ＳＡＥＥＤ #

اظن ممكن عن طريق الدراسات العليا (دبلومات على الاقل ) فى مجال الصحه النفسيه او الاعاقه فى كلية التربيه او كليات علوم الاعاقه/المجالات بتتناول علم النفس ضمنيا وتقبل اى تخصص حتى غبر التربويين زى اداب قسم جغرافيا مثلا

مافيش داعى للتوهان.انت اكيد عارف ان مؤهلك الاصلى يؤهلك للعمل فى المجال الاجتماعى زى أخصائى وغيره. لكن انت عايز فرص عمل افضل واوسع تمام.؟ ممكن حضرتك تقدم فى اى اعمال مكتبيه زى السكرتاريه مثلا) او العلاقات العامه او الاستقبال ( سواء فنادق او مستشفيات/ اعمال مقاولات)/ وممكن اخصائ تعليمى او اخصائى اجتماعى فى مدرسه/ وفى مدى كبير من الاعمال تخس انها مش مطلوب فيها تخصص كل اللى مطلوب خريج جامعه وبيعرف يتكلم كويس ومظهر كويس( زى مثلا الاخ فى مكتب العمل اللى هيقابلك وياخد ورقك: ماييفرق يكون خريج ايه او الشخص التانى اللى هيروح السفاره يخلصك اوراقك الرسميه ).ممكن شباب كمان خريجى جامعه ويطلعوا امن مسنشفبات او مؤسسات وهناك يدور على حاجه افصل انصحك تنمى مهارات فى هذا الاتجاه زى اللغه وكورسات الكمبيوتر والمظهر الكويس. واى فرصه تقابلك للشغل هنا اكيد هنتنمى مهاراتك وتضيف لك الخبره. دا هيساعدك تلاقى وظيفه يشكل اسرع وهيبقى فى سى فى معقوله نتكلم فيها. وممكن تفهم بتاع مكتب العمل المجالات اللى انا كلمتك عليها او تقولوا انا عايزه فى المجال دا

صدق او لا تصدق الرجال ايضا يبكون / يبكون عند الفراق ( بالموت او الانفصال) يبكون عندما تضييع احلامهم او يحبطون / الا ترى اللاعبين الرياضيين يبكون عند الخساره والعالم كله بيتفرج؟ / الا ترى شخص يبكى عند وفاه صديقه ؟ وبعدين يااخى دول اهلك مش حد غريب اللى ربوك وشافوك وانت عيل صغير شافوا السذاجه والضعف عند المرض وشافوا حاجات كتير يعنى هما ستر وغطا عليك والحمد لله مكنش موقف مخزى زى انك كنت متلبس فى جريمة مخزيه /يمكن البكاء دا واظهار الضعف كان كويس انه خرج القهر والطاقه السلبيه اللى كان ممكن تاذيك// هون عليك الموضوع بسيط/

فى كشف طبى من ضمن الاجرارات ودا هوا اللى بيحدد/ روح فى موعد دفعتك ولا تتخلف

اولا انتى ماخسرتيش الفلوس ولا حاجه حتى لو فى فيروس او برنامج هكر / اى جهاز معرض لكدا/ وابسط الحلول او استخدام برنامج مضادات للفيروسات محترم لو تعرفى/ لو مش تعرفى تروحى لنفس الراجل او لحد تانى وتطلبى يحط برنامج انتى فيروس للجهازو تشتغليه بعدها.الموضوع ببساطه ان الكراك دا عباره عن برنامج بيستخدمه لكسر كلمة سر الويندوز او يغير فى اعدداته بحيث تظهر النسخه كانها اصليه.ودا طبعا غير شرعى وممكن يكون فيروس او برنامج تجسيس / وممكن يكون بغرض كسر كلمة السر وخلاص (ودا اغلب الظن عشان هوا اللى بايعلك الجهاز)/البديل التانى لو هتمشى شرعى انك تشترى نسخه اصليه او تستحملى الرسايل المزعجه او تحملى نظام لينكس

خوفها عليهم دا امر غريزى وعشان كدا بتشوف مكان متدارى /هاتى كرتونه وافرشى فيها قماش عشان البرد وحطيها فى مكان متدار ى زى جنب السرير او ورا الكنبه وانقيلهم هناك ومش تبصى عليهم كتير لحد ماتتطمن ان المكان دا امان.

فى البدايه عايز اقولك ان التعامل مع الناس يتطلب مهارات اجتماعيه بيتكسبها الانسان فى فترة التربيه ومن الوالدين والمحيطين به وفى والدين يتعمدوا اشراك اولادهم فى انشطه وياخدوهم معاهم مناسبات لجعلهم اجتماعيين. بالنسبة لك ممكن تشتغل على تنميه مهارات التعامل مع الناس واقترح عليك المشاركه مع عيلتك فى المناسبات الاجتماعيه زى حضور زواج واعياد وخلافه/ حاول تشترك فى انشطة فى مكان الدراسة او العمل زى نوادى قراءه وخلافه/ خالط الناس الاجتماعين المحترمين وشوفهم بتعاملوا ازاى/ لاتنتقد احد واظهر الاهتمام وانصت / الموضوع بيحتاح طبعا وقت وتنبسط من نفسك احيانا وتزعل احيانا لانك اسأت التصرف وكدا لحد ما الدنيا تمشى/ب التوفيق.

