انا صورت لقاء عادي ف برنامج هزار وضحك ولما نزل ف ناس قعدت تشتم وطبعا اللي تبع البرنامج عملوا مونتاج لحاجات كتير ف اللقاء المهم أنا زعلانه بسبب الكومنتس السلبيه وحاسه نفسي اني مش كويسه واني مستاهلش ايه شئ كويس ف حياتي حتي مش طايقه ابص لنفسي وكرهاني بطريقة مش كويسه وخوفي أن الناس تبصلي بنظرة مش حلوة او لبعض الأشخاص كانوا ف حياتي اللي هو كويس أن انا بعدت عنها وده سببه بس الكومنتس السلبيه اللي اتقالت ع اللقاء وهو لقاء عادي مفيهوش حاجه انا بس اتكلمت بكل تلقائية مش اكتر ومعترفه اني غلطت لما صورت اللقاء ده شغلي مش بنزله ولا ليا نفس لاي حاجه اعملها كل اللي هامنني دلوقتي لما تفوق اشتغل ع نفسي اكتر وانجح ف مجالي لحد ما الناس اللي اتريقت دي تتمني بس تسلم عليا حتي مش عارفه اذا كان ده صح ولا لا
هو في كومنتس ايجابيه؟ مشفتش بصراحه قبل كدا حد بيعمل كومنت إيجابي، كلها سلبيات وشتيمه وطعن ف الأعراض وقله ذوق، غالبا بيكونو أطفال ومراهقين او حد كبير وعنده مشاكل اسريه وصعوبات ف الحياه، فمعلش هي صدمه بالنسبالك بس حاولي تفكري ان الانسان السلبي ميستحقش يأثر فيكي بالسلب. احنا مجتمع بيحرم الحريه على غيره وبيقبل ع غيره الي مبيقبلوش ع نفسه، وكمان زيرو احترام وتقبل الرأي الاخر. هقول ايه بس، معلش، اعتبرها تجربه وفكري ف الدروس المستفاد منها، ممكن تفيدك ف التعامل بعد كده.
تم النشر الأحد، ١٥ أكتوبر ٢٠٢٣
قليلا لما يبقى فيه اساسا كومنتس ايجيابية على اي حاجه. ناس كتيرة متنمرة، وفيها حقد مش طبيعي على اي حاجه واي حد. فالمشكلة مش فيكي او معاكي انتي شخصيا. اي حد كان هيبقى مكانك كان برضه هيلاقي كل ده. متاخديش قيمتك من الناس .. التجربة ديه تعلمك انك تاخدي قيمتك من نفسك ... وبس.
تم النشر الأحد، ١٥ أكتوبر ٢٠٢٣
♥️♥️♥️♥️♥️♥️♥️♥️♥️
تم النشر الاثنين، ١٦ أكتوبر ٢٠٢٣
لعرض السؤال في فدني اضغط هنا