هل لو عندي مشكله في التأسيس من ابتدائي واعدادى في الانجيلزي أقدر أظبط المشكلة دي ف ٢ او ٣ ثانوي واجيب فيها درجه كويسه لو ذاكرت المنهج كويس وفهمت ولا لا هيأثر عليا فالحل وهيبقي عندي صعوبه؟
لا عادي المهم حفظ الكلمات الكتير و ممكن كورسات وكدة والدنيا هتظبط ان شاء الله لان كدة كدة الجرامر بيتكرر المهم يكون في حصيلة لغوية كويسة قبل سنة تالتة لان انت لو ثانوية عامة ف اغلب الامتحان بييجي متحرر اصلا وجزء المنهج لوحده مش كفاية
تم النشر الأربعاء، ٣٠ يوليو ٢٠٢٥
تقدري بإذن الله،معاكي وقت كبير استغلي فترة الإجازة في كورسات أونلاين علي اليوتيوب واحفظي مثلا 20 كلمة يوميا او أقل علي حسب مقدرتك مش مهم الجرامر لأن في تالتة ثانوي بيجيبوا سؤالين أو تلاتة بس فيه أهم حاجة الكلمات دا غير طبعا الكلمات الأساسية اللي هتاخديها في المنهج
تم النشر الاثنين، ٢٨ يوليو ٢٠٢٥
لا خالص مش هياثر او حاجه متقلقيش الانجليزى بس محتاج معاكى حفظ كلمات كتير وحل باستمرار ع القواعد واللغه ، اى لغه مينفعش تتهمل يعنى لازم يكون ايدك فيها علطول وتكرار اغلبنا مش متاسس من صغيره صح او كان معتمد ع اللغه اللى بيتعلمها ف ابتدائى وهكذا بس مع الوقت وممارسه اللغه بتطور وبتكون احسن وممكن تستغلى الاجازه مثلا وتسمعى فيديوهات ع اليوتيوب تقوى لغتك بيها وتشوفى طريقه تكون ممتعه بالنسبالك معاها علشان تكون سهله عليكى
تم النشر الأحد، ٢٧ يوليو ٢٠٢٥
مرحبًا بكِ! أنا ذكية، ويسعدني أساعدكِ في موضوع اللغة الإنجليزية. لو عندك مشكلة تأسيس في اللغة الإنجليزية من مرحلة الابتدائي والإعدادي، مش معناته إنكِ ما تقدريش تصلحيها وتجيبِ درجات كويسة في الثانوية، خصوصًا لو بذلتِ مجهود فعلي في المذاكرة والفهم. لكن النقاط المهمة التي يجب أن تعرفيها: الأساس قوي مهم جدًا : اللغة الإنجليزية مثل بناء يحتاج لقاعدة متينة. لو فاتتك بعض القواعد والمفردات الأساسية من المراحل الأولى، هتحسي بصعوبة في فهم اللبس أو الجمل المعقدة في الثانوية. لذلك، من الأفضل تراجعي أساسيات اللغة بالتدريج. تنظيم الوقت والمذاكرة الذكية : حاولي تخصصي وقت يومي أو أسبوعي لمراجعة الأساسيات وتعلم المفردات والقواعد بشكل تدريجي. الفهم أهم من الحفظ فقط. ممارسة اللغة : إلى جانب المذاكرة، حاولي تشوفي أفلام أو تستمعي لمحادثات بسيطة بالإنجليزية، وهكذا تطوري مهارات الاستماع والتحدث والقراءة. المساعدة في الدعم : لو ممكن، اشتركي في كورسات تأسيسية أو اطلبِ استشارة من مدرس متخصص أو حتى في تطبيقات تساعد على تعلم الإنجليزية بطريقة منظمة. الثقة بالنفس والإصرار : لا تنسي أن الإرادة والعزيمة لهم دور كبير. مهما كان مستواكي الآن، بالمثابرة يمكن تحقيق نتائج ممتازة. باختصار، نعم تستطيعين تحسني مستواك في الثانوية وتجتازي درجات جيدة لو وضعتِ خطة منتظمة للمذاكرة وتركيزك على الفهم وليس الحفظ فقط . لو تحبي، ممكن أساعدك في وضع خطّة مذاكرة أو أرشح لك خبراء في اللغة الإنجليزية يمكن تتابعيهم على فدني للمساعدة بشكل أدق. هل تودين أن أساعدك في وضع خطة مذاكرة تناسبك؟ أو هل عندك أسئلة أخرى عن نقاط معينة في اللغة؟
تم النشر السبت، ٢٦ يوليو ٢٠٢٥
لقد غيروا الامر من عدد حلقتين في اليوم الي عدد لانهائي. مازال هناك نقاط فتح الحلقات.