نظام المحاضره اصلنا ليس من الانظمه المفضله فى التعليم لان المتعلم بيكون قاعد سلبى طوال الوقت وطبعا عندنا هنا بيوصل ٣ ساعات فدا ادعى للسرحان / معروف علميا كمان ان انتباه المتعلم بيكون عالى فى اول المحاضره واخرها وفى النص بيقل فليس بمستغرب انتباهك فى الاول(مش انتى بس المعظم كدا)/ولكن فى حاله حضرتك اقترح انك تدونى ملاحظات اثناء المحاضره او على الاقل عناوين (رؤوس اقلام بيسموها) كنوع من انك تظل منتبهه او تعرفى المحاضره جايه منين وراحه فين./ بالتوفيق

الدنيا ابسط من كدا اخى العزيز .اولا :ا الحوار اللى بيدور بين البايع والمشترى بسيط ومتكرر لا يخرج عن اسماء الاشياء اللى بتبيعها وتمنها وشكرا وباقى التمن فلاتقلق من حكاية الذاكره دى. تقدر تجيب واحده من الناس اللى شغالين ويكتبلك الحوار البسيط وتحضر بنفسك عملية البيع وتلاحظه وبعدين تجرب نفسك ومعاك العامل دا وهوا يسندك وشويه شويه الدنيا هتمشى.مش بتشوف الناس اللى عندك الاهرامات اللى بياجروا الخيول مثلا؟ بيكونوا ناس بسطاء مش تعليم عالى ولا حاجه ولا حتى يقراو اللغه الانجليزيه ولكن الموضوع موضوع ممارسه بسيطه وبرضوا الحوار بسيط ومحدود(عايز تركب؟؟بكام؟ ايوه لا كتر قليل).لوينفع كنت كتبلك هذا الحوار البسيط هنا/بالتوفيق.

اظن ينفع زيك زى الناس اللى بتسيب التعليم وترجع تانى او تتعلم على كبر الطريقه؟هتطلع بيان نجاح اولى ثانوى وتانيه ثانوى وتقدم منازل/عايز تفصيل ومعلومات عليك وعلى التعليم الثانوى فى الاداره القريبه منك.ولكن اظن هينتهى الامر بدخول كليه نظريه او ادبيه(ليه؟ماعرفش دى النماذج الى شوفتها او يمكن حاجه فى قانون الجامعات). بس السؤال المهم هو ليه اللفه دى تانى؟ فى بديل اخر وهوا انك ممكن تنتسب لبعض الكليات او تاخد دبلومات تخصصيه فى كليات بشهادتك الجامعيه الحاليه وممكن تغير مسارك كمان.

سؤال عن علاقه فشلت ؟ومش عارفه تعملى ايه؟ تتمنى له التوفيق وتفكرى فى نفسك وحياتك.نحن لانجبر احد على محبتنا.اختار طريق او شخص اخر لنفسه؟ بالتوفيق(بالسلامه يعنى). دى مش نهاية العالم.وزى ماانتى قولتى علاقة و فشلت وضاع فيها سنين.دا من منظور عقلانى وا،احمد(جزاه الله خير) اتكلم من منظور دينى.يعنى العقل والمنطق والدين بيقولك التفتى لنفسك وحياتك.اشغلى نفسك فى انشطه مفيده وطورى ذاتك وتوفقى عن متابعة اخباره وانما الصبر بالتصبر.

مش لازم مدرسين مشهورين ممكن مدرسين شباب ويتم الاتفاق على انها مراجعه وممكن تبقى اغلى شويه . وفى مدرسين هى نفسها تعلن عن بدء المراجعه وطبعا بيحاول المدرس يلم الحاجات اللى ساقطه من الطلاب/البديل التانى هو درس خاص وممكن تتفقى مع حد من زمايلك عشان التكلفه تتقسم عليكم./ ممكن تكلمى احد المدرسين وهوا ممكن يعرف مدرسين مواد تانيه ويعرف حد مناسب للمهمه.

اقتراح عليك الاندماج فى أنشطة اجتماعية (:نادى رياضى مثلا ) والمشاركة فى المناسبات الاجتماعية للاسرة الكبيرة مثل الافراح / التواجد مع أشخاص اجتماعيين بطبعهم /ده هيزود مهارتك الاجتماعية وطبعا دى مسألة بتاخد وقت مش يوم ولا أسبوع يعني ( انت نفسك سمتها تحول )/المفروض المهارت دى بيتكسبها الانسان اثناء التنشئة من الوسط المحيط وبتعمد على حاجات كتير بس انت شخص ناضج وتقدر تشتغل على النقاط دي/علمتني الحياة أن اكتساب محبة النشاط أو صداقتهم بيجى من أمور بسيطة زى مواستهم في أحزانهم ومشاركتهم في أفراحهم (ولو بكلمة ) والاستجابة لطلب مساعدتهم اذا أمكن/بالتوفيق

نصيحتىى انك تواصل البحث عن عمل /جهز سى فى كويسه وخلىك على تواصل مع اصحابك او الزملاء/وقدم فى اى فرص عمل تظهر/ اما عن معلوماتك الدراسيه فربما لاتحتاج لها اثناء العمل. هل تظن مثلا الصراف فى البنك يحتاج الى تذكر ماده الاحصاء او نظريات التضخم الاقتصادى؟! / اما بالنسبه لتطوير النفس (اللى اكيد عايز توصل من وراه لعمل مناسب) فيتم عن طريق الدورات المرتبطه بمجال عملك او تخصصك وممكن تستعين بنصايح حد فى مجالك يدلك على الحاجات اللى لها مستقبل او مطلوبه او تقدر تعرفها من خلال الوظايف الكويسه بتتطلب ايه/واكيد طبعا تحسين اللغه الانجليزىه والتكنولوجيا او الحاسب الالى مهمين فى تطوير الذات لاى حد /تقدر كمان ترجع للمواقع اللى بتعرض كورسات اولاين مجانيه كبدايه/بالتوفيق.

اولا عليك وعلى مكاتب السفريات وهما يقولولك الورق المطلوب ويتصلوا بيك لو مطلوب عماله/لو حصل اتصال بتدفع لهم مبلغ طبعا ويطلبو منك جواز السفر ويجبوا التاشيره والتذكرة وممكن يطلبوا منك شويه فحوصات طبيه ودا برضوا بيكلف فلوس/ بس طبعا دردش مع ناس سافرت قبل كدا عشان تعرف جوا الشغل برا وياترى المبلغ مناسب ولا لا /حد من الاقارب مثلا او من المعارف/تانى حاجه ياريت تركز فى حرفه او صنعه معينه يبقى افضل لك جوا وبر.

