انا بنت ١٧ سنه عايشه في قريه ريفيه في الصعيدمن عاده اهل البلد اللي تتخطب او تتزوج تنتقب
يعني اي بنت تنتقب يعني تخطبت
وبنات كتيره بيلبسوا النقاب لأنهم اتخطبو وتحته طرحه مش خمار حتي
ولو تفسخت الخطوبه تقلع النقاب عاادي
انا كنت بلبس خمارات من زمان والحمد لله الذي وفقني وانتقبت السنه دي
انتقبت عن اقتناع فضلت اقنع في اهلي فتره كبيره ووافقو والحمد لله
لكن كلام الناس مش سابني الي الان
حتي ان جارنا راااجل !!! قالي ليه تنقبتي بس وايه اللي عملتي في نفسك ده
طب اصبري تتخطبي وكلااام كتيير
وجارتنا وقريباتها مفيش واحده فيهم إلى لما تسألني اتخطبتي اقولها لا فتقول لييه وكلام كتيير والوحده يا الاء تتخطب بعدين تتنقب براحتها
انا مقتنعه ان الجواز بأمر الله ولا يمنعه قطعه قماش قصدت بها الستر مريت بفتره صعبه ومجاهده عظيمه
حتي ان نفسي كانت تؤمرني كثيرا كثيرا اني اقلعه حتي اني وصلت اقول لنفسي واقنعها اني مش هتزوج وارضي بكدا واني مش هقلع النقاب
بقيت اقنع نفسي بكدا مريت بفتره مجاهده للنفس اقل ما يقال عنها حرب
حتي اسكت ذالك الصوت الذي كان يأتيني كل ليله
قبل نومي
قبل فتره من انهرده كنت في المكتبه تبع والدي واخوي بيقف فيها رحت انزل علي النت دروس تبعي
فجاء شاب جيراننا والله ليس بيننا كلام ابدا
كل اللي اعرفه من بنات عمي ان اخوه عايزني في الحلال واخوه كان كل ما يشوقني يسلم عليا باليد وانا كنت بتدايق علشان حرام وبتكثف اقوله مش بسلم
فقيت اعمل نفسي مش شيفاه واتجاهله خالص
فبقي يقول ازيك يا آلاء من بعيد ولو عيد كل سنه وانتي طيبه ومكنش بيعمل كدا مع بنات عمي ويسلم علي والدتي ومرتات عمي في البيت مش بيعبر واحده فيهم
حتي والدتي كانت بستغرب مش عارفه اللي فيها
ومن لما انتقبت بقي يتجاهلي خالص هوا كمان وبطل يسلم علي والدتي 😂😅
انا بصراحه مكذبش استغربت من اللي حصل ده ومحطيتش في دماغي
بعديها بفتره كنت في المكتبه بتاعت والدي بنزل حجات علي النت راح دخل اخوه الكبير مختش في بالي لان عمري ما كلمته ولا حتي اعرف شكله كويس
دخل قاللي ازيك يا آلاء استغربت وكنت باصه علي الفون قولت الحمد لله اخوي طلع يفكله
وانا كنت باصه علي الفون مش في بالي قاللي آلاء هوى انتي اتخطبتي قلتله لا اتبسط وقاللي بقيتي في سنه كان وبقي يتكلللللم يتكلم وهوا خارج قاللي بس علي كدة بوشك احلا علي فكره
انا اتكثفت اوي وبقيت لو شوفته في شارع الف وعدي من نحيه تانيه وبقي اخوه كل ما يقابلني يتكثف ويضحكلي ويمشي وانا بقيت اتكثف اوي والله منه هوا التاني
همن جيران بيتنا القديم وانا لما بروح عند ناس جدي بتقابل معهم ومكتبتنا عند ناس جدي
انا عايزه اعمل حد نهائي ليهم همن اللي اتنين انا صعيد والبنت اهم حاجه صمعتها ومش عايزه أمد يدي اسلم علي اي حد فيهم تاني نهائي
ازاي متكثفش وبطل أمد يدي واقول مش بسلم واعمل حد ليهم ان محدش يكلمني فيهم نهائي
