asmaa mohamed

توكلي على الله وخلي حد يتدخل الاول بالود وهيبان إذا كان شاريكي وخايف تضيعي منه ولا لاء ولو لقدر الله مفيش حاجه اتغيرت حقك تطلقي

بصي انا هقولك جملة واحدة فقط وهتفتكري كلامي دا بعدين ، كل اللي انت فيه هيتغير ١٨٠ درجة لما تخلصي ثانوية عامة وتلاقي نفسك انسه ف الجامعه ايا كان جامعة ايه وكلية ايه بس هتحسي بفرق كبير جدا واهم حاجه أن جانبك الديني سليم قربي من ربنا اكتر وخلاص كلها كام شهر وكل الهم دا هينزاح وتشوفي بنفسك الفرق

انت عندك كام سنه؟؟؟

انت ماشاء الله سنك كبير ، اول حاجه بكتبها لاي حد قرب من ربنا صلي على النبي كتير واستغفر ربنا قبل م تنام لما تيجي ف دماغك انك عايز تعمل حاجه غلط قوم صلي ركعتين ومتديش لنفسك فرصة تعملها ، بالنسبة لضعف الشخصية والكلام دا انت عندك ٢٦ سنه يعني اللي ف سنك بيوجهوا ناس وانت اكيد عندك شخصية بس مكسوف تظهرها خليك واثق من نفسك أنك شخص كامل متكامل وعايش والحمدلله مستور عن غيرك لو مش بتشتغل ف لازم وضروري تشتغل ، ادي نفسك فرصة تخطب وتاخد الموضوع جد خلي والدتك أو اختك لو ليك اخت تشوفلك اي بنوته كويسه ومحترمه تخطبها هتلاقي حياتك اتغيرت ١٨٠ درجة لما تلاقي نفسك شخص مسئول كل اللي انت فيه دا بسبب انك مش مسئول ، وربنا يصلح الحال للجميع يارب

ركزي مع زوجك واطفالك وطالما انت مش ناوية ترجعي للي كنت بتعمليه دا تاني اثبتي لزوجك انك ندمانه اهتمي بنفسك وبيه وبأطفالك غيري ديكورات شقتك اطبخي طبخه حلوة ليكم واعملي كيك كأنها حفلة وأظهر مدى الحب اللي جواكي ليهم وأهله حاولي معاهم مرة واتنين وتلاته لو مفيش امل معاهم عيشي لجوزك وبناتك وأهم حاجه قبل كل دا نيتك قدام ربنا انك مش هترجعي للغلط دا تاني ولو حسيتي بكدا قومي صلي ركعتين لله واستغفري واعملي اي حاجه تشغلك عن فعل الغلط وربنا يغفرلك ويصلح حالك

طب ما تجربي تقسمي وقتك ويومك بحيث أن مثلا اهو دلوقتي وقت المذاكرة هتذاكري مثلا تلت ساعات وبعدها خدي بريك ساعه وأقرأي رواية وهكذا يعني قسمي يومك ووقتك ولو حسيتي انك هترجعي زي الاول قومي سيبي الرواية دي وصلي ركعتين وكلي اي حاجه وترجعي كملي مذاكره ، ومع الوقت هتلاقي نفسك اتعودتي تستفيدي بيومك اكتر م الأول

خلي حد من أهلك مثلا يكلمه ويقوله التفاصيل والمصاريف كذا واللي انت بتبعته دا مش بيكفي الام وابنها وخدي الموضوع ودي بالمحبة الاول وخليكي انت اللي مستحمله عشان خاطر ابنك وشوفي الوضع هيتغير ولا لاء ، اصل متزعليش مني طول ماهو مسافر برا مصر وانت مش قدام عينه ولا شايف مصاريفك انت مش هتبقي فارقه معاه وما خفي كان اعظم والله اعلى واعلم ف انت خدي الموضوع الاول بالود ولو متغيرش يبقى شرعاً الزوج البخيل تتطلقي منه وتشوفي حياتك يا ترجعي تشتغلي وتعيشي براحة زي الاول او يمكن ربنا يكرمك بزوج صالح وكريم غيره وربنا يصلح حالك وحال الجميع