بالتاكيد انسب عمل ليك هو الفريلانس او الشغل اونلاين لان جدول الشغل مرن وانت تحدده وكمان مافى الزام احيان يعنى مهام وتنتهى . للاسف مافيش شغلانه محدده ادلك عليها ولكن اقترح انك توجه بحثك فى الحته دى. فى مواقع زى خمسات وupwork بيكون الشغل عباره عن مهمه وتنتهى وتاخد اجر عليها وبعض المهام بسيط جدا زى عمل باوربويت او مونتاج بسيط (حاجات بسيطه لحد عنده معرفه زيك)

لااظن ان فى مشكله بس خد معاك حاجه تثبت انك صاحب البطاقه زى صوره قديمه للبطاقه او جواز السفر .

من وجهة نظرى وفهمى البسيط: تعظيم شان الوالدين الغرض من وراه حث الانسان على رعايتهم والاهتمام بيهم وتعظيم شان رعاية الزوج الغرض من وراه حث المراه على الاهتمام بالبيت والاسره.دى الفكره. فى المقابل الراجل هو اللى بيدا الاسره ويختار الزوجه من بين كذا واحده ويلزم بنفقتها والقيام على مصالحها بل ان فى ناس بتقول يحضر لها خادمه ولا تلزم برضاعة الاطفال ( مدلله يعنى ) .وتلاقى الدين كمان يحضه على كدا ويلزمه بيه ويعظم اجر ذلك.برضوا نفس الفكره للحفاظ على الكيان الاسرى وتوفير الود والرحمه. مش موضوع نوع اعلى ونوع ادنى

قاموس اكسفورد؟ ! اللهم بارك. تعرف ان لغه الحياه اليوميه  اى الكلمات اللى بتكرر يوميا تجى حوالى ٣٠٠ _٤٠٠ ؟ المهاره فى استخدامهم بطلاقه (التحدث )وفهمهم من الاخرين(الاستماع).نرجع للسؤال الاصلى وماذا بعد حفظ الكلمات؟ الاجابه استخدامهم طبعا فى المحادثه( Speaking) والتعبير عن نفسك وافكارك (Speaking/ writing(قدرتك على فهم الكلمات دى من الاخرين ( الاستماع  listening).باختصار معرفة الغه يتطلب التمكن من مهارتها الاربعه التحدث والاستماع والكتابه والقراءه بفهم.الكلمات ضروريه( زى قوالب الطوب اللى نبنى بيها )والقواعد كمان مهمه( زى طريقه رص الطوب ) ولكن مش هما اللغه كلها.

تروحى المدرسه اللى كنتى فيها وتقولهم عايزه اقدم منازل ايه الاجراءات والاوراق المطلوبه /المفروض عندهم السجل والاوراق بتاعتك/ممكن يرجعك الاداره او المديريه للحصول على اوراق او موافقات/حاول تاخدى درس فى الماده الباقيه وربنا الموفق.

اقترح انك تبصى على الامتحان كويس وتشوف الغلط جاي منين يعنى مثلا امتحان انجليزى فى اختيارى وقصه/الاختيار بيكون كلمات وقواعد لو الغلط بى جمل الكلمات يبقى اركز على حفظ الكلمات ولو الغلط فى القواعد يبقى اعرف ليه غلط واضبط نفسى / لو اباخطاء فى القصه يبقى نركز شويه على اسءلة القصه/ وممكن تكتشفى ان الغلطات جايه من التسرع او عدم التركيز/ المهم ماتخديش الدرجه السيءه وتحبطى وخلاص/ربنا يعينك ويوفقك سنه طويله ومحتاجه نفس طويل واصرار وعزيمه و المهم تبذلى افضل ما عندك

راجع قسم الدراسات العليا فى كليه التربيه /على حد علمى (بس معلوماتى قديمه )تقدر تقدم دبلوم خاص فى التربيه الخاصه فقط/لايوجد سن معين للدراسات العليا

اعانك الله وجعل صبرك فى ميزان حسناتك /طالما وصلت للموقع وتفاعلت مع زكيه فهناك حتما من يساعدك من الاقارب او الاصدقاء مثلا وهذا يفتح الكثير من الافاق وابسط الامور هوا العمل اونلاين فى مجال الترجمه او التدريس اونلاين ايضا او مايعرف بالفويس اوفر/فى حالة الحصول على دخل يمكن الاستعانه بشخص باجر نظير المساعده او تنظيم العمل على النت / والفت انتباهك الى ان عمار الشريعى كانت يستخدم الكمبيوتر عن طريق الاوامر الصوتيه واظن الامر ايسر بكثير الان مع تطبيقات الاندرويد. / وبالنسبه لايسر الامور اقترح عليك ايضا ان تعلن على المعارف والاصدقاء ( وخصوصا من تعرفت عليهم اثناء دراساتك العليا) قيامك باعمال ترجمه بسيطه مثل ملخصات ابحاث الماجستير والدكتوراه او المراجعه اللغويه للرساءل.

على حسب كلام احد المحامين ممكن الفيش يطلع فيه الحكم وممكن مايطلعش وحتى لو طلع الفيش والتشبيه مش جهة تنفيذ احكام وخصوصا ان الحكم مش نهاءى/اقترح انك تحل الموضوع وماتسبش الامور معلقه وتخلص من الحكم الصادر ضدك.

الطب من الدراسات العمليه اللى تحتاج حضور وممارسه ومؤسسه موثوق فيها مش موضوع جامعه مفتوحه او انتساب او دراسه اونلاين. وعشان كدا الحل العملى فى راى قصادك واحد من اتنين :اولا الجامعات الخاصه او الجامعات الاهليه : ابسط الامور ابحث على الانترنت على اقرب جامعه اهليه تبع محافظتك او اقرب جامعه خاصه وادخل على الموقع وتعرف على الشروط والمجموع المطلوب / او تواصل مع زملاءك اللى دخلوا جامعات خاصه واعرف منهم معلومات او حد من اقاربك. ثانيا: جامعات خارج مصر بنفس الطريقة ادخل على مواقع الجامعات الاجنبيه وتعرف على الشروط والمجموع والمصارف او حد من الاقارب او الاصدقاء يكون له تجربه بس طبعا لازم تكون حذر جدا جدا فى الاختيار. وبعد كدا تقدر تفاتح اسرتك وتشوف المخصصات المالى واستعدادهم.

