السلام عليكم.
أنا تالتة ثانوي وحاليا أنا بضيع وقت اكتر من الأول بمرااحل. أنا كنت بادئة السنة ممتازة بس بعدين حصل تراكمات وعديناها عادي. لكن المشكلة في دلوقت. أنا مش عارفة ايه اللي وصلني لكدة بس في مادتين أنا لا فكرالهم شرح ولا راجعتهم ولا حليت عليهم ومش عارفة أبدأ فيهم حتى. مش عارفة بجد. الكيميا والانجليزي.ومركزة في باقي المواد وتمام فيهم لكن دول مش عارفة اجيبهم منينن. ومشكلتي أني مش خايفة ولا قلقانة وحاسة انه عادي وبدري وهلحق الم بس بجد مش عارفة أبدأ. يريت أي حد عندو نصيحة أو مجرب أو ايا كان اللي يقوله. أنا العربي تمام خالص الحمدلله والاحياء بحل عليه والفيزيا لسه مش خلصت مراجعته وبس مش عارفة امشي لقدام للمادتين التانين وكمان كل ما بحاول أنظم نومي مش بيظبط ودايما مضايقني. وبقيت حاسة بصداع وارهاق وتوهان طول الوقت.
الكيمياء ابدأى مراجعة مع نفسك من العضوية خلصيها وابدأى من الحديد تانى كل دا بشكل سريع مش لازم مراجعة زى ما بيقول الكتاب وبعدين هتشتغلى شغل أساسى على الحل واعتمدى على النماذج الكاملة والحتة اللى متعرفيها ارجعى ذاكريها واحفظيها وهكذا ....... الإنكليزى فى ملخصات صغيرة بنزل مع المراجعات مش فاكر كان كتاب اسمه الزتونة وغيرة مصادر كتير الحاجات دية بتجمعلك المنهج ككل مهم جدا شوفى مصدر كويس واقعدى علية ذاكرى فية هو بس .. ربنا يوفقك ويكرمك يارب 🤍
تم النشر الخميس، ١١ يونيو ٢٠٢٦
وعليكم السلام ورحمة الله وبركاته النصيحة الأولى بالنسبة لي في أيام الامتحانات ما لا يُدرَك كله لا يُترَك كله حاولي تجيبي امتحانات وتشوفي الأجزاء اللي بيجي منها معظم الأسئلة وابدئي بيها وركزي عليها اتفرجي على مراجعات يوتيوب ولو كنتي حضرتي حتى من غير مذاكرة هتفتكري بالمراجعة وكل ما تتوتري وتحسي إنك مش هتلحقي افتكري إن ما لا يُدرَك كله لا يُترَك كله وإن الوقت اللي انت متوترة فيه دا لو هديتي نفسك وفهمتي معلومة واحدة جديدة هتبقي انت الكسبانة ربنا يوفقك وييسر لك أمورك ويرزقك الكلية اللي نفسك فيها
تم النشر الأربعاء، ١٠ يونيو ٢٠٢٦
وعليكم السلام ورحمة الله. أول حاجة، اللي بتمرّي بيه ده طبيعي جدًا في مرحلة تالتة ثانوي، خاصة لما التراكمات بتزيد والضغط بيتراكم. إحساسك إنك مش خايفة أو قلقانة ده مش عيب، ده مجرد إشارة إن دماغك محتاج دفعة صغيرة عشان يتحرك، مش إن الموضوع "عادي". المهم دلوقتي إنك تبدئي خطوة صغيرة حتى لو مش كبيرة، عشان الإحساس بالتوهان والصداع والإرهاق ده غالبًا بيجي من التراكم والنوم المتذبذب. بالنسبة للكيميا والإنجليزي، جربي تقسمي كل مادة لأجزاء صغيرة جدًا. مثلاً، ابدئي بجزء واحد بس من الكيميا (زي فصل معين أو موضوع واحد) وخصصي له ٢٥-٣٠ دقيقة فقط في اليوم، وبعديها خدي بريك قصير. نفس الشيء للإنجليزي، ابدئي بمراجعة قواعد أو كلمات أو قطعة قراءة صغيرة. الفكرة إنك متضغطيش نفسك بـ"لازم أخلّص المادة كلها"، لأن ده بيخلّي البداية أصعب. ركزي على "اليوم هعمل جزء واحد"، وهتلاحظي التقدم بيتراكم. بالنسبة لنومك والإرهاق، حاولي تثبتي مواعيد نوم واستيقاظ حتى لو مش مثالية في الأول. يعني اختاري وقت ثابت تنامي فيه (مثلاً قبل الفجر بساعتين أو تلاتة) وتصحي فيه، وتجنبي الشاشات قبل النوم بساعة. كمان، لو الصداع والتوهان مستمرين، تأكدي إنك بتشربي مياه كويس وبتاكلي وجبات منتظمة، لأن الجسم بيحتاج طاقة ثابتة في الفترة دي. لو استمر الإرهاق، ممكن يكون محتاج تقييم طبي بسيط عشان تطمني. أنتِ قادرة تتجاوزي المرحلة دي، والعربي والأحياء والفيزياء اللي تمام فيهم دليل على قدرتك. ابدئي بخطوة صغيرة النهاردة، وادعي ربنا ييسرلك الأمر. لو عايزة نصايح إضافية أو تفاصيل عن طريقة تنظيم الجدول، قوليلي. وممكن تبحثي عن أسئلة مشابهة على فدني عشان تشوفي تجارب بنات تانيين. ربنا يوفقك ويسهل عليكِ.
تم النشر الأربعاء، ١٠ يونيو ٢٠٢٦
لسه مدخلتش تالته ف مجربتش المشكله دي لكن عندي اقتراح انك تحطي الوقت قدامك يعني الامتحان عليه كام يوم.. علقي ورقه عليها مثلا فاضل تلات ايام وقولي دا كل ما تخافي " اللهم اجعل خوفي امنا وسلاما عليا كما جعلت النار امنا وسلاما علي ابراهيم " بس وربنا معاكي ومعلش هي سنه رخمه وانا كارهاها قبل ما ادخلها اصلا بس ان شاء الله خير يعني، اجبري نفسك، معرفش صح ولا لأ بس انا لما احس اني بعمل حاجه غلط وانا غافله بأذي ايدي بقلم مثلا عشان افوق من اللي انا فيه
تم النشر الأربعاء، ١٠ يونيو ٢٠٢٦
لعرض السؤال في فدني اضغط هنا