عندك أصحاب ؟

انت محتاج تفتح صفحة جديدة مع نفسك ، حاول تقرب من ربنا ، ربنا عمره م يرفض توبة حد من عباده المؤمنين ، كل م يجي ف دماغك حاجه وحشه حاول تقرب من ربنا قوم صلي ركعتين أقرأ سورة الواقعة أي حاجه المهم تقرأ قرآن ، تنزل تشتريلك سباحه الكترونيه وتقعد تصلي على النبي ١٠٠٠مرة بجد هتغير حياتك ٣٦٠درجة ، وتحاول تبعد عن أي شخص انت عارفه كان بيساعدك تعمل اي حاجه من الحاجات دي ، واهم حاجه النية ، إنما الأعمال بالنيات انوي انك خلاص مش هتعمل اي حاجه من الماضي ، وحاول تصلي على النبي كتير وتستغفر باب التوبه مفتوح النهاردة بكره الله اعلم الدنيا هتكون فيها أي ، استغل الفرصة عشان ميجيش وقت وتندم انك مرجعتش ل ربنا ، ومجرد ما تيجي فكرة ف دماغك تعمل اي حاجه من الحاجات دي استعيذ بالله وصلي ركعتين ، شهر ف التاني هتلاقي نفسك بني ادم جديد ملامحك هتتغير للأحسن أهلك هيحسوا بيك حاول تشتغل بما يرضي الله واوعي تقبل نص جنيه حرام ، اهم حاجه نيتك تكون سليمة وأنك هتتغير للأحسن والاقوم ، ومتنساش والله العظيم هيغيروا حياتك تماما الصلاة على النبي (ص) والاستغفار وادعي دائماً "اللهم احرمني لذة معصيتك وأرزقني لذة طاعتك" ، حاول تتصدق كل م تشوف حد طلع اللي ف مقدرتك واديهوله أو الافضل وانا بفضله انك كل يوم جمعة وانت نازل تصلي الجمعه تتبرع ب 50 ف المسجد بجد هترفع عنك حاجات كتير واي جنيه تديه لحد محتاج ادعي بعده على طول بأن ربنا يصلح حالك صدقني حياتك هتتغير هتبقى حاسس بالذنب انك كنت بتعمل كل دا بس يكفي أن ربنا شايفك إنسان جديد تائب ، ربنا يهديك ويرشدك للطريق الصح

ظهر جدا جدا اليومين دول ألعاب من خلالها تقدر تكسب فلوس وطالما مصدر الفلوس غير معروف ف دا حرام والفلوس اللي بتدخل بيتك حرام بحسها زي القمار كدا ، بكل بساطة امسح اللعبة وابدا مع نفسك من الاول وركز ف شغلك وعندك مقدرة انك تشتغل اي شغل جمب شغلك الأساسي اشتغل عشان بيتك ميتهدمش بسبب المصاريف الدنيا صعبة جدا وكل يوم الدنيا بحال ، ابدا مع نفسك من جديد وابعد عن اي شي انت عارف انه حرام عشان ربنا يباركلك في رزقك انامش دكتوره بس طبيعي اي حد يقدر يساعد بالكلام هيساعدك وربنا يوفقك ويوسع رزقك يارب

