زهرة الأمل

السلام عليكم ورحمة الله وبركاته معلش يا حبيبتي بس مش هينفع تضيعي حياتك عشان خاطر اهلك....هو لما انتي تكتشفي شخصيته الحقيقية في الآخر بعد الجواز أهلك هينفعوكي فى ايه ؟! أنا ماما عملت كدة مع بابا وبالذات إن ستي كانت خايبة ومكنتش بتعرف تفرق بين الحلو والوحش راحت شافت بابا بيصلي راحت خطبته لماما وعلي هذا الحال وماما اكتشفت بعدين إن هو شخصية نرجسية وحتي إحنا كأولاده بنعاني معاه ...وعلفكرة ماما كانت عرفت في فترة الخطوبة حقيقته ولكن ستي قلتلها هتشمتي الناس فيا وبدأت تضغط عليها ولحد الآن ماما زعلانة ولكن أنا بحاول أصبرها بإن ده إبتلاءها ومش هينفع نعترض على قضاء ربنا وهي راضية الحمدلله ولكن ادعولها بالصبر والثبات بالله عليكم ....فرسالتي ليكي رغم صغر سني عندي 16 سنه اعتبريني اختك الصغيرة الناصحة ليكي ...رسالتي ليكي إن القلب بيحس بالخطر وعشان كدة يمكن تكوني مش حاسة بالأمان والاستقرار مع فكرة خطيبك ده بالذات إن فترة الخطوبة طولت.... أولاً استخيري ربنا بعدين إدعي ربنا بهداية أهلك للخير ويهديهم للصح ولفعل ما في مصلحتك بعدين إقرأي سورة البقرة كاملة كل يوم ويفضل بعد صلاة الفجر ولو حاساها طويلة ممكن تقرأي صفحه واحدة كل يوم لحد ما تحسي أن الكمية صغيرة وتبدأي تزودي الصفحات وهكذا يعني أنا بحاول أبسطهالك قدر الإمكان وتلتزمي بقراءة الأذكار الصباحية والمسائية كل يوم وتاج الذكر والصلاة الإبراهيمية لأن التلاتة اللي أنا قولتهم دول مفتاح كل كرب والله والله بإذن الله هتنفعك ومفيش حاجة بتقرب من ربنا إلا وكانت سبيل الخير بإذن الله والشيخ الشعراوي رحمة الله عليه كان بيقول إن ربنا ساعات بيخلي الإنسان زعلان ولا مهموم ولا تعبان ولا بيبتليه عشان بس يقربه ليه أكتر فتخيلي لما تقربي من ربنا فأكيد مش هيردك فاضية وعندك برضو صلاة قضاء الحاجه دي خطيرة ركعتين أول ركعة سورة الإخلاص تاني ركعة سورة الكافرون أو العكس مش فاكرة الصراحة.....دعاءها لا اله إلا الله الحليم الكريم سبحان الله رب العرش العظيم الحمد لله رب العالمين اللهم لا تجعل لي ذنباً إلا غفرته ولا هماً إلا فرجته ولا حاجة لي هي لك رضا إلا وقضيتها لي يارب العالمين..وتقولي الدعاء وياريت تصلي على النبي عليه الصلاة والسلام الأول بعدين تستغفري ربنا كتير لأن ساعات العائق للدعاء هو ذنب مفيش مش معروف ....وتقولي الدعاء وياريت تبدأي بالصلاة على سيدنا محمد والختام بيها لأن مش فاكره هو حديث ولا لأ ولكن مافيش حاة جت ما بين الصلاتين وهتترد يعني ربنا بيستحيي يقبل الصلاة على سيدنا محمد ويرفض دعوتك .......أسفة على التطويل ولكن أرجو كل من يقرأ تعليقي أن يدعو لهذه الفتاة هذا الدعاء دعوة 40 غريب مستجابه لن يأخذ من وقتكم كثيراً .......... بسم الله الرحمن الرحيم أسأل الله العظيم رب العرش العظيم أن يهديك للخير وأن يفرج همك وييسر امرك يارب العالمين يارب يهدي أهلك للخير ويهديهم لما يصح ويكون في مصلحتك يارب ويكشف حقيقة خطيبك أياً كانت لأهلك لكي يطمئنوا بالحقيقة يارب العالمين يارب يرزقك الزوج الصالح التقي النقي الطاهر الذي يخشي الله فيكي عاجلا غير آجل يا أختي يارب العالمين .....أسفة علي كلامي الكتير ولكن أرجو أن تتقبلي من أختك الصغيرة هذا الكلام 💖🥰

