naira adel

انا كان عندي نفس مشكلتك و حاولت اشتغل عليها و بقت اقل شويه كل ما تلاقي نفسك رايحه لحتة ان كل حاجه لازم تبقى بيرفكت افتكري اننا بشر مستحيل نوصل للمثاليه و ان الكمال ده شيء لله وحده الانسان خطاء و دي طبيعتنا نغلط و نرد احياناً ردود مش في مكانها عادي اننا نغلط ف الامتحان و ننسى دي طبيعتنا البشريه اللي ربنا خلقنا بيها لو حواليكي حد بيلومك على غلطاتك هتلاقي ان اللي بيلومك ده برضو بيغلط ده الطبيعي و ده العادي متعلقيش لنفسك حبل المشنقه ولا تلومي و تجلدي ذاتك بالافكار السلبيه مفيش مشكله انك تفكري في مواقف قبل ما تحصل كنوع من الاستعداد ليها لكن متخليش دماغك تعيش السيناريو الخيالي ده لان ده هيوصلك مشاعر سلبيه كتير اسحبي نفسك بسرعه من الموقف ده و ساعتها فكري نفسك بالكلام اللي قولتلك عليه هتلاقي الموضوع قل معاكي لما متقدريش توقفي الافكار اللي ف دماغك سبحتك و استغفري دماغك هتوقف تفكير او تشغلي بودكاست و تسمعيه المهم تلهي نفسك

النوم هو مجرد هروب مش حل مش عارفه إذا في حاجه اثرت عليكي الفتره الاخيره ولا لا بس حتى الفراغ و الروتين بيعملوا كده هاتي ورقه و اكتبي اهداف حابه تحققيها حتى لو بسيطه زي انك تاكلي حاجه بتحبيها اعملي اهداف للأسبوع و للشهر و للسنه حاولي كل يوم تتمشي نص ساعه شوفي ناس بتحبيها زودي عباده في يومك مكنتيش بتعمليها هاتي كتاب جديد لو بتحبي تقرأي انا فاهمه احساس انعدام الرغبه و مريت بيه قبل كده و عشان تطلعي منه محتاج منك الاول بس شوية مجهود و بعد كده كل حاجه هتبقى تمام

كم عمرك؟ و عندك اصحاب ولا لا الوحده احساس صعب ممكن نحس بيها حتى وسط الناس و ده مش معناه اننا مش محبوبين لكن ممكن طريقة تفكيرنا في الامور هي اللي مختلفه اهلك بيحبوكي بطريقتهم الخاصه التفكير السلبي الكتير اتغلبي عليه بالانشطه اليوميه زي القراءه و الرياضه اقرأي كتاب لا بطعم الفلامنكو هيفيدك في اللي حكيتي عنه

لو المجموع يجيب تربيه اختاري تربيه و لو يجيب تجاره انجليش يبقى افضل شوفي الانسب ليكي ايه

القلق شيء طبيعي جداً ، ان شاء الله العمليه هتعدي على خير اهم حاجه تلتزم بتعليمات الدكتور و الادويه و خليكوا معاها و ادعموها نفسياً هي اكيد محتاجه ده ، و طمنيها ان في ناس مرت بنفس التجربه دي و دلوقتي عايشين حياه طبيعيه الحمدلله

تشخيص طبيب ولا اختبارات على النت؟

لو عايز توقف الادويه لازم استشارة طبيب لانها بتحتاج وقت و بتتسحب بالتدريج

شفاها الله و عفاها ، اعرف ستات عملاها من سنين و الحمدلله بخير دلوقتي و كويسين

اه بتمنعها لانها بتمنع عملية التبويض كلها .. روحي لدكتوره تظبطلك موضوع حبوب منع الحمل و تعرفك تاخديه ازاي و ايه النوع المناسب

السن ده عموماً بتحصل فيه تغييرات كتير لما تحصل الاعراض دي ابدأي نظمي انفاسك تاخدي نفس عميق براحه و تخرجيه براحه كذا مره و حاولي تعملي رياضه في يومك و يكون افضل لو نزلتي اشتركتي في جيم و ظبطي اكلك و فيتاميناتك خصوصا فيتامين د

بلاش ادويه بدون إشراف طبي تابع مع متخصص نفسي و ان شاء الله هتبقى كويس