بالنسبة لزميلي ف ابتدائي ف اكيد في مواقف كتير حلوة بينا ك زمايل من ابتدائي وكاان معايا ف الفصل ورجعنا نتكلم تاني ف ثانوي ف إعدادي مكنش في تواصل ف ثانوي كنا في دروس مع بعض وكانت علاقتي بيه ك صديق جميلة جدا جدا ومفيهاش اي شيء يتعدى للحدود بس كل اللي حصل وغيره كان بسبب اللي كانوا صحابي وهو كذا مره اتحايل عليا منخسرش بعض بس انا لو كنت فضلت كنت هأذي نفسي اكتر بسبب البنتين اللي كانوا مقربين مني ومنه وفيهم واحده حقيقي بتوقع مابين اي اتنين ف انا بصراحه مقدرتش وكنت داخله تالته ثانوي ف كان كل تركيزي افكني من وجع الدماغ دا عشان تالته ثانوي بس لكن كلام حضرتك صح جدا انا يمكن مكنتش بحبه وهو كان تعود عشان كان زميلي من زمان ولكن ممكن اكون كنت بحس تجاهه بمشاعر بس انا منعه نفسي تماماً اني اعافر واعترف بحاجة زي دي وكان مش وقته خالص بس الحمدلله أنا مرتاحه طول م انا بعيد عنهم ومش يشوفهم رغم أنهم حتى ف الجامعه معايا ، بالنسبة للشخص التاني انا فعلاً مكنتش بركز معاه خالص طول فترة دراستي يمكن ابتديت اركز واشوف هو عاوز اي بعد م خلصت تقديم الجامعة وقضيت وهو مكنتش بعرف اجي معاه سكه ف كلامه ولا طريقته ف كان كل م يزهق مني يقولي احنا مش مناسبين لبعض وبعد فترة يرجع يقولي وحشتيني وانا بصراحه كنت بصده لاني ماليش ف الهبل ده وفهمته أن اللي يحبني يدخل البيت من بابه وهو قالي انا لو بكرا اجي أخطبك بس انت مش بتسمعي كلامي و اني عنيده واني واني ف انا كنت بقوله خلاص شوف اللي تناسبك بعيد عني ف كان يقفل معايا وبعد فترة يبعتلي وهكذا ف انا كنت زهقت خلاص واخر خناقة بينا بعدها ب ٣ ايام بالظبط لاقيته منزل بوست خطوبته أنها بيوم الجمعه الجاية دي ف اعتقد أنه شخص مش متزن أصلا بجد لانه متملك بطريقة بشعه وعايز كل حاجه تتسمع ف وقتها بدون م أخالف رأيه حتى لو الحاجه دي هتغضب ربنا ف بصراحه شتمته وقولتله الندم بعدين وعملتله بلوك

اسفه اني هطول هنا ، اظن بعد كلام حضرتك مستحيل اتقبله تاني انا قرفانه منه ومن نفسي والله بس انا زعلانه جدا عليا ، انا عمري م كنت وحشه نهائي مع أي حد ليه انا كل اللي بيتردلي بيكون وحش الحمدلله على كل حال انا راضيه وعندي يقين أن ربنا شايل ليا حاجه نضيفه حتى لو هتتأخر ، بس اخر حاجه محتاجه مساعده فيها ازاي انسى ناس واشيلها من تفكيري والناس دي اذتني نفسياً جامد وخلتني عماله أسأل نفسي هو انا وحشه للدرجادي؟ وازاي ارجع شغفي للمذاكرة انا بعد ثانوية عامة مش قادرة ابص ف كتاب بعد الظلم اللي شوفته ف نتيجتي انا كنت جايبه ٧٣ لما دخلت على اللينك بتاع النتيجة بقت ٥٨ ازاي مش عارفه فترة والحمدلله قدرت اتعدى منها رغم وجعي بسببها دخلت كلية خدمة اجتماعية وحاسه أن دا مش مجالي انا كنت علمي رياضة وكنت ومازلت بعشق الرياضه ف أني ادخل كلية ادبيه مأثره عليا اوي بجد معنديش شغف اعمل اي حاجه محدش ف البيت مهتم بنفسيتي وممكن لما اتخانق مع ماما تعايرني شوية وشوية تقولي انت احسن منغيرك واخويا بيهزر معايا وبقوله الساعه كام قالي ٦:٥٨ وانا جايبه ٥٨ يعني بيتريق بهزر ويضحك بس من جوايا بتألم وبعيط ومش بعرف أظهر ليهم كدا بس بيبان ف معملتي بتكون حادة شوية معاهم بس غصب عني أنا كنت متفوقة ف دراستي والله العظيم وعلطول من الاوائل وف ثانوية عامة دي بالذات كنت ببذل أقصى جهد عندي عشان أفرحهم بس غصب عني والله ووالدي منفصل عن ماما لما عرف قطع معايا ومنع عني المصروف وخلى اهلي ف البلد ميردوش عليا وبقوله صحبتي دراعها الشمال اتشل قالي عقبالك بس بعد فترة الدنيا هديت وهو عرف اني ماليش ذنب لما عملت تظلمات ، اسفه اني طولت بس انا منهارة نفسياً وعاطفيا وصحياً بجد بفكر كتير ف الموت بس خايفه على امي يجرالها حاجه وانا ماليش غيرها ، مش عارفه اذاكر في الكلية مش عارفه اعمل حاجه حاسه اني مربوطه ومش بتحرك مع اني إحدى الحاجات اللي جت ف دماغي اقدر اعملها م الكلية دي رغم انا مش حباها فكرت اخلصها بأذن الله واعمل دبلومه كدا سمعت عنها وابقى دكتورة تخاطب أو نفسية بس بقعد اقول ازاي انا علمي رياضه ادخل كلية ادبي واطلع دكتورة ف انا في حرب ف دماغي مش قادرة اركز ف حياتي بجد