معلش يا حبيبتي بس مش هينفع تضيعي حياتك عشان خاطر اهلك....هو لما انتي تكتشفي شخصيته الحقيقية في الآخر بعد الجواز أهلك هينفعوكي فى ايه ؟! أنا ماما عملت كدة مع بابا وبالذات إن ستي كانت خايبة ومكنتش بتعرف تفرق بين الحلو والوحش راحت شافت بابا بيصلي راحت خطبته لماما وعلي هذا الحال وماما اكتشفت بعدين إن هو شخصية نرجسية وحتي إحنا كأولاده بنعاني معاه ...وعلفكرة ماما كانت عرفت في فترة الخطوبة حقيقته ولكن ستي قلتلها هتشمتي الناس فيا وبدأت تضغط عليها ولحد الآن ماما زعلانة ولكن أنا بحاول أصبرها بإن ده إبتلاءها ومش هينفع نعترض على قضاء ربنا وهي راضية الحمدلله ولكن ادعولها بالصبر والثبات بالله عليكم ....فرسالتي ليكي رغم صغر سني عندي 16 سنه اعتبريني اختك الصغيرة الناصحة ليكي ...رسالتي ليكي إن القلب بيحس بالخطر وعشان كدة يمكن تكوني مش حاسة بالأمان والاستقرار مع فكرة خطيبك ده بالذات إن فترة الخطوبة طولت.... أولاً استخيري ربنا بعدين إدعي ربنا بهداية أهلك للخير ويهديهم للصح ولفعل ما في مصلحتك بعدين إقرأي سورة البقرة كاملة كل يوم ويفضل بعد صلاة الفجر ولو حاساها طويلة ممكن تقرأي صفحه واحدة كل يوم لحد ما تحسي أن الكمية صغيرة وتبدأي تزودي الصفحات وهكذا يعني أنا بحاول أبسطهالك قدر الإمكان وتلتزمي بقراءة الأذكار الصباحية والمسائية كل يوم وتاج الذكر والصلاة الإبراهيمية لأن التلاتة اللي أنا قولتهم دول مفتاح كل كرب والله والله بإذن الله هتنفعك ومفيش حاجة بتقرب من ربنا إلا وكانت سبيل الخير بإذن الله والشيخ الشعراوي رحمة الله عليه كان بيقول إن ربنا ساعات بيخلي الإنسان زعلان ولا مهموم ولا تعبان ولا بيبتليه عشان بس يقربه ليه أكتر فتخيلي لما تقربي من ربنا فأكيد مش هيردك فاضية وعندك برضو صلاة قضاء الحاجه دي خطيرة ركعتين أول ركعة سورة الإخلاص تاني ركعة سورة الكافرون أو العكس مش فاكرة الصراحة.....دعاءها لا اله إلا الله الحليم الكريم سبحان الله رب العرش العظيم الحمد لله رب العالمين اللهم لا تجعل لي ذنباً إلا غفرته ولا هماً إلا فرجته ولا حاجة لي هي لك رضا إلا وقضيتها لي يارب العالمين..وتقولي الدعاء وياريت تصلي على النبي عليه الصلاة والسلام الأول بعدين تستغفري ربنا كتير لأن ساعات العائق للدعاء هو ذنب مفيش مش معروف ....وتقولي الدعاء وياريت تبدأي بالصلاة على سيدنا محمد والختام بيها لأن مش فاكره هو حديث ولا لأ ولكن مافيش حاة جت ما بين الصلاتين وهتترد يعني ربنا بيستحيي يقبل الصلاة على سيدنا محمد ويرفض دعوتك .......أسفة على التطويل ولكن أرجو كل من يقرأ تعليقي أن يدعو لهذه الفتاة هذا الدعاء دعوة 40 غريب مستجابه لن يأخذ من وقتكم كثيراً .......... بسم الله الرحمن الرحيم أسأل الله العظيم رب العرش العظيم أن يهديك للخير وأن يفرج همك وييسر امرك يارب العالمين يارب يهدي أهلك للخير ويهديهم لما يصح ويكون في مصلحتك يارب ويكشف حقيقة خطيبك أياً كانت لأهلك لكي يطمئنوا بالحقيقة يارب العالمين يارب يرزقك الزوج الصالح التقي النقي الطاهر الذي يخشي الله فيكي عاجلا غير آجل يا أختي يارب العالمين .....أسفة علي كلامي الكتير ولكن أرجو أن تتقبلي من أختك الصغيرة هذا الكلام 💖🥰

السلام عليكم ورحمه الله وبركاته حضرتك أنا بردو نفس المشكلة وعندي الحل وهو الجدول بصي بقى خطير أنا في تانية ثانوي أزهر أدبي بجد امتحانتنا قربت خالص يوم 20 / 12 ادعيلي بالله عليكي أنا على فكرة حاولت أنشره والجدول ده علشان ألم المتراكم اللي عليا.... والجدول كالتالي 1 هتجيبي ورقة 2 هتكتبي المواد اللي عندك 3 هتكتبي عدد الدروس لكل مادة عدد دروسها كلها وأو عدد الدروس اللي عايزة تخلصيها بس أنا عند نفسي حطيت عدد الدروس كلها 4 هتكتبي الأيابم المتبقية ليكي 5 هتقسمي عدد الدروس على عدد الأيام المتبقية مثال عشان أنا حاسة إن شرحي محتاج شرح 🥲 مادة النحو عدد الدروس 60 الأيام المتبقية 20. ..... 60÷20= 3. يعني 3 دروس نحو يومياً وهكذا مع كل المواد اللي عندك وتدعيلي بالله عليكي وربنا يوفقنا ويوفقكم جميعاً يارب العالمين 🤲💖🌷

بسم الله ماشاء الله تبارك الله عليك يا حبيبتي أنا كنت زيك كده بالظبط عندي حاليا 16 سنة دخلت أزهر أدبي حالياً أنا في تانية ثانوي ازهر أدبي ربنا يوفقنا ويوفقكم جميعاً يارب العالمين 🤲❤️ بصي بقي بالنسبة لموضوع الحب والحاجات دي أنا كنت زيك بالظبط هههههههه لما بفتكر بضحك على نفسي كنت في تانية اعدادي كنت في درس الدراسات كانت مجموعة بنات وأولاد أنا اللي كنت معجبة بس عمري ابداً ما قدرت أبصله غير المرة الأولي والوحيدة من شدة حيائي وخجلي ما قدرتش أبصله أبداً لدرجة في مرة كان الأستاذ عامل تحدي ما بينا كبنات وتحدي ما بين الصبيان كل واحد لوحده بس احنا لوحدنا يعني ولكن كحضور في واحد في المجموعة أنا كان عندي رهاب اجتماعي شديد كنت بخجل مع إني كنت شاطرة ومتميزة إلا إني لما وقفت عشان أجاوب الأستاذ بيسألنا واحنا نجاوبه مقدرتش أجاوب بسبب إني متأكدة من نظرات الكل عليا لأن أنا بخاف من النظرات اللي موجه تجاهي وكا ده بسببه لأني عارفة إن هو بيبصلي وهكذا كل حصة مقدرش أبصله أنا كنت معجبة بيه شكلاً ومكنتش قادرة أتقبل فكرة أن أنا ازاي أفكر في ولد حتي 😂 بس لما كبرت شوية أيقنت إن دي مجرد مشاعر بسبب سن المراهقه والحاجة اللي انت عارفاها دي ....نرجع بقي لموضوعك....... إذا كنت انت معجبة كمان بيه يعني حاساه مناسب ليكي وعايزاه يكون هو زوجك المستقبلي 😅🥲 يعني لو عايزة تقديم في الموضوع وهكذا... قولي الدعاء ده "اللهم إني أريد أن أستعفف فاعفني بفضلك ورحمتك يارب العالمين" وصلي صلاة استخارة بس حالياً يفضل إنك تركزي على دراستك لأنك ثانوي عام وأسأل الله التوفيق لك في كل أمور حياتك يارب 🤲❤️وأرجو المعذرة على أخطائي الإملائية إن وجدت واعذريني على قلة نضجي إذا لم تجدي كلامي مناسباً لك وإذا كان هناك سؤال آخر يمكنك التفسير أكثر حتي أفيدك بنسبة أكبر إن شاء الله وتقبلي من أختك الصغيرة كلامها ذلك ... معلش طولت عليكي أنا قلبت لغة عربية فجأة 🥲😅 يلا مع ألف سلامة 💗

