Asmaa Saraya

غيري نفسك غيري البيئه اللي انتي قاعده فيها دي اول حاجه اقعدي مع نفسك وشوفي ايه اللي وصلك لكده طيب ده ليه حل اه اكيد ليه حل كل حاجه ليها حل بس انتي محتاجه تقعدي مع نفسك ترتبي افاكرك لو أشخاص سامين في حياتك ابعدي عنهم لو مشكله فكري فيها انتي حياتك مهمه متفكريش بطريقه دي ابدا وخلي عندك يقين وصبر قومي اتوضي وصلي صلاه قضاء حاجه وادعي كتير خلصي وافتحي مصحفك واقراي البقره وبعدها هاتي النوت بتاعتك وابدا رتبي أفكارك براحه وان شاء الله هتلاقي حل لكل حاجه بعد كده ابدأي انك تغيري كل حاجه يعني اوضتك غيري فيها وفي شكلها وفي نظامها غيري في نفسك ابدأي اتعلمي حاجات جديده اعملي حاجات انتي كنتي ماجلها اخرجي وشمي هواء خليكي واثقه في نفسك اكتر غيري كل حاجه مديقاكي أو ممكن تغير من نفسيتك لو الموضوع كبير لازم تتواصلي مع أخصائي نفسي انتي تستاهلي حياه كويسه تستاهلي انك تكوني مبسوطه في حياتك اعرفي ان كل حاجه بتعدي واي مشكله ليها حل كلنا جنبك وان شاء الله كل حاجه تبقى كويسه

انا برضو بعاني من نفس المشكله وصحابي كلهم يسافروا وكل ما اكلم حد نخرج يقولي مش فاضي ومعرفش اي واقول ليهم في البيت عايزه اخرج يقوليلي انزلي البلد ومليش اخوات ولا قرايب وصحابي كلهم ساكنين في مناطق بعيده عن المنطقه اللي انا ساكنه فيها فمش هعرف اقابلهم وبجد اتخنقت اوي خصوصا ان انا قاعده لوحدي على طول فليه اللي ممكن اعمله واغير مودي وفي نفس الوقت علشان لما نبدأ مكنش فاقده شغفي زهقانه يعني فقعدت مع نفسي كده وفكرت وعملت كام حاجه عسوله وان شاء الله تعجبك اول حاجه جبت ورق وكتبت فيه حجات مختلفه زي مثلا حاجات نفسي اعملها اي حاجه أو أي حاجه ماجلها من فتره وفي حاجات كنت كتبها وانا بمتحن يعني اعملها في الاجازه كده يعني ا اي حاجه انتي نفسك تعمليها حاجات بسيطه يعني زي مثلا اتفرج علي فيلم اتعرض في السنه اللي اتولدت فيها ازرع نبات انا بحبه اروق المكتبه بتاعتي اكتب رساله لنفسي في المستقبل اعمل اكله وانا اصلا مبعرفش اطبخ اركب عجل اعمل طياره ورق وحاجات كده يعني عبيطه اوي بس انا بحبها انتي بقي شوفي الحاجات اللي انتي بتحبيها ار نفسك تعمليها واكتبيها في ورق وحطيه في برطمان وكل يوم اختاري ورقه اوك تاني حاجه بقي متنميش النهار كله وتصحي الليل كله والهبل ده خالص نامي عادي في الأوقات الطبيعيه يعني تالت حاجه خفي من استخدام الموبيل والسوشال ميديا عامه رابع حاجه بقي انتي بتقولي انتي بتحبي الرسم ودي حاجه تحفه جدا كل يوم ارسمي رسمه مختلفه اوي يعني كل فتره اعملي لنفسك عدد من رسمات خلال فتره معينه يعني مثلا قبل ما ابدا دروس تالته ثانوي انا هكون رسمت عشر رسومات وهكذا برضو في القراءه انا هقراء عدد معين خلال الفتره دي خامس حاجه بقي انزلي كل يوم روحي اي حته لو حتى نفس المكان بس اعملي حاجه جديده يعني مثلا انا ساكنه حرفيا في صحراء مفيش ولا بحر ولا كورنيش حتى فكل يوم او الصراحه كل فتره يعني بنزل اتمشى شويه الف لفه كده واروح اقعد في مكان معين بعمل كل مره حاجه مختلفه مره اخد معايا روايه أو كتاب واقعد اقرا فيها مره اخد النوت بتاعتي واقعد اكتب فيها مره اكون بتكلم في الفون مره أتصور واقعد اصور في المكان مره اقعد اكل مره اراقب في الطريق ومره اقعد كده وخلاص وكده يعني وده كله لوحدي سادس حاجه بقي اتعلمي كل يوم حاجه يعني مثلا انهارده اتعلمي كلمه باكتر من لغه بكره اسمعي بودكاست انجلش اي حاجه بسيطه وفي نفس الوقت تسليكي برضو سابع حاجه بقي احفظي قرآن ودي حاجه حلوه جدا وهتساعد ان دماغك تبقى شغاله بحيث لما تبدأي دراسه متكونش في مرحله خمول اوي وتاخد منك وقت كبير تامن حاجه اسمعي كل يوم درس سيره أو بودكاست في العموم يعني تاسع حاجه بقي اعملي كل يوم حاجه مختلفه في شكل اوضتك يعني مره غيري ديكور الاوضه معرفش اي اي حاجه بحيث تجددي شويه فيها فاهماني عاشر حاجه بقي متحطيش تالته دلوقتي في دماغك واستمتعي بالكام يوم دول على قد ما تقدري اوك متحطيش في دماغك حوار الحجز والحوار ده علشان ملوش اي لازمه ولو انتو عندكوا يعني لازم تحجزي يبقى انزلي في يوم احجزي كل حاجه وخلاص كتغير جو يعني

