JT 🤍

مش هيسمعك الا اللى خلقك يمكن الهم و الضيق و الشعور بالوحدة دا يكون ربنا قاصده علشان تروح تشكيله علشان ترجعله انت تشعر بالوحدة من البشر فلعلها فرصة للأنس برب البشر صدقا لو رحت لربنا و شكيتله همك مش هيخذلك و هيفرج عنك من حيث لا تعلم

بصى انا مش مفتى علشان افتى فى الدين و لكن اللى لفت انتباهى هى جملة (هل بكدا كفرت) بصى يا حبيبتى دا مدخل من مداخل الشيطان انه يحسسنا انه صلاتنا دى مش مقبولة او ان عملك دا رياء عايز يوصلنا لمرحلة نحس اننا مهما عملنا فعملنا دا مش صح علشان نيأس و نقول طب خلاص اذا كدا كدا صلاتى غلط و مش بخشع فيها فمش هصلى اصلا فأفتكرى ان ربنا رحيم و يعلم نوايانا و ما بداخلنا و لكن دا برضه مش معناه انك تتكاسلى او تتراخى فى اداء الصلاة او امور دينك بالعكس دا يخليكى تحاولى اكتر انك تتميها بأفضل ما يمكن و اما عن الخشوع فحاولى انك تحيطى نفسك ببيئة ايمانية يعنى تسمعى اشخاص بيتكلموا فى الدين او اقرأى فى الدين او تحيطى نفسك بأصدقاء صالحين و دا هيأثر على إقبالك و خشوعك و ان كانوا مجرد اسباب و الاهم هو انك تدعى ربنا يرزقك التوفيق و الخشوع و الاقبال على الصلاة اما بالنسبة للرياء فأعتقد ان كلنا عندنا الموضوع دا و انا بصراحة مش شايفاه انه ضار بالعكس بحس انه بيظهر مدى حرص المؤمن ان يكون عمله خالصا لوجه الله و فى النهاية يا حبيبتى كون الموضوع مأثر فيكى كدا و بتحاولى و تدورى على حل فأنت ممن يبتغى الجنة و رضا الرحمن و ربنا اكيد هيساعدك لانه رحيم بعباده و لكن اعتبرى ان دا اختبار ليكى و لمدى صدقك مع الله و زى ما قلتلك فى اشخاص و شيوخ بيتكلموا عن الخشوع و الصلاة و الدين بشكل عام و ان شاء الله يفيدوكى و ربنا يوفقك و يزيدك منه قربا

انصحهم بالطريقة اللى كنت تتمنى حد ينصحك بيها قبل الالتزام و مش بس النصايح و كمان المعاملة معضلة الشباب لما بيلتزموا و بيكتشفوا ان كل محيطهم عكس اللى الدين بيأمر بيه بيبدأ فى مرحلة الثوران و يمكن يكون شديد عليهم حتى لو مش ملاحظ دا و لكن المعاملة الحسنة اللى امر بيها الدين و خاصة مع الاهل و الاقارب و خاصة و هو بيدعوا للدين و بيعرف الناس الحق كنت سمعت الاستاذ احمد عامر بيتكلم عن موضوع السلام دا و بيقول انه فى بداية الالتزام كان السلام دا معضلة بالنسباله و تقريبا كل اللى حضرتك اتكلمت عنه و لكنه كان دايما بيتحجج يمسك اى حاجة فى ايده او اى حاجة لحد ما الكل اتعود انه مبيسلمش على الجنس الاخر و كدا ممكن تتابع سلسلة وعى هتفيدك جدا و كمان امير منير لانهم مروا بتجربتك و اتكلموا عنها و نصايح لكل شاب بيمر و هيمر بيها ممكن تستفاد منهم و حاول دايما تتكلم بطريقة حسنة و لينة معاهم المعاملة الحسنة مش بس بتغير رد فعل الانسان دى بتغير حال قلبه و شخصيته كمان و ربما لما هم يشفوك على هذا الحال هم من نفسهم يطلبوا النصيحة منك لانهم شايفين ازاى الدين أثر على شخصيتك بالايجاب اتمنى انى اكون فدت حضرتك و اتمنالك التوفيق يا رب و بالصبر و الحسنى كله بيتحل ان شاء الله

