سُندّسٌ المعتصم بالله

مفيش حاجه اسمها شغف ثانويه كل وقت وليه الشغف الخاص بيه يعني كل مرحله بتخلف عن التانيه مثلا أنت بقيت تسوف وتقول هذاكر بكره لا بعده الخ ٠٠لكن في حل لدا أكييييد وهو انك تحارب حاجه إسمها التأجيل إنك تأجل lecture لمجرد انك قلت هذاكرها بكره دا بداية الضياع يعني مفيش غير حل واحد وهو انك تحارب التسويف لأن لاتؤجل عمل اليوم إلى الغد هتقولي بس انا مراكم!! هقولك مفيش مشكله ابدأ بمذاكرة الجديد مش القديم حاول تنظم وقتك اللي مش معناه تعمل جدول والكلام الاهبل اللي كنا بتعمله لا مش كدا المقصود بتنظيم وقتك شوف انت بتعرف تذاكر امتى يا ترى الفجر ولا العصر ولا بالليل ويا ترى انا نايم كويس فتره تخليني مركز وبتخليني مش بفكر في النوم أثناء المذاكره شوف المكان اللي بتحب تذاكر فيه مثلا انا اوقات بزهق من البيت ممكن اذاكر في الكُتّاب في مكان بعيد عن الكل ممكن بروح المسجد أو اطلع مكتبه عامه او كافيه بتغير نفسيتك وبتعرف تذاكر احسن حاول بقا تكرر الlecture على فترات متباعده مش هتنساها ابدا وصدقني الجدع اللي بيذاكر وبيحارب في اسوأ حالاته وإن شاء الله خير وربنا يوفقك ودا كان وجهة نظري ي ريت اكون أفدتك في حاجه🙏

حبيبتي واختي في الله مفيش شك انك اخطأتي ودا في الماضي وخلاص راح متفكريش انسي كل بني آدم خطاء وخير الخطائين التوابون جوزك مش هيعرف حاجه وربنا عمره ما هيفضح عبد تاب وبعدين ربك اللي سترك تحت سقف المعصيه مش هيخذلك وانتي تحت جناح التوبه توبي توبه نصوح وادعي ربك واجعلي توبتك ندم علي اللي فات مش خوف ان جوزك ممكن يعرف افتكري رب العالمين وفي النهايه أسأل الله أن يغفر الله لنا ولكم الذنوب جميعا ويفرج همك ويزيل كربك ويبعد عنك وسوسة الشيطان الرجيم

قلبيييي لا م طبيعي ابدا البني ادم دا دا باين عليه متسلط متحكم صفاته غريبه ازاي يسأل انتي ليه فسختي العقد ملوش يسأا وبعدين ازاي يقول عن اللي كانت زوجته مهمله في البيت ازاي يقول كدا دا ربنا قا ل( فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِنْكُمْ وَأَقِيمُوا الشَّهَادَةَ لِلَّهِ ذَلِكُمْ يُوعَظُ بِهِ مَنْ كَانَ يُؤْمِنُ بِاللَّهِ وَالْيَوْمِ الْآخِرِ وَمَنْ يَتَّقِ اللَّهَ يَجْعَلْ له مخرجا) ركزي بكلمه فارقهن بمعروف عاوزه اقولك كمان ازاي يقول انك جاهله دا اي دا!! وبعدين حبيبي مش ملاحظه فرق السن !! هتقولولي الرسول والسيده خديجه هقولك دا رسول اما دا م رسول باين انك صغننه قدامك العمر هيجي ناس احسن حذاري توافقي لمجرد إن عيلتك عاوزين تقعدي معاه افتكري بعدين الفرق بين التفكير افتكري انك كتبتي. المنشور دا دا معناه انك خايفه ومش حابه كدا وعيلتك مع احترامي ضاغطينك ولو فعلا مش ضاغطينك مفيش اهل هيجوزوا بنتهم واحد قد ابوها العلاقه دي مش متوازنه تماما والراجل دا ما يغركيش إنه بلحيه التيس ليه لحيه وكمان هقولك اللي تشوفيه دا قرارك محدش هيفيدك بس اسالي ربك يقربه لو خير وانا هدعيلك إن شاء الله بس نصيحه مني عارفه اني ما ليش لازمه بس راجعيي نفسك وسيبك من اهلك

