مساء الخير
أحب أشارككم شيء بخاف منه جدا
هو انا بخاف اكلم اي ولد أو اتعامل طبيعي مع الجنس الآخر في الحياه العامه ودا مش طبيعي خالص مثلا انا في الجامعه بيبقى في تجارب في المعمل ببقى مضطره اتعامل مش بعرف خالص او انه عيني تيجي في عين ولد لحد كمان بخاف اسأل سؤال على جروب الدفعه
بخاف إن حد يقول اني مش محترمه لو سألت حاجه عالجروب بتاع الدفعه وخوفي زياده
ومش عارفه أعمل اي بجد عارفه ازعجتكم لكن مش عارفه اتعامل🙂
فيدوني اثابكم الله
مبدآ لاحياء في العلم ثاني اشي اصراحه اشوف شخصيتك واوااااو بنت كويسه ثالث اشي خليك كذا🌝 يعني حلو انك ماتحتكي فيهم ولكن في المدرسه يعني اذا تبغي تكون شوي جريئات صاحبي بنات جرئيات وكوني انتي ابدي تتكلمي معهم عن المدرسه والمذاكره حتى لو مافيش سالفه بس علشان تقوي من شخصيتك اعملي كذا بس بحدود ترا انا زيك ولما بدأت اصحاب بنت جريئة صرت افضل 🖤
تم النشر الأحد، ٢٣ نوفمبر ٢٠٢٥
هذا من الحياء يبدو ان فطرتك لم تتغير كثيرا ــ حافظي على فطرتك وحياءك ولا تنتبهي للآخرين.
تم النشر السبت، ٢٢ نوفمبر ٢٠٢٥
بصى ياملكة المعامل والتجارب.. الى عند حضرتك دا قلق اجتماعى.. وغالبا انتى مابتقدريش تشرحى قدام جروب الدفعة ولا بترتاحى لو اتسألتى فى محاضرة او سيكشن وممكن الموضوع يكون بيتطور معاكى ويعملك ضغط نفسي وانتى جوا الموقف فتلاقى دقات قلبك زادت وعرقتى واتوترتى.. والى انتى فية دا مش خوف من حد يقيمك او يقول حاجة لكن انتى مشكلتك الاساسية - ودا عرض من اعراضها - انك مابتحبيش المواجهة ولا انك تتعرضى لضغط فى اى حاجة ف حياتك.. لكن فى مشكلتنا دى بيكون احد اسبابة التربية المقفولة وخوف اهلك عليكى شويتين خلا احتكاكك قليل بالناس.. وبسبب قلة خبرتك فى التعامل مع النااس وخوفك من التقييم الى ممكن يتهز وخصوصا انك بتسعى للكمال وانتى بتتكلمى وماشاء الله بيقعد يكبر جواكى صوت بيكبر الموقف وبيحط الف حاجة والف حساب لكل حاجة عاوزة تقوليها فى حين ان الموقف ممكن يكون عادى جدا ولا حد مركز معاكى ولا حد هيتكلم عليكى ولا انتى مستنية انك تعجبى حد اصلا ولا مستنية الناس تقول عليكى كذا وكذا..
تم النشر السبت، ٢٢ نوفمبر ٢٠٢٥
مش عارفه بجد اعمل اي
تم النشر السبت، ٢٢ نوفمبر ٢٠٢٥
حضرتك ردك غريب جدا !! اه ممكن اكون ازعجت ناس غيرك بمنشوري مش شرط حضرتك وبعدين حضرتك انا عارفه حدودي وعارفه حدود الله والدليل قال تعالي ( "فَلَا جُنَاحَ عَلَيْهِمَا فِيمَا افْتَدَتْ بِهِ تِلْكَ حُدُودُ اللَّهِ فَلَا تَعْتَدُوهَا وَمَنْ يَتَعَدَّ حُدُودَ اللَّهِ فَقَدْ ظَلَمَ نَفْسَهُ". وحضرتك التعامل في العلم مش ممنوع ازاي مش مطلوب اتعامل ازاي مش عارفه انا المفروض ان التعامل في العلم مهم جدا ومش بإيدي امنعه واكيد انا مقلتش حاجه غلط في منشوري ومش خايفه حد ينتقدني واولا انا محببتش سيرة الانتقاد🙂 وكان سؤالي واضح ازاي اتعامل في الدراسه لان عندي معامل بتبقي جروبات فيها ولاد ازاي اسال الدكتور علشان بتكسف وقلت إن انا بقلق زياده عالعموم دا رأي حضرتك ومش هعرف اغيره وبحترمه جدا لكن مش لدرجة انك حضرتك تقول ضعف وقله ذوق مش فاهمه معناه لكن شكرا🙏
تم النشر الأحد، ٢٣ نوفمبر ٢٠٢٥
