Asmaa Khalifa

سيبيهم. سيبيهم بمعنى انك بطلي تفكري فيهم وفي اللي حصل معاهم كفاية اللي اخدوه من وقتك وحياتك ومجهودك.... ارجعي فكري في نفسك... اشتغلي على انك تحطي أهداف لحياتك وتشتغلي عليها... لاحظى انتي بتكلمي نفسك ازاي ووقفي أي لوم او انتقاد ... دول هيفقروا كتير معاكي بس اشتغلي عليهم

ألف سلامة عليكي أولاً. ابدأي اعملي جدول يكون بسيط في الاول وبعد كده كثفيه لو تحبي .. ويكون اهدافك في الجدول محددة.. وراعي انك تحطي لنفسك مكافئات معنوية كتير ومادية شوية لما تنجزي فيها .. التشجيع بيحفز وبيساعد كتير على الاستمرار

لو حد عزيز عليك جرب انها تواجهه لكن مرة واحدة "قول له انك ملاحظ .... ليه ده حصل؟" وارد يكون في مشكلة عنده، لكن لو تكرر خلاص ابعد. ولو مش شخص مهم لك فتجاهل الموقف من البداية وكمل في حياتك وتواصل مع اشخاص آخرين

وجه تفكيرك وذهنك للتركيز على شئ آخر هدف مثلاً أو شئ ترغب في العمل عليه. او بدل الفكرة بفكرة آخرى عندما ترد ببالك بحث انها تكون فكرة محايدة او موضوعية

من رأيي مهم انك تبدأي في كتابة أهدافك اللي محتتاجة تحققيها على المدى والقريب والبعيد ومهم انها تشمل عدة جوانب يعني اهداف دراسية واهداف صحية واهداف اسرية. بعد كده قسمي كل هدف بعيد من دول لاهداف صغيرة تعمليها على مدار اليوم، ثم رتبيهم حسب رغبتك يومياً

شكرا ليكي لانك كتبتي هنا. وزي ما كنتي بالشجاعة دي انك تكتبي فانتي تقدري تروحي لمعالج او طبيب نفسي يساعدك في تخطي الصعاب اللي كتبتيها دي. ولكن من ناحية تانية خلينا نشتغل على اللحظة دي ونقبل باللي حصل لغاية كده وبعد كده ابدأي اشتغلي على المتاح انك تعمليه دلوقتي ، ذاكري اللي تقدري عليه كل يوم. بس اعتقد انك محتاجة تكتسبي بعض المهارات اللي تساعدك انك تتعاملي مع المشكلات والاشخاص اللي حواليكي بالاضافة لتقليل القلق والتوتر وتنظيم النوم وده هيتم في العلاج النفسي.

مهم معرف هل ظهر الارق مع مشكلة مرضية معينة او تناول أدوية أو وجود بعض المشكلات الشخصية، لان هيساعد في معرفة البداية وبالتالي العلاج. في حالة عدم مصاحبة مشكلات عضوية او تناول أدوية أخرى بيبقى مهم وضع روتين يومي يساعد على تنظيم النوم، زي الاستيقاظ والنوم في مواعيد ثابتة، وضع روتين قرب موعد النوم يساعد على تهدئة الجسم مثل القراءة، أو سماع الموسيقى او القرآن، الامتناع عن تناول الكفايين بأنواعه، تناول اللبن والدافئ والعسل، إظلام الغرفة عند النوم، مراعاة الهدوء في المكان أو الكتابة والمحافظة عليه لفترة

لو لاحظتى ان الحالةالمزاجية مش كويسة، أو في فقدان في الاستمتاع بالحاجات اللي كنتي بتتبسطي بيها عادة، أو اضطرابات في النوم أو الشهية، او شعور بالاجهاد بدون القيام بمجهود يستدعي ذلك، او صعوبة في التركيز واتخاذ القرارات عن الاول، أو أفكار السلبية المتكررة والانتحارية أو ايذاء الذات، وان اللي حسيتي بيه من دول بدأ يأثر على مهامك اليومية من دراسة أو شغل يبقى مهم التوجه لمعالج نفسي. وبالتأكيد الافضل عدم انتظار تراكم الاعراض او زيادة شدتها، الافضل الاستعانة مبكراً بالاستشارة النفسية

لو شايف انك مش هتذاكر كويس "وخايف متلتزمش ومستسهر" على حد كلامك يبقى الافضل خليك في الدروس لانها هتكون مصدر تشجيع وتدعيم لك. بالنسبة للجزء الثاني اعمل ليست بالحاجات اللي محتاجة تبطلها، وحاول تحط بدايل للتصرفات دي بس اشتغل على حاجة واحدة كل مرة. واعتقد انك محتاج تركز على طريقة كلامك مع نفسك ووقف اللوم والنقد لو فيه .... دي بالذات هتفرق جدا معاك

بالتأكيد انتي مش مضطرة انك تعدلي أو تغيري وجهة نظر أي حد عنك. ولو حاولتي تعملي ده هتضيعي وقتك على الفاضي بدون نتيجة تذكري القول المأثور " رضا الناس غاية لا تدرك ورضا الله غاية لا تترك". كويس وجميل منك انك مش بتنقلي الكلام، ولا تشاركي فيه. اعملي التصرف الصحيح اللي يخليكي راضية عن نفسك ويرضي ربنا وبعد كده متهتميش بوجهة نظرهم عنك خالص.

يبقى الافضل انك تقوم بزيارة طبيب او معالج نفسي

قم بزيارة طبيب نفسي

عفواً :)