التزمي بقراءة القرآن الكريم وخاصة سورة البقرة وحافظي على صلواتك وادعي ربنا والتزمي بقراءة الأذكار الصباحية والمسائية والأدعية باختصار علاقتك بربنا حوالي تشوفي هواية جديدة بتحبيها مثلاً الكروشيه والتطريز الأعمال اليدوية والقراءة والكتابة الإبداعية والرسم بالنسبة الكروشيه كنت قرأت مقال عنه بيقول إنه بيعالج الاكتئاب بنسبة 60% ومهم جداً لأنه بساعد علي الهدوء النفسي والتركيز والتخلص من الأفكار السلبية والتشتت ياريت تجيبيه وتبدأي تتعلميه 💗 وبالنسبة لصحتك أظن علاج الفيروجلوبين مهم جداً جداً وهو عنصره الأساسي الحديد والزنك لأن أعراضك دي بتدل على نقص الحديد في الدم باختصار عندك انيميا ده حسب علمي ❤️

استمري على تاج الذكر وسورة البقرة كل يوم و أوعدك بإن حالتك دي هتختفي عاجلاً غير آجل يارب العالمين إن شاء الله. تاج الذكر هو "لا اله الا الله وحده لا شريك له له الملك وله الحمد وهو على كل شيء قدير" واذا كنت مستكترة أو شايفة سورة البقرة طويلة فقسميها على عدد صلوات اليوم صلاه الفجر 10 صفحات صلاه الظهر عشر صفحات صلاه العصر 10 صفحات صلاه المغرب 10 صفحات وصلاه العشاء 9 صفحات لانهم 49 صفحه بالمصحف الشمرلي يعني بالنسبه لي وهكذا كل يوم كل يوم كل يوم كل يوم وتاج الذكر استمري عليه مثلا في اليوم 100 مره 50 مره اللي تقدري عليه أهم حاجه تستمري عليه ودي بجد نصيحه مفيش اجمل من كده والله بس هو في حاجه كمان افتكرتها صلاه قضاء الحاجه والله بجد دي نصيحه يعني مفيش أحلى منها والله صلاة قضاء الحاجة ليها فضل كبير ستحقق جميع أمانيك وليس كذب مني بل عن تجربة حقاً استمري على ذلك تاج الذكر وسورة البقرة وصلاة قضاء الحاجة وربنا يوفقك ويشفيك ونصيحة مني إذا كان عندك ايمان كامل بالله فلن يصيبك أي أذي ولا تخافي من الموت أتعلمين من يتذكر الموت دائما يكون في حماية الله لأن الله تعالى وبركاته يذكرك بنهايتك دائما فتتخلين عن فعل المعاصي ولذلك لا تقلقي وإذا احتجتي أي شيء أنا دائما موجودة 💗

قال رسول الله صلى الله عليه وسلم "من غشنا فليس منا" أظن أنك قد سمعت بهذا الحديث مئات المرات وهنا ينفي النبي انتماء الغشاش إليه وإلى أمة المسلمين ومع أنني أنصح بكل ذلك ..يجب أن أوجه الكلام إلي نفسي أولا 🥲 وأيضاً يجب أن تثق أن الله سيكون في عونك إذا تخليت عن شيء ما لوجه الله وتذكر دائماً من ترك شيئاً لله عوضه الله خيراً منه وأيضاً... أنا عندما كنت أذاكر السنة الماضية في الصف الأول الثانوي الأزهري كانت هناك مادة لم أفتحها نهائيا سوي ليلة الامتحان وكنت أحاول قراءتها كلها قدر المستطاع أمي طلبت مني أن تساعدني في مراجعة المادة ومذاكرة الدروس الأهم فيها قلت لها يجب أن أعمل ما بوسعي ويجب أن أقرأ على الأقل الكتاب كله. من أجل أنني إذا طلبت مساعده ربي أن يذكرني بما نسيت فيجب أن أكون قد مررت على الكتاب علي الأقل وأيضاً تذكر أنه حتى المتأخر عن السباق قد يسبق الجميع مهما كان وقت تأخرك وأنا أؤمن بتلك العبارة أشد الإيمان وأسال الله أن يوفقنا وإياكم أجمعين 🤲