وازاي ابطل وسواس اني اقلع النقااب ده خصوصا موقف امبارح جات بنت جاره ليا ومعاها قريتها فسلمت عليا وسلمت علي الست اللي معاها المهم قالتلي ليه اتنقبتي وكلام كتيير
وقالتلي بالطريقه دي
البنت مينفعش تتنقب دلوقتي ودي خطوه غلط وكلام كتيير والبنت جارتنا مبسوطه طبعا علشان هيا مش منتقبه والمدح كله عليها
وبدأت اتأثر من تاني وحاسه ان كلام الناس بيأثر عليا بالمدي البعيد وخايفه اقلعه في يوم من الايام بسببهم
وبالنسبه لحكايه الخطبه فانا مش عايزه حد من بلدنا نهائي وبأذن الله ربنا يرزقني بزوج صالح من بره يدرك ان النقاب عفه وبس وان ليا الحريه البسه وان ده
حاجه ايجابيه مش سلبيه
ولما صحبتي شافتني اكتر من مره مش معطيه اهتمام لموضوع الزواج من بلدنا قالتلي ان ده غلط وان دي حاله نفسيه وفي شباب كويسه وابطل افكر في كدا الكلام متلخبط بس الخلاصه
عايزه اوصل لحل ازاي ابطل اسلم علي الرجاله والشباب بدون كثوف
وازاي بكل احترام اقول لاي شخص يحاول يكلمني اني مش عايزه اكلمه
وازاي اثبت نفسي في خطوه النقاب ومتأثرش بكلام الناس
بصي الناس في بلدك رابطين النقاب بالجواز، لكن إنتي ربطتيه برب الجواز. الشيطان بيوسوس لك إنك قفلتيها على نفسك، بس الحقيقة إنك نقتيها. اللي عايزك عشان شكلك بس هيتعبك، لكن اللي هيجيلك وأنتي منتقبة، ده شاري دينك وأصلك، وده اللي هيصونك بجد. و أول ما تشوفي حد جاي يسلم، خلي إيدك مشغولة بشنطتك، بتليفونك أو حطي إيدك على صدرك مع ابتسامة خفيفة وكلمة أنا مابقتش بسلم بالإيد، نورتنا،ربنا يحفظك. والشباب لما يلاقوكي رسمية ، هما اللي هيخافوا يكلموكي مش العكس. الثقل هيبة، والبنت اللي بتعمل حدود بتجبر الكل يحترمها غصب عنه. الجارة اللي بتقولك غلط، هي شايفة الدنيا من خرم إبرة العادات، لكن إنتي شايفاها من باب رضا الله. لما حد يحرجك ليه انتقبتي؟ قولي والله يا طنط أنا مرتاحة كده ومبسوطة مع ربنا، ادعيلي بالثبات. الرد الهادي بيموّت الكلام في بوقهم. وكل ما الشيطان يقولك اقلعيه عشان تتخطبي، قولي له: رزقي عند اللي خلقني، مش عند اللي هيشوف وشي. ربنا مش هيضيعك وأنتي بتتقربي له، وخليكي واثقة إن النصيب هيخبط على بابك وأنتي في كامل سترك وعزتك. إنتي جوهرة والجوهرة لازم تتشال في مكان غالي. ماتهزيش صورتك قدام نفسك عشان خاطر شوية كلام من ناس بكره هينسوا هما قالوا إيه، بس عملك هو اللي هيفضل لك. وجد والله ربنا يثبتك ويحفظك 😊
تم النشر الثلاثاء، ١٠ مارس ٢٠٢٦
