rawan alaa

بجد فهماكي أوي بس حاولي يبقا عندك امل كبير فربنا وبلاش تخلي دماغك تتحكم فيكي وتسوحك وان الشيطان يفضل يوسوسلك كتير وحاولي تنشغلي بلاش تفكري كتير وطالما مشوفتيش حاجه وحشه من اللي حواليكي فمتفكريش بطريقه سلبيه برضه اعملي حاجه بتحبيها اشغلي نفسك بأي حاجه ومتسبيش نفسك لدماغك ووقت ما ترتبي اولوياتك فحياتك وتحسي انك متزنه اكتر فكري وقتها انتي عاوزه اي لكن متفكريش انتي عاوزه اي وانتي مضغوطه ومش فاهمه انتي فإيه وبتفكري كتير وكدا

اهم حد تسأله لمساعدتك هو ربنا ادعيله يقويك علي نفسك ويبعدك علي لذة معصيته ويحببك في لذة طاعته واستغفر دايما واستعين بالله بجد هتفرق أوي أوي ولازم تعقد النيه من جواك انك مش هتشوف الحاجات دي تاني لان ليها اضرار كتير بجد سواء دلوقتي او بعد الجواز .. وباب التوبه مفتوح دايما قول لربنا وادعيله وهو بإذن الله هيعينك ..

قربي من ربنا واطلبي منه المغفره بجد استعيني بيه مفيش حد فينا حياته خاليه مالأخطاء تقبلي الخطأ بس اقفي وقفه مع نفسك انك مش هتكرريه تاني ولا هتغضبي ربنا لان هو ذنب يغضب ربنا منك بس ربنا غفور رحيم ادعيله كتير وصلي وهو مش هيردك وهيسامحك علي خطإك بس لازم انت كمان تسامحي نفسك ... والانتحار مش هيفيد هتموتي كافره هتبقي بعد الشر ميته بذنب وبكفر ف الانتحار مش حل ف قربي لربنا صدقيني وادعيله كتير

اتكلمي معاه بوضوح فالموضوع دا وزي مقولتلك الاجابه هتقنعك ولا لا لو هو شخص مبيحبش العتاب والكلام دا يعني مالآخر مش خايف علي زعلك وانصحك وقتها ان بلاش تكملي انا اه مليش حق اقول دا بس لازم اعرفك الحياه بتتعاش مره واحده ايا كان تعلقك بيه هيتفك مع الوقت هيبقا احسن من انك تختاري اختيار مش كويس وتندمي عليه طول عمرك وفوقي دايما لنفسك وذاتك متنسيش نفسك سيبيله مساحه ممكن انتي بتزني عليه كتير بتاع وهو مثلا بيبقا عاوز وقت لنفسه او كدا بس فكرة انه بيخرج مع صحابه اكتر منك دي بصراحه حاجه متطمنش ف زي مبقولك واجهيه الأول و برضه اديه فرصه فإنك تفهمي منه هو بيعمل كدا لي لان بصراحه من باقي حكاويكي حساه شخص مش صريح وبيتهرب ف لو في حاجه الحقيها من دلوقتي يحببتي احسن من ما تتجوزوا وتكتشفي الأكبر من كدا فكري فنفسك شويه وفكري هتدفعي التمن ازاي من طاقتك ونفسك ..واي حاجه احنا معاكي 🤍🤍

سيبك منه بجد و حطي حدود متسمحيش لاي حد ايا كان مين يعاملك بالشكل دا متذليش نفسك له عززي دايما نفسك يبنوته عنه متكلم وانتي متتكلميش لان عيب يتعامل بالشكل دا دي قلة ذوق الرجوله مش فالعصبيه ولا فالكلام دا الرجوله فالحنيه والطيبه ومينفعش يبقا في تعامل كدا وقت خناق اصلا المفروض الراجل الصح متهونيش عليه يتعامل معاكي بالشكل دا وبجد متكلميهوش ولا تعبريه وفكرك كمان انه قاعد 5 ايام من غير كلام ودا عادي! يعني هونتي عليه صدقيني متجريش وراه لانه قليل الذوق اعرفي قيمة نفسك وقدريها انتي متستهليش دا