بصى يمكن كلامى ميساعدكيش و لكن انا هكلمك بحكم تجربتى الشخصية انا كنت مكان اختك الصغيرة مع اهلى و كان فى تفرقة و لكن الاسواءانى انا كنت الشخص المفضل دا و كنت بحس ان اخواتى متضايقين من دا و كنت بعذرهم بصراحة لدرجة بقيت احس ان فى بينا فجوة و كان دا بيأثر عليا جدا و احاول مكنش ظاهرة فى اى موضوع قدام اهلى علشان ميمدحونيش قدام اخواتى و كنت بحاول اوصل الفكرة دى لاهلى بطريقة غير مباشرة و ان دا بيأثر على علاقتى مع اخواتى و لكن اكتشفت انهم مش بيعاملونى كدا علشان بيحبونى اكتر او اى حاجة من دى بالعكس كلنا زى بعض بالنسبالهم و لكن كل موقف كان بيكون ليه سبب و ليه اتصرفوا بالطريقة دى و ليه و اللى اخواتى مكنوش بيشوفوه هو كمية الحب اللى لما افتح موضوع مع والدى مثلا عنهم ليهم و كمية الفخر اللى هم مش بيقدروا يشفوها لانهم مركزين على الكلام و الافعال اللى خاصة بيا انا و كنت بحاول ابعد عن اخواتى مش لانى الدلوعة و لكن لانى حاسة بالذنب و لانى مش بعرف اعبر عن مشاعر كنت ببعد مش بقرب منهم فانت متعرفيش يمكن اخوتك نفسها مش عاجبها الوضع و مش بتخبى عنك علشان ضرتها و لا حاحة بس لانها مش عارفة تقرب منك و كمان منقدرش نحكم على تصرفات اهلك من غير ما نعرف اسبابهم يعنى مثلا خلينا نتكلم فى موضوع الفرح طيب ليه مفكرتيش انك لسه صغيرة و لازم تكملى درستك دا كان مجرد عءر علشان شايفين ان الشخص دا مش مناسب ليكى و انهم عايزين ليكى افضل منه بينما اختك شافوا ان داالشخص المناسب عادى و صدقينى اللى بتشوفه العين مش كل حاجة ممكن فعلا يكون فى تفرقة منكرش و لكن ممكن ميكنوش واخدين بالهم حتى من دا فلو شايفة ان فى تفرقة واجهى و الموجهة مش معناها تزعقى و تقولى انك المظلومة و الضحية لا ابدا المناقشة معاهم و تحاولى تفهميهم وجهة نظرك و ازاى تصرفاتهم بتأثر عليكى و انك بتراحيهم علشان انت بتحبيهم و بتحبى اختك الصغيرة فأقل كلمة منهم بتفرق معاكى و لو فى سوء تفاهم تحلوه و برضه هرجع اقلك مش كل اللى بتشوفه العين حقيقي و مش كل اللى بنفسره هو الصح و التفضضيل المادى مثلا او الانحياز لطرف احيانا مش معناها ان الطرف التانى ملهوش نفس القيمة و لكن منعرفش ايه اسبابهم علشان نقول بيفضلوا فلان اكثر من علان منقدرش نحكم من اللى شايفينه

يمكن انا معرفش حاجة عن المرض اللى ذكرتيه و يمكن انا مش هكون حاسة بيكى قوى يعنى زى ما قال المثل اللى ايده فى المياه مش زى اللى ايده فى النار و لكن يا حبيبتى انا عرفت من كلامك انك قوية الايمان و والله هذا خلانى اخبك حتى بدون ان اراكى و لكن يا جميلة من لديه هذا الايمان لا يأبه بالناس او بنظراتهم صح نظرات الرأفة صعبة و مؤلمة على النفس و لكن اطلبى منهم هذا اخبريهم ان هذا يؤلمك اكثر من المرض نفسه اطلعيهم على ما بقلبك فمن استجاب لكى فهم من يحبوكى بصدق و من لم يستجب فلا يهم فلينظروا بما يشئون و ليقولوا ما يريدوا ف الله معك و كل هذا فى ميزان حسناتك الخبيث يظل خبيثا فلا تهتمى لاحد و نظرة العطف ما هى الا حب و من يحب لن يجرح من يحبه و لو بنظرة فاسمعى منى و جربى ان تصارحيهم بهذا و كما قلتى الله يبتلى من يحب فيكفيكى حب الله هو يغنى عن كل هذا و الله يشفيكى و يحفظك و يحميكى اختى فانت قوية الايمان صبورة قوية و الله يثبك على هذا الايمان و بهذه القوة دائما و ابدا