هو فعلا منزل على الفيس بوست الخطوبه يوم ١٠ نوفمبر على بنت اسمها هاجر وانا فعلا عمري م ابعت صوري لحد عشان انا واعيه أن ممكن اي حد يبتزني بيها بس هو للفعل انسان شهواني وانا لاحظت كدا من كلامه وتصرفاته وقولتله مفيش بينا كلام ف المواضيع دي واني مش هعمل حاجه تغضب ربنا وأنه لو عاوزني عارف هيعمل ايه ويبطل ايه ، وقولتله لو ربنا مش رقم واحد في حياتك انت مش هتراعي ربنا فيا والعكس صحيح بس انا بصراحه من جوايا زعلانه جدا مفيش اي حاجه تخليني حابه اعيش انا تقريبا مفيش علاقه بتكمل وكأن المشكلة فيا وانا فعلاً ماليش في اي حاجه تغضب ربنا ابدا بس انا بجد نفسياً صفر وزعلانه على نفسي اللي استنزفت بدري وكل اللي بيحصلي دا بيخليني خايفه أخوض اي تجربة سواء صحاب أو حب

الحمدلله انا اهم حاجه حاجه عندي رضا ربنا واني مخونش ثقة ماما فيا ابدا ولا اعمل حاجه حاسه انها غلط انا عارفه إن كان معظم كلامه اللي انا برفضه بيكون شهوة بس اللي حصل جديد لما كلمني بيقولي أن الخطوبه دي صالونات بسببي انا بسبب اني مش بسمع كلامه وهو قالي بنفسه أنا بحب حب امتلاك لو مش هتسمعي كلامي من دلوقتي يبقى بلاش نتكلم ومع اني انا عايزك وهتبقي تحت امري هيفشكل خطوبته بعد شهر وكل م اجيب سيرة عن خطيبته يتعصب عليا وانا مخنوق وانا وانا وانت السبب قولتله البنت صعبانه عليا وملهاش ذنب ف الموضوع قالي ملكيش دعوة انا مش بحبها وهيا متعرفنيش والخطوبه دي محدش فيهم شاف التاني بس انا بصراحه قولتله أنا زيي زيها مش هقبل كدا ومش هقبل اكمل مع واحد خاطب وان كدا هيطلع عليا سمعه مش كويسه قالي محدش ليه دعوه انا عايزك بسمعتك بس انا بصراحه مش قابله وهو منتظر ردي وانا مش عارفه اقوله اي