دا نابع عن خوف منهم او من ردة فعلهم يمكن؟

غصب عنكم اكيد طبيعي القلق دا بس توكلو علي الله طالما عملتم اللي عليكم ربنا يوفقكم يولاد 🤍

مفيش شات هنا فالبرنامج ؟ انا لسه جديده ف مش عارفه وكدا

اكيد يحببتي تواصلي عادي

ومتتغيريش عشان حد ليه اغير كل حاجه كل الناس اللي بتحبني قبلاني بيها ومش بيشتكوا وليه اتشكل زي ما انت عاوز بصي انا معرفش طبيعة علاقتكم بس لو كان خير ربنا يقربه ولو شر ربنا يبعده

ليه تفكريه طيب بوفاة أخوه وكدا مش حاجه كويسه برضه .. وطالما صعب التعامل بالنسبالك ليه تمسكتي بيه طيب هتقوليلي عشان بتحبيه هقولك بتحبيه فتجلدي نفسك لا المفروض يبقا احن عليكي من نفسك انتي تستاهلي تتعاملي بشكل حلو وزي ما قولتلك فالرساله اللي فوق

بصي انا معرفش انتي قولتيله اي بصراحه ف دي تخليني مثلا معرفش احكم اوي تتصرفي ازاي بس طريقته غلط وانتي مكانش المفروض تيجي علي كرامتك اتعودي اي علاقه متجيش علي كرامتك فيها لانه هياخد علي كدا وبعدين ضامن وجودك اوي يعني ضامن وجودك بشكل فظيع المفروض والله هو اتضايق كنت استنيتي وقتها ودخلتي قولتيله عادي جدا لو غلطت فحقك متزعلش انا مكنتش اقصد اكيد اني اضايقك بس انت مثلا يستي وليكن كلامه استفزك بس كلامك استفزني وضايقني اوي فكانت ردة فعل مني وتسكتي هتفضلي تبعتيله رسايل اكتر هيتهرب ومش هيرد لانه لو شاف اول رساله ومردش هيشوف الباقي ومش هيرد ف كنتي بس تبعتي رساله وتشوفي بقا هو وقت مهيهدي هيرد عليكي لكن هتضغطي علي دماغه ولا الهوا وهيحب الموضوع اكتر وهيتمادي فيها متعوديهوش علي كدا ومتخليهوش يبقا ضامنك لان هيعمل الحركه دي مره واتنين وانتي اللي هتخلصي طاقتك وتستهلكي وتقولي اصلي بحبه فهاجي علي كرامته لا لا متحبيش حد اكتر من نفسك ومتسمحيش لحد يتعامل معاكي بجفاء او طريقه متعجبكيش لانه هيفضل يعملها معاكي مره واتنين وتلاته ومحدش هيطلع خسران غيرك بلاش يحببتي والله عشان نفسك بس تتعلقي بحد أوي حتي لو بتحبيه اوي انتي ليكي حدود شخصيه لا يمكن يتخطاها

وانصحك برضه تنزل ابلكيشن كنت سمعت عنه قبل كدا اسمه واعي لعلاج الإدمان دا هيساعدك كتير