يا الاء الغالية، الله يبارك فيكي ويثبتك على طاعته 💕 أنتِ بنت قوية ومؤمنة، واختيارك للنقاب ده خطوة عظيمة من التقوى والستر، وأنتِ انتصرتِ في حرب نفسك دي بالفعل – برافو عليكي! عشان تثبتي في النقاب وتتجاهلي كلام الناس: ذكّري نفسك يومياً : كل صباح، قولي "اللهم ثبتني على الستر"، واقرئي سورة النور. ردي باختصار واحترام : لو حد قال "ليه بتنقبي دلوقتي؟"، قولي بابتسامة هادئة: "الحمد لله، اختيار من عند ربنا، وأنا مرتاحة كده". وغيّري الموضوع أو امشي. كلام الناس زي الريح، بيروح ومش بيغيّر حقيقتك. لو حسيتِ تأثر : اكتبي في دفتر كل يوم 3 أسباب إيجابية للنقاب (زي الستر، الراحة النفسية، رضا الله). هيبني ثقتك ويطرد الوساوس. عشان تقطعي الصلة مع الشباب وتتجنبي الكثف: السلام : مش مطلوب منكِ تسلمي باليد أصلاً، فلو حد مد إيده، ابتسمي وقولي بثقة هادئة: "معلش، أنا مش بمد إيدي، الله يسلمك". مارسيها قدام المراية عشان تطلع طبيعية مش متوترة. التجاهل : عامليهم زي الهوا – مش موجودين. لو شفتيهم في الشارع، غيّري طريقك بهدوء، ولو سألوا حاجة، قولي "الحمد لله، مشغولة دلوقتي" وامشي. لو كلموكِ : "شكراً، بس أنا مش عايزة أتكلم في المواضيع دي"، وانصرفي. مش محتاجة تبرير، أنتِ حرة في حدود الشرع. أنتِ مش عايزة زوج من البلد؟ ربنا يرزقك الأفضل من بره، اللي يشوف النقاب تاج على راسك مش عيب. الزواج بيده، زي ما مريتِ بمجاهدة قبل كده، هترتاحي قريب. لو عايزة دعم أكتر، دوري في فدني على أسئلة مشابهة هتلاقي إجابات كتير مفيدة. ولو احتجتِ خبيرة نفسية أو دينية، شوفي الخبراء هنا: https://www.fedni.net/experts أنتِ قوية يا الاء، ربنا معاكِ وهيفتح لكِ أبواب الخير. 😘
تم النشر الثلاثاء، ١٠ مارس ٢٠٢٦
السلام عليكم ورحمة الله وبركاته- اولا ربنا يثبتك يا رب ويديم عليكي نعمة الستر اللهم امين ثانيا بالنسبة لوجه نظر المجتمع الريفي للبنت المنتقبة هما شايفين ان انتي كدا بتخبي نفسك ففرصتك في الجواز هتقل لكن هما عايزين الواحدة تبقي مكشوفة علشان تتشاف ف احد الشباب يفتن بيها او كلهم مش فارقة لغاية ما واحد يجي يخبط علي الباب ودا حاجة قمة السطحية وللاسف في هذا الزمن نادرا لما تلاقي شاب متدين محترم بيدور علي الدين والاحترام مش الشكل وكمان المجتمع الريفي ليس عنده قدر كافي من التدين اللي يخليهم يرحبوا ويشجعوا فكرة الستر لله - ف طنشي اي كلام تسمعيه ولما حد يقولك لبستيه ليه ردي ان ربنا هداني للنقاب وربنا يثبتني ولما حد يقولك مش هتتجوزي كدا ردي انك مش عايزة حد سطحي ياخدني علشان شكلي انا عايزة حد محترم ومتدين يخدني علشان احترامي وتديني -وانتي اطمني انتي بتجاهدي لارضاء ربك وهو مش هيسيبك وان شاء الله هيرزقك شاب علي دين وخلق ويتقي الله فيكي وانتي قولي لنفسك دايما ان مش اي حد بيشوف الالماس لانه غالي اوي وانتي الماسة حافظة نفسك تحت نقابك - اما بالنسبة للسلام بالايد رجعي ايدك اليمين لورا وحطي ايدك الشمال علي صدرك وقولي بكل ثقة معلش مش بسلم علي رجالة ولو حد فيهم حاول يتكلم معاكي تاني تردي بردو بثقة لو سمحت متتكلمش معايا عندك حاجة عاوز تقولها اتفضل قولها لاخويا هو نفسه هيخاف -اسفة علي الاطالة
تم النشر الثلاثاء، ١٠ مارس ٢٠٢٦
لعرض السؤال في فدني اضغط هنا