melissa girl

دا طبيعي الكسل دا عند كل الناس بس في ناس بتستسلم للكسل وفي ناس بتقاومه لازم تكوني من الناس الي بتقاومه حاولي تصحي بدري الأول تتوضي وتصلي وتعملي تمارين صباحيه تساعدك علي النشاط اليومي وبعدين تفطري وتبدأي بقا تهتمي بنفسك شعرك تغسلي وشك بغسول وتدهني مرطب تاخدي شاور عشان تبدأي يومك بنشاط وحيويه وحاولي تملي أوقات فراغك يعني مثلا تدرسي تتعلمي لغه جديده وتقري كتاب تعملي هوايه بتحبيها ترتبي لحياتك في المستقبل وحاولي علي قد ماتقدري متمسكيش الفون خالص غير ساعتين مثلا في اليوم ويفضل يكون بليل قبل النوم لما تكوني خلصتي كل الي وراكي +عايزه افهمكحاجه وهي أن بجد المداومة علي الصلاه والاهتمام بالنفس وتحقيق الانجازات دا بيساعدك علي راحتك النفسيه واحساس السلام النفسي دا اجمل احساس ربنا معاكي ياحبيبتي💙

طبعا مش شيء سيء ولا حاجه وبعدين انتي قولتي انك غلطانه بأغلب الامور بس اذا هي صديقه كويسه لا تخسريها وكوني صريحه معاها وعرفيها انك بتحبيها ومش قصدك تزعليها وكمان عرفيها ان الخلافات بين الاصدقاء دا شيء طبيعي جدا وبيحصل في كل العلاقات بس المهم انكو متخسروش بعض ومتبوظوش صداقتكو عشان شويية خلافات هتنسوها مع الوقت وقوليلها انها غاليه عندك واقرب حد ليكي ومش مستعده تخسريها وقوليلها مفيش بيننا الكلام دا ومتفكريش انك تبعدي عني تاني لأننا اخوات والاخوات مش بيبعدو عن بعض اتمنالك التوفيق مع صديقتك يا حبيبتي💓💓💓

اهلا يا حبيبتي طبيعي كلنا بييجي علينا فتره بنبقا فيها كدا في اكتئاب وتايهين ومش عارفين نفسنا وحالتنا النفسيه بتبقا صعبه اوي بس انا هقولك شوية نصائح واتمني انها تفيدك شويه في التخلص من الاكتئاب أولا ودا الاهم العباده وانك تقربي من ربنا وتصلي وتدعي وتقري قرآن وتسمعي قرآن ودا بيساعد علي الراحه النفسيه جدا لأنك بتملي الفراغ الديني عندك ثانيا بتحددي أسباب اكتئابك او اي اللي يضايقك في حياتك وتحاولي تواجعي الصعوبات دي وتتغلبي عليها بحلول ذكيه لأنك لو واجهتي مشاكلك وحليتيها دا سيساعدك علي التخلص من الاكتئاب ولو مينفعش انك تتخلصي من مشاكلك دي لأنك مجبره عليها ف قدامك حلين الحل الأول انك تحاولي تحليها بهدوء وذكاء والحل التاني انك تتأقلمي معاها ثالثا حددي اهدافك او حاولي تكتشفي انتي حابه تعملي اي في المستقبل اعملي لنفسك أحلام تسعي انك تحققيها ودا هيخليكي عندك شغف اوي وحابه الحياه ومتشوقه لتحقيق احلامك وتكون احلامك قابله للتحقيق مش احلام خياليه او مخالفه للدين او عادات وتقاليد عيلتك رابعا لازم تحسي بكل حاجه حلوه والوحش لا تفكري فيه أبدا واي حاجه تحصل تضايقك اتعلمي انك تطنشيها لأن محدش بيتعب غيرك انتي في الاخر ركزي في الحلو بس وركزي في الايجابي بس تحسي بكل حاجه حلوه اعملي الحاجات الي بتحبيها ووجود ناس ايجابيه حواليكي هتساعدك علي التخلص من الاكتئاب قضي وقت كتير مع قرايبك واصحابك المقربين واضحكي وعيشي حياتك وتكتشف حاجات جديده واسمعي افلام حلوه وانتي بتاكلي فشار دا جزئي المفضل😂 وبس ربنا معاكي واتمني تبقي بخير قريب واذا عملتي الي انا قولتلك عليه انا متأكده انك هتبدأي تتعافي من هاد الاكتئاب 💓💓💓

بالنسبه للموقف اللي حصل دا متحطهوش فدماغك لانه موقف عادي جدا حصل وعدي خلاص ركز بقا ف انك تكسبها ازاي هو أولا لو انت معجب بيها لازم تتقدملها دا هيلفت انتباهها لحاجه وهي انك راجل لما اعجبت بيها دخلت البيت من بابه ومفضلتش تلف وتدور زي شباب اليومين دول ف هتشوفك مميز ثانيا بالنسبه لإن مرتبها أعلي ف صدقني محدش بياخد بكدا دلوقتي اصلا وهما هيسألو علي اخلاقك الأول لأن ألمرتب دا اخر حاجه ثالثا بقا متخافش انك تروح وتترفض خليك راجل مسؤول رايح ياخد حاجه عايزها واحتمال انهم يوافقو عليك ٥٠% ف دي هتبقا حاجه كويسه واحتمال الرفض ٥٠% وبردو دي حاجه كويسه لأن هتعرف تكمل اعجاب بيها ولا تلحق نفسك بدري وتتخطاها وتشوف حياتك خد الخطوه متستناش ومتخافش وربنا يوفقك يارب وتبقي خير ليك ومن نصيبك 💙