مش مشكله ارجع توب تاني بص الشيطان لما بيلاقي الانسان فحالة ضعف بيقعد يوسوسله يقوله انت فاكر يعني ربنا هيسمعلك ولا هيغفرلك انت ازاي طايق نفسك ويبدأ يكرهك فنفسك ويخليك تشوف نفسك وحش ويخليك تقنط من رحمة الله سبحانه وتعالي فالحل بجد انك مهما اذنبت ترجع الي الله وتصبر عملت الذنب هتوب مره واتنين وتلاته لان بعد الشر يعني ممكن ربنا ياخدك عالذنب دا وحط دي فبالك يعني علي معصيه وحط فبالك كمان ان حتي لو الناس مش شايفاك فربنا شايفك وخليك عارف ان ذنوب الخلوات عقابها اشد من الذنوب اللي بتعملها وسط الناس لان ربنا هيبقا شايف انك خايف من الناس تشوفك بس مش خايف منه انه هو اللي يشوفك بس حط فبالك ان نفسك ضعيفه وأماره بالسوء وادعي دايما ( اللهم اني عصيتك ليس استخفافا بك ولكن غلبتني نفسي فأغفر لي فإنه لا يغفر الذنوب إلا انت ) توسله كتير اوي وادعيله وخلي عندك صبر عارف عملت الذنب دا روح اغتسل واتوضي وصلي لربنا وادعيله يغفرلك روح اقرأ قرآن فاهم زود فالعبادات بتاعتك اكتر انا عملت الذنب دا فانا عشان ربنا يرضي عني ويغفرلي وانقي نفسي هواظب عالصلاه هروح اقرأ قرآن او اسمع هسبح ربنا استغفر ربنا كتير طبعا هصوم مثلا دا انا هطلع صدقه بنية ان ربنا يبعد عني الذنب دا ويسامحني عليه شوف دي هتفرق معاك والله بعد مده حصل انتكاسه تانيه متقولش بقا هوري وشي لربنا فين لا هو طول ما سايبك عايش يعني مديك الفرصه تكفر عن الذنب لا ارجع تاني عوضها بصلاه وصوم وقراءة قرآن وصدقه حاول تشغل وقتك كمان وبلاش تقعد لوحدك كتير حاول تبقا جمب اهلك حاول متفكرش فأي حاجه من دي وقت متلاقي نفسك فكرت قوم صلي ركعتين واظب برضه علي صلاة القيام ان شاء الله ركعتين اخر الليل وادعي لربنا فيهم كتير ربنا يغفر لك ويقويك علي نفسك ويعينك .. وقول دايما دعاء الاستغفار ( اللهم اني استغفرك من كل ذنب يعقب الحسره او يورث الندامه او يرد الدعاء اللهم اني استغفرك من كل ذنب تبت منه ثم عدت اليها واستغفرك عالذنوب اللي لا يطلع عليها احد غيرك ولا يعلمها احد سواك واستغفرك عالنعم التي انعمت بها علي فأستعنت بها علي معاصيك فأغفر لي وتقبل ي رب ) وبرضه ابقا ادعي ربنا انه يخليه تسمع اللي يرضيه وتشوف اللي يرضيه وتنطق بلسانك اللي يرضيه وانه يحفظ بصرك وأذنك عن كل شيء لا يرضيه واستغفر اهم حاجه تستغفر كتير وتقول برضه ( سبحان الله وبحمده سبحان الله العظيم ) تغفر ذنوبك ولو كانت مثل زبد البحر

تاني حاجه محدش عارف الخير فين بجد ادي فرصه لبتاع الصالونات ما يمكن يبقا شخص كويس انتي مقعدتيش معاه برضه ولازم عشان خاطر تختاري لازم تعرفي الطرف الآخر دا متناسب معاكي ولا لا والولد اللي عالسوشيال دا زي مقولتلك لازم تشوفيه ويتقدم لكن اي ضمانات هيقولك بحبك وبتاع وحلاوة البدايات بعدين يقولك انا مش بتاع جواز بقا ويتكل علي الله فلازم بجد زي مبقولك عشان خاطر بس متندميش فالآخر وتضيع فطاقتك وتستهلكي مشاعرك

اول حاجه الولد اللي عالسوشيال دا لازم يتقدم بلاش تخشي فحاجه مش مضمونه عشان ربنا يباركلك فيها بس وتكون فالحلال وانتي مشوفتيهوش انتي ايش عرفك انه مش بيستعبط كله بيعرف يقول كلام حلو ويبينلك انه حلو وي وي هتعرفيه ازاي وانتي مشوفتيهوش وش لوش وتعرفي هو صادق ولا لا ف لازم عالأقل لو اختارتيه تتخطبوا وتشوفوا بعض عالأقل تعرفيه اكتر وكدا لان الشات فعلا مش مقياس تخيلي بتكلمي حد من ورا شاشه انتي متتعرفيش انطباعاته عالواقع ولا بيجمل من نفسه قدامك ولا لا كل حاجه بتبان عالواقع اكتر

اول حاجه ربنا يريح قلبك .. حاولي تشغلي نفسك ومتفكريش كتير اعملي رياضه اعملي تأمل اشغلي نفسك

