مَرْيَم عماد

*لازم يكون عندك أساس قوي ،بحيث إن مهما حصل انا تمام،وكويس إنك مُدرك اضرار الأمر ده ..عشان تبني أساس قوي ،لازم ورقه وقلم وحط نفسك ف المواقف اللي بتحصل لك يوميا او معتاد عليها تمام، ثم تكتب اي افظع حاجه ممكن تحصل ،يعني اي اسوء سيناريو ،يعني مثلا لو اخوك ضايقك وفتح الباب مثلا وأنت مش بتحب حد يفتح الباب ف تكتب ف الورقه وبعد مايفتحه هقوم اقفله طب لو فتحه تاني هقفله وهكلمه براحه يعني خليك جاف المشاعر ف النقط اللي بتضايقك عادي خليه يجيب آخره فاهم قصدي؟ يعني عادي حرب الموضوع مره واثنين وتلاته هتبدأ تتعود وهما عندما لا يجدوا منك ردود أفعال تجاه أفعالهم ،تلقائيا هيبدأو عدم فعلها وف النهايه هتكون إنت الكسبان *

وعليكم السلام ورحمه الله وبركاته ، طبعاً انا مش دكتوره نفسيه ولا حاجه ،لكن حبيت انصحك كام نصيحه كده ممكن بإذن الله تفرق معاك يعني ،حضرتك وارد يكون السبب قلة الصلاه وعدم ذكر الله والدنيا اللي بتلهينا دي ،ف نرجع لطريق ربنا وشغل القرآن واسمعه وبلاش اغاني ف البيت والكلام ده . تاني حاجه وارد برضوا يكون السبب حسد وعين قويه ف شغلك وحياتك عمتًا ،ف شوف شيخ يُرقيك . ثالثاً ممكن تكون مضغوط جدا او بتفكر ف حاجات كتير زي مصاريف البيت أو اي نوع ضغط ده بيسبب عصبيه ف الحل إنك تسيب كل حاجه تمشي ببركة ربنا عليك السعي واللهُ هو المُدبر يعني ماتقلقش كل حاجه هتتحل وخلي ليك ولزوجتك وقت تقعدوا فيه لوحدكم من غير دوشه وكلام عن الحياه والمشاكل والكلام ده انساه خالص خدها ف حضنك كده واقعدوا وانسوا الدنيا وصالحها هاتلها اي شيء بسيط جدا او حتى كلمه حلوه وقولها عايزك واقعدوا ف البلكونه كده او مكان هادئ ومعاه فيلم، يعني أخلق جو جديد ده هيفيدك وهيقربكم اكتر من بعض وهي والله هتنسى اي شيء حصل بكلمه حلوه منك مش شرط آسف بس كفايه إنتِ كذا كذا مقدرش ازعلك أنتِ متعرفيش كنت حاسس بإيه وانا مزعلك وهكذا وهي هتنسى اصلا ومتنساش تصلي ركعتين قضاء حاجه وحط ف نيتك إن ربنا سبحانه وتعالى هيقضي ليك حاجتك .ويارب يارب تستفاد ويصلح لك ربنا حالك واحوالك يارب

من وجهة نظري إنت تجيب ورقه وقلم وتبدأ تكتب كل ماده وجمبها اللي المفروض تذاكره...ثم تخصص لكل ماده تلت ساعاات أو ساعتين .ثم بلاش تسهر وتجهد نفسك لأن ده هيأثر على تركيزك وهيخليك مش مركز اصلا مع الوقت. الأفضل تنام وتصحى لصلاه الفجر وتبدأ يومك وأشوف البركه هتكون ازاي ف اليوم .وبينما بتذاكر القديم هتخصص يوم تلم فيه القديم واليوم اللي بعده الجديد ودرس بدرس وربنا معاك ويوفقك

من وجهة نظري إنتِ حقك تماماً تختاري شريكك ف المظهر اللي تحبيه،لكن طالما أخلاقه كويسه ومحترم ويتوفر فيه بعض الصفات اللي تتقبليها وصعب تلاقيها تاني ف بشوف انك توافقي عليه وبعد الجواز هو بقى يشوف أكلك وهكذا ويشوفك قد اي مهتميه بنفسك ف بالتالي تأثري عليه ونصيحتي ليكي اوعي تقولي له إنك هتغيريه أو عيبك كذا....ماينفعش وهو ممكن يتغير موقتاً ويرجع بعد الزواج أسوأ.ف الأفضل زي ما قولت لك.وربنا يقدم لك كل خير.واستخيري برضوا ربنا لا يُضيع اهله.

