Allaa Elsayed

تقريبًا حصل معايا حاجه زي كده، ولما جه وقت كان في أيدي أبين الحقيقه للحد اللي ظن فيا لقيت إني مش محتاجه أعمل دا ولا محتاجه أثبت أي حاجه لأي حد ! فكري فيها كده لو الحد دا بذل ربع مجهودك وتفكيرك وإنك تبرري نفسك قدامه ف إنه يفهمك صح أو ع الأقل يفهم منك مكنش كل دا حصل وعشان كده سيبك من كل دا وفكري ف نفسك وبس والحقيقه بتبان كده كده لوحدها ف يوم

لو الكورسات ف حضرتك هتكوني محتاجه تركزي ع نفسك وتابعي ناس تساعدك ف دا، وتسمعي ناس تشجعك والبودكاست فيه برامج كتير من الجانب دا ممكن اقترحلك أمثلة : فنجان، كنبة السبت، دوباميكافين، قهوة بدون سكر، هدوء، تنفس .. وغيرهم كتير. وكمان محتاجه تقربي من ربنا هتحسي بتحسن. وفي كتب كتير ف علم النفس هتفيدك وفي بنت أنا بحبها جدًا في يوتيوب وأثرت فيا كتير هي اسمها "حبيبة الهادي" أتمنى أكون أفدتك وبالتوفيق بجد 💗

هي لسه طفلة وأنتي معترفه إنك بتزعقي وبتغلطي فيها، الطفل مش بينسى المواقف خصوصًا لو كانت مواقف سلبيه وأكيد أنتي فاهمه دا، حاولي تصلحي علاقتك بيها من دلوقتي عشان لما تكبر هيكون فات الاوان خلاص، حتى لو شايفه إنك ف مواقف تانيه بتراضيها وبتحبيها بس هي ذاكرتها فيها كل حاجه سواء حلو أو وحش ف دا مش هيلغي دا فاهمه، حاليًا اتكلمي معاها بهدوء واعتذري منها وإنك مش هتزعليها تاني ولا هي تزعلك منها وأيوه اعتذري منها حتى لو طفله دا ميمنعش إن الأطفال أذكياء وأنتي شايفه انعكاس دا ف التعامل معاها ونتيجته

حاسه الحل إنك المفروض تتكلمي معاه وتعرفي مشاكله واللي مضايقه وتحسسيه إنك معاه وبتشاركيه فهو بالمقابل هيكون مهتم ويشاركك، فاهمه إنك مضغوطه وإن المسئولية كبيرة عليكي بس أكيد هو عليه مسئولية كمان يمكن هو مش مستوعب دورك ودوره أو فاهم إنه دوره الشغل ويجيب فلوس وبس، الوضع محتاج إن أنتي وهو تتكلموا وترتبوا حياتكم ودا هينعكس ع حاجات كتير وهيبان تأثيره

معرفتك بالمشكله نص الحل وباقي الحل لما تشتغل عليها، يعني شوف ليه حكمت على نفسك إنك ضعيف الشخصيه؟ وهل في أسباب لحكمك ولا هو مجرد إحساس؟ يعني فكر مع نفسك شويه، لو شايف في قصور عندك في حاجات معينه يبقى محتاج تشتغل عليها عشان تكون أحسن، ممكن تطوير شخصيتك أو تفكيرك، تهتم بصحتك أو تغير من شكلك وأسلوبك، المهم تكون أحسن لنفسك وعشان أنت حابب دا يعني توصل لأحسن نسخه منك عشانك

فقط حسبي الله ونعم الوكيل، وكفى بالله وكيلا ودي معروفه، والأولى إن الشخص المظلوم يبعد عن الحد دا بكل طاقته يتجاهله تمامًا ويركز ف حياته وإيمانه بربنا إن مفيش حد يقدر يضره بأي حاجه غير بأمر ربنا أعتقد دا شعور هيطمنه ويريح باله ودا تفكير أحسن

وعليكم السلام كل الحلول المعروضه كويسه وهتفيدك أكيد، في جروبات واعي كويسه ومعروفه لو تابعت معاهم هتسفيد وإن شاء الله تتعافى وتكون أحسن ع خير 🤍 وطبعا النصايح المعروفه صلي وادعي كتير وحاول طول الوقت حتى لو وقعت أرجع أقف وكمل أستغفر وتوب دايما تصدق بنية التوبه وربنا يبعد عنك الذنب دا وحاول تشغل وقتك دايما وبالتوفيق

