Amany Wael

السلام عليكم ورحمة الله وبركاته. لو حاسه ومعندكيش دليل اصبري شوية المواقف هتيجي كلها بس اوعي تتحوزي جوازه تندمي عليها بعدين بتاع امه متتجوزيهوش ماشي يحب امه على عينا وعلى راسنا ونحترمها بس متتدخلش في حياتك في كل كبيرة وصغيرة وكلامها يمشي علي ابنها فاهماني؟ صدقيني الراجل ال معندوش شخصية هتعاني معاه ف خلي بالك من نفسك.... تعرفي ازاي او تتأكدي بيروح ياخد رأيها في كل كبيرة وصغيرة في حياتكم بيخاف على زعلها ومش بيفرق معاه زعلك..... أي مشكله حصلت بينكم هي بتعرفها... مثلا لو سألتيه سؤال وحاوبك وبعدين سألتيه لمامته ورجعتي اتأكدتي كمان فتره شوفيه لو غير رأيه زي مامته تبقى واضحه وضوح الشمس.... بس اوعي اوعي اوعي بجد تتجوزي حد مش مرتاحة ليه ولا لأهله.... دايما بيكون احساسنا صح واحنا ال بنعاند وبنشوف آخرتها بس غلط نجازف بحياتنا... ربنا ينور بصيرتك ويدلك على الطريق الصحيح يارب.. لو كان خير ليكي ربنا يتمملك على خير ولو مش خير ربنا يبعده عنك يارب.

السلام عليكم ورحمة الله وبركاته.... اولا لو قال انتي طالق بالتلاته بتتحسب واحده بس ثانيا مفيش حاجة اسمها كفارة طلاق....الحل لها تتجوز شخص تاني وبعدين يطلقها او يتوفى لان كدا دي الطلقة التالته.... ثالثا لو قالها في الموبايل او حتى كتبها في ورقه بخط ايده ببتحسب...انا سألت شخصية موثوق منها وملمة بكل الاحكام الشرعيه بفضل ربنا وقالتلي الكلام ال كتبته ده.... وربنا يهديها وينور بصيرتها ويهدي الجميع

السلام عليكم ورحمة الله وبركاتة.... اولا ربنا يرحم والدك ويغفر له وجعل مئواه الجنة يارب... ثانياا انتي مسئولة من مامتك مش من خالك طنشي كلامه واكيد لوربنا كرمك واتقدملك شخص هتلاقي كل حاجة بتتحل لوحدها من عند ربنا وكل حاجة هتكون متيسرة ومش هتحتاجي لخالك ده... ونصيحه مني اهم حاجة شغلك انتي هتكوني سند لنفسك ومش هتحتاحي لمخلوق خلقه ربنا متفكريش في اي حاجه غير نفسك ومتحطيش كل حاجة علي اعصابك اشتغلي وابسطي نفسك وموضوع ال هيجيلك ده سيبها علي ربنا..... شوفت واحده مكنتش تملك اي حاجه ولما جالها نصيبها ربنا فتح عليها من واسع كرمه وفضله بجد... ف صلي ادعي علطول... وربنا يكتبلك الخير يارب وييسر ليكي امورك يارب..

عارفه انتي زيي دايما انا ال ببدأ بكل حاجه يعني بسال وبهتم بال حواليا بس عمري م حسيت العكس واكتشفت ان فاقد الشئ يعطيه وبكثرة كمان... بس لما لقيت انا ال بعمل كل حاجه حاولت ابعد عن كل ده لان مش بلاقي اهتمام ولو قعدت كدا باليومين والتلاته محدش هيسال... هقولك بجد احسن حاجه انا بعملها بقالي فترة قربي من ربنا وابعدي عن الموبايل واي حاجه تستنفذ طاقتك... سيبي طاقتك لحد يستاهلها بجد وربنا هيبعتلك ال شبههك من غير مجهود منك وال عايزك هيسال ويطمن... وصدقيني في الزمن ال احنا فيه متستنيش اي حاجه من اي حد عشان محدش هيتعب غيرك 🩷