الدعم والتشجيع واشعاره بالاهميه/يعنى لما يعمل عمل كويس سواء تصرف او اداء كويس فى المدرسه شجعيه/واشعاره بالاهميه زى الاحتفال بعيد ميلاده او اعطاء هديه واخد رايه فى الامور الخاصه بيه/والاشتراك فى لعبه رياضيه فى مركز رياضى ممكن كمان يزود الثقه بالنفس ويحس المهارات الاجتماعيه.

طالما سالت كذا حد متخصص وقال كدا يبقى دا اعلى بروسيسور تشيله البوردا ساعاتها دامعناه انك تشترى كيسه جديده/ الجهاز اقوى تقصد اسرع: يعنى بروسيسور اعلى ورامات احدث ودا طبعا غير متاح/ممكن تركب هارد اضافى ssd بس اظن هيبقى تحسن بسيط/ ممكن تفكر تشترى جهاز وارد خارج بمواصفات اعلى بحيث تبيع اللى عندك وتدفع الفرق./انا مش متخصص بس حبيت اشاركك براى

اعانك الله. انا لو مكانك اشوف كم اللى فايت (فصل مثلا او فصلين) واقسمه على ايام او قعدات وومكن اسجل دا فى شكل جدول.

اقترح لرد الكيد و المكر ان يقول : (اللهم اكفنيهم بما شئت ، وكيف شئت ، إنك على ما تشاء قدير)

عادة المحامى بيخلص حاجه زى كدا وبيخصص جلسه بسيطه قدام مستشار وبيحضر فيها احد الورثه مع احد المعارف /لوعايز تقوم بالشغل الورقى دا بنفسك روح المحكمه الخاصه بمنطقك وتعامل مع الموظفين/الاوراق اللازمه هى شهادة الوفاه وصور من البطاقات الشخصيه للورثه/ويوم الجلسه بتحضر ومعاك احد المعارف او الجيران والقاضى بيسل حاجات بسيطه زى مين الزوجه والورثه وكدا/انا مش محامى بس مريت بالخطوات على يد محامى معرفه

اظن حضرتك تقصد ان تقراه قراءه سليمه مع احكام التلاوه / اظن ابسط شء ان تسمع القران من شخص موثوق فيه وتقلده تمام فتكسب القراءه السليمه/ اقترح تحميل القران من النت فى جلسه واحده ثم استخدامه او هناك مواقع ثابته بها القراءه ولاتحتاج لمتابعه اسبوعيه او يوميه بل فى الوقت المناسب لك.ارجع مثلا لهذا الموقع ( المصحف المعلم للشيخ المنشاوى واظن ان هناك تطبيق بنفس الاسم اليك الرابط https://mp3quran.net/ar/minsh_molm اعانك الله

السلام عليكم هناك مصادر تساعدك فى اختيار موضوع للرساله ابسطها انك تكلم احد دكاتره القسم وهوا يرشح موضوع معين بل ان فى اقسام هى بنفسها عندك قاءمه موضوعات وتفرضها على الطلاب/ المصدر التانى ان حضرتك تحضر السمنار التى يرتبه القسم وفيه بيعرض الطلاب الرسايل اللى ناويين يعمولها وتحصل مناقشات وممكن تجيلك فكرة بحث/ ثالت شء تحضر مناقشات الماجستير والدكتوراه فى نهايتها بيوصى الباحث باستكمال البحث فى موضوعه او بيتقرح موضوعات بحثيه/اخر حاجه تنزل مكتبه الجامعه وتقرا الرسايل واقصد هنا الجزء الاخير اللى فيها الملخص والنتاؤج والتوصيات لان ممكن فيها اقتراح بموضوعات تنفع ابحاث/بالتوفيق ان شاء الله

السلام عليكم مبروك النجاح /هل فكرتى فى طب بيطرى؟ممكن يكون فى اماكن فى المرحله التانيه متبقيه

على حد علمى وحسب النظام الحالى طالب اولى ثانوى يستلم تابلت /امتحانات نص السنه واخر السنه بتاعت اولى وتانيه بتكون على التابلت / واظن فى اوراق تقديم اولى ث وصل ب ١٠٠ تامين تابلت/ بس ممكن يتاخر فى التسليم لحد ديسمبر

بالاضافه الى ما ذكرته زكيه كليه التربيه فى الاساس مهمتها اعداد معلم وعشان كدا الى جانب التخصص بيدرس الطالب مواد زى التربيه وعلم النفس تساعده فى مهمته فى التدريس / حاليا دلوقت مافيش تكليف او تعيين رسمى /ساعات يطلبوا معلمين ويفضلوا خريجى تربيه بس خريج اداب ممكن يدرس المواد التربويه كلها فى عام تحت مسمى دبلوم تربوى ويصبح مؤهل للتدريس زى خريج تربيه ويستفاد من نفس الفرصه /لكن بالنسبه للعمل الحر حاليا مافيش فرق تقريبا

خريج كليه التربيه عام ريعمل مدرس اعدادى وثانوى ا ما خريج التربيه النوعيه فيعمل فى المرحله ابتداءيه / التربيه عام عادة مجموعها اعلى من التربيه النوعيه/ من حيث التخصصات الكلييتين فيهم تخصصات متشابهه بس كم التخصص فى عام بيكون اكتر شويه يعنى تخصص لغه انجليزيه عام بيدرس كم اكبر واعمق من تربيه نوعيه/ التربيه النوعيه ممكن يبقى فيها تخصصات مختلفه عن عام زى تخصص رياض اطفال مثلا او تربيه موسيقيه /فنيه/المرحله الابتداءى ممكن يبقى فيها مدرس فصل فى مراحل الاولى يقوم بتدريس كل المواد للصفوف الاولى ودا بيكون خريج تربيه نوعيه مش تربيه عام

