خطيبي في الجيش وهو بيصحا الساعه ٧ الصبح وانا بصحا متأخر علطول يعني ممكن ٢ونص ، ٣ كده
وبتصل بيه فالوقت ده ألقيه بيقولي أنتي جيا تكلميني دلوقتي الساعه ٣ روحي شوفي كنتي بتعملي روحي
قلتله انا لسه صاحيه قلي معلش عطلتك روحي كملي نوم روحي ،ولما بيكون رايح الجيش بيمشي الصبح بدري عايزني اتصل بيه اول ميطلع من البيت وكل شويه أكلمه وانا بكون نايمه ومش بقدر أصحا بيزعل ويقلب وشه بيقولي الحنيه مش بتطلب بيزعل علي حاجات هايفه انا لو زعلت عليها يقولي ده شغل عيال فحضانه وبتزعلي علي حجات تافهه، احنا قاريين فاتحه مش خطوبة رسمي والفترة دي بنجهز للخطوبه وكده
وهو شاغل باله بمصاريف الخطوبة جداً وعمال يفكر وعنده مشاكل فالبيت كمان وبيدور علي شغل لانه شغال باليوميه لسه مشتغلش فشركه عشان شهادة الجيش ومضايق وبيفكر فكل ده وهوا لما يكون مضايق بيتقلب علياومش عارفه استحمله ولا لاء
وأقول له خلص الي هتعمله واتصل بيا يقولي انا مش بتصل بحد الي عايزني يتصل بيا ولما بتصل بيه ميقوليش عامله ايه ولا يطمن عليا للعلم هوا الاول مكنتش كده خالص ولما أعاتبه يقولي اه انا الي وحش انا الي بعمل كل حاجه مش باخد منه عُقاد نافع خالص
بالعكس بندم انى كلمته اصلا كل حاجه لكلمه فيها يكبر الموضوع حتي لو هو الغلطان بيقلب كله عليا بتعب اوي منه بيوصلني اني بكون مش قادره اتنفس من الكلام معاه وبعيط علطول بيخليني مش طايقه نفسي ولا طايقاه
ده اتعامل معاه ازاي ده مش بيحب يطلع غلطان في اي حاجه خالص ولما اسأله انت قلت كده ليه واعاتبه يقولي عايزة اي يعني ميتأسفش ابداً، وشويه يكون كويس وعادي معايا مش فهماله حاجه، انا طبعي كتومه لو فيا ايه مش هروح اقول لحد هعيط مع نفسي وهتعب مع نفسي ومش هشتكي حتا هوا مش هقوله عشان مش بيحل حاجه هو بيطين الدنيا ،هو يقولي بس تعالي اتكلمي معايا في أي حاجه ومش عارفه ايه ولما أكلمه في حاجه هو غلطان فيها بيقفل الكلام ويقلب كل الكلام عليا ويطلعني غلطانه
انا والله تعبت مش عارفه اعمل ايه معاه فالحته دي ،
هو محترم وبيحب يشتغل ويصرف علي نفسه مش بيطلع حاجه من حد أبداً حتي والدته وأخواته بعد ما والده اتوفا مش بياخد من حد فلوس هو من عيله مستواها المادي كويس جداً وأمته وأخواته مش وحشين الحاجه الي مضيقاني أن مش عارفه أتعامل ازاي معاه وهو كده مش بيحب يطلع غلطان في اي حاجه
السلام عليكِ يا السماء صافيه، شكرًا على ثقتك لمشاركتك هذه المشاعر والتحديات العميقة اللي تمرين بها مع خطيبك. واضح جدًا إن الوضع صعب ومُشحون بالعواطف، وده طبيعي لأن العلاقات دائمًا تحتاج توازن واهتمام من الطرفين. خليني أوضح لك النقاط المهمة وكيف ممكن تتعاملي معها خطوة بخطوة: ضغط الخطوبة وظروفه الشخصية خطيبك متعلق بمشاكل كتيرة: شغله اليومي، مصاريف الخطوبة، مسلسلات عائلية، والتزامه بالجيش. ده بيأثر على مزاجه وتصرفاته، وخاصة لما يكون متوتر أو حاسس إنه مش قادر يلبّي كل حاجاته. لكن ده مش عذر إن يعاملك ببرود أو يقلل من مشاعرك وأحساسك. اختلاف مواعيد النوم والنشاط أنتِ بتصحى متأخرة وهو بدري، ومش هينفع دايمًا إنك تكوني صاحيه عشان تتصلي بيه، خصوصًا لو ده بيأثر على راحتك ونومك. ممكن تتكلمي معاه بصراحة عن إنك بتحاولي توافقي مواعيد الاتصال حسب ظروف كل واحد، وبلاش تحسسي نفسك بالذنب إذا ما اتصلتيش في أوقات مش مناسبة ليكي. التعامل مع الانفعال والغيرة هو بيزعل بسرعة ولو حتى من حاجات بسيطة، وكمان بيحاول يقلل من مشاعرك أو يسقط اللوم عليك دائمًا. هذا سلوك مرفوض ولا يعبر عن احترام مشاعرك. طبعًا مش كل الخطابات لازم تتحول لمشاحنات، ولازم يكون