السلام عليكم ورحمة الله وبركاته بص اولا كل الابتلاءات دي عشان ربنا يشوفك هتصبر وهتفضل تطيعه ولا هتنفر وكلنا عارفين ان ربنا مش بيبتلي الا ال بيحبهم.. انت مكتوبلك كده لازم ترضي وتحمد ربنا علي انك احسن من غيرك كتير.. وفي حاجه الصغر ده ممكن يكون وراثه ولما تبدا في العشرين هتبدا تتغير اكيد مش هتفضل كده دايما. اي حد في السن ده هيشوف ان الاهل ضده في كل حاجه وفي ناس بيجيلها اكتئاب من موضوع معامله الاهل ليهم بس هما اكتر حد عايزينا نكون احسن ومفيش حد مش هيحب ولاده. ف نحاول نصاحبهم ويكونو راضيين عننا حتي لو هما وحشين لاننا ملناش حق نحاسبهم احنا ال هتتحاسب علي معاملتنا ليهم..وهما برضو ربنا هيحاسبهملو عملو حاجه تخلينا نوصل لدرجه مش حابينها فاهمني.. وموضوع الصداقه بالنسبالي مش احسن حاجه انا كان عندي اصحاب بالهبل بنات يعني ودلوقتي مفيش اي حد فيهم معايا دلوقتي كل واحد شاف طريقه مع ان ال يشوفنا كان يقول اخوات..لو حابب صديق معاك في طريقك دور علي صحاب ياخدو بايدك لطاعة ربنا مش يبعدوك.الصاحب ال يقولك تعال نصلي مش نروح نلعب.. واخر حاجه مهما كنت بتتفرج علي الحاجات دي بطلها وحاول تكون احسن ومتخليش شهوتك تتغلب عليك كلنا بنغلط بس في فرق من ال بيتوب ومن ال عايز يفضل في مكانه وميغيرش من نفسه.. وخير الخطائين التوابين.. يعني ربنا بيحب الانسان ال بيتوب لما يغلط.. اتمني تكون استفدت من كلامي اسفه للاطالة

مجانية

ولو الاصابه ف العمود الفقري يبقي مركز المشتاوي.... وفيه شخصية رشحتلي ده

وفيه حسام السيد ، وجلال زكي وهشام القاضي في اسيوط عند المحطه

السلام عليكم ورحمة الله وبركاته... أفضلهم موجود في جامعة أسيوط وفيه أحمد ماهر وأحمد عبدالعظيم ومحمد عبدالحميد....انا بصراحة معرفش بس سألت ف قالولي كدا وربنا يشفي والدك ويعافيه ويبعد عنه اي شر ومكروه

ونعم بالله

السلام عليكم ورحمة الله وبركاته..... أنا حاسة بيكي وبالشعور ال بتمري بيه بس حاولي تتجنبيهم حاولي متاخديش كل حاجة على اعصابك....طبيعي والدتك تحب الصغير وفي كل البيوت عامة بس التفرقه بين الاخوات ربنا بيحاسب عليها متفتكريش كل ده بيروح عند ربنا.... لو تجنبتيهم هترتاحي مش اتجنبهم يبقى اعصيهم لا مش بقول كدا ولو طلبو حاجة اعمليها واعملي ال عليكي ناحيتهم وانجحي في دراستك لو كنتي بتدرسي انجحي في شغلك لو اتخرجتي متخليش كلامهم يأثر فيكي وربنا موجود وزي م فيه عقوق ابناء فيه عقوق آباء ولا يظلم ربك أحدا..... اتعلمي حاجات جديدة غيري من نفسك عشان نفسك مش عشان حد حبي نفسك واديها اهتمام فاهماني؟ غيري في اوضتك ل بتقعدي فيها هتحسي براحه وسلام والله.. حاولي مثلا تعملي جروب وتضمي زماياك وتحطي أسئله انتي تستفادي وهما يستفادوا اتعلمي مثلا اللغة الإنجليزية واتقنيها كويس الحاجات دي هتفرق كتير معاكي ربنا يسعدك ويروق بالك يارب

السلام عليكم ورحمة الله وبركاته.... دي أسوأ حاجة ممكن تعملها في نفسها بجد اكيد بتقل في نظره ومش بيحترمه وبيمسح بكرامتها الارض عشان بينت ليه حبها وانها مضمونة فاهماني؟ ربنا قال ولقد كرمنا بني آدم والبني آدم بيهين نفسه بنفسه طب ليه؟ هوا مش هينفعها قدام ربنا ف تحافظ على نفسها لانها غاليه مش اي حد يقدر يتحكم في مشاعرها الشباب في الزمن ده الا من رحم ربي بقو حاجة في منتهي الوقاحه بصراحة بشوف قدامي مش بكتب ده من فراغ فاهماني....ربنا يسترها عليها وعلى بنات المسلمين جميعا يارب وينور بصيرتنا ويبعد عننا الاشخاص المؤذيين