انتي مفكيش اي عيوب ولا اي مشكله علشان تغيرها اصلا وموضوع ان ميبقاش عندك صحاب وكده ده طبيعي جدا والطبيعي اكتر ان ميكنوش نفس دماغك فده كله عادي وبمره تتعرفي على ناس ويبقى صحابك بس وانتي بتعملي كل حاجه متحطيش في دماغك انك عايزه صحاب لا اعملي الحاجه علشان انتي حبها وجربي كل حاجه عادي مش شرط يبقى في صحاب معاكي في كل حاجه انتي تواصلي مع صحابك اللي كنتي معاهم عادي جدا وتعرفي على صحابك اللي هنا برضو وحاولي تقريبي اكتر يمكن وانصحك نصيحه حلوه ممكن لو ينفع أو لو عندك وقت تشتغلي بجد ده هيشغل وقتك وهتتعرفي على ناس اكتر واحسن مليون مره او شوفي ايه هواياتك مثلا واشتركي في اي كورس ينمي الهوايه دي وهناك هتتعرفي على ناس كتير اوي أو لو في حاجه حابه تتعلميها أو كده يعني وعيشي حياتك عادي فوكي كده الدنيا مش مستهله مش لازم يبقى في صحاب أو ناس شبهك علشان تجربي حاجه معينه او تعمليها او تحكي حاجه طالما هما مش شبهك أو نفس الدماغ أو مش لازم صحابك يبقوا من الجامعه بردو ممكن يبقى عندك صحاب من أماكن تانيه واحسن بكتير ولو انتي بتزهقي من القعده ومش عايزه تشتغلي هقولك على حاجه عملتها وتحفه اوي علشان انا برضو زيك بكره القعده هتجيبي ورقه مثلا واكتبي كل الحاجات اللي نفسك تعمليها أو الأماكن اللي نفسك تزوريها أو حاجات ملهاش علاقة ببعض اصلا وكل يوم اعملي حاجه معينه انا كنت عايزه اشغل وقتي كتبت كل حاجه نفسي اتعلمها هويات مثلا وبقيت كل فتره كده تجرب حاجه ولوحدي عادي وكل متجربي حاجه هتتعرفي على ناس أكتر وتحبي اللي بتعمله بس شلي من دماغك انك رايحه المكان ده علشان تتعرفي على ناس أو صحاب لا انتي رايحه علشان تعملي حاجه معينه فهماني وواحده واحده هيجوا عادي وانتي مش لوحدك وصدقيني لو شلتي بس من دماغك ان المشكله فيكي هترتاحي انتي مفكيش عيب ومش هتفضلي لوحدك كتير علشان في نفس الوقت اللي انتي بتقولي نفسي في صحابه في واحده برضو بتقول نفسي في حد شبهي عيشي حياتك وانبسطي وربنا يعوضك خير كتير اوي ويفرحك يارب

