دا طبيعي في الفتره دي كل ما الامتحان يقرب التوتر يزيد كلنا كده مش لوحدك بس الي بينجح في الفتره دي الي بيظبط نفسه ويرتب يومه وأهم حاجه البرود والسعي ودا المطلوب مننا أما النتايج مش بتاعتنا ... ملاحظه بسيطه الاحساس دا احنا اتولدنا بيه هيفضل ملازمنا طول ما احنا بنتعلم ولما تدخلي كليه هتعرفي إن الثانويه كانت وهم احنا بنعمله بتوترنا مش أكتر ...بالتوفيق ان شاء الله
تم النشر الاثنين، ٢٢ مايو ٢٠٢٣
في الفتره الأخيره نظامك الغذائي عامل ازاي ؟ بتاخدي ادوية معينه في الفترة الأخيره ؟ نظام نومك في الفتره الأخيره ؟ بتشربي كافيين كتير الفتره الي فاتت ؟ فيه مشاكل مأثره على حياتك نفسيا أو ذهنيا الفترة الأخيرة ؟
تم النشر الثلاثاء، ١٦ مايو ٢٠٢٣
لازم تزوري دكتور نفسي كويس ومتسيبيش نفسك بالشكل ده
تم النشر السبت، ١٣ مايو ٢٠٢٣
لازم تروحي لدكتور نفسي شاطر ضروري ده أحسن حل والحل الوحيد فعلا غير كده غلط
تم النشر الخميس، ١١ مايو ٢٠٢٣
انعزلي شوية عن الناس وحطي جدول لنفسك وحتى لو قدرتي تركزي ربع ساعه كويس مش مشكله خدي بريك خمس دقايق وارجعي تاني المهم متوقفيش ومتكسليش
تم النشر الأحد، ٧ مايو ٢٠٢٣
طب ما ده عادي لما تقابلي مواقف هتفهمي وهتتعلمي لكن بالنصايح مش هتفهمي حاجه ...الخبره بتيجي بالتجارب بس فعيشي حياتك واتعلمي براحتك
تم النشر السبت، ٦ مايو ٢٠٢٣
ممكن بدل ما تخليها قراءة بس حاولي تحفظي ..هتركزي غصب عنك
تم النشر الجمعة، ٥ مايو ٢٠٢٣
لو تقدري تصومي ... صومي مثلا يوم اه ويوم لأ وقبل ما تفطري في اليوم الي صومتيه نص ساعه جري ورياضه وده ممكن تشوفيلها حاجات على اليوتيوب بحيث لو فيه تمارين تعمليها في البيت لو مفيش امكانيه تروحي جيم أو تجري بره البيت ... أما اليوم الي بتفطري فيه عادي التزمي بال ٣ وجبات بس حاجات صحيه ..بلاش حلويات اهتمي بالخضار والمغذيات الأساسية والموضوع بسيط جدا بس محتاج صبر والتزام
تم النشر الجمعة، ٥ مايو ٢٠٢٣
يمكن شايفينك مختلفه عنهم أو طريقتكم مش شبه بعض
تم النشر الخميس، ٤ مايو ٢٠٢٣
بتحس بوجع تحت رقبتك من الناحية الشمال أو ألم في دراعك الشمال وبينزل لحد صابع ايدك الصغير ؟ الألم بيجيلك امتى وبيروح من عندك ازاي ؟ بتاخد أدوية معينه ؟ المشكله دي معاك من امتى وعمر حضرتك كام سنه ؟ حد من عيلتك بيعاني من نفس الموضوع ؟
تم النشر الخميس، ٤ مايو ٢٠٢٣
الهدوء وتنظيم الوقت وجدول كويس مهم جدا ... البعد عن الناس الفتره دي بردو مهم عشان نقلل الدوشه الي في دماغنا ... المراجعه وحل الأسئلة أمر مهم ... وقبل كل ده التوكل على الله وإننا نكون متأكدين ان الامتحانات هتعدي سواء عديناها بسهوله أو داست على وشنا في الآخر هتعدي المهم نعمل الي علينا لآخر لحظه وخلاص
تم النشر الأربعاء، ٣ مايو ٢٠٢٣