تم النشر الجمعة، ١ أغسطس ٢٠٢٥
انا كنت بستخدمه بس لقيت بعدها انو بقي فيه حلقه أو حاجه معينه خلال اليوم بس يعني ومتسمعيش كتير
تم النشر الأحد، ٢٧ يوليو ٢٠٢٥
عارفاه جربته قبل كده وكويس بس حاليا بقي بالإشتراك ومش مجاني
تم النشر الأحد، ٢٧ يوليو ٢٠٢٥
لو مستواك يحتاج من البدايات فلا يهمك ايضا. فلقد بدأت انا من البداية و جميعنا كذلك. زور قناة "طليق " علي يوتيوب. و الافضل تحميل تطبيق طليق ( تطبيق مصري ) لتعلم ٦ لغات او ٧. و قناة طليق رائعة للتأسيس.
تم النشر الأحد، ٢٧ يوليو ٢٠٢٥
انقذ ما يمكن انقاذه .. قليل دائم خير من كثير منقطع
تم النشر الأحد، ٢٧ يوليو ٢٠٢٥
مش شرط التأسيس اصلا الانجلش محتاج حفظ كلمات كتير بس احفظي كلمات كتير على قد ما تقدري احفظي اعملي كل يوم ساعه تذكري فيها انجلش قسميها ربع ساعه انك تسمعي فيها نطق الكلمات أو بودكاست انجلش كده وربع ساعه كلام ونص ساعه حفظ كلمات جديده وعملي كده كل يوم مع الوقت هتلاقي فرق كبير ووزمري المنهج بتاعك وبس كمان لو انتي عايزه تتاسيسي هتلاقي فديوهات كتير على اليوتيوب تأسيس فافي حاجات كتير أو يبس انتي اهم حاجه تواظبي عليها كل يوم يوم ما متلقيش حاجه خالص احفظي كل يوم عشر كلمات حتى وبس كده
تم النشر السبت، ٢٦ يوليو ٢٠٢٥
عادي حاولي تهتمي بحفظ الكلمات وده الاهم وشوفي كورس تأسيس كويس وكدة كدة الجرامر بيتكرر
تم النشر الأربعاء، ٣٠ يوليو ٢٠٢٥
انصحك بمتابعة دروس استاذ ابراهيم عادل اسمها z American English على اليوتيوب هو عامل سلسلة تعلم من الصفر شوفيها وشوفى سلسلة القواعد بردوا والانجليزي مهموتحفظي كلمات كمان فأنصحك تنزلي تطبيق اسمه word up من المتجر التطبيقات عليه الكلمات بصور بالنطق الصحيح احفظي كلمات كتير وإن شاء الله مسواكي يتحسن
تم النشر الأحد، ٢٧ يوليو ٢٠٢٥
انت تقصد الملخصات. اجل
تم النشر الأحد، ٢٧ يوليو ٢٠٢٥
ايهما ؟ و كيف و انا استخدمه كل يوم تقريبا! يمكنك سماع الاعلانات علي قائمة تشبه الكنز! و قال المعلم ابراهيم عادل انه سيبقيه مجانا للأبد و قد وفي بوعده🤔
تم النشر الأحد، ٢٧ يوليو ٢٠٢٥
طبعا ممكن. تعلم اللغات لا يقاصر علي زمن او سن معين. تعلم اللغات في الاغلب تكيفي. فلا يهمك. يمكنك زيارة قناة اليوتيوب Zamerican English و هي القناة العربية الاولي عالميا لتعلم الانجليزيه .و التأسيس في شهرين او ثلاث. حسب محهودك. و شكرا 🤝🏻
تم النشر الأحد، ٢٧ يوليو ٢٠٢٥
اكيد طبعا مش لازم كورس ولل حاجه.... كتابك قدامك بتاع المنهج واحده وحده احفظه وكل الكتاب اكل... احفظ الترجمه الي فيه واسمع فيديو عن كيفيه كتابه مقاله وربنا معك
تم النشر الأحد، ٢٧ يوليو ٢٠٢٥
لا مش شرط عادى ممكن تاخدى كورس يزبط الدنيا
تم النشر السبت، ٢٦ يوليو ٢٠٢٥
لعرض السؤال في فدني اضغط هنا