اي هو مفهوم الفشل احساس ورؤيه اني فاشله ملازماني ازاي الإنسان يقول انو لا دا مش فشل دي ظروف او نصيبي وقدري وامتى يبقي دا فشل من الشخص
إحساسك بالفشل بيبدأ من مفهومك للفشل نفسه.. او طريقه تفكير البيئه الي حوالكي.. بالنسبالك الفشل هو انك معملتيش حاجه إنجاز ف حياتك مثلا. .. او مكوننيش صداقات او حتي درجاتك وحشه.. لكن هل ده فعلا اسمه فشل؟ وامته اقول علي نفسي فشلت؟ واي الخطوه الي بعد الفشل... اولا خلينا متفقين ان الحياه مرعبه ومليانه تحديات وعوائق ومش كلها ورديه.. زي م ربنا قال (لقد خلقنا الانسان في كبد) تعب ومشقه.. ف خليكي ديما مقتنعه ان الحياه صعبه عليكي وعلي غيرك وخدي التحديات وحاولي فيها.. طب افرضي معرفتيش تجيبي درجات معينه او معرفتيش تدخلي كليه احلامك؟ اي هو الفشلل اصلا؟ امته تقولي انك خلاص فشلتي ومعدش فيه امل.. لما تدخل النار ربنا يعافيكي ويعافي المسلمين جميعاً يارب... طيب ربنا سبحانه وتعالي لما جه يخاطب الناس الي عملو ذنوب كتير وهيدخلو النار لو كملو ذنوب.. يعني دخ يعتبر فشل حقيقي بقا... واحد زنا او واحد شتم او واحد مش عارف يصلي.. ربنا قالهم (يا ايها اللذين اسرفوا علي أنفسهم لا تقنطو من رحمه الله)... بصي قال اي؟ مقالش يا ايها الفاشلون.. الاسلام لغي كلمه الفشل دي .. مفيش حاجه اسمها فشل . لكن في محاوله وثقه في الله.. الصحابي الجليل ابو خيثمه الانصاري لما الرسول عليه الصلاه والسلام راح غزوه تبوك وبعض الصحابه تخلفو عن رسول الله.. كان منهم ابو خيثمه.. هو لما حس انه عمل حاجه غلط مقالش لأ راحت عليا خلاص ومفضلش يعيط ولا حس بندم.. لأ ركب الحصان بتاعه لوحده ولحق بالرسول عليه الصلاة والسلام بعدها بأيام.. لحق بيهم .. اما باقي الصحابه نزل فيهم سوره خلتهم يندمو طول عمرهم.. تخيلي لو ابو خيثمه عمل زي باقي الصحابه الي تخلفو ؟ بس هو كان عنده همه.. حتي في اخر لحظه مكنش مؤمن بالفشل نهائي.. مفيش حاجه اسمها ظروفي ومفيش حاجه اسمها نصيب.. اه احنا مؤمنين بالقدر خيره وشره بس اسمعي الحديث ده الاول... الرسول عليه الصلاة والسلام بيديكي خلاصه النجاح.. الْمُؤْمِنُ الْقَوِيُّ خَيْرٌ وَأَحَبُّ إِلَى اللهِ مِنَ الْمُؤْمِنِ الضَّعِيفِ، وَفِي كُلٍّ خَيْرٌ، احْرِصْ عَلَى مَا يَنْفَعُكَ، وَاسْتَعِنْ بِاللهِ وَلَا تَعْجَزْ، وَإِنْ أَصَابَكَ شَيْءٌ، فَلَا تَقُلْ لَوْ أَنِّي فَعَلْتُ كَانَ كَذَا وَكَذَا، وَلَكِنْ قُلْ قَدَرُ اللهِ وَمَا شَاءَ فَعَلَ، فَإِنَّ لَوْ تَفْتَحُ عَمَلَ الشَّيْطَانِ». الخطوات بدايه من: ١-احرص علي ما ينفعك.. (نسب اول خطوه للإنسان.. بل الانسان علي نفسه بصيرا.. انتي ادري بمصلحتك اي يضرك واي ينفعك) ٢-استعن بالله (بصي الاستعانه جت ف الخطوه التانيه اهي.. يعني لازم سعي منك الاول .. لانك بتتوكلي مش بتتواكلي) ٣- لا تعجز (او باللغه الدارجه لا تفشل.. اوعي تحسسي نفسك بالعجز.. حاولي مره واثنين وعشره ومليون توماس اديسون فشل ٩٩ مره قبل ميخترع المصباح لكن هو مفسرش ده بالفشل.. بالعكس قال: انا اكتشفت ٩٩ طريقه خاطئه لصناعه المصباح) شوفي طريقه التفكير بتاعتهم اي؟ ٤-ولا تقولن لشيء لو كان كذا لكذا ولكن قدر الله وما شاء فعل.. (اوبااااااااا شوفتي القدر جه امته بقا.. النصيب والقدر الي انتي زعلانه عشانه ومفكره انه هو السبب ف عدم نجاحك.. جه ف الاخر بعد معملتي الاسباب ولما تعملي كل ده وربنا مقدرش يبقا ده خير فعلا زي الحديث مقال) ربنا يثبتك ويرفع شأنك ويحبك اللهم امين.. احرصي علي الدين زي م انتي بتحرصي علي الدنيا.. استبدلي كلمه فشل دي الغيها من حياتك حتي لو المجتمع الي حواليكي قالها انتي عرفتي خلاص انها كلمه متحطيهاش في قاموسك... خدي بالك مخك الي بيدي معاني للكلام.. مثلا لو حد صيني جه قالك 失败者 هتزعلي؟ اكيد لا😂 لان الكلمه مش في قاموسك وملهاش معني رغم ان الكلمه معناها فاشل بالصيني واحده واحده حاولي تحرصي علي منفعتك واستعيني بالله.. ربنا يعينك ي اختاه
تم النشر الأربعاء، ٢٨ أكتوبر ٢٠٢٦
شعورك بالفشل رغم عدم القيام بأي شيء هو أمر شائع جداً بين النساء، وغالباً ما يكون ناتجاً عن مقارنة داخلية قاسية أو توقعات عالية من المجتمع أو حتى من نفسكِ. مفهوم الفشل ليس مجرد "نتيجة سيئة"، بل هو في جوهره عدم الاستفادة من الفرص أو الاستمرار في نمط يمنع التقدم، أما الشعور نفسه فهو إحساس داخلي قد يلازمكِ بسبب أفكار سلبية متراكمة، وليس بالضرورة واقعاً موضوعياً. في الإسلام، نؤمن بأن النتائج ليست دائماً في يد الإنسان، بل هي مزيج من الجهد والنية والقدر. قال تعالى: "وَأَن لَّيْسَ لِلْإِنسَانِ إِلَّا مَا سَعَىٰ"، فالفشل الحقيقي يحدث عندما تمتلكين القدرة على المحاولة وتختارين التقاعس أو الاستسلام دون محاولة، أما إذا كانت الظروف خارج سيطرتكِ مثل الصحة أو الفرص المتاحة أو حتى نصيبكِ المكتوب، فهذا ليس فشلاً شخصياً بل قدراً يجب التعامل معه بالصبر والتوكل. الإنسان يقول "هذا نصيبي وقدري" عندما يبذل ما في وسعه ثم يرضى بما قسم له الله، أما إذا كان التقصير منه فهنا يصبح الأمر فشلاً يحتاج إلى مراجعة وتصحيح. للتجاوز، ابدئي بخطوات عملية صغيرة: حددي مجالاً واحداً تشعرين فيه بالفشل واكتبي ثلاثة أشياء صغيرة يمكنكِ فعلها اليوم، حتى لو كانت بسيطة مثل تنظيم يومكِ أو تعلم مهارة جديدة. ركزي على نقاط قوتكِ وأنجزاتكِ السابقة مهما كانت صغيرة، واستبدلي الأفكار السلبية بتذكير نفسكِ بأن الله يرى جهدكِ ونيتكِ. كوني لطيفة مع نفسكِ وتذكري أن الشعور بالفشل غالباً ما يكون مرحلة مؤقتة يمكن تجاوزها بالعمل التدريجي والدعاء. يمكنكِ البحث عن أسئلة مشابهة على فدني للحصول على وجهات نظر إضافية تدعمكِ.
تم النشر الثلاثاء، ٢٧ أكتوبر ٢٠٢٦
الفشل هو التوقف عن المحاولة
تم النشر الأربعاء، ٢٨ أكتوبر ٢٠٢٦
وممكن يكون عدم ترتيب أولويات أو انك عايزه تعملي حجات كتير اوي في نفس الوقت فمش بتعملي حاجه خالص
تم النشر الأربعاء، ٢٨ أكتوبر ٢٠٢٦
هو مش فشل بس للاسف السوشيا الميديا بقت مخليانا شايفين أن مهما عاملنا دا مش إنجاز اهم حاجه الرضا
تم النشر الأربعاء، ٢٨ أكتوبر ٢٠٢٦
لعرض السؤال في فدني اضغط هنا