الف سلامه عليك /انت لسه خريج حديث/جهز سى فى كويس وخليك على تواصل مع الزملاء ربما يكونوا سبب فى انك تلاقى شغل/طبعا فى شغل بيحتاج خبره بس عادى فى شغل برضوا لايجتاج خبره الموضوع عايز سعى وصبر/ممكن تشوف مجال العمل اللى انت عايزه وتشوف مثلا كورسات مناسبه تزود فرصتك/احيانا العمل التطوعى بيعوض مثلا الخبره

نصيحتى طبعا لاتتركى العمل حتى تجدى عمل اخر طالما دا مصدر الدخل الوحيد/ مافيش شغل مافهوش مشاكل لاسباب كتير سواء سوء تفاهم او زملاء عمل سيىين او ظلم فى الراتب او محسوبيه والخ الخ/لو فى امكانيه لتوضيح سوء التفاهم يبقى كويس/ لو انتى مش مرتاحه ومافيش سبيل لتحسن الاوضاع فاجتهدى فى البحث عن عمل اخر ولاتخبرى احد الى ان تجدى عملى مريح نفسيا لان التوتر والضغط النفسى المستمر طبعا مش كويس/ربنا يوفقك

التقديم للكليات العسكريه بيدء بسحب ملف من الكليه الحربيه ومن ضمن التقديم ممكن تختار الكليه اللى انت عايزها ومافيش تقديم للجويه لوحدها/بيدء قبل ظهور نتيجة الثانويه او معاها تقريبا /والاختبارات بتستمر وقت طويل يعنى لازم تقدم فى مكتب التنسيق عادى جدا الى جانب التقديم للكليات العسكريه/نتيجة التقديم بتظهر غالبا فى شهر ١١ يعنى بتكون وصلت امتحانات نص الترم ف الكليه/ ساعة سحب الملف للتقديم بتسجل رقم تلفونك وبيتم اعلامك بمعاد كل اختيار واولهم اختبار نظرى اعتقد اسمه سمات شخصيه وبعدها يجى الكشف الطبى وبعدين الرياضى وبعدين الهيىه /اثناء الكشف الطبى بيحصل تدقيق لو متقدم للكليه الجويه وبيكون فى مستشفى الكليات الجويه / لو انت ناوى يبقى تستغل الوقت دا فى زيارة النادى او الجيم عشان تستعد بدنيا وفى ناس بتزور طبيب الاسنان تضبط حاجات بسيطه

اتفق معاك فى انه مهم (بدون حتى تجربه) ولا يقتصر على مجال اللغه بس يمتد لعدة مجالات. ممكن مثلا تصاحب شخص كظله لترى كيف يتخد قرارات. عشان تسأل واحدة عن تجربته الشخصيه فدا موضوع تانى لان الشخصيات بتختلف عن بعض و نجاح الاسلوب او فشله ممكن يرجع لتطبيقه باسلوب سليم او خاطئ

اناا اعرف بالنسبه لاقسام اللغات فى تربيه واداب وممكن يكون نفس النظام فى لغات وترجمه/الاقسام بتشترط مجموع معين فى اللغه اللى عايز تتخصص فيها فمثلا قسم انجليزى يشترط الطالب يكون جاب ٣٠ مثلا فى الانجليزى ( ودا بيتعرف من شهادة الثانو ى) وفرنساوى نفس الشى / وعلى فترتنا عملوا كمان امتحان قبول لكثرة المتقدمين / اما الدراسه فى القسم فكانت باللغه دى ندرس اداب اللغه نفسها وطبعا لو المستوى كويس دا هيسهل الدراسه /ممكن طبعا الواحد بالاجتهاد والكورسات وكدا يحسن مستواه من دلوقت /كدا كدا هينفع حتى لو دخلتى كليه تاني.

ابحاث مع نفسك يعنى فكرة بحث واظن انها مش مكتوبه بطريقه علميه؟؟ هو مش محتاج كدا هو بيحتاج ابحاث منشوره او دبلومه او ماجستير فى الحاله دة / ام كتابه الافكار البحثيه دى فى شكل علمى وتقديمها فلا انصح بكدا لان ممكن لاتقبلى بالوظيفه وحد يستغل مجهودك دا

للاسف ممكن يترفض بس دا مايمنعش انه يقدم لان ما ماتعرفيش ظروف التقديم ممكن مايكونش حد معاه الجى بى ايه دا قد اصلنا قدم على الوظيفه. اذا تم فرز الطلبات وتم اختياره وتواصلوا معاه يبقى بشر ة خير. وهنا بقى يجى دور المقابله وأسئلتها /بما ان دا مكان اكاديمى فالمفروض رئيس القسم مثلا يقوم بالمقابله والأسئلة تكون اكاديمية يعنى توقع اسئلة فى التخصص نفسه وممكن أسئلة عن الخبره فى عمليه التدريس نفسها/بس الامور الهامه هى المظهر اللائق والثقه بالنفس والكلام الواضح.

انا مش متخصص بس اظن ان المشكله كالتالى: الجهاز مش لاقى نظام التشغيل على الهارد وبيروح للحل التانى انه محتاج يقوم من الفوبى او اليو اس بى / ربما تسقيطه ويندوز عاديه وربما الهارد فى مشكله،لو روحت لمتخصص افضل عشان لو فى بيانات انت محتاجه على الجهاز

بالنسبه لتعلم حاجه ففى كورسات كتير اون لاين مجانيه جوجل مثلا عامه كورسات وفى مواقع تانى اسمه كورسيرا دور وشوف حاجه تانسب هواياتم او تخدم معاك فى نوع دراستك. اما بالنسبه للشغل او لاين مافيش شغل معين بس تسجل نفسك فى مواقع زى upwork وتشوف يمكن يجيلك شغل /وفى شىء اساسى وهوا انا تبقى متواصل مع اصحابك وزمايلك ممكن حد شبك فى حاجه ويدلك على خبر /بس عموما دا تفكير كويس منك انك تستغل الاجازه صح.