للموضوع بسيط طالما فاهمه البريزنتيشن فانتي بإذن الله مش خايفه انك تغلطي دا في حد ذاته بيدي ثقه ... الحاجه التانيه متفكريش في البريزنتيشن على انه بريزنتيشن بس فكري فيه على انه قعده وبتكلمي زمايلك وبتشرحي للدكتور في اللحظه دي انتي دكتوره مش زميله ليهم ... الغلط أمر طبيعي مش مقلق الي قدامك أصلا مش منتظر منك حاجه بس انتي لازم تطلعي بأحسن صورة عشان نفسك مش عشان غيرك ... التدريب يفضل يكون قدام المرايه عشان تشوفي نفسك وبالنسبه للصوت علي صوتك على قد ما تقدري بس في نفس الوقت خدي بالك من your body language عشان دي الي الناس هتشوفها ... الموضوع بسيط جدا ومع التدريب بيروح ومتقنعيش نفسك ان ده رهاب اجتماعي عشان كلنا زيك في أول بريزنتيشن لينا وبعد كده أبدعنا ...بالتوفيق
تم النشر الثلاثاء، ٢ مايو ٢٠٢٣
اقفلي أي طريق يرجعك للي بتعمليه
تم النشر الاثنين، ١ مايو ٢٠٢٣
بس كده ده مش حب ..دا اسمه شهوة ...يعني أول تديه الي هو عايزه خلاص كده ولا كأنه يعرفك ...فنصيحه بلاش
تم النشر الخميس، ٢٧ أبريل ٢٠٢٣
خلينا نكون متفقين ان مفيش حد في ثانوي وخصوصا تالته ثانوي عنده برود أعصاب عشان الكل فاهم ان دي النهاية ويا إما أنجح طول عمري أو أفشل طول عمري عشان كده قولتلك ده وهم مفيش حاجه اسمها كده متخليش حاجه تأثر عليكي في الفتره دي لو على الناس انعزلي الفتره دي وابعدي عن أي كلام حلو أو وحش عشان متحرقيش بنزين ع الفاضي وهيا فتره وتعدي لو مش بمزاجك فهتعدي غصب عنك ... من الحاجات الكويسه الي بعملها الفتره دي بما اني داخل على امتحانات في كليتي ومزنوق بالمعنى الحرفي زي ما بتقولي اني بسمع فيديوز او ريلز تحفزني أو تخفف الضغط عني وتديني أمل إن لسه الموضوع مخلصش ومنرميش المنديل لحد آخر لحظه ونتوكل على الله وخلاص ...نموت نفسنا يعني 😂...بالتوفيق وربنا معاكي وإن شاء الله هدفك يتحقق قريب
تم النشر الاثنين، ٢٢ مايو ٢٠٢٣
ما أعتقدش عشان مقالتش في الشكوى انها بتكره صوت معين كل الي قالته ان حساسيتها عاليه للأصوات يعني أقل صوت ممكن تسمعه والي قاعد جنبها ميسمعوش زي مثلا فكرة الحساسيه الزايده من مجرد لمسه يعني تلمس حد لمسه خفيفه تلاقيه طار ..الاستجابه عنده عاليه عن الشخص الطبيعي وده أحيانا بسبب المنبهات الكتير
تم النشر الثلاثاء، ١٦ مايو ٢٠٢٣
العفو
تم النشر الثلاثاء، ١٦ مايو ٢٠٢٣
الفكره مش في الكميه الفكره في الاستمرار عليه الكافيين منبه بيزود حساسيتك لكل المثيرات الي حواليكي سواء أصوات أو غيره وفي نفس الوقت بيمنع الحاجات الي تهدي وتظبط الموود فتظهر العصبيه والمزاج الوحش .. وعلى فكره كوبايتين قهوة في اليوم كتير مش قليل ولا حاجه
تم النشر الثلاثاء، ١٦ مايو ٢٠٢٣
دا أمر طبيعي بسبب الكافيين الكتير ..لازم تقلليه وغيريه بمشروبات تانيه تهدي زي الينسون والنعناع وهكذا ...بالنسبة للنوم بردو اه دا لازم يتعدل عشان دا مأثر بردو حاولي تظبطي نومك قدر الإمكان ...بالنسبه للصيام المتقطع مفيش مشكله طول مهو متوازن بس أول ما تبدأي تحسي بإرهاق وقفي ... ولو أمكن ياريت تعملي رياضه هوائيه هتفرق
تم النشر الثلاثاء، ١٦ مايو ٢٠٢٣
متعمليش حاجه ..مش لازم تفكري في ده أصلا كفايه بس انك متحطيش الناس في دماغك المهم تشوفي نفسك ..ايه الإنجاز الي عملتيه لنفسك أو ايه الفرق بينك النهارده وبينك امبارح .. وبس كده هتتشغلي بنفسك بس
تم النشر الجمعة، ٢١ أبريل ٢٠٢٣
لعرض الملف الشخصي في فدني اضغط هنا