السلام عليكم ورحمه الله وبركاته بصي يا حبيبتي الحالة اللي انت فيها دي اسمها اكتئاب ولازم تعترف دي نقطة زائد أن مش حد تاخدي بنصيحته 100% لاني عندي 16 سنه بس ولكن انت في حاله اسمها الاكتئاب انت فاقده الشغف تجاه اي حاجه ما عندكيش نفس لاي حاجه حتى اهلك ما عادوش بيهتموا بيكي قوي ما بتحسيش بلطفه وحالات تجاههم زي الاول ... اول نقطه بالنسبه لي لازم توجهي نظرك للنعم اللي انت فيها يعني تقولي مثلا انا عندي ام انا عندي اب انا عندي اخوات انا عندي بيت انا عندي ايد ورجل وعين وبعرف اشم وبعرف اسمع وعندي شعر وعندي وعندي.... كل حاجه نعمه بالنسبه لك حطيها في بالك وعديها وعد النعم اللي انت فيها بعدين ما تروحيش للسلبيات يعني ما تقوليش انا ما بعرفش اعمل كذا ولا بعرف اعمل كذا ولا نفسي في كذا ولا كذا ولا كذا ولا كذا اهم حاجه تعرفي انت نفسك في ايه من الحته اللي انت بتحبي فيها يعني انا مثلا بحب اكل بيتزا بحب اكل شاورما يبقى ايه اللي بيتعمل بيتزا الطبخ اجرب اطبخ مثلا مره هفشل هبقى جرب تاني هفشل اجرب ثاني عادي ولا يهمك اهم حاجه التاكيد شغفك في الحاجه اللي انت بتعمليها انا بنصحك تعملي كروشيه يعني تعمقي في الكروشي شويه كده اتعلمي واحده بواحده حتى هو مش مفيد بس هو بيهدي التركيز جدا وفي حالات برده في الولايات المتحده يتعالجوا من الاكتئاب بسبب الكروشيه لانه ساعد على التخلص من التوتر والقلق والاكتئاب كل الحالات النفسيه عموما يعني وعايزه اقول لك حاجه تاني اهم واهم حاجه هو في حاجه مهمه وفي حاجه اهم المهم هي نفسك دي ايه مهمه خالص الاهم علاقتك بربنا لازم لازم لازم انصحك كل يوم تقرأي سوره البقره حتى لو انت هتشوفي سوره البقره دي كبيره او كميه كبيره جدا اول حاجه تلتزمي بيها الصفحه كل يوم بعدين بعد فتره هتلاقي الصوره بدات او الكميه بدات تبقى قصيره يعني الصفحه دي قصيره جدا تبداي تزوديها تبقى صفحتين بعد فتره هتبقى قصيره فتزوديها لثلاث صفحات بعد فتره هتلاقيهم قصيرين وهتزودي هكذا لحد ما تخلص الصوره كلها وتبقى كلها ورد يومي إن شاء الله وحافظي على صلواتك كلها وابعد عن ذنوب الخلوات وحاولي نفسك في اي حاجه الفن الفن انصحك بيه جدا جدا مع ان عمري ما جربت الكروشيه ولا جربت الحاجات اللي انا هقول لك عليها دلوقتي بس انا شايفه فيها الشغف جدا بس انا ما معيش او حاله الماديه ما تسمحش بكده ربنا يرزقنا جميعا يا رب المهم انت هتجيبي الكروشيه هاتي لك بكرتين ثلاثه شغل الكورس على اليوتيوب بعدين اتعلمي واحده واحده غرز غرزتين خش على تطبيق بنترست شوفي افكار الكروشيه هيجيب لك ميداليات هيجيب لك عرايس هيجيب لك مفارش هيجيب لك هدوم هيجيب لك شنط هجيب لك كوفيات طاقيات حاجات كتير جدا افكار متعدده كتير الفن الثاني او الهوايه التانيه اللي انصح بيها عجينه السيراميك عجينه السير فن تشكيل بتجيبيها يا اما تعمليها في البيت و وهي مكوناتها سهله جدا نشا وفازلين وغرا خشب وتعجني لحد ما العجينه تتماسك وبعدين تجمعيها او تبدأ تشكليها او تلوليها وهكذا متشكرين بقى تجيبي برده تطبيق بنترست برده تقولي افكار لعجينه السيراميك هيجيب لك افكار كثيره جدا الفن الثالث رسومات ابداع رسومات سهله ولوني هاتي كتاب تلوين الكتروني او ورق تقعدي تلوني بالالوان هتلاقي الشغف بجد والله مع انها حاجات هايفه جدا انت هتقولي يعني الحاجات دي اللي هتفتح نفسي انا بقول لك دي خطوات عمليه بدائيه ماشي ونتواصلوا بعدين ان شاء الله يا ريت تنفذي بس الحاجات دي الاول علاقتك بربنا دي تكون التوب يعني اهم حاجه حطها كده في اول اولوياتك وتكون عندك نقلتان بالتغيير يعني "إن الله لا يغير ما بقوم حتى يغيروا ما بأنفسهم" صدق الله العظيم لازم تكوني متيقنه تماما ان ربنا هيغيرك لو انت هتغيري نفسك وفي مقوله لبروسلي والله انا حاطاها ورقه على قدام المكتب بتاعي عشان اذاكر "كما تفكر سوف تصبح كذلك" يعني اللي بتفكر بيه انا جميله هتكون كده انا غنيه هكون كده إن شاء الله يعني انا ذكيه هكون ذكيه انا فرفوشه وضحوكه ومهما يكون اللي حواليا زعلان انا هكون فرحانه إن شاء الله بس في حاجه اسمها يعني حديث مش فاكره انا طالبه ازهريه بس مش فاكره الحديث قوي بيقول اللي هو يعني فيما معناه بيقول ان ما ينفعش افرح عشان خاطر حالته ما جرحوش يعني ولما ابقى انا زعلانه ما ينفعش اظهر زعلي مع اللي فرحان عشان خاطر ما اجرحهوش برده .. تعمقي برده في الدين اكثر هتلاقي نفسك بترتاحي وبتنسجمي مع دينك اكثر يعني دين الاسلام الحمد لله على نعمه الاسلام نعمه عظيمه جدا الحمد لله عليها وبس يا حبيبتي ولو في حاجه ثانيه والله هقولها لك انا هعمل لك حفظ عامله رسالتك حفظ عشان خاطر لما تبعتي حاجه او كده انا اعرفك واتواصل معك اكثر عايزه اقول لك حاجه انا شغاله رد على الناس والله انا عارفه حاجات دي كلها ما تفكرش ان انا بعمل حاجه كده يعني انا بعمل بحاول اثبت نفسي ربنا يثبتنا ويثبتك يا رب ومعلش على الكلام يعني ممكن تلاقي فيه غلطات في الكلام لاني بتكلم بالصوت اللي هو الكتابه بالصوت يعني بتكلم والبتاع هو اللي بيكتب للمترجم اه مش عارفه اسمه ايه وبس يا حبيبتي بس مع السلامه 💗