السلام عليكم ممكن تتواصلى مع حد من اللجنه يقولك بس عموما على حد علمى الموضوع لا يخص حضرتك كطالبه الموضوع يخص دكاتره المعهد / بعد ما بيخلص الدكتوراه بيقوم بابحاث عشان الترقيه وكدا بيسموها ورقه بحثيه وبيقدموها فى المؤتمرات بس لازم تكون بالشكل المذكور ( الافتراصات والملخص والنتيجه) /المؤتمرات بيختار موضوع عام زى take the plegde to better health ولازم الابحاث المقدمه كلها موضوعها يمشى تحت الموضوع دا/ وزى ماهو مكتوب اللجنه تراجعها الاول عشان تقبله يتقدم فى المؤتمر او لا / طبعا عنوان المؤتمر بيكزن جذاب شويه ربما يكون معناه ان نمد تعهدنا كمقدمى رعايه صحيه الى تحسين الخدمات الصحيه

انا عملت اقل حساب فى CIB ومعاه كارت ائتمانى كنت بدفع منه المصاريف الدراسيه اللى توصل للمبلغ اللى ذكرتيه فى مره واحده وكمان كان بيسدد تكلفه إدارة صفحة على الفايسبوك / وتقدرى تتابعى اون ورسايل على الموبايل/بتشحنى الكارت من الماكينه خارج البنك دون الحاجه لزيارة البنك.

على حسب سنك وطبيعه دراستك/ ممكن روضه او جيم او صيدليه او ممكن تدرسى كورسات لغه لو انت كويس فى اللغه

الرسوم ٧٠ جنيه تقريبا /تاخديه امتى؟ اسرع حاجه تانى يوم

فى مواقع freelancing بيطلبوا كُتاب محتوى على سبيل المثال موقع upwork روح اعمل حساب وشوف الفرص المتاحة

الممارسه مع متحدث اصلى

هناك محلات لبيع الادوات الرياضيه والكرات ممكن يشفوا المشكله ويساعدوك

اذن هتدخل جامعه مصريه او سوريه خاصه؟؟ تخصص حضرتك قريب من علمى وخاصه علم رياضه وبناء عليه تكون حاسبات ومعلومات متاحه ايضا لك/عند التقدم بشهادتك للجامعه يناقشوا معاك المتاح امامك وخصوصا انك مش حاله فريده طلاب خليجيين يدرسون فى مصر من سنين . وممكن تتواصل من جامعات خاصه من الان وتستفسر.

انت ناوى تحول اثناء الثانوى ولا بعد ماتخلص ثانوى؟

قناة اليوتيوب خطوه كويسه على الطريق وانت راجل تربوى/ فكر فى محتوى تعليمى للقناه تجرب وتصقل مهارتك فيه فى المونتاج وفى صنع متابعين او مجتمع /اما موضوع مش فاضى للتدريس فدى فايدة اليوتيوب درس واحد يتعمل ويفضل موجود يفيد ومممن ربح من وراه كمان/لما تتمكن من شغلك ممكن تعرض على بعض المعلمين عمل فديوهات تعليميه

اظن كليه الزراعه و اى معااهد زراعه عليا زى المعهد العالى للتعاون او الارشاد الزراعى (أعرف حد فعلنا دخل المعهد) لو انت طالب او طالبه اسأل مردسين المدرسه نفسهم

تحياتى اخى العزيز كتبت الرساله دى بنفسك ولا حد ساعدك قبل ما نقترح حلول عمليه؟؟

تفقد المرأه حقوقها القانونيه التي يمكن الحصول عليها بالطلاق

احتاح فلوس معرفش ابدا من الصفر كيف.... الاجابه ابحث عن عمل

ممكن مواقع اون لان ويبقى اختبارى تفاعلى وياخدوا الطالب بالدخول على الموقع اون لاين وابسط حاجه فيهم وتستخدم على نطاق واسع google dox

الجامعات الخاصه/الجامعه المفتوحه/الجامعه العماليه/اسئل على الانتساب فى بعض الكليات/ سمعت كمان عن معاهد تمريض خاصه /ممكن تدخل ٣ ث منازل وتتعامل كدفعه حديثه /بس حضرتك تطرق هذه الابواب وتاخد معلومات مضبوطه من الجهات المختصه

معلوماتك دى بناءا على ايه؟

تمام بس مش ضامن تمام للعمل ممكن رابط مش شغال ممكن الوظيفه اصبحت مش متاحه من ساعة ما رفعوا الكورس؟

ازاى؟ الكورس فى رابط ياخدك للشغل؟ انا اعرف انى الكوروسات اللى على يودمى مسجله تترفع وتستمر تجيب عائد؟

هل حصلت على الوظيفه فعلا والكورس يساعدك تكمل؟ ولا لازم تاخد الكورس عشان تشتغل؟

دع ما يريبك الى ما لايريبك

عليك بالبحث عن عمل

طالما حضرتك مش داخل فى موضوع ارتباط فاقترح عليك تخلى فلوسك معاك واستثمرها ولو بشكل بسيط عشان تجيب الزكاه بتاعتها على الاقل.طيب مااجيب دهب او اجهزه وانا الكسبان عشان الحاجه بتغلى؟ للاسف اللى هترتبط بيها هيكون لها رايها الخاص فى الدهب والاجهزه وهتحس انك فرضت عليها حاجات معينه (حتى لو انت جايب افضل الماركات).للاسف محدش هيقدر انك بتحاول تواكب التضخم وتخف عن نفسك. اما العروسه او اهلها فالامر مختلف ممكن يشتركوا الاجهزه والمطبخ ودهب كمان يضاف للقايمه (والراجل مالوش راى فى كدا ودا حق اصيل للعروسه فى ثقافتنا)

اولا انا كنت بجاوب على سؤالك اكتب ايه فى مكتب التوظيف او ااقول وبحاول احل مسأله التوهان اللى بتقول عليها.هل الامور اوضح الان؟؟