بصي نفسيتك وحشه علشان انتي بتوهمي نفسك انها وحشه وعلشان شيطانك عارف انها اهم فترات حياتك بيحاول يوهمك ويبعدك عن المذاكره فاستعيذي بالله كدا من الشيطان الرجيم وصلي عالنبي بصي انا ثانويه ٢٠٢٥ بدات بشغف كبير وكنت بحل في الكميا بس مندليف ونيوتن والامتحان وافوجادو ومذكره خاصه بندرسين مختلفين طبعا هتقولي واو عليكي انتي خليتي دا كله!!؟ هقولك انا غبيه جدا ي ريتني ما حليت دا كله بصي اقسملك بالله الساعه اللي كنت فيها بمتحن ندمت اني ما حفظتش اهم حاجه الحفظ اولا ثم الفهم ولو هتحلي عالدرس سؤالين فدا تطبيق المهم تحفظي وتحلي من حاجه واحده علشان ما تتشتتيش وبالنسبه للكسل كلنا بنكسل والله بس في اوقات بتبقي الطاقه في جسمنا عاليه جدا والشغف عالي جدا ودماغنا بتبقي في اقصي درجات التركيز مثلا انا مكنتش بذاكر طول النهار لان عندي دروس مكنتش بذاكر بالليل علشان لسه راجعه من الدروس تعبانه كنت بعمل اي بقا بصحي عالساعه ٢ واكمل لحد ميعاد الدرس مذاكره وآه لو تحرمي نفسك ملذات الحياه من تلفزيون واتس آب فيس بوك انستجرام هيبقي عال العال مش بقولك ما تفتحيهمش خالص لا ممكن تخصصي وقت نص ساعه في اليوم مثلا ليهم وبالنسبه لمستواكي النازل حابه اقولك إن انا بدات فيزيا شهر ٧قعدت لشهر ٤مش بعرف احل مقاومات لكن التكرار علمني ازاي احل ومستواكي هيتحسن بس في الوقت المناسب لما تنظمي وقتك تذاكري اول باول يعني اي تذاكر اول باول يعني انك تبدأي بآخر حاجه اخدتيها مش من اول درس اخدتيه زي ما كنت هبله وبعمل كدا😂 ماشي وصدقيني شهر ٤و٥ بيفرقوا جدا هتلاقي نفسك بتطلعي والله كان معايا ناس مستواهم مش حلو خالص عملوا اي اشتغلوا علي نفسهم حفظوا جابوا في التمنينات وناس فاهمه وشاطره جابوا ٧٠ وهقولك على اخر حاجه اوعك تسيبي نفسك لدروس اللون لاين حذاري هتراكمي لان مفيش عليكي رقيب الآون لاين دا في شهر ٤ او ٣ والله عندي ملازم وكتب وحاجات مهمه كتير بس الله المستعان مش عارفه كان ممكن اديها لك ازاي ربنا يوفقك وبردو كنت حابه اشرح نحو وبااغه وكمان انجلش ليكي بس الله المستعان مش هعرف 😂ربنا يوفقك❤️

هو انا معرفش اماكن بس عندي اقتراح ممكن تبيعيهم في أسواق الخاصة بالاستوكات أو مثلا في محلات اللي بتبيع one piece بس مش هتبقى بأسعار مرضيه زي ما انتي كنتي شارياهم

هو انا بحفظ بالطريقة اللي هقولك عليها دي أولا لو هتخفظي صفحه بصفحه فأنتي هتسمعي القراءة الصحيحه لها من شيخ قاريء مثلا المعيقلي وبعدين تقرأيها بنفس القراءه اللي سمعتيها وتكرري الآيات وكدا انتي هتحفظي بالبصر لانك شايفه وبالسمع كمان لانك سمعتي وكذلك الربع لو هتخفظي ربع وكدا نفس الحاجه وكرري يعني ولو تكتبي مفيش مانع انا بكتب لأن الكُتّاب الشيخ بيخلينا نكتب ربنا يوفقك وتحفظيه❤️

اوك اتكلم مع البنات مفيش اي مشكله حتي انا في فن الحديث بعرف اتكلم وأرد لكن أنا مش بعرف اتكلم مع الدكتور ببقي مكسوفه جدا ولو حد من الدفعه في الجروب بتاعي ولد وسأل عن حاجه مش بعرف اتكلم بخاف باقي الولاد ياخده فكره اني بكلم ولد اللي هو بخاف علي سمعتي زياده عن اللزوم جدا علي الرغم اني ما عملتش غلط وبتكلم في حدود الادب لدرجة اني لو سالت سؤال علي جروب الدفعه بمسحه بعد ما حد يجاوب عليا مش بسبب اثر ليا دا كان قصدي كله اسفه على الإطالة وشكرا علي الكلام والنصيحه

مش عارفه بجد اعمل اي

استعيذي بالله من الشيطان الرجيم فوالله دا ما الا وسوسه من الشيطان وبيجي يوسوس في الوقت اللي بتكون الدنيا ضايقه بينا وبنكون مخنوقين لازم تعافري وتحاربي في الدنيا الدنيا اصلا دار شقاء واحنا لازم نتحمل لازم تعافري نحارب نقع ونقوم نواجه ضيق وحزن وسعاده وفرح لازم تسعدي نفسك باي طريقه والطريقه الافضل تدعي ربك وتقربي اكتر ممكن الخنقه دي اشاره علشان تقربي لربنا اكتر وممكن تكون بردو طبيعه بنمر بيها كلنا وبس كدا طولت عليكي بس دا خبرتي اللي اعرفها وهدعيلك إن ربنا يوفقك ويفرج همك ويزيل كربك يارب ❤️

عارفه ان دا إحراج وإن دا بيضايقك بس هي بجد مش قصدها تجرحك دي صديقه حقيقيه بتحاول تفرحك بس بأسلوبها هيا مفكره بتصرفها دا إن هيا هتفرحك لكن هيا مش فاهمه ان دا بيسبب لك إحراج فممكن تاخدي الحاجه على اساس الصديق وقت الضيق وممكن تعتذري لها وتقولي لها إن جزاها الله خير على دا وانك مش محتاجاها لان عندكم وكدا بطريقه شياكه ومحترمه وإن شاء الله ربنا يفرج همك ويزيل كربك انت والعائله الكريمه ❤️