samaa sherif

ممكن حضرتك تروحى مركز تنمية مهارات ممكن يكون فى مشكلة فى المهارات الخاصة بالطفل بس نصيحة تأكدى من المركز اللى هتروحِ له الاول انا شغالة فى المجال دة هيكون عنده مشكلة نمائية هى اللى مأثرة على المستوى الاكاديمى المركز والجلسات هتفيده جدا وبيبدأ النتيحة تتلاحظ بعد ٣ شهور من الجلسات

بقدر شجاعة حضرتك جدا انك تحكى كل مشاكلك والصعوبات اللى مريت بيها ممكن تجرب اخصائى علاجه عن طريق سلوكى معرفى مش مجرد ادوية وخلاص عن تجربة شخصية فرق معايا جدا العلاج السلوكى المعرفى عارفة ان تجاربى مش مؤلمة او صعبة زى حضرتك بس مجرد محاولة ممكن تفيد بالغرض وتكون صالحة لحضرتك لو حضرتك فى اسكندرية ممكن ارشحلك المكان اللى باخد فيه علاجى هو مكان فى دكاترة واخصائين علاج معرفى سلوكى

حسب المجال اللى عاوز تكمل فيه بس اساسى كورسات انجليش وكمبيوتر ومش شرط الشهادة المهم انك تكون عارف المعلومات الا لو هتشتغل فى ترجمة ساعتها لازم شهادات معتمدة حسب اللغة يعنى الانجليش لازم ايلتس لو كورى مثلا لازم توبيك وهكذا الكمبيوتر المهم انك تكون عارف تعمل كل حاجة مش بيشوفوا الشهادات قد ما بيشوفوا قدرتك انت ايه وفى كورسات كتير اوى على اليوتيوب تقدر تستفيد منها وكمان فى موقع ادراك تبع الملكة رانيا مجانا وفى كل التخصصات وكمان موقع رواق مجانا فى بعض الكورسات بس مدفوعة والاتنين باللغة العربية

اول حاحة لازم تلعبى رياضة بس اهم حاجة مش عنيفة تانى حاجة لو بتاكلى سكريات كتير او نشويات كتير تقلليها لانها بتعمل هيبرة اكتر تالت حاجة وانتى بتذاكرى اقعدي فى مكان هادي جدا ومفيش جنبك غير حاجات المادة بس وحطى بريك بين كل مادة والتانية

دلوقتى بيان وزارة الصحة ان المياه سليمة وان دة مجرد بكتيريا وهما صلحو الوضع ممكن تستخدمى المياه بحذر يعنى فى الغسيل مثلا تحطى خل مع الصابون وتغلى المياه شوية للشرب لو مش فى مقدرة للمياه المعدنية والهدوم تتغسل بمياه سخنة وربنا يكتب الخير والصحة على طول يارب

قبل ما تنامى هاتى ورقة وقلم واكتبى كل افكارك على الورقة الورقة هتاخد شوية من افكارك وكمان هتعرفى منها مع الوقت تظبطى تفكيرك واولوياتك وبالتالى التفكير هيقل كتير وهتنامى الطريقة دى اللى نفعت معايا واظبطى المنبه على الفجر قومى صلى الفجر وابدأى يومك

مركز ريكافرى فى لوران ومركز خطوات فى سبورتنج عندهم دكاترة نفسية ومعالجين كتير وكلهم ممتازين

انتى انسانة جميلة اوى وبجد ربنا هيعوضك بالحلال عن كل دة ممكن تشغلى وقتك بهوايات انتى بتحبيها اوى تكتشفى نفسك اكتر

بالظبط كدة لازم معرفى سلوكى ربنا معاك ويكمل شفاك على خير يارب

الشهادة المعتمدة الوحيدة اللى فعلا بياخده بيها هى ايلتس او توفل وهكذا انما لو روحتى مكان وقالك اصل شهادتنا معتمدة اعرفى انه بيكدب عليكى ودة عن تجربة شخصية معايا والشهادات المتعمدة اماكنها معروفة جدا ربنا معاكى ويوفقك يارب

بالظبط وعلى فكرة بيفرق جدا فى التفكير وفى كل حاجة عن تجربة شخصية

اتفقنا

عارفة يا قلبى مريت بكل دة ولحد الان بمر بيه فى الكورسات ومذاكرتها علشان كدة بيسيب الفون بعيد خالص وساعات بعمله فوكس مود بيقفل مش بيفتح غبر لو الوقت خلص انتى شطورة وهتقدرى تظبطى الدنيا

اللهم بارك هو بيشجعك بطريقته اهو انتى كمان ذاكرى وان شاء الله خير لما كنت بعد اذاكر كنت بظبط المنبه على ساعة واشيل التليفون خالص بعيد عنى ولما يرن باخد بريك ٥ او ١٠ دقايق وارجع تانى ممكن تجربى الطريقة دى علشان تركزى اكتر وفى البريك تبقى كلميه اطمنى عليه

اهم حاجة انك تركزى فى المواد حاليا ممكن تقسميها وتذاكريها وخطيبك ممكن تتكلمى معاه وهو اكيد هيشجعك كنت زيك كدة بس لما اتكلمت معاه الدنيا بقيت اهدى شوية وبيشجعنى

فودافون كاش بتروحى اقرب فرع ليكى بالبطاقة وبتفتحى محفظة بس اهم حاجة الخط يكون باسمك والشغل ممكن تعملى بيدج وتنزلى عليها الشغل وتعملى اعلان ممول ليها