عامة دا مش بيأثر علي دراستك في اي حاجه المهم انك متديش وقتك كلو للاهتمام بشكلك او لبسك بس كل الموضوع هو أنك تنظمي وقتك بين دروسك ومذاكرتك واهتمامك بنفسك لأن طبعا الاهتمام بالنفس والصحه والنضافه والشكل دا مهم جدا ولازم وبيساعدك علي راحتك النفسيه بس المهم زي ما قولتلك تنظمي وقتك وتدي للمذاكره حقها بردو وربنا معاكي ويوفقك ياروحي يارب

اول حاجه لازم تتصرفي علي طبيعتك وتعرفي ان الناس حاجه عاديه مش مستاهله تتعاملي بتوتر قدامهم وفي كتب بتعلمك ازاي تتعاملي مع الناس وتكسبي قلوبهم ولكي بعض النصائح زي الكلام الحلو والمدح وانك تذكري ايجابيات الشخص اللي قدامك دا بيفرحه وبيستلطفك جدا وبردو زي انك تبقي حد جدع وناضج وعاقل وتعرفي تحتوي الي حواليكي زي انك تقفي جمبهم ف مشاكلهم وتديهم حلول ودعم نفسي وبردو تبقي واثقه من نفسك ( هنا بالنسبه للي حواليكي ) بالنسبه ليكي بقا هو انك تعملي كل حاجه بتحبيها زي انك تقضي وقت حلو مع قرايبك أو اصحابك القريبين تسمعي افلام او اغاني بتحبيها تقربي من عيلتك واخواتك وتصلحي العلاقه بينكم بالود واللطف تعملي اي هوايه بتحبيها وتكتشفي حاجات جديده وتقري كتب تتعلمي لغه تعملي حاجات تأمن مستقبلك وشغلك زي كورسات وكدا ولو الحاله المادية متسمحش لشتغلي وجمعي فلوسك وخدي كورسات تفيدك قدام وتثقفي من نفسك حسي بكل حاجه حواليكي حلوه ومتفكريش ف الوحش طنشي وشوفي الحاجه اللي بتفرحك واعمليها والاهم من دا كلو قربي من ربنا وادعي كتير واتعبدي وكدا إيران أعصابك وهترتاحي نفسيا اوي

خلاص انت حاول معاها وزي ما قولتلك خد الخطوه واتقدم متفكرش بقا ف الحاله الاجتماعيه والسن وكل الكلام دا هي لو مكتوبالك هتاخدها بس لازم تسعي عشان تأخذها ودا بانك تتقدملها وحاول مره واتنين وتلاته ولو مفيش نصيب عادي هتتخطاها وتشوف حياتك انت بقا

طالما بترد بجمود وشخصيتها بارده كدا انت اي الي خلاك تعجب بيها افهم بس 😂

متفكرش في الحاله الاجتماعيه وكل الكلام دا والسن طبعا مش عائق خالص وخصوصا في الجيل دا محدش بيفكر ف السن اوي دلوقتي +خلاص لو انت مقلق اوي من موضوع انك تتقدملها استني شويه وحاول معاها هي بس خليك بطبيعتك وبلاش توتر خليك مبتسم علطول واتكلم بلطف معاها حاول تتكلم معاها بردو بحجة الشغل عشان تفتح كلام معاها واتعلم تفتح مواضيع وبعد فتره عرفها انك معجب بيها وعايزها تديك فرصه انك تتقدملها بس تتأخرش اوي ف انك تتقدم بسبب الخوف بدل ما حد يتقدم مكانك ويوافقو وتندم انك مخدتش الخطوه من بدري متأجلش حاجه عمتا

بصي هقولك حاجه بجد عشان ترتاحي في حياتك كل الأمهات والابهات كدا والله ودا مش كره خالص وبيحبونا بس بيعبرو عن حبهم بطريقه غلط وانا معاكي في الكلام ده وكلنا بنحس انهم بيكرهونا وبيفرقو في المعامله بس والله كل دا غلط واحنا الي بنحط في دماغنا كلام فاضي هما بيحبونا كلنا قد بعض بس ممكن بيعاملو اخ معامله احسن من الاخ التاني ودا عادي وطبيعي بس المهم انهم بيحبونا كلنا نفس الحب وبردو عيزاكي تاخدي افعالهم الايجابيه والحلوه وتفتكريها وحاولي علي قد ماتقدري تعدي الوحش ومتفكريش فيه عشان صدقيني هتتعبي اوي لأني جت عليا فتره كنت كدا وبتعب وبزعل من اقل حاجه واي حاجه تحصل كنت بفكر فيها واحطها فدماغي دا قاللي دا بيحبني دا مبيحبنيش صحبتي عملت ماما زعلتني وقالت كلام يجرحني وكل دا كان بيتعبني اوي بس بدأت انضج وافهم أن الدنيا ابسط من كدا بكتير وأنها مش مستاهله ف بقيت بعدي كل حاجه تضايقني واطنش واركز في الحلو والايجابي بس لأن دا من مصلحتي ومحدش بيتعب غيري ف الاخر

هناك طريقه سأخبرك بها أفعلها دائما لأتعلم اللغه الانجليزيه وهي تنزيل تطبيق دولينجو يمكنك من خلاله تعلم اي لغه ولكي تطوري من اللغه تحدثي مع ai علي سناب شات باللغه التي تعجبك وسيتحدث بها معك أيضا ف انا أتحدث معه بالانجليزيه دائما لأتعود علي ذلك