هروب مالواقع 🦦

بصي انها بتوجعك دي حاجه كويسه .. روحي لدكتور أذن او مخ وأعصاب وخير بإذن الله

بصي انا شخص برضه مبيحبش السكريات بتموعلي نفسي فين وفين علي مثلا ماكل ايس كريم فين وفين كدا اكلي كيكه دا اخري لكن باقي السكريات بتتعبلي نفسيتي كدا بس فكرة انك مبتحبيش السكريات انا بشوفها ميزه بصراحه اصلك كدا كدا حتي لو مكلتيش سكريات تقدري تعوضيها مالنشويات اكيد بتاكلي رز مكرونه بطاطس كدا عوضي بقا فيهم

ومعلش يبنوته بس خطيبك قماص بصراحه المفروض يحترم ان دي حاجه عالعروسه اي المغزي انه مصمم ينزل معاكي ينقي الكافيه ماشي هقولك مثلا مشاركه او يساعدك بس اي المشكله يقدر ان اهلك مش عوزنكم تخرجوا سوا من غير متكونوا مخطوبين دا المفروض من نفسه اصلا يشوف متعقد كدا يهدي ويقولك طب انزلي مع حد من اخواتك او كدا وميضغطش عليكي يعني

بصي العلاقات لا تخلو من المشاكل بس المفروض خطيبك يبقا متفهم اكتر من كدا وميعقدهاش اي يعني تتعمل فكافيه ويعزم صحابه او فبيتك ويعزم صحابه اي المشكله ... وليه خطيبك قال اه لباباكي وهو مش مقتنع واي المشكله تبقي مع خطيبك وتلاقي المكان سعره غالي ف تشوفي مكان تاني يناسبك ما طبيعي برضه هتشوفي اكتر مكان يناسبك وتحجزيه ف مش شايفاه موضوع احراج خالص زي ما اختك شيفاه برضه واهلك برضه زي اهالينا كلنا مش عاوزينك تنزلي معاه لوحدكم لان انتم برضه مش مخطوبين وكدا ف يعني هيشوفوها حرام وكدا ف هما بيقلولك يعني تاخدي محرم معاكي

ذكيه بصراحه قالت كل الكلام اللي كنت عاوزه اقوله بجد حاولي تعملي بدا ومتقلقيش والله الصعب كله هيعدي وطبطبي انتي علي نفسك وبلاش تضغطي علي نفسك يحبيبي وان شاء الله ربنا هيفك ضيقتك وهيريح قلبك بإذن الله

حاول لو اخدت وقت راحه متمسكش الموبايل لانه بيعمل تشتيت بس لازم تفصل بإنك تاكل ان شاء الله تلعب رياضه فالبيت كدا فاصل بين المزاكره وتاخد دش كدا تروق علي نفسك فيهم بلاش تضغط علي نفسك عشان انت كدا بتوتر نفسك خد حتي وقت مثلا تقرأ فيه قرآن او تسمع قرآن يهديك بس فعلا متضغطش علي نفسك انت عملت اللي عليك والنتيجه دي بتاعة ربنا وربنا قال فكتابه ( وأن ليس للإنسان إلا ما سعي وأن سعيه سوف يري ثم يجزاه الجزاء الأوفي ) ربنا عمره ما هيضيع تعبك ولا سعيك دا وخطط ربنا لينا احسن من خططنا بكتير هيكرمك والله انت بس قول ي رب ومتخليش الشيطان يوسوسلك كتير فدماغك لانه بيستغل الوقت اللي انت حاسس فيه بضغط ويضغط عليك أكتر ويشتتك .. ربنا يسهلك كل صعب ويوفقك ويطلعك مجبور الخاطر من آخر امتحان انت وكل اللي زيك متنساش كمان ان لكل مجتهد نصيب سيبها علي ربك واطمن ..

