Nessma neno

اولا والدتك بتحبك كمان واضح انها اهم شخص بالنسبالك وانتي اهم شخص بالنسبالها هي كل الحكايه كانت بتتمنالك الافضل وبتحاول تضغط عليكي نفسيا عشان تنحجي وتثبتي نفسك كليه التمريض مش سهله وحرفيا هي أهم كليه حاليا تقريبا عالميا لدرجه ان فيه خريج تمريض حصل في الفترة الأخيرة على ترخيص بفتح مركزه الخاص مش فاكره في دولة ايه بس هو مصري كل فرص العمل للتمريض وحاليا عاملين ضجه بنجاحهم ادخلي على جروبات التمريض وتابعي ناس زي هنداوي و محمود هجرس وفرجيهم لوالدتك هتفخري بنفسك وبالكليه وانا عديت بنفس مرحلتك لدرجه اني شيلت مادتين في سنه اولى والحمدلله اتخرجت بتقدير عالي في النهايه

هو شعور انك عاوزة تتراجعي ده طبيعي كل الامهات بتحسه اكيد مقررتيش الفطام من فراغ يا اما الطفل كبر أو فيه ظرف صحي القرار ده مبيتاخدش بسهوله و احساس انك عاوزة ترجعي في كلامك بيحصل عادي بتحسي أن ابنك او بنتك صعبان عليكي أو انك مش هتكوني المفضله عنده أو أنه يبعد عنك بس كل ده مش صحيح هتفضلي أمه وهيحبك وهيلزق فيكي زي وقت الرضاعه واكتر وبعد شويه هتحسي براحه كبيره نوم متظبط هتعرفي تفردي ضهرك وانتي نايمه ومش محتاجه تصحي ستلاف مره بالليل ونوم البيبي برضه هيتظبط هتدخلوا مرحلة جديدة مع بعض هتقدميله فيها اكتر من الحليب

دي حيل نفسيه بيهرب بيها العقل الباطن من مسؤلية المذاكرة كان عندي صديقه الله يرحمها كانت حاطه ستيكرات قدام مكتبها فيها جمل تحفيزيه كتيرة من ضمنها (إذا أعجبتك حلاوة النوم فتذكري مرارة الفشل وتذكري أن لديك حلم وعليك تحقيقه) خذ بمبدأ قليل دائم يعني تذاكر 10 دقائق كل يوم افضل من انك متفتحش كتاب اصلا وفيه طرق تسهل المذاكرة مثلا تحط عناوين رئيسيه للدرس وتحت منه عناوين فرعيه اكتبهم في كشكول او استخدم ماركر حتى لو مذاكرتش الدرس كله هتكون عندك فكرة عامه عنه مش تتفاجأ بيه في الامتحانات عامه هي الثانويه العامه مش نهايه الحياة لكن تخيل حياتك فيما بعد هتكون راضي وشايف انك عملت اللي عليك حتى لو مجبتش المجموع اللي منتظره ولا قاعد تلوم في نفسك عشان كنت تقدر تذاكر وسيبت نفسك لمرقعة العقل الباطن

15 سنه غالبا الحوار بتاع ثانوي وتمريض وتجاري وكده يعني غالبا اهلك عارفين الأصلح ليك الشغف ده خليه على جنب لما تظبط مستقبلك مفيش كرامه مع الام أو الأب طاعتهم واجبه الا في معصية الله استخير ربنا في اللي هم عاوزينك تختاره رضاهم هيفرق معاك في كل خطوة في حياتك خبرتهم في الحياة أضعاف أضعاف خبرتك اتناقش معاهم بهدوء من غير صدام وإن شاء الله خير