دايما الخير في ما اختاره الله لنا انتي اه مذاكرتش ومعملتيش اللي عليكي بس في قدامك فرصه اهو ربنا اخترلك كليه معينه وحاجه معينه وانتي بجد شاطره لو ركزتي شويه بس ذاكرتي نص مذاكره بس هتجيبي تقديرات كويسه اوي فكره انك تعيدي ومتقعديش والكلام ده انتي اللي تقريره مقدرش اقولك حاجه عليه بس ليه تضيعي سنتين من عمرك وبدل متنقذي نفسك تدهوريها اكتر ليه مثلا متجبيش انك تحبي الكليه وعلى فكره دي كليه حلوه جدا واحسن بكتير من تربيه رياضيه وفي فرصه انك هتزاكري وتجيبي تقديرات وتبقى حاجه بدل متقعدي تندبي في حظك وتندمي الفكره مش طب ولا هندسه كل الكليات مهمه وليها مستقبل مش كلنا هنبقي دكاتره ومهندسين ممكن تدخلي عادي جدا بس متبقيش ناجحه فيها اشتغلي على نفسك وتطبطي عليها ادي نفسك فرصه تانيه في الترم ده وارمي كل اللي فات وراه ضهرك وكان مفيش حاجه حصلت وقومي كده واثبتي نفسك وركزي في كليتك وانك تجيبي تقدير كويس ولو أمكن انزلي اشتغلي أو اتعلمي حاجات تانيه بجانب الدراسه في اي مجال تحبيه وهتتعلمي حاجات كتير اوي بجد وعلى فكره مامتك لما تشوفك فرحانه هتفرح لك متندميش علشان ندمك ده مش هيغير حاجه غير انو يدمرك اكتر انتي هتبقى مبسوطه لما تدمري اقفى على رجلك وانقذي نفسك علشان الوقت بيجري بيكي رتبي أفكارك وشوفي هتعملي اي وربنا معاكي ويوفقك ويدلك على الطريق اللي فيه خير ليكي

اتعلم حاجات جديده وكتير في نفس مجالك وغير مجالك برضو ركز في مذاكرتك اكتر وحاول تحط لنفسك هدف وتقدير ودرجات معينه وتوصلها ممكن لو في وقت تنزل تشتغل اي حاجه تنفع جنب الدراسه منه هتغير مودك ومنه هتتعرف على ناس جديده وتشوف الحياه العمليه برضو واكيد الحياه العمليه غير الدراسه تماما وكمان ممكن تتعلم حاجه جديده لغه بقي موهبه حاجه دينيه اللي تحبه. بالنسبه لصحاب هقولك على مثال بسيط جدا انا كنت ساكنه في بلد ونقلت لبلد تانيه وكنت لسه صغير لما نقلت للبلد التانيه قعدت حوالي خمس سنين ويمكن اكتر مليش صحاب سنتين منهم مليش صحاب خالص ومفيش حد راضي يتكلم معايا والباقي كانوا مجرد زمايل بس بحكم اني نقلت من المرحله اللي فيها وكده لما اتصارحت مع نفسي اكتشفت ان العيب مش فيا ولا اي واني لازم اكون صحبه لنفسي الأول وده اللي حصل فعلا صاحبه نفسي واخواتي اوي لدرجه ان كل حاجه كنت بعملها كنت بدبسهم فيها وفعلا احسن صديق ليك بعد نفسك هما اخواتك ومن سنه كده تعبت جامد وتنقلت المستشفى انا كنت متوقعه ان محدش هيسأل عليا ماهما مش صحابي بقي لقيت ان كل الزمايل اللي كنت بقول عليهم جنبي ولحد دلوقتى جنبي وبيدعموني كنت مفكره ان عمر مايبقى ليا أصحاب بس هما فعلا مبقوش صحاب هما بقوا اخوات مضيعش وقتك في الزعل ان ملكش صحاب لان ممكن الناس اللي كنت مفكرهم صحابك يطلعوا ازبل ناس والعكس اللي كنت مفكرهم زمايل يطلعوا اخوات فكر بس في نفسك وحاول تتعرف عليهم اكتر وخليك انت الشخص اللي كنت تتمنى انو يكون صاحبك فاهمني وقرب من اخواتك وصاحبهم لو عندك اخوات يعني لو معندكش قرب من أهلك وقرب من نفسك اكتر واتبسطي بحياتك بجد علشان هتندم وصدقني ربنا دايما بيختار الصح لينا بس احنا مبنفهمش وزي مقلتلك منضيعش وقت واشتغل على نفسك اكتر وربنا معاك ويوفقك