عادي عاوزه يبقا ليها دخل لنفسها او تحقق ذاتها فحاجه معينه البنت زي الولد علفكره ليها حق تشتغل وتوصل للمكانه اللي هي عوزاها وتحقق ذاتها اي المشكله وفي بنات بتبقا لا حابه قعدة البيت وكدا وانك انت اللي تكون بتصرف مش حاجه بس هي بتختلف للشخص بس معظم البنات دلوقتي حابه تشتغل وتحقق حاجه معينه .. لما تتعاكس دا مش غلط منها الغلط فتربية الشخص اللي عاكس ومغضش بصره خد بالك ممكن تبقا لابسه واسع ومحترم وهتتعاكس برضه .. في بنات بتبقا عندها القابليه مثلا انها تكون علاقتها أحسن مع ربنا ف احنا بنجتهد وفي واحده ها بيبقا خلاص مقتنعه ان دا اللبس صح و و بس طبعا البناطيل مش لبس صح للبنات بس يكفي حتي تكون بتلبس اصلا بناطيل واسعه او كدا وتكون مستعده انها تطور علاقتها مع ربنا انا كان عندي صاحبه لبسها كان وحش اوي ولما اتخطبت ابتدت تلبس واسع وتحب الدريسات وكدا ف هي علي حسب الشخص بس هرجع تاني اقولك مينفعش تجبر حد علي حاجه برضه وهي مش مقتنعه بيها ف انت حاول تختار واحده تتناسب معاك بس طول فعلا ما انت بتدور علي حاجات معينه مش هتلاقي بسهوله مش مشكله تتجوز واحده بتلبس بناطيل واسعه عادي بس شخصيتها متناسبه معاك وحوار الشغل دا مش مقياس انت مش هتكيسها لازم تدلها مساحتها زي ما انت برضه هتبقا عاوز مساحتك يعني مثلا لو هي حابه تخرج مع صحباتها هتمنعها ؟ اكيد لا ... تقبل الروح والشخصية اللي تتناسب معاك الأول بعدين ابقا بص عالجوانب اللي انت عاوزها دي وربنا يرزقك ببنت الحلال اللي تناسبك

تقبلي نفسك زي ما انتي دا اهم حاجه وفكك من المعايير اللي المجتمع بيحطها مهياش قرآن يعني اقبلي نفسك بكل حاجه ووزنك فعلا مثالي ومناسب مع طولك ما شاء الله وممكن تتابعي مع دكتور تغذيه عادي وهو هيظبطلك الدنيا دي

ممكن تدوري علي حد يهكر الصور او الڤيديوهات دي حد هكر يعني .. ي اما قسم مكافحة الابتزاز وكدا .. هي غلطت بصراحه بس ربنا غفور رحيم انها تإذي نفسها مش حل مش هيبقا برضه زنا وكفر ربنا غفور رحيم ربنا يعينها ويهديها ويسترها ي رب ويستر أمة محمد جميعا انصحيها تقرب لربنا اكتر بس وتدعيله كتير وصدقيني محدش بيطلب العون من ربنا وربنا بيرده خائب أبدا وربنا بإذن الله هيغفرلها ويسامحها بس هي بس بدل ما تفكر تإذي نفسها تفكر فربنا اكتر والقرب ليه اكتر

اولا حاجه جميله جدا انك تكون عندك المميزات انك تبقا بتتكلم انجلش واسباني حلو وفعلا في مميزات كتيره عندك تقدر تستخدمها كفايه انك ما شاء الله عندك طموح وعندك حاجه مهووس بيها اشتغل عليها ومتخافش ومتتحرجش الناس اكيد مش هتاكلك ولا كل دا وتقبل نفسك بعيبك وابتدي اشتغل عليه انك تطور من نفسك اكتر وتبدأ تواجه مخاوفك اي انسان ممكن يغلط عادي او يتلخبط او ينسي وهو بيتكلم بس تقدر تتخطي دا انك تواجه نفسك وتعرف ان مفيش حاجه مستحيله .. وكمان يبقا عندك ثقه فربنا وادعيله دايما وطلعله اللي جواك .. لكن الانتحار مش هيعمل حاجه غير انه هيزعل ربنا منك وهتموت كافر وانت عايش ما شاء الله 25 سنه العمر كله ليك فحرام تضيع مستقبلك واحلامك وتحس نفسك انك شخص مش طبيعي وكل دا فظل ان ربنا موجود وهو لو عارف ان انت مش قدها مكانش حطك فالابتلاء دا فقرب لربنا اكتر وادعيله وزي مقولتلك واجه خوفك وتقبل نفسك كما هي وكون رحيم مع نفسك .. ومتستهرش كمل مع دكتور التخاطب والنفسي دا لعل يساعدك في مهمتك ويهون عليك ..