ونعم بالله

لا مش حابة الموضوع ده...خير وشكرا لاهتمامك وجزاك الله خيرا

يعني مفيش حلول تانية صح؟

السلام عليكم ورحمة الله وبركاتة..... هتندمي لو خرجتيه من الازهر انا بشوف نماذج بين الازهر والتربية والتعليم عندنا فرق شاسع بجد الا من رحم ربي بنسبه كبيرة ال في التربية والتعليم مش بيكون عنده علم بالدين بتاعنا وبيبقي مش فاهم ومش بيكون محترم بردو الا من رحم ربي انما الازهر ماشاءالله حاجة مشرفه بجد.... وكل حاجة فيها الحلو وفيها الوحش ومتخافيش حاولي معاه اوومثلا شجعبه وكافئيه لو حفظنا هعملك حاجة بتحبها فاهماني؟ لحد م يكبر ويدخل الاعدادي علي الاقل ويشوف زمايله بيحفظوا وبيتعلمو اكيد هيتغير هوا بس عشان لسه صغير.... وعشان تطمني مثلا اسئلي الشيخ ال بيحفظه هل دماغه كويسه ويجي منها في الازهر ولا لا؟؟........ الازهر بنسبه كبيرة ناس كويسه ومحترمه بمعني الكلمه وبيخافو ربنا وبيتقو الله في اهلهم وبردو فييه الوحش بس قليل جدا جدا كمان انما التربيه والتعليم العكس اتمني تكوني فهمتي رسالتي وربنا يهديه يارب وينور طريقه

السلام عليكم ورحمة الله وبركاتة..... فروق الاسنان الانسب ليها حاجة اسمها ڤينيرز لو مش بتحب/ي التقويم. لان التقويم بيفضل كتير يجي سنة او اتنين علي حسب علمي....سعر الفينيرز بيتحسب بالسن يعني السن ب 2000 تقريبا بس يكون عند دكتور شاطر وبيعمل شغله بضمير..

جربت كتير وجربت ارجعهم مفيش فايدة وحملت تطبيقات بس مكنتش بترجع المحذوف مع العلم ان الصور ال اتحذفت بقالها اربع سنين بس علي نفس الموبايل يعني مغيرتوش هل فيه حل؟؟

انتي لسه صغيرة وسيبك من كلام الناس ال هوا انتي كبرتي وال في سنك مخلفين والكلام ده... قرار انك مش عايزة ترتبطي وتدخلي في علاقه حرام ربنا هيجازيكي أقسم بالله وهيبعتلك ال يستاهلك بس انتي صلي وادعي يبعتلك الراجل الصح...وخليكي علي قرارك ده.. وربنا ينور بصيرتك ويكتبلك الخير يارب ويسعد بنات المسلمين جميعا. 🩵

أولا فكري في الشئ ال موصلك لانك تفكري في كدا ولو قدرتي توصلي للسبب حاولي تغيريه حاولي نغيري وتطوري من نفسك... وعلاقتك بربنا أهم شي حطيه رقم واحد في حياتك... حاولي تتفرجي علي فيديوهات أحمد عامر والشيخ جازم شومان.... وان شاءلله حياتك هتتغير للاحسن.. ربنا يحفظك 🩵

وكمان لو بعد الشر اتطلقتي ال بيحبك ده مش هياخدك.. وهيخاف تعملي معاه زي م بتعملي مع زوجك الوقتي... ربنا معاكي و يعينك ويقويكي يارب

أولا ده شئ غلط... ثانيا ليه تخسري جوزك ال بيحبك وتمشي ورا عيل عايز يخرب بيتك؟ حاولي متدخليش اي حد في علاقتكم صدقيني اكبر غلط... هيكرهك في جوزك وجوزك تلاقيه شغال وطالع عينه في الشغل عشانك انتي وهوا ف ليه تخيبي ظنه وثقته فيكي؟ فكك من مواقع التواصل الاجتماعي لانها بتخرب البيوت الوقتي... راجعي نفسك مع ربنا وقولي الاذكار وانتبهي لبيتك ولجوزك... انا بنصحك بجد لوجه الله مع اني معرفكيش ولانها حصلت قدامي وبيكون وراها مشاكل الدنيا والاخره.. ربنا يهدينا جميعا 🫂🩵