بصي اللي هتقضيه في ترجمه وحفظ دلوقتي ده هيساعدك قدام ف متستهونيش ب اي مصطلح تتعلميه هي البدايه كده مع المواد الطبيه بيكون الترجمه طبعا مختلفه مهما كان مستواكي كويس في الانجليزي ف انتي كده بتبني نفسك هوني على نفسك وادخلي وسط الدحيحة ده افضل من انك تكوني وسط ناس مش بتاعت مذاكرة والصاحب ساحب مش عارفه جروبات معينه ده غير انا متخرجه من زمان واكيد الوضع بقى مختلف دلوقتي وقتها كنت جايبه قاموس طبي عشان افهم معنى الكلام بس حاليا الدنيا بقت مفتوحه وكله بقى على الابلكيشنز متوفر بسهوله

لم المنهج حاجه وحفظ كل كلمه حاجه تانيه يعني اكيد الدكاترة لما بيشرحوا بيركزوا على حاجات بيقولوا الجزئيه دي مهمه وعلى حسب كل مادة يعني فيه مواد اسئلتها مقالية وفيها mcq وفيه حاجات بتحتاج رسم افتكر مادة التشريح نجحت فيها بحفظ الرسومات وفيه مواد غتته ف حاولى تشوفي حد اكبر منك وتستفسري منها يعني لو معاكي بنات في السكن اكبر منك بسنه أو اتنين اكيد هيفيدوكي ولو مفيش شوفي على السوشيال ميديا ادخلي جروبات خاصه بالناس اللي زيك حتى لو مش هتتواصلي بنفسك هتلاقي ناس زيك بتسأل اقري الردود

اهدي الاول وحاجه مهمه لازم تعرفيها الثانويه حاجه والكليه حاجه تانيه خالص يعني موضوع انك تلمي المنهج كله ومتسيبيش ولا كلمه ده خيال علمي حاولي ترجعي تظبطي يومك واربطي مذاكرتك بالصلوات يعني قسمي يومك بكل الحاجات اللي عاوزة تعمليها في ورقه بحيث مثلا تبقى الساعه 5 صلاة الفجر والاذكار وبعدها اكتر محاضرة مستغلساها وتدعي ربنا قبلها بالتوفيق. .ربنا أكرمك بفرصه متضيعيهاش وتضيعي تعب اهلك

معقوله بيعمل كده قدامك المفروض يخاف يعمل كده ع الأقل قدامك عشان متقلديهوش أو تشوفي أن ده عادي عامه تجنبيه تماما وركزي في دراستك وحفظك وادعي له ربنا يهديه

ما هو قرار الجواز مبيجيش في لحظة عموما اذا كان كده او كده ف واضح أن مفيش نصيب متوقفيش حياتك على شخص كل اللي جمعكم دقائق معدودة وزي ما هو موجود هتلاقي الاحسن منه باذن الله

بصي انتي غالبا مش هو ده اللي انتي عايزاه انتي عشان هو رفضك عقلك صورلك كده حاولي تكوني صادقه مع نفسك وتشوفي انتي اتعلقتي بالشخصية دي اكتر بعد ما قال إنه مش مرتاح.صلاة الاستخارة مش بس انك تحسي براحه انتي بتصليها مرة واتنين وتلاته لما تحسي براحه هتمشي في الخطوبه لو لقيتي الموضوع متيسرش يبقى مكانش خير ليكي.وانتي مش مش عاوزة تتجوزي انتي قلقانه استعيني بالله الجواز سنه الحياة واكيد اهلك ليهم نظرة في الأشخاص اللي بيتقدمولك ممكن يساعدوكي في الاختيار

الدنيا مبتقفش على حد وكل مرحلة وليها اصدقاء يعني صحاب ابتدائي غالبا بيتغيروا على اعدادي أو ثانوي واكيد بيتغيروا وانتي في الجامعه وبعد كده هيتغيروا على حسب لو هتقعدي في البيت أو تشتغلي ومكان الشغل وهكذا نادرا ما بيحتفظ حد بصديق لفترات طويلة وبعد كده هتعرفي أن الدنيا تلاهي ولما كل واحدة يكون لها حياتها الخاصه مش هتتواصلوا الا في حاله انكم ساكنين قريب من بعض أو فيه صلة قرابه كبري دماغك منها وعامليها بالمثل واشغلي نفسك بحاجات بعيد عنها ووسعي دائرة صحابك وركزي في مذاكرتك