مش عارفه بس حاسه حوار الشغل دا المفروض تدلها الحريه انها تشتغل يعني وتحقق ذاتها لو عاوزه لي تفرض علي واحده انها تقعد مالشغل .. اما بالنسبه للبس فمعاك حق فيها بس مينفعش تغصبها برضه ممكن تاخد واحده بتلبس بناطيل واسعه وواحده واحده ساعدها تغير الاستايل تحاول انت مثلا تجبلها دريس وتقولها اي رأيك تشوفيه كدا من غير ما تبقا اللي هو انت عاوز تاخد واحده بالمواصفات دي وهتغيرها يعني هتغيرها احنا مبناخدش الناس عشان نغيرها احنا بناخدهم عشان يبقوا احسن نسخه من نفسهم ونبقا احنا كمان ذلك .. والزواج رزق طبعا من عند ربنا ربنا يرزقك ببنت الحلال والذريه الصالحه

اعتقد احسن حل انك تصارحيه باللي جواكي دا يمكن يطمنك او تفهمي منه بلاش تسيبي نفسك لدماغك طالما شخص كويس وفي بينكم لغة حوار اسأليه عن اللي انتي عاوزه تسألي عليه وناقشيه وفهميه اللي مضايقك يمكن مثلا عنده ظرف او حاجه ومش عاوز يشغل دماغك بيها او نفسيته مش احسن حاجه شوفي يعني وبلاش ترمي ودنك لأي حد طالما شكه فحاجه واجهيه بس مش بالاتهامات هاتيها بطريقه كويسه الأول افتحي معاه موضوع الخروج دا وعرفيه احساسك تجاه الموضوع وان الموضوع دا مضايقك وبلاش تحسسيه انك شكه فيه شوفي المهم ردوده الأول هتبقا مقنعه بالنسبالك ولا لا

مجتمع متخلف بجد بيخافوا عالبنت من الدنيا ومش بيخافوا عالولد من الآخره

لان ببساطه مش بيحب

الحب عموما بيثبت بالفعل مش بالكلام الكلام بس بيجمل الفعل وبيحليه لكن مينفعش يبقا هو الأساس يعني ف انك تعرفي الشخص اللي قدامك بيحبك ولا لا لكن الكلام اي كلام ربنا يعوضك ويريحلك قلبك ومتزعليش شخص ميستاهلش

ربنا يشفيكي شفاء لا يغادره سقما أبدا ي رب ويعافيكي ويقويكي ي رب

لازم الواحد يعيش واقعه ويتقبله زي ما هو لان الهروب مالواقع هيرجعنا كل مره لنفس النقطه حلو ان الواحد يعيش خيالات وكدا ويهرب بنفسه شويه بس الموضوع لما يزيد حده مش بيبقا احسن حاجه لازم تجربي تواجهي واقعك بدل ما تهربي منه

ولازم تقتنعي ان كل انسان ليه عيوبه ومميزاته فاقبلي نفسك بعيوبها ومميزاتها وتقبلي شكلك لان ربنا اللي خلقك عليه واكيد مميزك فحاجات عندك مش عند حد تاني فإحمدي ربنا يحببتي واعرفي انك جميله ومميزه

نظرة الانسان لنفسه مرايه للي حوليه طول ما انتي شايفه نفسك وحشه الناس هتشوفك كدا ربنا مخلقش حد وحش كل واحد فينا حاجه بتميزه يحببتي وانتي اكيد فيه اللي بيميزك حبي نفسك عن كدا وقربي منها بلاش تديلها كلام سلبي كل يوم فالمرايه بصي لنفسك واقنعي نفسك انك زي القمر وانك بتحبي نفسك وان قد اي انتي شايفه نفسك جميله والتغيير مش هييجي من مره ولا اتنين لا واحده واحده حبي نفسك قربي منها لو حبيتي نفسك وشوفتي نفسك جميله الناس كلها هتشوفك جميله خليكي رحيمه مع نفسك شويه يحببتي وصدقيني انتي جميله اقتنعي انتي جواكي بكدا وبلاش تقارني نفسك بغيرك غيرك عنده نواقص انتي متعلميش عنها ركزي مع نفسك انتي وبس