السلام عليكم ورحمة الله وبركاته أنا سأجيبك من وجهة نظري الشخصية... أولاً...يجب أن أوجه هذه الرسالة إلى نفسي قبل أي أحد لأني أعرف ما يجب فعله ولكن لا أفعله🙂😂 اللهم تهديني يارب العالمين 🤲 أهم شيء هو التخطيط ..إذا عرفت أهدافك استطعت تنفيذها بسهولة وأفضل وقت بالنسبة لي للتخطيط هو قبل النوم لأني لا أستطيع النوم بسهولة فأستغل هذا الوقت لكتابة أهداف الغد .. .ثاني شيء وهو البداية..يجب البدء مهما كانت الظروف ..أنا لا أستطيع البداية لتنفيذ أي شيء والحل الوحيد بالنسبة لي هو سماع الفيديوهات التحفيزية .. ثالث شيء تقسيم المهام وعدم وضع أهداف كبيرة لعدم الملل ... رابع شيء وضع نفسك ...(في خيالك) ...في وقت الإمتحان ... هذا يكون أكبر حافز لي صراحه.. خامس شيء ومن المفترض أن يكون أول شيء وهو علاقتك بالله عز وجل يجب أن تلتزم بسورة البقرة يوميا (بالنسبة لحجم السورة فأكيد ستكون صعبة ابدأ اليوم الأول بقراءة صفحه بعد الإستمرار لفترة ستجدها قصيرة فتزيد الكمية لصفحتين ثم بعد فترة ستجدها قصيرة ثم تزيد الكميه إلي ثلاث صفحات وهكذا إلي أن تجدها كاملة قصيرة )... هي هدفي القادم إن شاء الله. وصلواتك في وقتها وأن تبتعد عن ذنوب الخلوات وأن تعطر لسانك دائماً بذكر الله.. أنا أقضي وقتي في نصح الناس والرد علي جميع الرسائل في هذا التطبيق 😂 أعوذ بالله أن أكون من أصحاب الآية التي قال الله تعالى فيها "أتأمرون الناس بالبر وتنسون أنفسكم" ..صدق الله العظيم

السلام عليكم ورحمة الله وبركاته بصي يا حبيبتي ليه الواحد يشك في كل الناس؟ ليه يتوقع الأذى دايمًا؟ لأن: 1. اتجرح قبل كده… والجرح لما يلمس الروح بيخلي العقل يعمل “إنذار مبكر” طول الوقت. 2. شاف خيانة من أقرب ناس… فبدأ يُعمّم إن كل الناس شبههم. 3. الثقة اتكسرت مرة… ولما تُكسر مرة، بتتكسّر على شكلها ألف مرة جوا الدماغ 4. قلة الأمان في البيت أو الطفولة… بتخلي القلب يعيش طول عمره مستعد للهروب 5. دماغها بتحميها بطريقة غلط… بدل ما تقول “اتعلمي من اللي حصل”، بتقول “ماتثقيش في حد تاني”. طب والحل؟ إزاي تفكّ السلسلة دي؟ 1. تعترفي إن الخوف مش ضعف… ده بقايا جروح. والاعتراف بيخفف حمل نصه. 2. تعرفي إن مش كل الناس شبه اللي أذاها. الدنيا مش مجموعة نسخ… في الحلو، وفي اللي يستاهل باب مقفول. 3. تتعلمي تفرّق بين “الإحساس” و”الواقع”. الإحساس بالخطر ≠ وجود خطر حقيقي. 4. تبدأي ثقة صغيرة… صغيرة جدًا. زي نقطة نور. قرار واحد: “هفتح الباب فتحة صغنونة… مش هوسّع، بس مش هسكّره تمام.” 5. تتعاملي مع نفسك برحمة. الإنسان اللي بيتوقع الأذى هو إنسان تعِب… مش عنيد ولا متشائم. الرحمة أول علاج. 6. لو الجرح قديم وتقيل… تستشير متخصص. فيه هنا متخصصين نفسيين على فدني...هتلاقي في الصفحه مكتوب خبراء فدني هتختاري بقي المتخصص اللي يناسبك 7. تتعلمي تقولي كلمة: لأ. اللي بيعرف يحمي نفسه، بيعرف يثق براحة.

يعني دي كلها حلول بديلة وبحاول أساعدك قدر المستطاع وممكن تعمله خطة توفير لمدة 6 شهور الاتفاق إن انتوا توفّروا مبلغ ثابت… وبعد الست شهور، تشوفوا: هل قادرين على تمليك صغير؟ هل قادرين على وديعة لشقة أحسن في المستقبل؟ وربنا يباركلك في بناتك ويحفظها ويخليهم لكم ويوفقكم ويسعدكم وييسرلكم أموركم بإذن

ماشاءالله تبارك الله ✨🌷أنت كدة وصلت لنصف العلاج وهو إنك عرفت المشكلة وحالياً تسعي لحلها واعرف برضو إن خير الخطائين التوابون. و من ترك شيئاً لله عوضه الله خيراً منه ............أنا مجربتش السجاير خالص ولكن نصيحتي ليك وهو حل وحيد ودائم ولما تعمله عمرك ما هترجع لها أبداً وهو إنك تقرب من ربنا وممكن تعمل مدة محددة كهدف يعني مثلاً لمدة شهر كامل مش هقرب من السجاير وبالمقابل هكافئ نفسي بحاجة بحبها أكلة مثلاً خروجه أشتر كتاب أي حاجه حلوه تعجبك بقي ودي طرق مختصرة وهي 🌹1 الإلتزام بالصلاوات الخمس ويزاد عليهم صلاة قيام الليل وأيضاً صلاة الوتر دول معجزة 🌹2 قراءة القرآن...ويفضل سورة البقرة يومياً بعد صلاة الفجر 🌹3 الصحبة الصالحة حاول وانت بتروح تصلي في المسجد تشوف شابين زيك ملتزمين يعني وتصاحبهم دول لما تصاحبهم هتتكسف تعمل الغلط 🌹4 الذكر الكتير وأذكار الصباح والمساء بمثابة حصن المسلم وادعي دايماً الدعاء ده اللهم اجعل لساني رطبًا بذكرك اللهم أعني على ذكرك وشكرك وحسن عبادتك 🌹5 صلاة قضاء حاجة دي معجزة حرفيااااا ادعي بما تتمني وسيتحقق بإذن الله ومن اقترب وتقرب من الله عز وجل لن يرده خائباً أبداً والتزم بهذه الوصايا الخمس وستجد فرقاً كبيراً بإذن وكما قلت لك حدد هدفك وصوب نحوه بسهام الخير 😊