ممكن انا سنى صغير انى اتكلم فى مواضيع زى دى و لكن تقريبا نص بنات مدرستى كدا و دى حاجة استغربتها جدا لانى مكنتش قادرة استوعب ان ممكن يكون فى فعلا نماذج كدا فى الواقع و خاصتا ان دا سن مبكر جدا و من اللى استنتجته او لاحظت انه مشترك تقريبا مع كل بنت فيهم 1-هو غياب دور الاهل يعنى لو البنت متشبعة بالحنان و الحب و الحرص و الاهتمام من الاهل نسبة احتياجها لمصدر خارجى لكل هذا تكاد تكون معدومة فدور الاهل لا غنى عنه و هو عامل اساسى يعنى لما اظهر حبى و اهتمامى و حرصى على بنتى و اعاملها كأميرة و صديقة و ابنه ونكون فى علاقة قوية مش هتكون (صيدة سهلة) لواحد عايز يلعب بيها و العكس تماما كل ما كانت علاقتنا جافة كل ما زادت رغبتها انها تبحث عن بديل تلاقى فيه كل الحاجات اللى فقدتها مع اسرتها 2-الدين معظم ان مكنش كل اللى بتدخل فى علاقات زى دى الدين مش جزء اساسى فى حياتهم و مش عارفينه كويس للاسف لانها لو تعرف دينها هتعرف ان دا غلط و هتقدر تستوعب هو ليه غلط و عواقبه فى الدنيا و الاخرة فأكيد مش هتقع فى حاجة زى دى3-البيئة او الاصدقاء دول و للاسف ليهم تأثير كبير ممكن البيئة تربى فى البنت ان دا عادى و صح و ممكن الافلام و المسلسلات و السوشيال اللى زرعت فينا افكار و معتقدات و اللى اترجمت بعد كدا فى افعال كلها غلط فى غلط و حتى من غير ما نحس بدا غير اصدقاء السوء بقى بصراحة العوامل اللى تخلى الانسان مش بس البنت يفسد بكل المقايس و دى بعض الاساس اللى خطرت على بالى و لاحظت فعلا اهميتها و لكن فى النهاية كل دا بيختلف من بنت (شخص) لاخر و لاختلاف العقول و الشخصيات و اسباب تانية بس بجد حضرتك معاك حق و للاسف وضع البنات و الشباب وضع مؤسف جدا و فى الاخر بيعلقوا هذه الاخطاءعلى شماعة احنا فى سن مراهقة انا مبعترفش ابدا بسن المراهقة من الاساس مفيش حاجة اسمها مراهق في ناضج واعى

بالنسبة للافكار اللى مش بتسيطر عليها اولا حاول تراقب افكارك و تعرف انت ليه فكرت فىالموقف او الفكرة دى دلوقتى و حاول تغيرها او تشغل نفسك بحاجة تانى و اذا معرفتش ففتكر دايما ان مع كل حاجة وحشة بتحصلنا فيه جانب ايجابى فى الموضوع و احنا اللى بنقرر نشوف اى جانب فدايما حاول تطلع اى جانب حلو او حتى درس اتعلمته من المواقف دى و افتكر ان محدشيقدريدمر حياتك الا لو انت سمحتله بدا فمتسمحش لاى حد انه يدمركاما بالنسبة للافلام و اى عادة غلط انت ممكن تشوف فيديوهات على النت فى مثلا قناة وعى حلوة و هتساعدك و لو عايزتعيش حياة صحية لازم تتعب شوية دلوقتى و تشتغل على نفسك اكتر يعنى حاول تكتب ايه اهم العادات اللى لو بطلتها هتفرق معاك و العادات اللى لو عملتها برضه هتفرق معاك و شوف هتبدأ فى ايه و هتلاقى ادوات كتير تساعدك و ناس كتير يساعدوك فى الحاجات دى حدد اولوياتك و اتبعها و ان شاء اللهحياتك تتغير بإذن الله و خلى اولى اولوياتك انك تتقرب من ربنا صدقنى هيفرق بشكل مش طبيعى انت بس حاول تقرب منه و حياتك لوحدها هتتغير و زى ما قال ربنا ان احنا علينا السعى فاسعى لتغير نفسك و متيأسش و اتمنالك حياة طيبة اخى الكريم