انك تحاول ده لوحده كفايه حاول ترتب أولوياتك كده الأول واول حاجه ابدا بيها وهي الصلاه ممكن تعمل جدول عادي وعلى كل صلاه تصليها مكافأة ليك ممكن حاجه انت بتحبها اي حاجه بقى حاول تذكر ربنا كتير وده يساعدك وادعي كتير اوي ممكن تلصق على الحيطه بتاعه اوضتك استيكر كده فيها ادعيه وذكر وحاجات كده اعمل مكان معين للصلاه يعني مثلا المكان اللي بتصلي فيه في اوضتك تحط فيه مصليه اشتري مصليه ومصحف حلوين كده وافرش المصليه في المكان ده والزق على الحيطه دي ادعيه وايات قرانيه وحاجات كده وجيب شريط زينه لونه اصفر كده وحطه على الحيطه دي وكده يعين وممكن تشوف افكار على النت تاني حاجه انت بتقول ان عندك اخوات قرب منهم وأخرج معاهم واقعد معاهم اكتر ممكن تنزلوا في يوم بما ان احنا في رمضان ممكن مثلا تنزلوا وتفطروا بره وبعد كده تصلوا الترويح في المسجد وبما انتو اولاد ممكن تنزلو كلكلوا حجز كوره مع بعض وخرجات الاولاد دي بقي حاول الكام يوم دول تقرب من ربنا يمكن تبلغ ليله القدر لسه قدامك فرصه اهو وكل يوم ربنا بيديك فرصه شوف اي اكتر حاجه بتحبها واعملها بالنسبة بقي للمذكره احنا حرفيا كلنا فاقدين الشغف بس بنحاول، قوم كده زي الشاطر زاكر محدش هينفعك غير مستقبلك وابدا والله هتلاقي الدينا سهله قسم دنيتك ولما تخلص المطلوب منك كافئ نفسك بحاجه بتحبها بالنسبة للبنت اللي بتحبها والحوار ده ركز دلوقتي في مستقبلك وبعدين حوار الارتباط ده هتنسى عادي انت لسه في اول حياتك ولو ليكوا نصيب مع بعض هتجتمعوا وسيبك خالص من حوار الارتباط وركز في مستقبلك وابدا ابدا اي حاجه المهم تبدأ اي حاجه ابدا مستناش الوقت المناسب هضيع قوم كده من مكانك وشوف هتعمل اي واعمل اي حاجه واتمرن بقي اي حاجة لو حتى تتمشى كل يوم نص ساعه حتى وابعد عن السوشيال ميديا خد اجازه فتره كده اخر حاجه انك بتتوتر وكده لازم تكون واثق في نفسك خليك كده واثق يعني هما هيعملولك اي ولا اي حاجه امشي كده وانت واثق ولا كأن في حاجه ولا توتر نفسك تولع الناس كلها وحاول تتحكم في الحوار ده ومتعضش صوابعك دي خالص ولا تيجي جنبها وحاول لما تلاقي نفسك متوتر تعمل تمارين تنفس كده واهتم بنفسك ثم نفسك ثم نفسك وحبها اوي وقرب من أهلك وبس كده ابدا دلوقتي ربنا معاك ويوفقك