ربنا أمرنا بغض البصر ثانيا الانسان مهما اذنب لازم يتوب وتبقا توبه نصوحه ويعهد لنفسه انه ميعودش للذنب دا أبدا عشان احنا مش ضامنين تخيل لو مت علي الذنب دا وتخيل ربنا بيشوفك ف وضع الذنب دا هيبقا نظرته ليك اي اذا كان بتخاف للناس تشوفك مبالك ربنا بقا هيشوفك كدا ومعني انك مش حاسس بأي ذنب دا معناه ان ربنا شديد الغضب عليك وزعلان منك جدا ف ارجع لربنا وادعيه انه يثبتك ويغفرلك لانه لو مش فاتحلك طريق للتوبه كان بعد الشر خدك عالذنب دا ربنا يقربك من لذة طاعته ويبعدك عن لذة معصيته ويهديك ويغفر لك .. وصدقني معاك الفرصه تتوب من قلبك وربنا غفور رحيم متخلهوش زعلان منك لان احنا الحياه مش هنعيشها غير مره واحده وكلنا بنتمني بس لو نشوف وجهه الكريم ف متخليش ربنا يحرمك من لحظه زي دي كلنا عاوزين الجنه ولازم نسعي اننا نبقا افضل واحسن عشان نخش الجنه

مجال الmarketing أهم بصراحه مجال منفتح وفي فرص شغل كتيره ف شايفه ان مهم تبقي عارفه فيه

متهتميش لكلام الناس كلام الناس لا بيودي ولا بيجيب اي حد له جزء فماضيه صعب بس الصح انه يقدر يطلع من ماضيه دا عشان يعرف يعيش لانها مش نهاية العالم طول ما ربنا مدينا النفس نقدر نتخطي ولازم نتخطي عشان نعيش انتي قويه متخليش حد يهز نظرتك لنفسك ولا تسمعي لحد شوفي اكتر حاجه بتحبيها اي واعمليها وانجحي وادعي دايما ربنا انه يريحلك بالك ويجبر بخاطرك ويبعد عنك شتات العقل والتفكير 🤍🤍

استغلي ابداعك دا وكملي بجد حاجه لذيذه جدا يعني وهتبقي شاطره وتألفي كدا كتاب فيوم وتتشهري والناس كلها تعجب بيه بجد كملي طول ما عندك الموهبه كملي

"اللهم اني استغفرك لكل ذنب يعقب الحسره أو يورث الندامه او يرد الدعاء او يحبس الرزق اللهم اني استغفرك من كل ذنب تبت منه ثم عدت إليه اللهم اني استغفرك من كل الذنوب التي لا يطلع عليها أحد سواك ولا يعلمها أحد غيرك فأغفر لي انه لا يغفر الذنوب إلا انت " وفي "سبحان الله وبحمده سبحان الله العظيم " من قالها 100 مره غفرت له ذنوبه ولو كانت مثل زبد البحر .. ربنا يثبتك علي دينه ويهديك ويرشدك لطريق النور ويغفرلك ما تقدم وما تأخر من ذنبك ادعي دايما ان ربنا يثبتك ويعينك انه ميرجعكش للذنب دا تاني وفي دعاء برضه قوي ( اللهم أغفر لي ذنبي كله دقه وجله ما علمت منه وما لم أعلم ) تقبل الله بإذن الله وهداك

دايما يبقا لك ورد يومي فاليوم وصلاة القيام صلاة القيام سحر بجد ودايما تدعي ربنا ومهما اذنبت اوعي تنسي طريق العوده لربنا ومتخليش الشيطان يضحك عليك ويقنعك ان ربنا مش هيغفرلك وانه مش بيحبك لو كان مش بيحبك كان خدك علي الذنب اللي انت بتعمله لكن طول ما مديك الفرصه انك عايش وممتش عالذنب دا اعرف انه بيفتحلك طريق عشان خاطر تتوب وربنا غفور رحيم .. وفكر دايما ان ربنا دايما شايفك مهما استخبيت من الناس مش هتستخبي من ربنا وهو خالقك تحبه يشوفك علي ذنب طب لو بعد الشر مت عالذنب دا هيبقا الوضع اي عشان كدا سايبلك الفرصه تتوبله ف دايما ادعيه انه يقربك من لذة طاعته ويبعدك عن لذة معصيته