انا مقدره مشاعرك تجاه الموضوع جدا وحساسية الموضوع فعلاً مزعجه. لكن جاوبيني هو إنتي لسه عايزاه ولا عايزه تتخلصي من الشعور ده اللي هو إنك تحني ليه ثم بقا لو إنتي لسه عايزاه ف ده اكبر غلط وده واحد لا يستحقك حتى لو كانت مشاعرك معاه لازم تنتهي لأنه مش مقدرك ولا قدر مشاعرك تجاهُ ده واحد بيتلكك اقسم بالله لو حد بيحب حد عمره مايفكر إنه يوجع الطرف الآخر ويحرجه بالشكل ده تحبيه ليه ؟? إنتي لازم لما تيجي تجوزي أو تدخلي ف علاقه لازم تكوني ملبيه احتياجاتك بنفسك ومليئه بالشبع العاطفي عشان لما تيجي تخشي علاقه تكوني عقلك في راسك مش مستنيه اهتمام ولا حد يحبك لازم تكوني عارفه قيمتك كويس جدا ماحدش يعرف يوصل لقلبك بسهوله غير لما يكتب الكتاب بعدها بقا له كامل الحق يكسب قلبك وحنانك وكل حاجه جميله فيكي لكن واحد ماقدركيش بنرميه ف الباسكت ومبنفكرش فيه صدقيني ربنا سبحانه وتعالى نجاكي وهيعوضك بإذن الله

طيب هو المشكله عندنا نبدأ نعالجها بطريقتين الطريقه الأولى وهي طريقه دينيه؛ بنشغل نفسنا بالطاعات عشان نفسنا مش تشغلنا بالمعاصي وخليك دايما ع وضوء والطريقه التانيه سلوكياتك؛لازم تتغير لازم ابعد عن كل نظره حرام زي التيك توك لأنه إنت عارف إنه مليان بنات اشكال والوان العلاقات المحرمه لو في تنتهي تمام. تقعد تستغفر كتير أوي لأن الذنب ده مش سهل ثم إن الاستغفار يقوي البدن ويجعلك بإذن الله قوي أمام المعاصي والذنوب واوعى تيأس من نفسك كل ماتتوب لربنا سبحانه وتعالى وتقع تاني حاول الف مره لما ربنا سبحانه وتعالى يرى منك صدقك في إنه إنت عايز تتخلص من الذنب ده بإذن الله هتبطل ودائما خلي الدعاء ده معاك (اللهم ارزقني لذه طاعاتك واحرمني لذة معاصيك ) الدعاء ده بإذن الله مع المداومة عليه يكرهك ربنا عز وجل فيه ويحببك في الطاعات .

ممكن يكون نوعية الستات أو البنات اللي بتشوفها مش هما دول اللي ف دماغك أو مش شبهك ده ف حالة في تعامل، إنما ف حالة مافيش تعامل خالص وأنت كارههم كده بلا سبب ف ممكن يكون نموذج سيء شوفته ف حياتك ف صغرك أو شخص كان غالي عليك وفجأة تصرفت معاك بتصرف خلاك تفقد رغبتك ف الصنف كله صدمه مثلا، ف كل ماتحس بالجانب الطبيعي لأي شاب زي الاستقرار والجواز وهكذا الصدمه دي تيجي ف دماغك أو تسيطر على رغبتك بالزواج،،حلها بقا من وجهة نظري: لما تلاقي بنت الحلال اللي ترتاح ليها وتعجبك بدون اي تفكير أو مقدمات تقدم لخطبتها وتوكل على الله ممكن هي تغير عندك الصوره كامله وتخليك قابل ليها والتعامل معاها وتطلع غير اي حد عرفته أو صدمه طفوليه، هي بمعنى اصح تغير لك الصوره اللي واخدها زي إنك تعيش لوحدك وكاره الجنس الآخر كله وده طبعاً غلط.

حطي حدود يعني ، إنت ماتديهاش الفرصه تقعد وتحكي معاكي م الأساس.يعني سلام عليكم وعليكم السلام واتعاملي كأنها غريبه وخليكي دايما مشغوله قدامها مش فاضيه بعمل حاجه ورايا حاجه وبكده هتكوني عرفتيها إنك فاهمه نيتها السوء وبعدتيها عنك بالطريقه كأنك بتقولي ليها (أنتِ ماتستهليش تكوني ف حياتي ).

تقولي له مثلا انا بحب الطريقه دي ف التعامل وأنك تفهمني دي حاجه تهمني هو لو انا وانت اتكلمنا واعترافنا بأغلاطنا اي اللي هيحصل مانا بغلط واي بشر كده ف لو سمحت احترم راحتي ونقطه ،،سمع كلامك وفهمه وطبقه كان بها ،ماسمعش مع الف سلامه وأنت حاولتي وعملتي اللي عليكي

الحقيقه انا شايفه إنك لو قلبك معاه وهو في كام حاجه كويسه غير الجزء السيء ده . ويعني متمسكه ،ف رأيي تحاولي تتكلمي معاه بطريقه لطيفه وتعلميه بس بالادب عشان مانبوظش الدنيا😂

هو حضرتك مسلِم

الندم الحقيقي إنك تعيشي مُجبره ومش مبسوطه واللي هو يخالف أمر الزواج اصلا (الموده و الرحمه.)