اولا شيل خالص فكرت الانتحار من دماغك تمام شلتها هعمل ايه بقي هبدأ أقرب من ربنا اكتر اصلي قيام ليل ونفل اقراء ازاكر لساني على طول بيذكر ربنا ويستغفر ادعي كتير وقيام ليل ده اهم حاجه ركعتين بس في آخر الليل هتلاقي حياتك كلها اتغيرت تمام عملت كده اللي بعده بقي أسعى اني ابقى كويس ومبسوط اجرب حجات جديده اخرج في أماكن جديده اتمشى وروح أماكن وأخرج واشم هوا نظيف واغامر واعيش حياتي اغير ديكور الاوضه كله واعمل حاجه مختلفه فيها اوك عملت كده ايه تاني شوف اهي اكتر حاجه وانت بتعملها كنت مبسوط واعملها الحجات اللي كنت بتحبها مواهبك يعني مثلا لو بتحب القراء أو كنت بتقراء اشتري كتب واعمل مكتبه في اوضتك واقراء أو كنت بتعمل حاجه معينه اعملها وهكذا تمتم ايه تاني بقي بطل تحبس نفسك بين أربع حيطان وتقول انا فاشل انا كذا وكذا ومعرفش ايه والكلام ده اخرج من اللي انت فيه ده شوف مين صاحبك اللي بتحبه أو الشخص اللي بتحبه وكلمه وأخرج معاه روحوا مطعم مثلا واطلب اكتر حاجه بتحبها وعود نفسك كل يوم تعمل حاجه مختلفه وحلوه وتتبسط بيها انشر السعاده وخلي كل اللي حوليك مبسوطين تمام عملت كده اعمل ايه بقي علشان اتبت اني مش فاشل وأثبت نفسي احنا مش بين يوم وليله هنصحي نلاقي نفسنا وصلنا القمر بمعنى انك علشان ووصل ده محتاج انك تسعى اوي اوي ومتزهقش وكفايه انك تحاول ربنا مش هيسالك على النتيجه هيسالك على سعيك لو كنت مخلص دراسه وبتشتغل اثبت نفسك في شغلك واعمل اللي عليك لو شغلك مش احسن حاجه دور على شغل تاني واتعلم حاجات كتير انا عايشين علشان نتعلم اصلا واستفاد من غيرك وتجارب غيرك واتعلم حاجات جديده بجانب شغلك واشتغل على نفسك أوي هتتعب اه وهتحانل كتير وهتفشل وهتقع وهتحاول تاني بس هتوصل اتعرف على ناس كويسه يحبوك ابعد واتجنب ما يوذيك اخير وليس اخرا اهلك حاول تقرب منهم هما اكيد بيحبك بس في ناس مبتعرفش تعبر عن مشاعرها خليك انت الشخص الكويس اللي اي حد يتمانه في حياته تمام كده دي الحاجات اللي يعني اقدر افيدك بيها نجي بقي لحوار انك عندك مشاكل صحيه اولا ربنا يشفيك ويعافيك يارب تانيا احمد ربنا كتير اوي لعل ده سبب في دخولك الجنه وربنا دايما بيدي كل واحد على قد تحمله مش هتكلم في حوار الصحه اوي علشان انا نفسي عندي نفس المشكله فربنا يارب يشفي كل مريض نيجي بقي بنقطه الاهل هحاول تقرب انت ورينا يارب يقربكوا لبعض وابدا انت يمكن ربنا يصلح الحال مش هتكلم في النقطه دي برضو كتير نيجي بقي بنقطه ان مفيش واحده هترضي بيا والكلام ده شيله اصلا من دماغك لان ان هتبقى كويس وزي الفل وفي الف واحده تتمناك واكيد ربنا يرزقك ببنت الحلال اللي تسعدك نيجي بقي لانك نفسك تبقى اب والحوار ده اولا هو هيبقي اسعد طفل علشان باباه بيفكر فيه من قبل ميشوفه حتى وانت هتبقى اب تحفه انك تعترف بمشكلتك وتكون عايز تحلها علشان ابنك بس فدى حاجه تحفه اوي انت بتقول معرفش الاب بيعمل ايه وكده هقولك ان دي حاجه تلقائيه بمعنى انك مش هتعرف الحاجه دي غير لما اعشخا هتلاقي الموقف نفسه هو اللي بيفرض نفسه بس اهم حاجه انك تديه الحب اللي في الدنيا كلها وتكون احن حد عليه وتصاحبه واي حاجه انت كان نفسك باباك يعملها معاك أو انت تعملها في حياتك اعملها معاه واديه وقتك كله بالنسبه العصبيه لما انت عصبي اوي حاول تهدي الحوار ده وتاخذه بهدؤ وصدقني انت اصلا عمرك هتتعصب عليه أو على حد بتحبيه اوي وانت برضو هحاول تخفف وتشوف حل للحوار ده وممكن برضو العصبيه دي نتيجه حاجه معينه كده يعتبر جبت كل حاجه تقريبا اخر حاجه بقي حاول تجيب دفتر ومذاكرات وتكتب فيه كل يوم من يومك واي شعورك واي أهدافك وهكذا كل يوم آخر حاجه انت شخص تستاهل انك تبقى احسن مبسوط وسعيد في حياتك فاسعي لحاجه دي متجيش على نفسك واحضنها وطبطب عليها انت مش فاشل ولا حاجه انت مشكلتك مش واثق في نفسك ولا عارف قيمتها مش عارف تبدأ من فين ولا ازاي ودي حاجه انت اللي لازم تحلها حياتك دي مره واحده عيشاها كويس ومضيعش ايامك وكل حاجه انت جربتها افتخر فيها حتى لو فشلت علشان انت سعيت وعمان المطلوب منك واعرف ان الحياه مش كلها سعادي وهنا وجمال لا هيبقي في مشاكل وحاجات كتير بس هتعدي بوجود ناس بحبهم وبيحبونا هتعدي واحنا واثقين في ربنا وحكمه وان ربنا بيديك ده لحكه معينه اي هي الله اعلم بقي انت قدها متيسيش وخليك جامد واثق وربنا معاك ويوفقك في حياتك وبس كده طولت اوفر بجد بس يارب اكون عرفت افيدك لو بحاجه صغيره مستنيه تفتكر الايام دي في حياتك وتضحك عليها وتقول ان انا قولتلك انك هتبقى اب وزوج عظيم وفعلا بقيت كده فعلا متخفيش واطمن ومتصدقش مقوله فاقد الشئ لا يعطيه علشان بجد فاقد الشئ يعطيه بشده