شافاكى اله وعافاكى الافضل الدكتور اللى يقرا الاشعه او كان ممكن تسالى دكتور الاشعه / انا مش طبيب بس الانجليزى بيقول حصوه صغيره فى الكلى الشمال / ناس كتير بتعانى من الحصوات على فكره/ ان شاء الله بالعلاج والفوارات وشرب السوائل ربنا يخلصك منها/ بس لازم ترجعى للطبيب دا مهم جدا مش منك لنفسك/ الف سلامه عليكى

دروى على مدرس كويس مجموعه صغيره ويكون فاهم الوضع وهوا ممكن يساعدك ويأسس لقدام.بس لازم تبذلى مجهود وتحاولى بلاش كلمه فاشله وفشل/للاسف طلاب كتير بيكون خارجين من ٣ ع نفس الشئ /يمكن نتيجة الترم دا خير عشان الاوضاع تتحسن / بالتوفيق

دى احد عيوب الدروس الخاصه حتى لو الطالب مستريح فيها وبينجز تبقى مرهقه بدنيا وبتاكل وقت كبير من اليوم /لكن تبقى هى الاصل مدرس وطالب قصادوا والمدرس يتابع الطالب ويثير اهتمامه ويشجعه/فى المقابل الدروس الاون لاين مريحه وموفره للوقت بس مافيش التفاعل المطلوب بين الطالب والمدرس ولو تصحيح الاختبارات والواجبات بيظل ناقص. عموما جربى فى الجزء الباقى ليكى من تانيه وممكن ترتاحى فى الاون لاين وممكن تاخدى رايك حد جرب اولتين فعلنا من معازفك

شافاها الله وعافاها ممكن تطلب من الدكتور المعالج يعلمك او يدلك على حد من الاطباء الشبلب يعلمك/ ممكن تسأل على دورات اسعافات اوليه فى الهلال الاحمر وتسال عن موضوع الانعاش دا/

نصبحتى تجدد البطاقه اولا الاول تحسبا لاى شى والموقف للتجنيد مالوش علاقه بالبطاقه

الفكره الاساسيه فى الموضوع انك هتدخلى منازل اما الاجراءات الورقيه يدلك عليها شئون الطلبه او مدير اى مدرسه ثانوى قريبه منك /ممكن تعدي على اقرب مدرسه ثانوى وتسألي فى شئون الطلبه او المدير وتقولى عايزه أقدم منازل ايه الاوراق المطلوبه ؟ هيقولك روحى الإدارة وهاتى طلب كذا او ورق كذا او موافقه كذا (استمارات وخلافه) اهم شيء بيان نجاح اولى وتانيه ثانوى ( من قسم شئون الطلبه فى الاداره) وفى الاداره ( قسم التعليم الثانوى) هيقولك خط سير الورق لحد ما تتسكنى فى مدرسه وتمتحنى هناك- يس فى الاول لازم تفكرى فى السبب وهتروحى فين يعدها واولى كليه هتتاجلى الامتحانات ازاى (تحسبا التنسيق كان عالى) واستعداك لثانويه عام لتانى مره هيكون ازاى وهتاخدى دروس ولا والتكلفه.

هتدخلى منازل كانك توقفت عت التعليم بعد تانيه ثانوى. بيان نجاح اولى وبيان نجاح تانيه وتقدمى منازل تالته بس هتتاكدى ان نفس النظام لسه شغال ودا يستلزم سؤال فى قسم التعليم الثانوى فى الاداره او مدير اى مدرسه ثانوى قريبه منك

الطلب على ثانوى تمريض عالى والتنسيق والمجموع بيختلف من سنه للتانيه فلااظن ان ياخدوا حد خلص اعدادى من ٣ سنين ويشوفوا التتنسيق ساعتها من كام (معنديش معلومه مجرد بفكر معاكى بكل بساطع عدى على اى مدرسه تمريض قريبه منك واسالى ممكن يفيدوكى او التعليم الثانوى فى الاداره التعليميه) بس عموما فى كليه تمريض ومعاهد تمريض بعد الثانوى شدى حيلك وابذلى اللى تقدرى عليه وربنا الموفق /سمعت عن معاهد تمريض خاصه كمان

احيانا كتير العصبيه على والولاد والخنقه وغيره بتكون مجرد ا عراض مش هى المشكله الحقيقه/ ممكن تشوف انتى مش راضيه عن ايه او ايه السبب الحقيقى وتحاولى تعالجيه / و اكيد طبعا اللجوء لربنا علاج لاى حاجه كفايه تحسى بامان انى لجات لربنا/فى دعاء جميل وهو اللهم اشرح لى صدرى وييسر لى امرى

ان شاء الله تقدري تكمل. فى ناس بتسيب التعليم سنين طويله وترجع تكمل .روحى اقرب إداره تعليميه قريبه منك فى قسم التعليم الثانوى واسألى على الورق المطلوب والتقديم /غالبا هيكون بيان نجاح اولى وتانيه ثانوى وحاجه تثبت ان محل الاقامه قريب من من الاداره ( القاهره حسب كلامك ) وهتدخلى بس غالبا تحت مسمى منازل))

ودى اون لاين ولا هتسافر تحضر هناك؟وينفع تاخد فيزا على حسها؟؟

لو الموضوع الحصول على شهاده تلاقى بيها شغل خليني اسهل الامر شويه. تجيب بيان نجاح اولى وتانيه اعدادى وتقدم فى اى مدرسه منازل 3 ع والدنيا هتبقى بسيطه. يعدها فى تنوع واسع قصادك من التعليم الفنى مش لازم ثانوى عام .اصبح دلوقت فى مدراس تكنولوجيه ومدارس تابعه لمصانع ومدارس فندقه وممكن يعدها تنتقل لتعليم جامعى عام او خاص

مجهود مشكور ويبدو ان احنا قصاد مشروع باحثين صغار.بس الموضوع محتاج مهارات للبحث العلمى ومعلومات اساسيه زى مناهج البحث وطرق البحث والاحصاء عشان يطلع بحث علمى محترم وعلى اساس علمى.وعاده بيتم كمان دا اشراف استاذ جامعه متخصص.وبعدها ياتى سؤال مهم :هعمل ايه بالبحث والنتاءج اللى توصلت ليها؟؟ ااقدمه فى مؤتمر ؟احصل بيه على درجه علميه؟؟ اسىله يجب التفكير فيها. عموما يستطيع اصدقاءك مفتاحه احد اسا تذه الكليه عندهم وهو هيدلكم على الطريق . بالوفيق

