كذا حد سابني فجأه واهلي مش موجودين معايا مشغولين في حياتهم بقيت بتمسك بناس مش كويسه لمجرد ان عايزه اي حد موجود وبقيت بستغرب لما الاقي حد زعلان او محتاج يتكلم يلاقي حد معه لسه واخده بالي ان على طول كل اللي أعرفهم مش فاضين ومشغولين حتى لو انا زعلانة او تعبانة عندي مشكلة لازم استناهم يفضوا الاول واقولهم المشكلة دلوقت بقيت انا اللي بتحايل ع الناس المؤذيه تبقا موجوده عشان مش عارفة ابقا لوحدي وحاولت كتير اشغل نفسي في شغل وتمرين وحياتي بس مفيش اي تغير بيحصل مش قادرة اتقبل كل اللي بيحصل
اللي انت بتعاني منه هو فعلا خوف شديد من الوحده انت مش بتحبي تبقي لوحدك لانك بتخافي من الوحده وده سببه انك مش عارفه تكوني مبسوطه مع نفسك لانك مش عارفه نفسك فالحل في جزئيتين الجزء الاول وهو انك تقربي من ربنا سبحانه وتعالى وتبتدي قربك من ربنا سبحانه وتعالى بان انت تتعلمي تكلمي ربنا سبحانه وتعالى وتفضفضي له بكل اللي في قلبك وكل حاجه وجعاك وكل حاجه مضايقاك وانك تتعلمي اسماء الله الحسنى وصفاته الجزئيه الثانيه وهي انك تعرفي نفسك وتبتدي تحبي نفسك وتبتدي تشوفي ايه الحاجات اللي بتبسطك وتعمليها لوحدك حتى لو الموضوع صعب عليك في الاول لو عندك اي سؤال او استفسار انا معاكي
تم النشر الأحد، ١١ يناير ٢٠٢٦
طول مانتي مركزه على فكره انك لازم تشغلى نفسك عمرك ماهتنشغلى خليكى بارده على اد ماتقدرى خليكى مكتفيه بنفسك كل ماتحسى انك عايزه شخص تتكلمي معاه اكتبى اللى مدايفك فى اى شات فاضى او فى ورقه واعملي كده مرا ورا مرا لحد ماهتلاقى نفسك اتعودت ومتقلقيش مش هتتعودى على الوحده ولا انك هتبقى وحيده لا انتى هتتعودى على انك متحتاجيش لحد وصدقيني بعد كده هتلاقى معاكى ناس هتلاقى شخصيه متطوره وجديده فى نفسك وعامة الواحد كل يوم بيروح أماكن جديده وبيتعرض لمواقف بتعرفه على ناس وحاولى تغيرت البيئه والناس اللى حواليكم وابعدى فتره خليكى مع نفسك
تم النشر السبت، ١٠ يناير ٢٠٢٦
ده السبب فيه الاهل اهم حاجه دلوقتى تشتغلى على نفسك ادى نفسك كل وقتك وطاقتك واهتمامك كل حاجه بتحسي انها بتبسطك اعمليها لو عندكم أطفال فى البيت اهتمى بيهم واخرجى معهم وفسحيهم دول اكتر حد هيعرف يديكى حب صدق ويحسسك بالأمان ويرفع من طاقتك اعرفى قيمة نفسك واي حد عارفه انو هيئذيكي لازم لازم تبعدى عنو عشان اناس المؤذية دى حرفيا بتدمر وطبعا قبل كل ده قربي من ربنا واحفظي قرآن وخلي فيه هدف معين كده في حياتك تسعى وراه دايما في حفظ القرآن هتلاقي صحبة صالحة إن شاء الله وهيعينوكي على حياتك ولو حابة تتواصلي معايا أنا معنديش مشكلة يا حبيبتي ومتقلقيش خير إن شاء الله وانتي قده.
تم النشر الأربعاء، ٧ يناير ٢٠٢٦
يا حبيبتي ذكية هنا معاكي 💕 أنا فاهمة تمامًا اللي بتمرّي بيه، الوحدة دي صعبة أوي خاصة لما الناس اللي كنتِ معتمدة عليهم يسيبوكِ فجأة، وأهلك مشغولين. ده شعور طبيعي، بس مش هيستمر كده إن شاء الله. أول حاجة، الاعتماد على ربنا : اجعلي الصلاة والدعاء رفيقكِ اليومي. قولي "اللهم اغنِني بحلالك عن حرامك، وبفضلك عمّن سواك"، واقرئي سورة الشرح كل يوم عشان الفرج قريب. الصبر مفتاح الفرج، وأنتِ قوية أصلاً عشان حاولتِ تشغّلي نفسك. خطوات عملية صغيرة عشان تتغيّري : ابدئي بـ"يوم لوحدك ممتع" : خصّصي ساعة يوميًا لنشاط تحبيه زي رسم، طبخ حاجة جديدة، أو سماع قرآن. مش شغل أو تمرين بس، حاجة تجيب سعادة داخلية. ابني علاقات صحية ببطء : في فدني، دوري على أسئلة مشابهة عن "التعامل مع الوحدة" هتلاقي إجابات كتير تساعدكِ. ولو عايزة دعم متخصص، روحي لصفحة الخبراء https://www.fedni.net/experts، فيه مدربين حياة ونفسيين هيساعدوكِ. حدّدي هدف أسبوعي : مثلاً، "هكلم شخص واحد كويس جديد هالأسبوع" (مش مؤذي)، زي مشاركة في مجموعة إيجابية أونلاين. أنتِ مش لوحدك، وده مرحلة هتعدّي. خدي خطوة صغيرة النهاردة، وهتشوفي التغيير يحصل تدريجيًا. لو عايزة تحكي أكتر، أنا هنا! 🌸
تم النشر الاثنين، ٥ يناير ٢٠٢٦
حاولي تقربي من ربنا
تم النشر الاثنين، ٥ يناير ٢٠٢٦
هقول لك على اللي هيديكي الإهتمام والقبول بدون مقابل وولا مرة هيبقا مشغول . الله تبارك وتعالى
تم النشر الاثنين، ٥ يناير ٢٠٢٦
اول حاجة ده دور الأهل أنهم يقدمو الإهتمام والقبول للابن عشان يكون انسان سوي مش محتاج عاطفيا لأي حد ... ولكن اللوم على الأهل مش هيفيد لأن يمكن هم كمان ملقوش القبول من أهاليهم في الماضي / الناس المؤذيين بيصطادوا الناس اللي عندهم احتياج عاطفي في خطوتين ١-يرموا لهم الطعم ويوهموهم بالحب وبأنهم هيشبعوا الاحتياج العاطفي ٢-يسحبوا الحب فجأة ويبدأوا بالأذى وكل ما يقرر الضحية انه يبعد يدوله جرعة تخديرية من الحب ثم يكملوا أذى وهكذا
تم النشر الاثنين، ٥ يناير ٢٠٢٦
لعرض السؤال في فدني اضغط هنا