انا مش حد كبير انا نفس السن برضو وكان عندي نفس المشكله أو يعتبر لسه عندي بس بحاول ركزت اوي في دراستي ولسه بركز علشان يعتبر ده الوقت اللي احنا بنثيبت نفسنا فيه قربت من ربنا اكتر في حجات معينه بحاول احافظ عليها زي الاذكار وذكر والقيام والنفل والحاجات دي حاولت اخد خطوه في لبسي وحجابي وكده وعملت بلوك لكل الناس الموذيه واللي بتكرهني اتعرفت علي ناس اكبر مني ونسيت كل حاجه غلط انا عملتها بحاول اكتشف مواهبي والحمد لله لقيت بعرف اعمل حاجات كتير بتكلم مع ناس اكبر مني كتير وبحاول اعرف هما وقعوا في ايه واتصرف ازاي في الحاجات دي بحاول أقرب من عليتي اكتر بقيت بهتم بنفسي وصحتي واتمشى واعمل اللي كنت عايزاه وباجله عارفه انك عايز نصيحه مش احكي قصه حياتي يعني بس انا بقولك لو قعدت مستني كده عمرك هيعدي قوم كده من مكانك وبص حوليك حدد أولوياتك وهادفك والحاجات اللي عايز تعملها وقوم وابدا متستانش الوقت المناسب يجي وابدا في انك تحب نفسك وتعرف قيمتها كويس وبعد كده اتجنب الناس المؤذية اللي في حياتك اللي بيحاولوا يحبطوك أو ياثروا عليك قرب من ربنا اكتر وحسن علاقتك مع ربنا وعلاقتكم مع اهلك وابعد عن السوشيل ميديا والموبيل وركز ثم ركز ثم ركز في دراستك ركز اوي فيها وعود نفسك كل يوم تتعلم حاجه جديده واكتب أهدافك واحلامك وكل حاجه نفسك تعملها وابدا هتبدأ بايه وازاي ده انت اللي هتحدده واعمل دايما على انك تبقى مبسوط وسعيد في حياتك وبس كده ده اللي اقدر افيدك بيه وربنا معاك ويوفقك في حياتك