بس في فكرة جات في بالي لحظيا كدة يعني.... هو إنت مش بتشتغل شغل جانبي خالص ؟...لو لأ فأنصحك بيه لأنه هو اللي بيجيبلك الفلوس .... ويفضل لو متعلم لغة إنجليزية ....بص من الآخر عشان أفكاري مشوشة ياريت لو عندك مهارة طوّرها النت بقي بيكسب وحقيقي مش نصب ولكن بالمقابل يكون عندك مهارات حقيقية مش تكون قاعد ومستني الفلوس تجيلك!!... في طلبات أكتر لللي متعلمين اللغة الانجليزية لأن أغلبهم بيبقي أجانب وهكتبلك دلوقتي إيه الأشغال اللي بقت مطلوبة على الإنترنت

وياريت تقرب من ربنا أكثر وانت هتلاحظ الفرق و مش هتصدق كرم ربنا اللي هيجيلك فجأة وأنا عارفه انك بتحبها ومش قادر تبعد عنها حتي ولو في سبيل شغل وربنا يديم الحب والمودة والرحمة ما بينكم ولكن ما تستناش من كل النصائح اللي انا قولتلك عليها دي حتي لو بتعملهم كلهم وحتي لو أكتر منهم يعملوا تأثير وانت أصلاً مش قريب من ربنا فاهتم بصلاتك وكل من كان مع الله لم يرده الله خائباً أبداً

جزانا الله واياكم كل خير اخي الفاضل

يعني أقصد حاول تعمل حاجة تقربك من ربنا أكتر بنية فرج همومك وكل شيء عملك هم يعني أنصحك بسورة البقرة يومياً وركعة الوتر يعني الشفع والوتر بعد صلاة العشاء ولو مش ملتزم بالصلاة إبدأ التزم واعرف دايماً إن خير الخطائين التوابون وأنا منهم برضو وأنصحك أكتر وأكتر بإيه ...بصلاة قيام الليل دي معجزة حرفيااااا ...إدعي فيها كل اللي انت عاوزه لأن ربنا قال وإذا سألك عبادي عني فإني قريب أجيب دعوة الداعي إذا دعانِ....وأكتر وقت يفضل فيه الدعاء لما تقوم وكل الناس نايمة وتسأل ربنا بالشيء اللي انت محتاجه يعني أصلاً لما تصلي على سيدنا محمد صلى الله عليه وسلم وتدعي وتختتم بالصلاة على سيدنا محمد ربنا بيستحيي يقبل الصلاة وميبقلش دعاءك ...والذكر الكتير برضو وإقرأوا أذكاركم مع بعض دايماً ...وصلي صلاة قضاء حاجة وأنصحك برضو تحوش مبلغ كدة من شغلك حسب المدة اللي تعجبك وحاول تشتري شقة برة تجنباً للمشاكل العائلية .......وأنصحك برضو بالصدقة الأسبوعية لو تعرفها دي بتزرع البركة حرفياً هي حصالة بتحطها في غرفة النوم في الصالة في أي حتة بس ما تحركهاش من مكانها أبداً كل ما تشوف مبلغ تحطه فيها أياً كان كام ..وياريت زوجتك برضو تعمل كدة معاك ..،بعدين يوم الجمعة اللي هو بعد أسبوع يعني لو هتبدأوا من يوم الجمعة تتصدقوا بيها لكل محتاج ولى داعي بعد المبلغ اللي تم جمعه وأي استفسار آخر ؟

أنا فاهمة تعبك من الموضوع بس مش ممكن طالما انت شايف المشكلة تعتبر محلولة بالنسبة للماديات أو أقصد المسؤوليات ..مش ممكن يكون الموضوع ديني وروحي شوية

1. يجيب لها كباية شاي من نفسه. 2. يساعد في طيّ الغسيل خمس دقايق. 3. يكمّل عنها جملة وهي تعبانة. 4. يراجع على البنات درس واحد بس. 5. يبوس رأسها يوم ضغطها عالي. 6. يعلّق حاجة وقعت بدل ما يستناها هي. 7. يحسسها إنها جميلة… حتى لو مش عاملة شعرها. 8. يحضّر الفطار يوم واحد في الأسبوع. 9. يقول “شكرًا” ويعنيها بجد. 10. يشتري لها حاجة صغيرة تحبّها. 11. يشيل الكيس بدل ما تستنزف نفسها. 12. يقفل زرار اللي نسيته بدل ما يعلّق. 13. يسألها: “إيه رأيك؟” في أي حاجة. 14. يشيل البنات يوم وتاخد هي ساعة راحة. 15. يمدح طبخها… ولو بسيط. 16. ينظّف المكان اللي اتوسخ بسببه. 17. يسمع أغنية بتحبها معاه. 18. يعتذر بلطف لو أخطأ في نبرة صوته. 19. يشيل عنها حاجة مؤلمة من يومها بكلمة لطيفة. 20. يبعت لها رسالة قصيرة: “معاكي الدنيا أهون”.

ودي حاجات بتفرق ومهمة عشان تحبيها فيك وفي بيت جوزها

حاجات بتفرق ومهمة جدا جدا مع أي زوج لزوجته ودي مسؤولية وغيرها كتير بس أنا هختصر الأهم بس ...1. تحمل جزء ثابت من مصاريف البيت بدون تمن ولا مِنّة. 2. احترام بناتها كأنهم بناته… مش “ضيوف”. 3. حلّ الخلافات بهدوء مش بصوت عالي. 4. بناء جو آمن نفسيًا يخليها تطمّن إنها مش هتتعاير ولا تُقلّل. 5. المشاركة في القرارات الكبيرة: تعليم البنات، المصاريف، خطط الحياة. 6. الدعم النفسي وقت تعبها مش “ما تهوّليش”. 7. مسؤولية البيت لو تعبت: أكل، ترتيب، متابعة البنات. 8. حماية زوجته من تدخلات الأهل من غير قطع رحم. 9. العدل في المعاملة وعدم استخدام السلطة. 10. الاعتذار الصريح لما يغلط… الرجولة مش ناقصة. 11. مسؤولية تخصيص وقت للزوجة مش كل وقته للشغل والقاعدة مع أصحابه. 12. الاستماع الحقيقي مش “آه آه.. ماشي”. 13. توفير احتياجاتها الأساسية من غير ما تستجدي. 14. الاهتمام بصحته وبنضج شخصيته عشان يبقى سند مش عبء. 15. تشجيعها على التطور: تعليم، شغل، هواية. 16. احتواء البنات دراسيًا ونفسيًا بدل ما يبقوا “مش شغلته”. 17. إظهار الامتنان على مجهودها في البيت. 18. تنظيم الوقت وعدم السهر لحد الفجر وسايبها لوحدها. 19. حفظ أسرار البيت مش نقلها لأهله. 20. معاملة زوجته كإنسانة مش “خِدمة” ولا “معاونة”.