ابعدي عنه لان لو كملتي في العلاقه المحرمه نهايتها مش هتعجبك خالص بجد...ممكن في الاول تبقي متأثره وتزعلي بس بمرور الوقت هتتعودي وهتقولي ازاي انا كنت متعلقه بشخص زي ده... ربنا يصلح حال الجميع يارب

الشكر لله

وهتضيعي سنه من عمرك ليه؟ م انتي كدا كدا هتاخدي الثانوية. ذاكري واعملي ال عليكي بجد وواظبي علي صلاتك واذكارك وربنا قال قل لن يصيبنا الا ماكتب الله لنا نصيحه مني بجد متضيعيش سنه ولو مجاش كليه انتي حباها ربنا اكيد هيحط قدامك الاحلي والخير ليكي ومتتوتريش اعتبريها سنه زي اي سنه وهتعدي خليها تعدي بحلوها او مرها وتوكلي علي الله ده من وجهة نظري شوفي انتي ال يريحك اكيد واعمليه 🩵

كان بيصلي عليه افضل الصلاةوالسلام سنن الصلاه كان بيصلي 12 ركعه في يومه. كان مواظب علي الاذكار. كان يقرأ القرآن. كان يستخدم السواك. كان يبتسم في وجوه الناس كان دائما يفطر تمر وماء وكان ينتظر الصلاه بعد الصلاه. وكان يعتكف ويتصدق. هما السنن كتير بس مش متذكره ومتأكده الا من دول..🩵

حاليا الناس فعلا بقت مؤذيه والواحد معدتش بيثق في ال حواليه بسبب الخذلان ال بيشوفه حتي من اقرب الناس ليه... ربنا يحفظك وينور بصيرتك.

مفيش حاجه اسمها عادي الحرام حرام لو الكل بيعمله ... حاول تبعد عن الحاجات دي وارجع توب وربنا هيتقبل توبتك بس لو كانت صادقه بجد... والرسول قال خير الخطائين التوابون... البعد عن ربنا وحشه كبيره بجد.... واكتر حاجه ربنا مش بيسامح فيها الصلاة ف ليه تعمل في نفسك كدا؟؟

روح اكشف عند دكتور عظام ومتستهونش لان شوفتها كتير واضرارها مش كويسه ف روح اتاكد علي نفسك احسن م تجيب مراهم من الصيدليه تضرك اكتر..

بصي حاولي تغيري طريقتك معاها لان كدا الموضوع هيجيب نتيجه عكسيه ماهو طبيعي لما تضرب متذاكرش وتكره كدا... بصي علميها مثلا ان ده حرام ده غلط ده صح... كدا يعني ومع الوقت هتيحي.. هما الاطفال كلهم كدا.... ممكن تقوليلها مثلا لو عملتي كذا هجيبلك حاجه حلوة يعني خليها تصلي معاكي لو بتصلي حاولي تفرحيها وتحببيها فيكي لان الضرب مش هينفع... ربنا يبارلك فيها.. ويارب اجابتي تكون فادتك

الحل انك تصلي وتقرب من ربنا وتحاول تغير يومك... واتفرج علي فيديوهات للشيخ محمد الغليظ واتفرج علي فيديوهات تأنب ضميرك وتخاف من ربنا ارجع توب البعد عن ربنا وحشه كبيرة بجد... اصل هتستفاد ايه؟ عايز تبقي خسران دنيا واخره.؟ربنا يهديك ويهدينا جميعا يارب

بصي يا حبيبتي هوا اكيد خير ليكي بجد وبكره يجيلك ال يناسبك يمكن هوا مش هيكون مناسب.. فخلي عندك ثقه في ربنا لان ربنا لما بيبعد عنك حاجه بيعوضك عنها بالاحسن... وكمان المفروض مش انتي ال تبدأي المفروض هوا ده لو بيحبك صح ولا ايه؟ انما واحد مش بيفكر فيكي هتروحي تعترفي ليه انتي الاول... وانتي بتقولي قرايب يعني ممكن مفكر انك زي اخته صح؟ ربنا يسعدك يا حبيبتي ويقدملك ال فيه الخير.. وانصحك متدخليش اي علاقه حب الحب حلو بس يكون مع الشخص الصح ويدخل البيت من بابه.

لتحسين مهارتك في اي لغه يوجد تطبيق اسمه دوولينجو تحفه بجد هينمي عندك المهاره دي وهتتحسني فيه ولو حابه في لغات تانيه بس تجربتي في التطبيق كانت لتحسين اللغه الانجليزيه... وبالتوفيق