ملزق ومش طيقاه خليكي صريحه وقوليلوا مش عايزه اعرفك تاني وياريت تعملي بلوك و متكلمش حد من صحابي واعملي بلوك وانهي العلاقه ولو دخل لحد من صحابك خليهم يعملوا ليه بلوك

مش شرط التأسيس اصلا الانجلش محتاج حفظ كلمات كتير بس احفظي كلمات كتير على قد ما تقدري احفظي اعملي كل يوم ساعه تذكري فيها انجلش قسميها ربع ساعه انك تسمعي فيها نطق الكلمات أو بودكاست انجلش كده وربع ساعه كلام ونص ساعه حفظ كلمات جديده وعملي كده كل يوم مع الوقت هتلاقي فرق كبير ووزمري المنهج بتاعك وبس كمان لو انتي عايزه تتاسيسي هتلاقي فديوهات كتير على اليوتيوب تأسيس فافي حاجات كتير أو يبس انتي اهم حاجه تواظبي عليها كل يوم يوم ما متلقيش حاجه خالص احفظي كل يوم عشر كلمات حتى وبس كده

عفوا +انا معملتش حاجه اصلا مبسوطه اني قدرت افيدك بجد وربنا يوفقك في حياتك

لاهو مش مجرد كلام وخلاص وبجد طول ما انت حاطط الفكره دي في دماغك انت كده بتاذي نفسك وطول ما انت قاعد بين أربع حيطان ده كده هيخليك مضايق ومكتئب اكتر مفيش حاجه اسمها انا مش عايز الدنيا وانا معرفش اي ده مش بمزاجك اصلا انت ليه مصمم تفكر في ازاي تنهي حياتك لما انت عندك الفرصه انك تبدأ من جديد وتحاول انت ليه فاقد شغفك كله في حين أن عندك فرصه كل يوم جرب تبدأ وتدي نفسك فرصه كده ليه مش عايز تدي نفسك فرصه الحياه لسه قدامك لسه في فرص استغلاها علشان هتندم مفيش حاجه اسمها طريقه موت سهله كلو هيوجع هتندم ليه ده كله لما ممكن اخرج من اللي انا فيه في حاجات كتير ممكن تعملها انت أقوى من كده وربنا بيدي مل واحد على قد صبره عارفه ومتاكده انك بتمر بظروف صعبه وتعبت اوي ومدمر جسديا ونفسيا وياس من كل حاجه ولا مش هتفكر كده بس أو قمت من مكانك وديت نفسك فرصه هتخسر حاجه جرب تروح لدكتور احسن حاول تستبدل العلاج لو ينفع مش عايزه كده إحباط وزعل على حاجه في الماضي لو فكرت فيها اصلا مش هترجع ولا هتتغير فكر في النهارده بس لا في بكره ولا بعده فكر في حياتك انهارده كان ده اخر يوم في حياتك مش هتعيش تاني جرب تعيش على حاجه واحده انك تبقى مبسوط وسعيد ابدا من دلوقتي مضيعش عمرك كله في قعده بين أربع حيطان قوم انت قوي من كده وبجد حاول تبدأ ان تعمل اي حاجه واوعدني انك متفكرش في موضوع الانتحار ده خالص وهتبدا بجد علشان نفسك نفسك تستاهل انها تعيش مبسوطه