هو الموضوع كله تراكمات بس أنتي محتاجه تهدي شويه يعني حاول ع الأقل يكون رد فعلك مساوي للفعل حتى لو ببرود أو بعصبيه عشان نفسك بس مش أكتر وتتحكمي ف انفعالاتك ع قد ماتقدري، يعني خدي وقتك ف الزعل لو زعلتي وعيطي براحتك متقوليش لأ مينفعش اعيط وتضغطي نفسك عشان دا سبب من اللي حصلك، ولو حسيتي إنك محتاجه حد متخصص مش مشكله ممكن تجربي المهم تكوني أحسن عشان نفسك وصحتك

بصي هو في كلام كتير ممكن يتقال يعني أنا ممكن أكون فاهمه وضعك ومريت بكل دا ولسه بحاول اتعافى منه وأقوى بنفسي ودي أهم حاجه إحنا كلنا كده مراحل ف حياة بعض حتى لو الناس مشيت من حياتنا ف أكيد دا كان بفايده لينا سواء أثرهم كان حلو ف إحنا قضينا وقت حلو، ولو أثرهم وحش ف إحنا برضو اتعلمنا، مفيش حاجه بتحصل إلا بسبب ولسبب ودايما دايما ربنا مقدره خير لينا لو اتكلمت لبكره مش هخلص بجد بس هوني ع نفسك وحبيبها مفيش حد غيرك يستاهل الحب أصلا مش تفكري تنتحري وآخر حاجه اسمعي ناس تشجعك مش تحبطك أكتر أنا بحب حبيبة الهادي هتفيدك كتير تابعيها وبالتوفيق 💗

دي حقيقه بس لما تفكري فيها محدش يستحق كل دا وأنتي معملتيش حاجه يبقى ليه تزعلي نفسك عشان ناس مكلفتش نفسها تصدقك أو تتأكد منك ! لا يبقى كده محتاجه تحسيبيها تاني وتقدري نفسك بجد، أنا كنت زيك وأكتر صدقيني لو رجع بيا الزمن مش هفكر فيهم لحظه

وإياكم آمين 💗

العفو مفيش حاجه لو حبيتي تعرفي حاجات كمان هتلاقيني موجوده 💗

بصي حضرتك هو واضح من كل الكلام إن التعامل مختصر في رفض وعقاب بس مجربتيش طريقة الثواب أو أي طريقة غير العقاب 13 سنة دا لسه طفل لسه بيتعلم وبيتعود وأنتي المفروض تعوديه حاجات تنفع ليكي وليه لكن هو مش من الأشخاص اللي ينفع معاهم العقاب خالص، حاولي مره تتفاهمي أو تحفيزه ولا مكافئة وهدية أعتقد دا هيكون أفضل من العقاب

فهمي دماغك وتفكيرك إنه كلنا هنموت ونرجع لربنا عادي وتقبلي التفكير دا عشان هتضيعي على نفسك وعيلتك حاجات كتير صدقيني مش هتعرفي تفرحي بحياتك وهتضيعي حاجات كتير عليكي وعليهم لحظات كتير لطيفه وذكريات، دايما أدعي ربنا يهون عليكي تفكيرك ويهدي قلبك، اسمعي بودكاست أو برامج لمشايخ و مدربين، مارسي هواياتك وحاجات بتحبيها مع نفسك وعيلتك واشغلي وقتك عشان تفكيرك يهدى

أنتي كده صح لحد مانتي مقرره إنه حرام ومينفعش بس لو عملتي غير كده هيتحول لغلط، بصي هي كده من الآخر هترضي ربنا هيرضيكي الحب مش كفايه وأنتي متعرفيش اللي ربنا عارفه وكاتبه ليكي وأكيد رزقك ف الدنيا دي خير طالما من عندنا ربنا، يمكن لو اعترفتي مكانش هيحبك وممكن كان يجرحك بسبب الحب دا وممكن حاجات كتير أنتي متعرفيهاش وحاجات لسه هتعرفيها بعدين هتحمدي ربنا عليها، حاليا حاولي شيلي كل الحب من قلبك أو حبيه لنفسك لأنك تستاهلي وربنا شايلك حاجات كتير هتفرحك عشان أنتي تستاهليها ف هتتعوضي إن شاء الله

بنبطل نتعامل معاه وفي حالة إننا مضطرين للتعامل ف بنتعامل بحرص واختصار ونحاول دايما منخليش أفكارهم السلبيه أو عيبوهم تأثر علينا لمجرد إنهم بيحاولوا ينسبوها لينا يعني كبري دماغك منهم أو اتعاملي معاهم بدماغهم