انا تزوجت 3 مرات واول جواز ليا رزقت 3 بنات مع ابوهم واتفصالنا وعشت وحده صعبه وحاولت اشتغل وفعلا اشتغلت ولكن مكملتش وقعدت ف بيت العيله مع امي واخويا كل واحد ف شقته وانا مريضه وشاء ربنا يرزقني بزوج صالح حنون وملتزم وكلمة بيعشقني قليله ولكن غيرته كانت صعبه اوي ولكن مكنتش عقبه ليا لأن قدرت اقللها ومرت الايام وعايشه معاه جوازنا شرعى ولكن ف السر عشان أولاده وبيته وانا عشان ام خوفت ع كيان البيت والأولاد هو بدأ يمر بازمه ماليه شديده وقفت معاه وبعت ما املك من زمتى الماليه ليه ولكن بردو استمر الحال وانا معاه كنت لو هعيش بعيش وملح راضيه وسعيده كفايه حبه وحنيته ولكن بدون سبب لاقيت نفسي ف يوم بقوله عايزه أطلق طبعاً أنصدم جدا وانا اصريت ع الانفصال وحاول معايا كتير لدرجة كان بيبكي ولكن بدون فائده وقد كان وبعد انفصالنا مفيش 5 ايام كنت ذي المجنونه وعايزه نرجع تانى وكان كنت مغيبه..ولكن طبعاً كانو الأهل زعلو منه عشان صدر منه كذا موقف وقت الانفصال وكمان عشان زمتى الماليه مرجعتش..وكلهم بيقولو هترجعي ليه ده راجل صاحب مسؤوليه كبيره وعنده اولاد كتير هتغرقي معاه ومفيش مستقبل ليكي كل حاجه مع أولاده وزوجته الاولى و..وهوكمان ظروفه الماديه حاليا مش سامحه انه يعمل ياسس بيت تانى بقالنا سنه ..ارجع ليه واعيش مهما كانت الصعاب ولا افضل ع وحدتي ف شقتي بين 4 جدران
السلام عليكم ورحمه الله وبركاته هو الخوف من الوحده انت مش بتعاني من الوحده عموما ولكن عندك وحده نفسيه وعاطفيه لانك الوحده عموما مش موجوده انت في معاكي اولادك انت عايشه في بيت عيله مع اهلك في حواليك ناس انت بتشعري معاهم بالامان وبالانس لكن الوحده اللي هي خاصه بشريك الحياه انا عايزه شخص يشارك ان هي عايزه حد يسد لي جزء من احتياجاتي العاطفيه وده مهم بالنسبه لك ومش عيب ابدا لانك اتجوزتي مره ثانيه علشان خاطر تسدي الاحتياج ده طيب حصلت ظروف وبدات الامور الماديه يحصل فيها مشكله النقطة هنا هو ليه انت طلبتي الانفصال انت لازم تدوري على السبب بتاع الموضوع ده جواكي انت شخصيا ممكن تكوني خلاص ما تحملتيش الازمه الماديه اللي موجوده وده عادي جدا وممكن تعترف يبدا قدام نفسك وهي دي اللي خلتك تقولي كده لان ده وحيد من حقوقك ما فيهاش مشكله خالص طيب حاليا لو انت هتفكري ترجعي مره ثانيه انت هترجعي ليه هترجعي عشان خاطر تسدي الاحتياج العاطفي فقط لا غير وهتتغاضي عن الشق المادي لان ممكن يفضل مطول وظروف تفضل متازمه ولا هترجع ثاني الامور الماديه تضغط عليك وتحسي انك مره ثانيه مش قادره تتحملي وانه الاحتياج العاطفي اللي هو بيغطيه مش كافي انه انت تكملي معاه ضروري جدا تجاوبي الموضوع ده ما بينك وما بين نفسك عشان تقدري تحددي هتعملي ايه في المرحله اللي جايه
تم النشر الثلاثاء، ١٧ يونيو ٢٠٢٥
لعرض السؤال في فدني اضغط هنا