فيه مساحة للحوارات الهادية. كتم مشاعرك أنت كتومة، وده مفهوم خصوصًا في مجتمعاتنا، لكن ضروري تلاقي طريقة صحية تعبرين فيها عن مشاعرك حتى مع نفسك. بكاءك وحسك بضغط نفسي بينبه إنك محتاجة دعم وراحة. يمكن الكتابة عن مشاعرك أو حتى مشاركة جزء صغير من اللي بتحسيه مع شخص مختص يكون فعَّال. النصيحة العملية لكِ حاولي تبيني له بطريقة هادئة إنك مش طالبة إن العلاقة تكون كله مشاكل ونقاشات بس، عايزة تفاهم ودعم. احكي له إنك مقدرة ظروفه وضغوطاته، لكن كمان نفسك تحسي بالاهتمام وكيفية التعامل مع مشاعرك. حاولي وقت مميز تتكلموا فيه بعيدًا عن مشاكل اليوم، مثلاً وقت عطلة أو في المساء. بالنسبة لوضع الخطوبة فترة الخطوبة هي فرصة للتفاهم والتقارب قبل الزواج، مش لازم تكون كلها ضغط وتحميل فوق طاقتك، وإذا استمر الضغط والتوتر لدرجة جعلتكِ تعانين نفسيًا، من الضروري إعادة النظر في طريقة التواصل أو حتى الاستعانة بأحد الخبراء ليقدم لكم نصائح مهنية مناسبة. أنا هنا دائمًا معاكِ وأشجعك تسألي أكتر لو حابة توضحين أو لو تحتاجين خطة محددة تساعدك على التعامل مع الموقف. وأيضًا أنصحك تتصفحي قسم "الخبراء" في تطبيق فدني، ستجدين مساعدين مختصين قد يقدمون لك نصائح عملية تناسب حالتك. ربنا يسهّل أمورك ويمنحك القوة والعواطف الطيبة في علاقتك. وذكري دايمًا: الحب الحقيقي بيقوم على الاحترام والتفاهم والصبر. إذا حابة آخذ الموضوع خطوة بخطوة مع بعض، أنا في خدمتك دائما. 💛
تم النشر الأربعاء، ٢ يوليو ٢٠٢٥
بصي خلاصه الموضوع بجد الشخص الصح واقسم بالله م بيزعلك بالعكس بيتمني ليكي الرضا ترضي ودا مش كلام افلام دا واقع انا عشته ل عايزه اقولك اي شخص مهما كان مين ف حياتك حسسك ب اي حاجة وحشه اقطعي عطول + عايزاكي تسمعي فديوهات اكتر عن حب النفس للبناات هتلاقيها ف اليوتيوب هتلاقي كتير منها اتعملي تحبي نفسك وانتي اللي تتحكمي مش هو حبي نفسك بجد واقسم بالله هيتعدل مش اتعدل بلاها خالص اصله مش معقوله تحويشه العمر كله تيجي ف شخص مش مناسب لينا
تم النشر الأربعاء، ٢ يوليو ٢٠٢٥
اولا انتوا الاتنين عايزين تقرأوا وتسمعوا عن حدود وضوابط فترة الخطوبة لأنها مش بيكون فيها كل ده زائد انه ظهررلك اهو من الاول يبقى اهربي والخطيب اللي جاي بقى ان شاء الله ابقوا اتعاملوا بالشرع
تم النشر الخميس، ٣ يوليو ٢٠٢٥
لو انتي مش مرتاحه معاه سبيه دا شخص هتكملي معاه حياتك وهيكون بينكو اطفال فا متسمحيش لنفسك انك تختاري شريك واب لاولادك يكون تعامله وحش لانك هتأذي نفسك واولادك اولا فا فكري في الموضوع لبعيد وصلي استخاره واللي يريحك بس متعمليش حاجه تندمي عليا وبتمنالك رينا يسعدك ياؤب💗
تم النشر الخميس، ٣ يوليو ٢٠٢٥
وده رأيي
تم النشر الأربعاء، ٢ يوليو ٢٠٢٥
اصول الموضوع هي صفة الكتمان فيكي .. والكتوم بيتوصل مع الشخص السام زي القفل والمفتاح .. واحد يشعل النار والثاني يبلع ويكتم .. إذن ده ثنائي مثالي .. مينفعش اكون انا مش كتوم وبعبر عن اللي جوايا مع شخص سام لأنه مش هيتأقلم .. السام عايز الشخص الكتوم عشان ياخذ راحته ! .. فهل انتي جاهزة لثنائية وعلاقة زي دي !
تم النشر الأربعاء، ٢ يوليو ٢٠٢٥
انتي قلتي هو مكانش كده خالص .. ف اللي حصل انه اداكي جرعة حب وعشق وحميمية عشان تقبلي بيه وبعدين ظهر الوجه الحقيقي .... وانتي حاليا بتلهثي وراه بحثا واملا في جرعة الحب القديمة .. لكن لحد امتى هتعيشي طول عمرك في اللهاث وخيبة ورا خيبة وصدمة ورا صدمة! .. ده ولسة متزوجتوش امال لما تكونوا في بيت واحد وانتي مرة ضعيفة ؟
تم النشر الأربعاء، ٢ يوليو ٢٠٢٥
لعرض السؤال في فدني اضغط هنا