طيب حبيبتي ليه تفضلي معاه صدقيني صدقيني والله مافيش حاجه بتتغير بعد الزواج مستحيل ،ده إحنا لنكتشف حاجات اسوأ ، ف مابالك بقا أنتِ مش متقبله شويه الحاجات دي هتعملي اي بعدين ،انه كل واحد يروح لحاله دلوقتي اريح وافضل الف مره من الطلاق . فكري كويس جدا جدا ومتسمعيش لحد لأن ماحدش هيعيش معاكي ولا هيشيل شيلتك .

وتعرفي إنه اللي مش متقبلاه دلوقتي ،عُمرك ما هتتقبليه بعد الزواج

أنتِ عملتِ اللي عليكي خلاص قوليلوا كده انا عملت اللي عليا وكل مره اقولك الحاجات اللي مش بحبها وأنت مُصِر عليها وانا بصراحه مش قادره اكمل ،شوفي ردة الفعل ،سمع منك سمع ماسمعش كان بها ومع السلامه

العفو يا حبيبتي ♥️

السؤال التاني اللي سألتيه، لازم يكون هو أعلى منك عشان مع الوقت هينقُص ايمانِك وحتماً هتحتاجي تشجيع ودعم وهو لو مش موجود فيه الجهاد والسباق ف الأعمال الصالِحه ،يبقا إيمانك وعزيمتك هتقِل .

اولا بصي يحبيبتي اللي بتفكري فيه هتلاقيه بإذن الله والدعوات لأنها تُغير الأقدار . ثانياً تجيبي ورقه وقلم وتكتبي الصفات دي تمام ..وبعد كده لما يجيلك عريس تكتبي نسبة الصفه دي فيه .. وتسألي نفسك هل ممكن يتأثر بيا يعني لما يشوفك بتعملي كده ،ف النسبه تعلى ف تكوني خدتي اللي أنتِ عايزاه وعليتي نسبة الصفه فاهماني. ثالثا والأهم لو لقيت الصفات موجوده فيه بنسبه قليله ممكن تعلى مع الوقت ،لكن لو الصفه مش موجوده نهائياً ف ممكن نتكلم عن فضلها يعني قدامه حاولي تتكلمي عن فائده غض البصر وازاي الشخص ده بيكون ولي من أولياء الله المخلصين وهكذا ،لقتيه ماتأثرش ،ماتتانزليش عن الصفه وخلاص كده. تبقي عملتي اللي عليكي ومقفلتيش ع نفسك

انا بس مش فاهمه أنتِ ممكن خيالك يوصل لفين يعني اي أقصى خيال وضحي لي

العفو ياقلبي

وإياكي يا حبيبة قلبي. جربي كده

حبيبتي ربنا يكرمك يارب ويعوضك خير

بصي معاكي قرنفل تغليه ومعاه قهوه وتدلكي فروة رأسك وتغسلي بعديه بالشامبوه بتاعك كويس بس جربي ،،،،لو مانفعتش ف اغلي بصل وتوم وقرنقل وتغسلي بيهم شعرك وبإذن الله تلاقي فائده ،،،ولو متوفر عندك ممكن تروحي تزوري دكتوره او صيدليه توريها شعرك

ونقطه مهمه جدا جدا حطي حدود وماتروحيش تسأليه عن حاجه ولا تخليه يتكلم معاكي ابتعدي تماماً

اللهم امين يحبيبتي ♥️ خدي وقتك ف الزعل وتخطي المرحله وتحملي المسؤوليه وياريت لو في أحد أقاربك تكون بجانبك يكون افضل وتذكري إن كل هم وحزن واي ابتلاء هيعود عليكي بالنفع ف الدنيا والآخرة وتكفير خطايا واحتسبي أجرك عند الله وبجد لو احتجتي اي حاجه انا معاكي

صدقيني قربك من ربنا سبحانه وتعالى ينجيكي ف الدنيا والآخرة وهيعينك

رحمة الله عليه ،خلاص أياً كان حاولي تدعي لهم وتصبري وعارفه والله شعورك وإن الموضوع صعب تقبله بس ربنا عليم وهيربط على قلبك بإذن الله وإن شاء الله هما خير ليهم ربنا يجعل مرضهم شفيعاً لهم يارب ويدخلهم الجنه بلا حساب ولا سابق عذاب إنتي حققي ليهم أمانيهم شوفيهم كانو عايزين يشوفوكي ازاي وحاولي تكوني عليه

استخيري وربنا يريح بالك وقلبك

حددي هدفك اولا يعني اعرفي انا عايزه اقول اي واوصل اي .واهم نقطه الهدوء التام ،ده بيخليكي تعرفي تاخدي حقك وتدي نفسك فرصه تفكري قبل الكلام والعقل أهدى بيطلع كلام اعقل وانضج .واستعيني بالله وبلاش ألفاظ وعصبيه

صلي صلاة قضاء حاجه وهي هتتحل لوحدها بإذن الله ربنا يسترها عليكي مقدرش انصحك غير بكده

العفو يحبيبتي ده واجبنا تجاهِك