عفوا.. فهماكي في العموم وعارفه بجد انك مدايقه من الحوار وكده بس انتي اعملي اللي عليكي واستحملي وخليكي داعم ليه وحاولي على قد تقدري تعملي الحجات اللي بيحبها تعرفيه بطريقه غير مباشره انك بتزعقلي لما يعاملك كده وتفكي كده وفرفشي مفيش حاجه تستاهل زعلك وهي فتره صعبه ولكن هتعدي هي محتاجه شويه صبر وهتعدي على خير ان شاء الله ربنا يوفقك ويقوم بالسلامه ان شاء الله

مش كل الناس هتتمني ليكي الخير صلى استخاره الأول ولو خير خدي الخطوه طالما شايفه انو شخص محترم دي فرصه والفرصه اللي بضيع احتمال مترجعش لو على الحماس اللي ضاع فده طبيعي جدا علشان بس هما قفلوقي من الحوار مش اكتر وحماسك هيرجع واحد واحده عادي لو انتي وعيلتك شايفين الموضوع كويس وانك مش صغيره ولا لسه بدري والكلام ده خدي الخطوه وحاولي تعرفي هما صحاب كويسين بجد ولا لا وكد كده انتي مش هتتجوز بكره لسه قدامك وقت ولسه خطوبه ووقت تتعرفي فيه عليه وتاخذي وقتك في التفكير

عايزه تعلميه الأدب مفيش غير حل واحد التجاهل لما تشفيه ولا كانك تعرفيه كانه هو قدامك هواء بيني انك قويه حتى لو انتي ضعيفه بس اوعي تبني ضعفك قدامه وركزي في دراستك اوي وثبتي نفسك واثبتي انو هو ولا فارق معاكي واضحكي وهزري ولا تكلميه ولا تعاتبي انتي تستاهلي واحد احسن منه مليون مره تستاهلي واحد يشيللك في عينه وقلبه يخاف عليكي بجد ويديكي كل الحب اللي في الدنيا قربي من ربنا اكتر وادعي دايما وانتي قويه اوي وهتنسي ومتفكريش فيه خالص وشغلي نفسك على طول بدراستك وانك تطوري نفسك وهتلاقي نفسك نستيه خالص وهيجي العوض اللي ينسكي كل الوحش اللي في الدنيا محدش يستاهل تزعلي نفسك علشانه

في الأوقات اللي الواحد بيقي تعبان فيها مبقاش في حاله نفسيه كويسه اوي هو ممكن يكون مضايق من اللي هو فيه القعده بس في البيت كده بتخنق وعلشان كده لازم تكوني جنبه وتدعميه وتحسسيه بحبك واهتمامك وكمان وتحسسيه ان وجوده في حياتك مهم وان اللي هو فهي مضايقك وان عدم موجوده ده مضيق متخبيش زعلك عليه وخليكي جنبه وهو ممكن يكون بيمر بحاجات تانيه مش حابب انو يضايقك أو يزعلك علشان كده ادعميه بطريقه غير مباشره ولو قالك سبيني ومعرفش اي متسيبهوش خليكي معاه بس حاولي تخفيفي عنه وتفتحي مواضيع تانيه وبعد كده يبقى اتكلمي معاه عارفه انو لو الدنيا كلها جت عليه أنت معاه وحسسيه باهتمام خيكي جنبه وممكن لو ينفع تروحي تزريه انتي وعيلتك وتاخديله حاجه هو بيحبها مثلا وشركيه تفاصيلك وكده يعني بس متسيبهوش لوحده بجد علشان هو محتاج لوجودك معاه حتى لو بيقولك العكس وخلي عندك صبر كده وربنا معاكي