السلام عليكم.. أولا غير مطلوب التعامل مع الذكور الا في الضرورة .. ثانيا يعني وصل بكي الخجل انك كاتبة في سؤالك انك ازعجتينا !! هو اصلا انا داخل اقرأ اسئلة ففين الازعاج لو قرأت سؤالك ؟! ده انا مبشوفش انه ذوق واخلاق على قدر انه ضعف // المشكلة هنا هي الخوف من النقد والرفض وده سببه يا انك شخصية حساسة -وده مش عيب-أو اتعرضتي للنقد والسخرية في السابق ... وقد تتعرضي في المستقبل بدون أي سبب أو خطأ منك .. فالنقد واقع يعني واقع والحل انك قبل ما تتكلمي بدل ما تعملي عصف ذهني على رأي الشاب في كلامك اعملي عصف ذهني آخر وهو رأي الله في كلامك ومن بعدها حتى لو سخر الشاب أو انتقد فمش هيكون مهم بالنسبة لك .... اللهم ردنا اليك
تم النشر الأحد، ٢٣ نوفمبر ٢٠٢٥
شكرا للتوضيح و اسف جدا انا فهمت الموضوع بطريقة مختلفة 🙏
تم النشر السبت، ٢٢ نوفمبر ٢٠٢٥
اوك اتكلم مع البنات مفيش اي مشكله حتي انا في فن الحديث بعرف اتكلم وأرد لكن أنا مش بعرف اتكلم مع الدكتور ببقي مكسوفه جدا ولو حد من الدفعه في الجروب بتاعي ولد وسأل عن حاجه مش بعرف اتكلم بخاف باقي الولاد ياخده فكره اني بكلم ولد اللي هو بخاف علي سمعتي زياده عن اللزوم جدا علي الرغم اني ما عملتش غلط وبتكلم في حدود الادب لدرجة اني لو سالت سؤال علي جروب الدفعه بمسحه بعد ما حد يجاوب عليا مش بسبب اثر ليا دا كان قصدي كله اسفه على الإطالة وشكرا علي الكلام والنصيحه
تم النشر السبت، ٢٢ نوفمبر ٢٠٢٥
اى حاجة فى حياتنا بدايتها بتبقى تقيلة شوية لحد مانتعلمها.. وهنا هنحجم الموضوع ف انها مهارة هنحتاج نطورها ونضيف ليها.. هو دا الموضوع لا اكتر ولا اقل .. مهارة الكلام والتقديم.. فى الاول هتكون تقيلة شوية لحد مانتعود عليها ومع الوقت هتلاقى نفسك احسن.. اول حاجة لازم تدركى الموقف فى دماغك وتديلة حجمة الطبيعة لان عقلنا بيضخم اى ضغط احنا بنتعرضلة مع انة بيكون فعليا بسيط فلازم يكون فى بالك انك لما تتكلمى مع حد فبيكون لسبب معين هو عاوز منك او انتى عاوزة منة حاجة وعلية انتى مش مضطرة تفكرى كتير قبل ماتتكلمى ولا تفكرى فى خمسين رد ولا تفكرى اذا كان رد هيعجبهم او لا او هيقولو اى عليكى.. كل دا بيكون حاجز قدامك لانك عاوزة تعملى حساب لكل دا فى حين ان ممكن كل دا يخلص بكلمة تلقائية من غير اى مقدمات او انتظار نتايج... غيرتى فكرك وكلامك الداخلى ونظرتك للموضوع شكرا كدا الموضوع اتحل معاكى لانك بقيتى مدركة ومحجمة الموضوع.. لازم تبدأى تقفى قدام المراية وتتكلمى بكل ثقة قصاد نفسك وتشوفيها.. تبدأى تتكلمى وسط جروب من صحباتك.. تبدأى تتعامل مع زمايلك الولاد والدكاترة وقت الحاجة ومش عيب يكون الكلام ع القد.. كتر التعرض للموقف والتعامل مع الوقت هتلاقى نفسك اهدى اتقل والقلق بيقل واحدة واحدة.. وعامل كبير على كلامك بينك وبين نفسك هيفرق معاكى جامد.. اهتمى بشكلك اهتمى بدراستك اهتمى انك تكون احسن وبتطورى دا هيعزز ثقتك جدااا بنفسك.. حاولى تدخلى فى نشاطات جماعية ونشاطات تطوعية.. كل ماتلاقى نفسك بتخافى وتتكسفى واجهى نفسك واسأليها هو الموضوع يستاهل ؟ انا لية قلقانة..
تم النشر السبت، ٢٢ نوفمبر ٢٠٢٥
للاسف انا كمان كده 😥😥😥
تم النشر السبت، ٢٢ نوفمبر ٢٠٢٥
لعرض السؤال في فدني اضغط هنا