كوكي الورد

أنا مش هقولك متدهوش ازهر بس هقولك انك هتخليه فعلاً ضعيف الشخصيه لأن أنتي بتقولي هو كويس ومحترم لانه اتعلم ده في المدرسه الاولي والمدرسه التانيه سلوك طلابها مش كويس سواء المدرسه دي او المدرسه هو كده كده هيتخرج منها وهيواجه الحياه بعدين هيلاقي النوعين نوع بقي من المدرسه المحترمه ونوع من المدرسه اللي سلوك طلابه مش كويس لاحظي أن الطلاب دول هما المجتمع بعدين يعني تخيلي هو مش هيتأقلم مع المجتمع بعدين ومش هيعرف يواجهه الناس لا هيبقى عاوز كل الناس من المدرسة المحترمه لكن الوقع مرير ودي هي الدنيا فيها السوي والغير سوي خليه يكمل في المدرسة الجديد ويثبت شخصيته واحترامه واخلاقه اللي اكتسبهم من المدرسه الاولي واللي يقدر يغيره للاحسن يعمله مش انه هو اللي يتغير للاسوأ علشان يعرف يتعايش معاهم قوليله هو ده العالم ده السلوك الحرام اللي كانوا يحذروك منه وانت دلوقتي في اختبار علشان يشوفوا انت هتعرف تحافظ على نفسك واخلاقك ومجتمعك ولا هما اللي هيغيروك للاسوء

التخلص من الخوف علاجه المواجهة واجه خوفك وجرب مرة وانتين وتلاته لحد ما تتعود والثقه بالنفس بتيجي من المواجهه برضو واجه الناس اخرج لوحدك الخروج للحياه بيبني عقل وفكر وبيصحح معلومات وبيقوي خبرات التعامل مع المجتمع شيء مهم من خلاله تعرف ده كداب وده صادق وده محترم وده مش محترم ده نيته كويسه وده لا هتتعلم كل ده من خلال التعامل وتجارب الحياه بعدين هتوصل لمرحلة انك تقرأ الناس من غير ماتستغرق وقت كتير من تعاملك مع حد التجربه خير دليل لكل حاجه

ممكن يكون المكان ذات نفسه في حد بيضايقها فيه او هي بتتعرض لكلام سلبي بيأثر عليها وشعورها بالحبس وكده ممكن يكون أن محدش بيسمع لرأيها أو محدش بيديها ثقه في نفسها وممكن في حاجه مضايقه منها ومش عارفه تحكي لحد عنها وخايفه من رده فعلكم علشان كده حاسه بالحبس ممكن حبس أفكارها وعاوزه تهرب من تعب التفكير في الحاجات اللي بتتعبها

العفو ♥️

احكيلها أنتي الأول على حاجه وقوليلها أنتي أول حد يعرف الكلام ده وعلشان انتي اختي أنا بثق فيكي تقوم هي تعمل كده معاكي تعتبرك صحبتها واختها اللي بتحكيها على حاجات مهمه ومحدش عرفها غيرك تقوم متكلمه انقذي الموقف قبل ما يكبر الموضوع عندها عندي فكره اكيد أنتي فاكره رسوماتها ارسمي رسمه منهم وصوريها وقوليها عندي واحده صحبتي راسمه الرسمه دي وأنا صورتها ومش عارفه تدل على اي الرسمه دي ممكن تعرفي أنتي الرسمه دي أي يا اختي أو لو هنحط عنوان هيبقي عنوانها أي الرسمه دي وهي من نظرة للرسمه هتعلق باللي جواها وابتدي سرسبي الكلام منها وحكي معاها لحد ماتقول كل اللي جواها

ممكن يكون عندك انيميا لازم تكشفي عند دكتور تاني واعملي تحليل دم وبول وشوفي نسبه الحديد كد أي في جسمك لانه ممكن يكون بسبب فقر الدم