على حد علمى يمكن الوصول اليه عن طريق التنويم المعناطيسى واصبح ممنوع.بس السؤال هوا ليه؟؟

ياخى دى من رقة القلب

خريج اداب؟؟

فى فرص عمل كويسه زى الكول سنتر الايام دى الالمانى مطلوب فيها وممكن دخل عالى كمان / بس بيكون اتقان مش مجرد معرفه ودى بيحتاج اكتر من كورس وفى اماكن معترف بيها زى معهد جوته/ دى غير انى بكلملك عن الحياه عموما الشهاده الجامعيه فى مجتمعاتنا لها مزايا اخرى زى تحسين فرص الزواج.

نصحيتى الشخصيه انك تكملى عشان يبقى معاك مؤهل عالى وتتحسن فرصك فى حاجات كتير ومنها التوظيف لان ذى ماقلت المؤهل هو الاصل/ كورسات اللغه سواء المانى او انجليزى او كمبيوتر تتحصل فى اى وقت. واللغه عموما مش يتاعة كورس او اتنين دا تحتاج وقت اطول لاتقانها/ وبعدين مافيش تعارض بين الدراسه وكورس الالمانى الكورسات بيقى شغلها اقل من مجهود الدراسه يعنى تقدرى تجمعى بين الاتنين ( على حسب عملى الجامعه المفتوحه يعنى دراسه اونلاين).بالتوفيق.

الدراسه الاكاديميه على يد معلم افضل بكثير لو انت حابب المجال وكمان تاخذ إجازه والناس تعترف برايك وكلامك.تقدر حضرتك تدرس انتساب فى كليه الاداب قسم علم نفس وممكن تاخد دبلوم تربوى سنه واحده فى كليه التربيه تخصص علم نفس تربوى او صحه نفسيه.

تتزوجى مقابل دين؟! دا السؤال ؟؟ دا سؤال استفهامى ولا استنكارى؟

حضرتك مش كاتبه معلومات كافيه زى مؤهلك او هدفك عشان الناس تقدملك النصح بشكل افضل .لكن عموما حسب فهمى كليه التجاره يعنى شهاده جامعيه تشتغلى بيها/كورسات اللغه دى سواء المانى او غيره وكورسات اللغه بتساعد مع المؤهل عشان الواحد يلاقى وظيفه كويسه بالمؤهل دا ولا مش موضوع دا ولا دا لان طبعا المؤهل هوا الاصل يعنى افرضى واحد معاه مؤهل متوسط والمانى( مستوى او اتنين مثلا) وواحد تانى معاه تجاره من غيره لغه مين فرصه افضل فى الحصول على وظيفه فى شركه؟

بالتوفيق فى شويه حاجات انت نفسك تعملها تستعد القناه زى مثلا استخدام الهاشتاج واستخدام كلمات مفتاحيه معبره واستخدام صوره مصغره thumnails واضحه وجاذبه كمان تقدر تروج للقناه بين الاشخاص المستهدفين نفسهم ( حسب مافهمت طلبة ثانوى) والاهم من دا كله يكون لها محتوى هادف.انا ماشفتش بء انت متاكد ان اسم باميه دا مناسب ؟؟

محامى يعمل اسئناف للحكم وهيطلع على أوراق القضيه وحيثيات الحكم ويقول لكم اللي حصل وبناء على إيه تم الحكم/اعانكم الله

معلومه على الماشى قبل ماحد يرد على التساؤل /upside down معناها مقلوب / لكن فى حياننا ups & downs يعنى اوقات يسر واوقات عسر ولو الشخص down بس يبقى حزين او محبط.

كرر الموضوع مره تانبه وربنا يهديه.ا بس احرصى انها تحطى الكرتوبه فى مكان متدارى.

افتكرى ديما الايه دى:((وبشر الصابرين الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون)) يعنى لكى اجر كبير على الصبر على فراقه وادعى له بالرحمه وباخلاقك الطيبه تكونى ستر له من النار ان شاء الله. النبى صلى الله عليه وسلم دفن ابنته وابنه .استعينى بالله واجعليه فخور بدرجاتك الحلوه واخلاقك الطيبه. الله يرحمه.

يكتبهم تحت بند ايه؟ المفروض القايمه تشمل الحاجات الاثاث وبيضبفوا لها الشيكه بس يكون موجود وساعات يقولوا العروسه عندهم دهب خاص بيها/ والموضوع مش موضع خطورة اصافةة الدهب او لا القايمه يتتعرف قيمتها ساعه المشاكل والانفصال لقدر الله وفى اهل بيظنوا ان دا امان للبنت وضمان لحقوقها/ من الافضل ان الاهل هما اللى يناقشوا الامور دى افضل حسب العرف والاصول.

هل انت جبت دهب ١٠٠ جم فعلا؟؟

عذرا لتاخرى فى الرد / احييك على حرصك على التقرب لله بالصدقه واعانك الله/ حسب فهمى المتواضع هذا الموقع لتبادل الاراء والخبرات اكتر منه موقع للافتاء الدينى وسؤالك شكله دينى تماما وفى مواقع دينية متخصصة زى دار الافتاء وغيرها اولى بالرد وتعطيك الجواب الشافى/ انا سؤالى لحضرتك هو تعبير عن رأيي الشخصى ( لان زى ما قلت المكان هنا لتبادل الاراء والخبرات ).ولست ملزم بهذا الراى والزملاء شاركوا ولعل مشاركتهم تكون افيد لك

قال تعالى: ﴿فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا* وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا﴾

تتصدق على امك اللى ربتيك وصرفت عليك لحد ما اصبحت رجل وهى الان تحتاج المال لترعى اخوتك البنات الايتام؟ دا سؤالك؟