انا عنيت من الموضوع دا فى فترة مش بعيدة بس لما قعدت مع نفسي و فكرت شوية قلت لنفسي ان مفيش داعى ارجع لنفسي القديمة دى كانت مرحلة من حياتى و خلاص و برضه مش هستسلم ليأسى لازم اطور من نفسي و هتبقى احسن من القديمة كمان لازم تتقبلى ان كلنا بيجى علينا وقت و نقع و بنستسلم للى احنا فيه و نكون فى اسوء حالتنا و لكن مش لازم نفضل كدا كتيرو لازم نفوق و نقوم تانى و نبقى احسن من الاول انت افضل حد فى حياتك متيأسيش من نفسك و لا تكرهيها لا بالعكس حبيها و اعرفى انها ممكن احيانا تضعف و تغلط و لكن دى طبيعة بشرية فى الكل و لازم تقويها و تشجعيها تفوق و تقوم تانى كونى سند لنفسك مش تأذيها و تكونى ضدها اما بالنسبة لاهلك فمفيش مخلوق على زجه الارض يقدر يغيرك و يضعفك انت الوحيدة اللى تقدرى تعملى دا بأنكانت المسؤلة عن حياتك و انت المسؤلة عن شخصيتك سواء هتخليها احسن او اوحش انت جميلة و تستحقى الحياة اللى بتتمنيها و الدليل انك بالرغم من مرور سنتين و لسه عايزة تطورى من نفسك و تحسنيها متفقديش الامل انت قدها بس محتاجة شوية وقت و صبر

هو حضرتك مأفصحتش عن تفاصيل اكتر و دا ممكن يخلينى افهم بطريقة خاطئةو لكن على هجاوبك على حسب اللى انا فهمته بصراحة انا كمان كنت بعانى من هذه المشكلة نوعا ما بحيس انى مكنتش بعرف انا هقةل ايه و هقوله ازاى و بطول فى الكلام و بقول تفاصيل ملهاش لزمة اصلا بالرغم انى ممكن اختصر الموضوع و لكن اول حاجة متفكرش ان دى مشكلة يعنى حاول على قد ما تقدر تقنع نفسك انه الموضوع عادى علشان ميبقاش وسواس عندك و كمان حاول انك تمارس الموضوع و تدرب عليه يعنى قول لنفسك انا هتكلمفى موضوع كذا مع فلان و هختصر الموضوع فى نقاط معينة فى البداية هيكون صعب عليك و هتحس انه مفيش فايدة و لكن بالتكرار و مع انك هتكون مركز فى كل مرة فى افكارك و الكلام اللى بتقوله الموضوع هياخد منك وقت و محتاج صبر و لكن مهارة التحدث بالذات محتاجة ممارسة و بلاش تعقد الموضوع على نفسك حاول تخلى الموضوع سلس و بسيط

بصى يا حبيبتى انت كنت صغيرة و محاطة بأصدقاء سوء و للاسف الاهل مأدوش دورهم صح فعلشان كدا متلوميش نفسك و تحمليه فوق طاقتها كلنا بنغلط و لكن الاهم اننا نتوب و نرجع لربنا لان ربنا غفور و رحيم و بما انك تبتى و بتحاولى تكفرى عن الذنب دا فمتخليش الذكرى دى تأثر على حياتك حاليا بل خليها دايما دافع انك تكونى احسن و تصلحى من نفسك ابتغاء مرضاة الله و متقوليش لخطيبك اى حاجة ربنا ستر عليكى مينفعش انت تهلكىهذا الستر بأيدك و حلو انك تكونى حاسة بالذنب و مستشعرة دا علشان تحاولى تصلحى من نفسك اكتر و اكتر و لكن و لكن متنسيش ان ربنا رحيم فلازم انت كمان تكونى رحيمة بنفسك و لا تهلكيها بأيدك لان كتر التفكير مخلكيش غير انك عايزة تعصى ربنا اكتر لانك فكرتى تنتحرى و دا بيخلى ربنا غضبان عليكى فخليه دافع مش مثبط و ربنا يوفقك و يسعدك فى حياتك

و كيف اصل الى مرحلة الوعىالذاتى بدون الحاجة الى مختص او طبيب نفسي كيف اصل لها بمفردى او ما هى الطرق التى اسلكها و التى تمكننى من معرفة ذاتى و كيف اكون قادرة على ان احكم اننى هكذا فى الطريق الصحيح الطريق الذى يجعلنى انمو و يجعلنى اكثر وعيا و نضجا