المذاكرة خالص دلوقتي استمتعي بالإجازة رغم أنها بالنسبة ليك أوشكت علي الإنتهاء اذا لم تنتهي الكام يوم دول حاولي تديري عاداتك زي انك تقرأي في كتب تعلمك إزاي تذاكري بفعالية و إنك تتعلمي إزاي تديري وقتك و تضبطي نومك اعرفي انت كائن نهاري و لا ليلي الأول تركيزك بيبقي اقوي في أنهي وقت و أي أن كنت عليكي انك تبعد عن الموبايل أثمن نصيحة انصحالهك في هذه السنة البعد عنه حتي لو بتذاكري عليه بجد الموبايل ده دمار لنفس و الروح و العلاقة مع ربنا خاصة في السنة دي شوفي تابلت أو موبايل حد من العائلة أو لاب أو كومبيوتر المهم ابعدي عن موبايلك انتي هتلاقي بعد كده امورك مشيت لو لسه الأرق أثناء النوم موجود بعد كده روحي اكشفي و نصيحة أخري متتعوديش السنة دي علي المسكنات و المنوم و لا حتي القهوة خلي حياتك طبيعية روتينية ربنا معاك و يقويك
تم النشر الاثنين، ٢٠ يوليو ٢٠٢٦
انا مقدر حالتك وعارف ان الى بتمرى بيه صعب بس هى فتره وتعدى ودى طبيعة الدنيا كلها ابتلائات وهموم حتى فى سورة الشرح قال اى ( فإن مع العسر يسرا ) ولو انتى مش كويسه فى قراءة الروايات ممكن تقرأى كتب انا اه مهتم جدا بفكرة انك لازم تقرأى لان هى غذاء للعقل والعباده غذاء الروح
تم النشر الاثنين، ٢٠ يوليو ٢٠٢٦
علشان تظبط نومك كل يوم الساعه 10تكون علي السرير ومخلص كل اللي وراك وتسيب الفون ده خالص انساه بجد والله مش جايلك نوم افضل اذكر ربنا مش هقولك اقرا قران علشان النور لا اطفي النور وافضل اذكر ربنا لغايت م تروح في النوم واصحي علي 4علشان تلحق تستعد لصلاه الفجر هل ده هيظبط من اول يوم لا اقل حاجه داوم علي ده اسبوع لو طول هيكون اسبوعين وهتلاقي نفسك تلقائيا بتنام عشره وتصحي اربعه وبالتوفيق يارب
تم النشر الاثنين، ٢٠ يوليو ٢٠٢٦
أفضل حاجه قلتيها هو انك عاوزه تقربى من ربنا ودا هيحل 90% من مشاكلك إن لم تكن مشاكلك كلها ان شاء الله انا دفعتك ثانويه 27 واعتقد برده كلنا دخلنا ف المشاكل دى انا برده كنت عاوز انظم نومى ومقدرتش لحد الان بس بحاول على قد م اقدر فنصيحتى ليكى انك اولا تستكتعى بالكام يوم الباقيين فى الاجازه حاولى تكتشفى هواياتك زى القراءه مثلا البنات بتحب قراءة الروايات حاولى تستمتعى بأكبر جزء ممكن من يومك يعنى مثلا انك تشوفى شروق أو غروب الشمس دا بيدى طاقه انك تسمعى قران مثلا مع كوباية نسكافيه دا بيدى طاقه ولو منى فالأشياء البسيطه الى زى دى بتسيب أثر كبير جوانا وعليكى بعد كده انك تدعى ربنا فيها اى لو قمتى بالليل تصلى ركعتين قيام ليل ودعيتى فى السجود ربنا ساعات بيبقا مستنيكى تلجأى له عشان يعدل حياتك وطاب يومك
تم النشر الاثنين، ٢٠ يوليو ٢٠٢٦
يارب واياكم اولا القهوه مش بشربها وباذن الله م اشربهاش انا كائن اي ف انا بحب الليل بعد م الكل ينام واحب النهار قبل م الكل يصحي كائن مبيحبش الدوشه والبشر🙂 السهر فده بسبب دماغي اللي مش بتبطل تفكير طب بفكر في اي الله اعلم هو في خناق جوا علي اي مش عارفه برضوا ، بحب اذاكر علي نور ربنا يعني من اول الشروق لغايت غروب الشمس، بحب وقت الفجر قوي وعايزه ارجع اصحي فيه تاني ومن غير منبه ذي م كنت بصحي🥺❤️🩹، انا دلوقتي اهو منمتش ومش عايزه انام علشان اجي باليل انام يمكن نومي يظبط
تم النشر الاثنين، ٢٠ يوليو ٢٠٢٦
جزاك الله خير
تم النشر الاثنين، ٢٠ يوليو ٢٠٢٦
حاضر هحاول
تم النشر الاثنين، ٢٠ يوليو ٢٠٢٦
بحب الاجواء دي قوي وبعمل كده وبالنسكافيه كمان بس انا حاليا مقفوله من كل حاجه فمفيش حاجه مدياني طاقه ولا شغف اكمل حتي
تم النشر الاثنين، ٢٠ يوليو ٢٠٢٦
انا والروايات لا لان مخيلتي واسعه قوي وده بيئدي بيا لسكه مش بحبها ف بلاش منها بالنسبه لقيام الليل ف انا يعني بحاول علي قد م اقدر اصلي المفروض دلوقتي وببقا صاحيه والله والدعاء يمكن اخر مره دعيت من فتره كبيره بعيد طبعا عن الدعوات اللي بتكون واحنا مضطرين دي اقصد يعني اخر مره دعيت دعوات كتير وكده واني ادعي لنفسي
تم النشر الاثنين، ٢٠ يوليو ٢٠٢٦
انا مشوفتش كل الرساله غير دلوقتي مش عارفه ازاي بس تمام 🙂❤️🩹
تم النشر الاثنين، ٢٠ يوليو ٢٠٢٦
باذن الله خير
تم النشر الاثنين، ٢٠ يوليو ٢٠٢٦
لعرض السؤال في فدني اضغط هنا