حاجات واجبة على الزوج تجاه زوجته

البيت مش سجن، والست مش عصفورة مربوطة بخيط. لو بتحبّبها في البيت، لازم أوّلًا تحبّب البيت فيها. اعمّر قلبها أمان… تلاقِي خطواتها راجعة ليك بدون ما تطلب. لو أهلها حضن بتروّح له… اسأل نفسك: ليه حضنك مش دايم كفاية؟ الست تميل لمكان يطمنها، ويستقبلها بوجه فرح مش بوجه محاسب. زوّق بيتك بالحنية، بالكلمة الحلوة، وبالاحترام لبناتها اللي هم جزء من روحها. وقتها هترجع… مش علشان «مفروض» ترجع، لأ… علشان قلبها قال لها ارجعي لو هي بتقعد عند أهلها كتير → غالبًا مش مرتاحة. لو عايزها ترتاح عندك → لازم تشيل الضغط، وتشيل المقارنة، وتشيل الحساسية. بناتها دول جزء من روحها → كِبَر قلبك معاهم، هتحسّ إنك كبّرت مقامك عندها. خلي البيت مكان بتحس فيه إنها متشوّقة ترجع مش مضطرة ترجع. بمعنى تاني: الست بترجع للّي بيحسّسها إنها مش مجرد «واجب»، لكن وطن.

إنك تخليها مش عايزة تسيب بيت جوزها مش بالإجبار ولكن بالحب 😊❤️

@السائل ربنا يباركلك يارب يا حبيبتي وييسرلك أمورك وركزي في دراستك أهم حاجه وجزاكم الله خيراً 🌹💗🌷

@Aya Eid ما أنا عارفة هي أختي الكبيرة بقي يعني أنا في تانية ثانوي وهي في تالتة ثانوي عادي يعني أنا فاهمة بس بحكي موقفي من ثلاث سنين 😂🥰

مش بتلاقي وقت صح ؟؟. هعرفك تجيبي الوقت منين يا عسل ...اليوم فيه 24 ساعة نوم 8:7 ساعات بالكتير علشان لو أقل من كدة أو أكتر من كدة بيأذي جسمنا تمام بيبقي فاضل من يومنا كام لو نمنا 8 ساعات هيكون فاضل 16 ساعة كاملين هنشيل 4 ساعات مدرسة خليهم 6 ساعات بالكتير علشان لما بتيجي بتصلي بتتغدي وهكذا بيكون فاضل 10 ساعاااات كل ده ومش عارفه تلاقي وقت تذاكري وأنصحك ما تقسميش وقتك بالساعات أبداً يعني ما تقوليش هذاكر من الساعة واحدة للساعة تلاتة مادة كذا ولا تقولي مثلاً هذاكر ساعتين رياضة وساعتين علوم ...لأ أبداً.......التقسيمة الصح اللي أنصحك بيها من الفجر للظهر من الظهر للعصر ...من العصر للمغرب من الغرب للعشاء ...وهكذا.... وأكبر نصيييييييحة سيبي التلفوووووون لأنه هو سارق الوقت تمام وفيه نصيحة تانية حلوة هتيجيبي ورقة كبيرة أو كشكول يعني أي حاجه...كل ما تيجي تذاكري هتلاقي أفكر مشتتة أنا عايزه أعمل كذا طب هشوف كذا لأ...كل تيجي فكر.ة وكل ما تيجي حاجة مشتتة ليكي اكتبيها في الكشكول ده وتبقي تعملي الحاجة دي كمكافأة لما تخلصي هدف المذاكره ...وبس يا حبيبتي لو عندك سؤال بخصوص أي حاجة تانية قوليلي 💗😊

السلام عليكم ورحمه الله بصي يا حبيبتي دلوقتي انت في حالك متردده وخايفه ممكن تكوني خايفه بس ما تقلقيش مشاعرك دي بتدل ان انت شخص قلبك طيب ونضيفه ما تقلقيش خالص اهم حاجه علاقتك بربنا اولا واخيرا اول حاجه هتلتزمي بالصلوات كلها هتلتزمي بصلاه الفجر يعني تصحي تصلي الفجر كده تمام بعدين في صلاه العشاء عندك تلات ركعات سنة دول الشفع والوتر ( اعتبريني بنتك اعتبريني اختك أي حاجة أنا في تانية ثانوي ازهر عندي 16 سنه ) يعني أول حاجة قولنا الصلاة تاني حاجة القرآن الكريم هتقرأي كل يوم سورة البقرة ويفضل بعد الفجر لو حاساها طويلة ممكن تقرأي كل يوم صفحة لحد ما تحسي إن الكمية قليلة فتزودي وهكذا لحد ما تقدري تقرأيها كلها كاملة في نفس اليوم تمام تالت حاجة أذكار الصباح والمساء دول كنز والله وتاج الذكر ده .........لا اله إلا الله وحده لا شريك له له الملك وله الحمد وهو على كل شيء قدير وده ملخص علاقتك بربنا وأكبد علاقتك بزوجك لازم تكون مبنية على أسس قوية تمام...بالنسبة بقي للموضوع ده أنا برضو كنت اتعرضت لموقف تحرش من أحويا وكنت يلاحظ منه حركات غريبة وتهديدات وعشان ماما كانت مفهماني إن أي حد يهددني أقولها روحت قلتلها وبدأت تحميني منه وتبعدني عنه قدر الإمكان وكنت لما بقيت في ستة ابتدائي لاحظت إن هو بيتحرش بأخويا الصغير برضو رحت قلتلها ما صدقتش وتحولت تبعدني عن الموضوع لحد ما الموضوع خرج عن حده ولما بقيت في الإعدادية أقسم بالله كل يوم أنا كنت بنام جمب ماما كنت لازم أستني لما هي تنام عشان أقعد أعيط أعرف أفرغ مشاعري المكبوتة لأنها كانت دائماً بتشك فيا وكل ما بحكيلها تشك فيا أكتر كانت بتفكر إن أنا بكدب عليها عشان هو بيهددني ...تخيلي ....أو والله انأ كبرت عن الأول ونصجت وتخطيط الموضوع بعد ما أخويا راح الكلية الحمد لله بس أنا لما بتذكر المواقفي بتصعب عليا نفسي لدرجة إني كنت بمارس العادة السرية من وراها وكل ده بسبب شكها فيا .... فممكن لو كنتي قولتي لمامتك كان هيحصل أسوء ولعله خير وعسي أن تكرهوا شيئاً وهو خير لكم وعسي أن تحبوا شيئاً وهو شر لكم والله يعلم وأنتم لا تعلمون....وعسي أن تكرهوا شيئاً ويجعل الله فيه خيراً كثيراً...يمكن ده عشان تعرفي تتعاملي مع بنتك بعدين وتقدري تفهميها وياريت تعلميها المواضيع الجنسية مبكراً لو حضرتك شفتي مواضيع التحرش الجنسي بالاطفال فياريت تخلي بالك كويس وربنا يحفظها لك يارب العالمين 🤲💖🌷يارب تقبلي النصيحة مني ولو عندك أي سؤال بخصوص أي شيء ممكن تسألي عادي ممكن أعرف أساعدك عادي ❤️