اتقدملها خش البيت من بابه زي مبيتقال اتقبلت تبقا نصيبك وفيها الخير ليك متقبلتش كمل حياتك وربنا اكيد هيعوضك ببنت الحلال اللي تستاهلك وفالحالتين خير واهو برضه لو في رفض متعلقش نفسك اكتر من كدا بس بإذن الله خير طالما نيتك خير

للأسف لازم تتجوزي حد ي اما طبقته مشابهه ليكي ي اما اعلي منك لسبب ان طريقة التفكير بتختلف بالذات تعليميا دي كمان مشكله اوي التعليم مهم جدا فنضج التفكير بجد لانه بيمر بمواقف حياتيه بتجعل منه شخص ناضج ويبقا فكريا متوافق معاكي ي كدا ي اما هيبقا فيه مشاكل كتير جدا بسبب اختلاف التفكير وهتبقي انتي ناضجه عنه وبرضه صلي استخاره

حاجه حلوه كدا أولا ربنا يقربك دايما منه ويزيد الخشوع فصلاتك ويثبت قلبك علي دينه ... انا شايفه ان الانسان لازم يوازن بين حياته العمليه وإنتاجه وبين وقته لنفسه لازم نخصص وقت لنفسنا ولو نسعد نفسنا بحاجه بسيطه فيلم مسلسل اي حاجه بس الحاجه دي متشتتناش عن انتاجيتنا وعن حياتنا بس فكرة ان الشخص يعيش حياته ناشفه وجاده اوي ملل وانه يعيش حياته كلها تفاهه ولعب ملل برضه فالصح ان زي ما في وقت انتاجيه ليكي وقت لنفسك تتبسطي فيه وترفهي عن نفسك عشان متتخنقيش ودا طبعا مينفعش انه يلهيكي عن علاقتك بربنا يعني الصح ان تدي لكل حاجه حقها الانتاجيه وتطوير الذات وطبعا برضه الرياضه مهمه جدا جدا ممكن ندخلها فيوم بحيث تضيف علي اليوم ومع الصلاه البركه بجد هتزيد

مش يمكن مش خير ليكي ربنا بيبعد عنا دايما الحاجه اللي مش خير لينا ف احمدي ربنا واشكريه وادعيه يعوضك ويجبر بخاطرك

الواحد من فتره للتانيه لازم يفقد شغفه غصب عنه ويحس ان الحياه ملهاش طعم والحل انه يواجه دا غصب عنه ويتحدي نفسه صعبه فالاول بس لازم يدي فرصه لنفسه يعدي الفتره دي وحلو ان في شغف للشغل والفلوس حاجه زي دي تخليكي عالاقل حابه شغلك بتطلعي من كل اللخبطه دي بالشغل دايما الهي نفسك بأي حاجه المهم متفكريش كتير بشكل مبالغ فيه وخدي فتره مع نفسك تفهمي فيها انتي عاوزه اي واي بيسعدك وواحده واحده هترجعي لحياتك بإستعانة ربنا طبعا

ولو علي زيادة الوزن مش مشكله الانسان جميل بروحه النضيفه وعشان نفسك تقدري تلتزمي فالأكل وتاكلي أكل صحي عشان صحتك ونفسك مش عشان اي حد تاني ربنا يسعدك 🤍🤍

ربنا بيعمل دايما اللي فيه الخير لعباده وكل انسان ليه نصيبه وطول ما انتي بتسعي لدا بالحلال ربنا هيكرمك فيها والتأخير دايما بعده جبر ربنا يرزقك بإبن الحلال الطيب اللي يستاهلك و يسعدك ويهنيكي ويرزقك الذريه الصالحه 🤍🤍

لو كان بيحبك بجد كان صدقك واداكي فرصه المهم انتي بينك وبين نفسك انك كويسه ومعملتيش حاجه ودا أهم حاجه وطالما اصلا مبينكمش خطوبه ولا كدا فهو مش من حقه يتعامل بالشكل دا كمان متزعليش نفسك وابقي خلي قريبتك تفهم جارك اللي حصل