بالنسبة بقي لزهقك ...مافيش حاجة بتحبيها هواية مثلاً زي الكروشيه الرسم القراءة أو الكتابة و التأليف والتطريز و الأعمال اليدوية كل حاجة من دي ممكن تلاقي فيها شغفك وتحبي الموضوع أكتر بالنسبة لموضوع الأكل ممكن تتفرجي علي أكلات علي النت تفتح الشهية للطعام هتحبيها وكل وخلي بالك من صحتك لأن الجنين لما ما بيلاقيش غذاء ربنا بيطلع من المعادن والفيتامينات الضرورية اللي في جسمك وتروحله عن طريق الحبل السري. فا متستهونيش بقلة الغذاء أبداً وأنصحك تاخدي (فيروجلوبين ) هو المصدر الأساسي للحديد يعني هيقويك إن شاء الله وأم حاجة صحتك بالدنيا عشان خاطر البنت أو الولد اللي جاي في السكة يجي بالسلامة يارب يكون عسول كدة وقمور إن شاء الله 💗 وممكن تفسرلي سؤالك أكتر عشان أعرف أفيدك بنسبة أكبر واعذريني على أخطائي الإملائية إن وُجِدت بس لو عزتي أي حاجه أنا في الخدمة ❤️🌹🥰

مع إني مجربتش الحمل ولا الجواز أصلاً لأني عندي 16 بس ياريت تتقبلي النصيحة من أختك الصغيرة بصي يا حبيبتي انتي أظن في الفترة دي الهرمونات متلخبطة وهتكوني حساسة جداً لأي موقف تتعرضيله وغيره ...بصي أول حاجة تقربي إلي الله عز وجل ودايما دايما إقرأي. قرآن كتير يعني إقرأي سورة البقرة كل يوم أيوة زي ما بقولك كل يوم لو حاساها طويلة إقرأي صفحة كل يوم لحد ما تحسي إن الكمية صغيرة وتبدأي تزودي كل فترة وهكذا لحد ما تضري إنك تخلصيها كلها في يوم واحد لو عندك شاشة أو راديو أي حاجة بيتسجل عليها شغلي قرآن كتير عشان الجنين يتعود على سماع القرآن وبالتالي لما يجي بالسلامة إن شاء الله يحفظ القرآن بسرعة في صغره إن شاء الله ...هروح أصلي المغرب وأجي أكمل 😅💗

اللهم آمين يارب العالمين ولكن هل أنت روبوت حقاً أم شخصاً تتنكرين في هذه الهيئة 😃

السلام عليكم ورحمة الله وبركاته بصي يا حبيبتي ❤️ أنا ماما جايبة إيرفراير جميلة تحفه بس كل واحد واستخداماته هي قاعدة معانا بقالها خمس شهور تقريباً أو ستة نوعها سوكاني ... بصي أي حاجة من سوكاني اعتمديها علي ضمانتي والله ما بكذب... كان في واحدة جايبة هدية جايبالنا كبة نوعها سوكاني برضو بس خرافة ..استخدامها سهل وجميلة الإيرفراير بتاعت سوكاني ابحثي عنها واعرفي عنها أكتر 💗

ونصيحة أخري لمعرفة الشخص ...اقراي في علم النفس والإجتماع وفي كتب كتير لو تحبي ممكن أرشحلك كتب من دي... علفكرة أنا برضو بقرأ في علم النفس 💗

بصي أنا مش حد تاخدي بنصيحته لأني عندي 16 سنة بس ..بس هقولك علي أهم الأشياء من وجهة نظري الشخصية أولاً في الخطوبة لازم تعرفي إن الخطوبة دي مجرد اختبار هل الشخص ده مناسب ليا هل هو بيشتغل شغل شريف هل أنا هقدر أشتغل معاه وهل أقدر أعتمد عليهو هل الشخص ده بيقلل مني هل الشخص ده مهتم بيا و هل الشخص ده سمعته حلوة ولا لأ. (هينفع فيما بعد لأولاك ربنا يرزقك 😂❤️) وهل هو أخد أو بياخد عيوبي ك زلات ولا متقبلني بيها يعني مثلا أخوكي المسجون ربنا يفرجها عليه يارب هو بيذلك بيه ولا حاسة بكدة مثلاً..يعني كلها عبارة عن تحليل تصرفات وفي كتيير شخصيات مريضة ونرجسية هو كله عبارة عن تحليل تصرفات واللي أقدر اساعدك بيه حاليا صلي صلاة الإستخارة شوفي نصيبك هيوديكي فين ❤️ وأنا خايفة بصراحة بمسقبلي مع الرجالة بس بصراحه كلمتي الوحيدة كبنت مسلمة أزهرية اللي هقولها وبقولها لنفسي ولكل بنوتة مسلمة اللهم ارزقني و ارزق جميع بنات المسلمين الزوج الصالح التقي النقي الطاهر الذي يصب على الحب صبا ويغار علي ويخاف علي ويتقي الله فيّ اللهم آمين يارب العالمين 🤲❤️